پەرىدە ئىسمايىل مېھرى:چۈشكۈنلۈككە قامچا سالغۇچى

چۈشكۈنلۈككە قامچا سالغۇچى

پەرىدە ئىسمايىل مېھرى

چىراق دېدى سېنى بەزىلەر،
قاراڭغۇنى قوغلار يىراق دەپ.
شامغا ئوخشاش كۆيگەن مېھرىگە،
تەڭداش بارمۇ ،قېنى ساناق؟دەپ.

ئىنژىنىرغا ئوخشاتتۇق يەنە،
لاھىيلىسەڭ دىلغا چىرتىيۇژ.
باغۋىنىم دەپ تەرىپلىرىڭ بار،
ئەجرىڭ سانجاق، «مېۋە»لىرىڭ ئۇز.

گاھ ئارتىسسەن ،گاھى رېجىسور،
مۇنبەر ئاتلىق سەھنە مەيدانىڭ.
ھەر بەيگىنىڭ چەۋاندازىنى،
يېتىشتۈرگەن سېنىڭ تەر، قانىڭ.

پادىچى سەن مىنگەن ئارغىماق،
چۈشكۈنلۈككە قامچا سالغۇچى،
ئىگىزىگە ئېسىلغان ماياك،
تەشۋىشىنى تۈننىڭ ئالغۇچى.

ئەم شىپاسى چارىسىزلىكنىڭ،
سەندىن پۈتكەن دۇنيا قامۇسى،
گۈل كۆركى سەن تارىخ بېتىنىڭ،
شەرىپىدە لەكمىڭ ئۈلگىسى.


2015-يىلى 9-ئاينىڭ 10-كۈنى (ئاتۇش)

بۇ يازمىنى ئاخىرىدا   -مېھرى تەھرىرلىگەن. ۋاقتى  2015-9-10 23:13  

ئىلھاملىرىڭىز بەركەتلىك بولغاي

ئوقۇتقۇچى - ئۇستازلارنىڭ ئوبرازىغا ۋەكىللىك قىلىنغان بۇ شېئىرنى ياقتۇردۇم، ېئىلھامىڭىز بەرىكەتلىك، قەلەم تۇتقان قوللىرىڭىز ھەركەتلىك بولغاي!

ئوقۇتقۇچىغا بەرگەن باھايىڭىز ھەقىقىتەن ئىلمىي بوپتۇ،ھەتتا ئوقۇتقۇچىنى قوياشقا ئوخشاتساقمۇ بولىدۇ.