تۇرپان ئەدىبلىرى جەنۇبىي تاغدا

جەنۇبىي تاغدىكى ئۆگىنىش ، ئىجادىيەت پائالىيەتلىرىڭلارنىڭ مول نەتىجىلىك ، ھەربىر كۈنۈڭلارنىڭ ئەھمىيەتلىك ئۆتۈشىگە تىلەكداشمەن ! ھارمىغايسىلەر ئەزىمەتلەر !

تۇرپانلىق ئەدىبلەرنىڭ جەنۇبىي تاغدىكى ئىجادىيەت كۇرسىنىڭ كۈڭۈللۈك بۇلىشىنى، كەلگۈسىدىكى ئىجادىيەت ئىشلىرىنىڭ ئۇتۇغلۇق بولىشىنى ئۆمىد قىلىمەن. ئۆمەرجان سىدىق، ئۆمەر ئابدۇللا قاتارلىق بارلىق كۇرسانىت دوستلارغا ۋە ئەيبۇ ياقۇپ قاتارلىق تەشكۈللۈگۈچى دوستلارغا ئوتلۇق سالام يوللايمەن.
  
(بۇلتۇر 7- ئايدا مەكىتتىن 18 نەپەر قەلەمكەش جەنۇبىي تاغقا بىرىپ 7 كۈن ئىجادىيەت كۇرسىغا قاتناشقان ئىدۇق. دوستىمىز ئەيبۇ ياقۇپنىڭ بارلىق ئىشلارنى ئەتراپلىق پىلانلاپ، ئىدىتلىق  ئۇرۇنلاشتۇرۇشى بىلەن ئىشلىرىمىز ناھايىتى نەتىجىلىك ۋە كۆڭۈللىك بولغان ئىدى.  شۇ تاپتا شۇ چاغدىكى شىرىن دەقىقىلەر خىيال ئىكرانىمدا تۇرۇپتۇ. ئەيبۇكامنىڭ  «ھەممىنى قىلغان شۇ ... » دېگەن شېئىرى قۇلاق تۈۋىمدە جاراڭلىماقتا. )

بۇ يازمىنى ئاخىرىدا   چىنزات تەھرىرلىگەن. ۋاقتى  2015-8-31 17:38  

مۇبارەك بولسۇن،دوستلار!
جەنۇبى تاغ بىلەن قېنىپ مۇڭدىشىپ ،قەلىمىڭلاردىن دۇردانىلەر تۆكۈلگەي!

جەنۇبىي تاغدىكى يازغۇچىلار جەمئىيىتىنىڭ ئىجادىيەت بازىسىدا ئۆگىنىش ۋە تەربىيلىنىشتا بولۇۋاتقان بارلىق ئەزىزلەرگە ئۇتلۇق سالام . پائالىيەتلىرىڭلار مەنىلىك ھەم ئەھمىيەتلىك بولسۇن . قەلىمىڭلار مول ھوسۇللۇق بولسۇن .

   8- ئاينىڭ 24 – كۈنى چۈشتىن بۇرۇن داڭلىق  ئەدەبىي ئوبزورچى مۇھەممەت پۇلات تۇرپان ئەدىبلىرىگە ئۆزىنىڭ ئىجادىيەت تەجىربىلىرى، ئىجادىيەت قاراشلىرىنى ئەمەلىي مىساللار بىلەن چوڭقۇر مەزمۇنلۇق سۆزلەپ بەردى ھەم ئەدىبلەر  بىلەن سۆھبەت ئۆتكۈزۈپ پىكىر ئالماشتۇردى. بۈگۈن يەنە « ئەدەبىي تەرجىمىلەر » ژۇرنىلىنىڭ سابىق  باش مۇھەررىرى ، داڭلىق ئەدەبىي تەرجىمان  غۇپۇر قادىر ئەدىبلەرگە ئەدەبىي ئەسەر تەرجىمە قىلىش تەجرىبىلىرى ، ئەدەبىي ئەسەر تەرجىمە قىلىشتا دىققەت قىلىشقا تېگىشلىك تەرەپلەردە ئەتراپلىق، چوڭقۇر مەزمۇنلۇق لېكسىيە سۆزلەپ بەردى  ھەم كۇرسانتلار بىلەن سۆھبەت ئۆتكۈزۈپ پىكىر ئالماشتۇردى .

كۈتۈش پەسلى

توختى زىياۋدۇن

بار پەقەت بىر تاللا شىرىن خىيالىم ،
سۈزۈپ ئالىمەن كېچە باغرىدىن .
رۇجەكتە يۇلتۇزنىڭ زەررەڭ كۆڭلىكى،
مەن ئاڭا چىرماشقان ئۇزۇن  زاماندىن .

دەرەخنىڭ ئۇسۇلى كۆيگەن قىرغاقتا ،
ئوتلۇق بىر سايىگە چۈشمەكتە شەبنەم .
بىر سائەت ئۇزۇندۇر ئەسىردىن تىمتاس ،
ۋاقىتنىڭ كۆزىدىن يۈتمەكتە ئەلەم .

بۇلاقنىڭ كۈيىنى سورىغان شامال ،
چەكمەكتە بىر تەننىڭ تارىنى ئاستا .
كىرگەن شۇ يۈرەك كۈتۈش پەسلىگە ،
ئۈنگەيمۇ ئۈمۈدنىڭ كەڭ دالاسىدا .

     2015- يىل 24 - ئاۋغۇست  جەنۇبىي تاغ ئىجادىيەت بازىسىىدا يېزىلدى .

جەنۇبىي تاغ


جەنۇبى تاغ
ئاتەش يۇرتىدىن كەلگەن ئۇن سەككىز ئوتقا،
ئويلاپ باقمىغان
ئىللىق باغرىنى بەردى ئۇلارغا .
ئون سەككىز ئوت،
ئون سەككىز قېپقىزىل يالقۇن ،

قول تۇتۇشتى ئەتىدىكى سەھەرگە .
غۇنچە
ياشلار سەۋداسى
يۈرۈكىگە سانجىپ ،
قىزىل كۆز تۇرمۇش ،
ئۆلتۈرىۋەتكەن ئوتلارنى
يېشىل باھارغا باغلىدى.

ئون سەككىز ئوتنىڭ
يالقۇنى ئوخشاش
سەۋداسى ئوخشاش
چۈشلىرى ئوخشاش .

ئون سەككىز ئوت
ئون سەككىز قېپقىزىل يالقۇن ،
سىلكىنمەكتە
سىلكىنمەكتە
جەنۇبىي تاغقا
ئوت كېتىدۇ چوقۇم بۇ قېتىم.



  __ 25- ئاۋغۇست  جەنۇبىي تاغ ئىجادىيەت بازىسىدا يېزىلدى .







بۇ يازمىنى ئاخىرىدا   زىننەت تەھرىرلىگەن. ۋاقتى  2015-8-25 20:45  

ئۆمەرجان سىدىق، تۇرغۇن جالالىدىن قاتارلىق دوستلارنىڭ تەشكىلاتچانلىقىغا ئاپىرىن! جەنۇبىي تاغ ئىلھاملىرى ئۈزۈلمەي دولقۇنلىنىپ تۇرسۇن. ھەممە ئەزىزلەرگە سالامىم يەتكەي.... بۇ يازمىنى ئاخىرىدا   ئۆزيول تەھرىرلىگەن. ۋاقتى  2015-8-25 10:45  

  8- ئاينىڭ 24 – كۈنى چۈشتىن كېيىن << شىنجاڭ ياشلىرى >> ژۇرنىلىدىن جۈرئەت سەيپۇل، ئەسقەر ياسىن، روزىمۇھەممەت مۇتەللىپ قاتارلىقلار تەكلىپ بىلەن يازغۇچىلار جەمئىيىتىنىڭ ئىجادىيەت مەركىزىگە كېلىپ تۇرپان ئەدىبلىرى بىلەن ئەدەبىي ئىجادىيەت ھەققىدە سۆھبەتتە بولدى ھەم  ژۇرنالچىلىق، ژۇرنالغا كېلىۋاتقان ئەسەرلەر ۋە ئۇلارغا قويۇلىۋاتقان تەلەپلەر ھەققىدە پىكىر ئالماشتۇردى. تۇرپان ئەدىبلىرىنىڭ تەكلىپ، پىكىرلىرىنى ئاڭلىدى.

جەنۇبى تاغدا ئارپىلار ئەمدى پىشتى

رەسسام ۋە شائىرە گۈلچېھرە باھاۋۇدۇن ئىجادىيەت مەركىزىمىزدە رەسىم سىزماقتا


ئەدەبىي تەرجىمان ئابلەت باھايىدىن خىزمەت ئۈستىدە


جەنۇبىي تاغ __ كۈزگە كىرىش

جەنۇبى تاغدا ئارپىلار ئەمدى پىشقان بولسا، تۇرپان ئەدىبلىرى تازا ياخشى چاغدا بېرىپتۇ، ئاشۇ ئارپىلارنى ئورۇپ، دانلارنى يىغىۋېتىپ قايتىسا تېخىمۇ ئوبدان بولاتتىكەن.

   تۇرپان قەلەمكەشلىرىنىڭ جەنۇبىي تاغ ئېتىگىدىكى ھەربىر پائالىيىتى ئاسايىشلىق بولغاي! قابىل تەشكىللىگۈچى ئۆمەرجان سىدىق، تۇرپان ئەدىبەلىرىنى بايقاپ، ئىلھام ۋە مەدەتلەرنى بېرىپ، پورەكلەپ ئېچىلغان بىر دەستە گۈللەرنى  قېزىپ چىقىپسىز. ئەجرىڭىز ئىزلار سالغۇسى!
    دىلكەش دوستلۇرۇمدىن رابىيە، ئامىنە، پەرىدە(گۈلبەدەن)قاتارلىق سەككىز گۈللەر، بوش كەلمەڭلار، جۇمۇ. سىلەرگە خوشاللىق يار بولسۇن.

تۇرپان ئەدىبلىرىنىڭ جەنۇبىي تاغدىكى كۈنلىرى كۆڭۈللۈك ئۆتكەي،ئىجادىيەتلىرى مول ھوسۇللۇق بولغاي، دوستۇم رابىيگۈل ئىبراھىم ئاسىم قاتارلىق سەككىز گۈلنىڭمۇ قەدىمى قۇتلۇق بولغاي

ئاخىرقى بىر كۈن قالغاندا كۆڭلۈم بەك يېرىم ،  پەقەتلا كەتكۈم يوق. نىمە دىگەن ئىسىل دوستلار، نىمە دىگەن ئىسىل ئۇستازلار...

  8- ئاينىڭ 25 – كۈنى « تەڭرىتاغ » ژۇرنىلى تەھرىر بۆلۈمىدىن پولات ھېۋىزۇللا، ئەركىن نۇر، ئىمىر ھەسەن ماخمۇت، مۇسا ئەھەت قاتارلىق دىلكەش دوستلار تۇرپان ئەدىبلىرىنى يوقلاپ چىقىپ، كۆڭۈللىرىنى ئىزھار قىلدى ھەم تاغتۇرادىكى شائىرلار «مۇشائىرە»سى پائالىيىتىگە قاتناشتى. مۇشائىرە پائالىيىتىدە شائىرلىرىمىزدىن مۇسا ئەھەت ،پەرىدە ياقۇپ ( گۈلبەدەن ) ، ئۆمەرجان ئولمايىت ، ئابدىسىم ئىسمايىل ( ئۈمىدى)، گۈلچېھرە باھاۋۇدۇن، توختى زىياۋۇدۇن ، ئەنۋەرجان باقىنىياز ، سەۋەيدۇللا شەيدۇللا ، رەيھانگۈل غەنىي ، تۇردىگۈل ئېلى  قاتارلىقلار ئۆزلىرىنىڭ شىئېرلىرىنى دىكلاماتسىيە قىلىپ، ئىجادىيەت تەسىراتلىرىنى بايان قىلىشتى.
بۈگۈن    « تەڭرىتاغ » ژۇرنىلى تەھرىر بۆلۈمىنىڭ باش مۇھەرىرى  پولات ھېۋىزۇللا تۇرپان ئەدىبلىرىگە نۆۋەتتىكى ئەدەبىي ئىجادىيەت ۋە شئېىرىيەتنىڭ ئومۇمىي ئەھۋالى ، بۇندىن كېيىنكى يۈزلىنىشى ، ئەدەبىي تەرجىمە ھەققىدە ئەتراپلىق لېكسىيە سۆزلەپ بەردى . « تەڭرىتاغ » ژۇرنىلى تەھرىر بۆلۈمىنىڭ مۇئاۋىن باش مۇھەرىرى ئەركىن نۇر، ئىمىر ھەسەن ماخمۇت،مۇسا ئەھەت قاتارلىقلار « تەڭرىتاغ » ژۇرنىلىنىڭ نۆۋەتتىكى ئەھۋالى قاتارلىقلارنى تۇنۇشتۇرۇپ ئۆتتى  ھەم ئەدىبلەر بىلەن قىزغىن
سۆھبەت ئېلىپ باردى.
پولات ھېۋزۇللا لېكسىيە سۆزلىمەكتە

ئەدىبلەر لېكسىيە ئاڭلىماقتا

ئەدىبلەر پولات ھېۋزۇللا بىلەن خاتىرە سۆرەتكە چۈشمەكتە

ئەركىن نۇر لېكسىيە سۆزلىمەكتە

گۈلبەدەن مۇشائىرە پائالىيىتىدە شئىر دېكلىماتسىيە قىلماقتا .


پولات ھېۋزۇللا ( ئوتتۇرىدا ) ئوڭ 1- رەت رەيھانگۈل غەنىي ،سول 3- رەت گۈلچېھرە باۋۇدۇن بىلەن بىرگە

پولات  ھېۋزۇللا بىلەن سەۋەيدۇللا شەيدۇللا

گۈلچېھرە باۋۇدۇن شىئېىر دېكلىماتسىيە قىلماقتا









بۇ يازمىنى ئاخىرىدا   ئا.باھايدىن تەھرىرلىگەن. ۋاقتى  2015-8-26 09:18