مۇنەۋۋەر ئابدۇقادىر: دىل بايان(11)

مۇنەۋۋەر ئابدۇق · ۋاقتى: 2015-9-13 01:09:57


	دىل بايان(11) مۇنەۋۋەر ئابدۇقادىر ئ‍ېھتىمال مەن ئ‍اياللىق كوچىسىدا ئ‍ۆزۈمگە ئ‍ەگەشكەن شەپىسىز سايە ئ‍ۆزچېچىغا يامىشىپ ئ‍ۆسكەن ھەشىق پىچەك. ئ‍ېھتىمال مەن ئ‍ادەم ئ‍اتا تېنىدىن ئ‍ايرىۋېلىنغان يېتىم قوۋۇرغا بەختى قارا ،ئ‍ەقلى سۈزۈك قاشتىشىدەك. ئ‍ېھتىمال مەن بېلىقلار ئ‍اھىنى ئ‍اڭلاپ باقمىغان ئ‍ۈستى-بېشى ھۆل شاپتۇل چېچىكى رەڭ نىلۇپەر گۈلى ئ‍ېھتىمال مەن يېپى ئ‍ۈزۈلگەن رىشتە سەرسان يولۇچى توپتىن ئ‍ايرىلغان تەنھا تۇرنىدەك. ئ‍ېھتىمال مەن كىملەرنىڭدۇر ۋەسلى نىگاھىغا ئ‍ېجىل پەسلى باھارىغا ئ‍اشىق زۇمرەت كۆللەرگە شەيدا ئ‍اسماننىڭ ھاۋارەڭ كۆڭلىكىدەك. ئ‍ېھتىمال مەن ئ‍اشىق قۇشلار تېلىدا سۆزلىيەلمەيمەن مۇڭدىشالمايمەن سەن بىلەن ئ‍ېھتىمال ساڭا پەسىللەرنىڭ پەرقى يوق لەرزان ،لىۋەن شاماللارغا مەپتۇن سەن ئ‍ەمما مەن، سەن ئ‍ۈچۈن بىخلايمەن كۆكلەيمەن ئېچىلىمەن سارغىيىمەن تۆكۈلىمەن ئ‍ۆزۈمگە رەت-رەت كەچ كۈزدىكى كاككۇك گۈلىدەك. 2015-12 -سىنتەبىر، ئ‍ۈرۈمچى بۇ يازمىنى ئاخىرىدا ARKZAT تەھرىرلىگەن. ۋاقتى 2015-9-13 01:18

shaidayi · ۋاقتى: 2015-9-13 02:29:33


	دىل بايانلىرىڭىزنى تۆكۈپ تۇرۇڭ، كۆپچىلىك بىرلىكتە بەھىر ئ‍الايلى.

gheyurani · ۋاقتى: 2015-9-13 07:01:39


	سۆيگۈ پونتانلىرىڭىزدىن تۆكۈلگەن شېئىرىي پىكىرلىرىڭىزدىن سۆيۈندۈم، ھارمىغايسىز قېرىندىشىم.

arkan.5 · ۋاقتى: 2015-9-13 14:40:37


	مەن كىملەرنىڭدۇر ۋەسلى نىگاھىغا ئ‍ېجىل پەسلى باھارىغا ئ‍اشىق زۇمرەت كۆللەرگە شەيدا ئ‍اسماننىڭ ھاۋارەڭ كۆڭلىكىدەك. بولۇپمۇ بۇ مىسرالىرىڭىز مىنىڭ يۈرەك تارىمنى چىكىپ قويدى، پۈتۈن ئىشتىياقىڭىز بىلەن ئىجادىيەتكە بىرىلگەن زىھنىڭىز چىچىلىپ كەتمىگەي،قەلەم تۇتقان قوللىرىڭىز تىلىپ كەتمىگەي،ئىلھام بۇلاقلىرىڭىز بۇلدۇقلاپ تۇرغاي، سىزگە سالامەتلىك يار بولغاي

ئەينەك · ۋاقتى: 2015-9-13 17:37:24


	ئەسسالامۇ ئەلەيكۈم ھىس بۇلاقلىرىڭىزدىن قېنىپ ئىچتىم ئىلھام شەتبەتلىرىڭىز بۇلدۇقلاپ تۇرغاي جانىم بىلىقىزدىن سالام

ئەھەدى · ۋاقتى: 2015-9-13 18:39:48


	مۇنەۋۋەر خانىمنىڭ ‹ دىل بايان› لىرىدىن سەمىمى، ساددا، چىنلىق تۇيغۇسىغا باي بىر يۈرەكنىڭ گۈپۈلدىشىنى تىڭشىغاندەك بولدۇم. بولۇپمۇ مۇنۇ ئاخىرقى قۇرلاردىن: بىخلايمەن كۆكلەيمەن ئېچىلىمەن سارغىيىمەن تۆكىلىمەن ئ‍ۆزۈمگە رەت-رەت كەچ كۈزدېكى كاككۇك گۈلىدەك. بۇ يازمىنى ئاخىرىدا ئەھەدى تەھرىرلىگەن. ۋاقتى 2015-9-13 18:40

saypidinjan · ۋاقتى: 2015-9-13 22:15:01


	مۇبارەك بولسۇن ھەدە

qongkurqak · ۋاقتى: 2015-9-13 22:24:18


	تۆكىلىمەن ئ‍ۆزۈمگە رەت-رەت كەچ كۈزدېكى كاككۇك گۈلىدەك. شىئېرنى ئىنتايىن نەپس ئاخىرلىشىپتۇ، باشلىنىشىدىن داۋاملىشىشىغىچىمۇ شۇنداق نەپس يېزىلىپتۇ دەپ ئويلۇدۇم .

مۇنەۋۋەر ئابدۇق · ۋاقتى: 2015-9-14 19:12:30


	بارلىق ئەزىزلىرىمگە تەشەككۈر!!!

a.sadir · ۋاقتى: 2015-9-14 20:26:17


	«دىل بايان›› لارنىڭ مۇۋەپپەقىيىتىنى تەبرىكلەيمەن. ھېسىيات دولقۇنلىرى كۈۋەجەپ تۇرغاي!!

Gulnisa · ۋاقتى: 2015-9-14 22:33:54


	شېئىرىڭىز ياختۇردۇم ئەزىزىم،يوقاپ كەتمەي دائىم يوللاپ تۇرۇڭ..

Gulnisa · ۋاقتى: 2015-9-14 22:34:11


	شېئىرىڭىز ياختۇردۇم ئەزىزىم،يوقاپ كەتمەي دائىم يوللاپ تۇرۇڭ..

مۇنەۋۋەر ئابدۇق · ۋاقتى: 2015-9-15 16:54:35


	··· دىل بايان (13) . مۇنەۋۋەر ئ‍ابدۇقادىر . ھەر پەسىلنىڭ ھەر تەرىپى ئ‍ۆزگە ئ‍الەم، زوق ئ‍المىساڭ چۆل بىلىنەر گۈلۈستانمۇ. ئ‍ەھلى ئ‍اشىق گۈللەرگىلا مەپتۇن ئ‍ەمەس، كۆڭۈل بەرسەڭ ھوزۇر بىرەر زىمىستانمۇ. . تاغ-داۋانلار يىراق ئ‍ەمەس يار ۋەسلىگە، ئ‍ەگەر كىمكى تالىق بولسا ئ‍ەھدىسىگە. ئ‍ۆڭمەس نىچۈن بەرگى گۈلنىڭ قىراۋدىمۇ ، ئ‍التۇن قايتار ئ‍وت ئ‍ىچىدە ئ‍ەسلىسىگە… . بۇلۇتلارنىڭ ھەسرىتىدىن كۆكلەيدۇ جان، سۇنايلىنار چېمەنلەرنىڭ قەلەم قېشى. مىڭلاپ دەريا ئ‍اقسىمۇ گەر قۇدۇقلاردىن، ئ‍ۇ يازالماس دېڭىزلارنىڭ نەزمىسىنى... . قىش كېچىسى بەكمۇ ئ‍ۇزاق،بەكمۇ ئ‍ۇزاق، قاراڭغۇلۇق ئ‍ىچرە ياڭرار مۇڭلۇق ئ‍اھاڭ. تەنھا دەرەخ، غېرىپ ئ‍اشىق،مەجنۇنلارغا، كۈلمەس ھايات،كۈلمەس جاھان،ئاتسىمۇ تاڭ. . ھەسەت قىلار ،لىملارغىمۇ قارلىغاچلار، مەزمۇت قەددى كۆتۈرگەچكە ئ‍ايۋان- ساراي. مۇڭلاندۇرار نىچۈن ئ‍ۇتنى پەرۋانىلەر، تۇرسا بۇلبۇل، قارلىغاچلار تالاي-تالاي… · -ئ‍ۈرۈمچى 2015-15 سىنتەبىر

مۇنەۋۋەر ئابدۇق · ۋاقتى: 2015-9-15 16:59:01


	.. دىل بايان (12) كەچكۈز چېچەكلىرى مۇنەۋۋەر ئابدۇقادىر كەلدى كۈز سولدى باھار چېچەكلىرى، سۇكۇناتقا چۈمدى دالا ئ‍ېتەكلىرى. جەنۇپ تامان قاقتى قانات قۇشلار مەيۈس، مۇڭغا تولدى زەڭگەر ئ‍اسمان گىرۋەكلىرى. قاراپ قالدى جەنۇپ ياققا ھاسىلىق چال، شالاڭ ساقال يۈزلىرىدىن ئ‍ۆچكەن قۇياش. قانچە مەۋسۇم كۈتتى ۋەسلى رەيھانىنى، كەتتى ياشلىق ئ‍ەمما ئ‍ېشقى ئ‍ون سەككىز ياش. بار ئ‍ېدى ئ‍ۇنىڭ سەنەمگە يار بولغۇسى، مەجنۇن كەبى ئ‍الغاچ لىۋەن چال مەيلىنى. گەر باقسىمۇ ئ‍اي ۋە يۇلتۇز بىر-بىرىگە، باقمىدى قىز بىلمىگەچ چال ئ‍ېچ- سېرىنى… شۇندىن بۇيان سەنەم ئ‍ېشقى قۇرداش ئ‍اڭا، بولالمىدى ئ‍ۆزگە گۈللەر دىلداش ئ‍اڭا. گاھ ئ‍ېسقىرتىپ گاھ مۇڭلۇنۇپ ئ‍ۆتتى يىللار، تەنھا كېچە ،غېرىپ كەپە سىرداش ئ‍اڭا… 2015-يىل 13-سىنتەبىر، ئۈرۈمچ

قەلبىنۇر ئېلياس · ۋاقتى: 2015-9-15 18:27:44


	بۇ بىر يۈرۈش دىل بايانلىرىدا قىيامىغا يېتىۋاتقان تىل ماھارىتى بىلەن ئىنسانى تۇيغۇغا يېقىنلاشقا تۇيغۇلارنى بايقىماق تەس ئەمەس ئ‍ۆڭمەس نىچۈن بەرگى گۈلنىڭ قىراۋدىمۇ ، ئ‍التۇن قايتار ئ‍وت ئ‍ىچىدە ئ‍ەسلىسىگە… بۇ مىسرالار ‹‹ ئالتۇننى ئوتتا سىنا›› دېگەن ھېكىمەتنى ئەسلەتتى.