ئەھەدجان تۇردى(ت): ماۋدۇن مۇكاپاتى ئېلان قىلىندى

                   جۇڭگو يازغۇچىلار تورى خەۋىرى:
بۇگۈن چۈشتىن كېيىن 9-  نۆۋەتلىك ماۋدۇن مۇكاپاتى بېيجىڭدا ئېلان قىلىندى. باھالىغۇچىلار تاشلانغان بېلەتنىڭ ئاز- كۆپلىكىگە ئاساسەن گې فىينىڭ(1964-يىلى تۇغۇلغان)«جىياڭنەن تىرولوگىيەسى»، ۋاڭ مىڭنىڭ «بۇ يەردە مەنزىرە زەپمۇ گۈزەل»(بۇ رومان 2 توم بولۇپ ئۇيغۇرچە نەشىر قىلىنىپ بولغان)، لى پېيفۇنىڭ «ھاياتلىق قوللانمىسى»، جىن يۈچىننىڭ «غوللۇق گۈل»(بۇ رومان تۇنجى نۆۋەتلىك شى نەيئەن رومان مۇكاپاتىغا ئېرىشكەن، ئۆزگىچە، ئېسىل رومان)، سۇتۇڭنىڭ «سېرىق قۇشقاچ» (بۇ رومان داڭلىق تەرجىمان قادىر راخمان تەرىپىدىن تەرجىمە قىلىنىپ، نەشرىياتىمىز تەرىپىدىن ئىشلىنىۋاتىدۇ) قاتارلىق 5 پارچە رومان مۇكاپاتقا ئېرىشتى.
    بۇ رومانلار تۆت يىلدىن بېرى نەشىر قىلىنغان رومانلاردىن تاللاپ چىقىلغان. ئوقۇرمەنلەر ئوقۇپ كۆرگەي.





بۇ يازمىنى ئاخىرىدا   ARKZAT تەھرىرلىگەن. ۋاقتى  2015-8-16 21:51  

ۋاڭ مىڭنىڭ «بۇ يەردە مەنزىرە زەپمۇ گۈزەل»روماننى ئوقۇۋاتىمەن .غۇلجىدىكى كىتاپخانلار كوپرەك ئوقىشى كىرەكتەك قىلىدۇ .بۇ سابىق مەدىنيەت مىنىستىرىنىڭ ئەينى يىللاردىكى كومۇنا ۋاقتىدا غۇلجىدىكى خوش -چاقچاق دوسىتلىرى .جاپا مۇشاقەتلىرى قايىللىغىمنى قوزغىدى .ۋاڭ مىڭ غۇلجىدا ئازاپنى ۋايىغا يەتكۇزىپ تارتىپ .ئۇيغۇرلارنى ھەققى چۇشۇنۇپ ،نىمىنىڭ ھەقىقى بەخت ،نىمىنىڭ بەخىتسىزلىك ئىكەنلىگىنى بىلەلمىگەن بولسا ھازىرقىدەك دۇنيا نوپۇسىنىڭ بەشتىن بىرىنى ئىگەللىگەن بۇ ئەلدە مەشھۇر يازغۇچى بولالمايتى .

















بۇ يازمىنى ئاخىرىدا   jallat تەھرىرلىگەن. ۋاقتى  2015-8-16 22:10  

بۇ رومانلارنىڭ بىر قىسمىنى ئۇزاققا قالمايلا ئۆز تىلىمىزدا كۆرەلەيدىكەنمىز .

گې فىي، سۇتۇڭ، لى پېيفۇلار ھەقىقەتەن ئېسىل يازغۇچىلار. بۇرۇنقى ئەسەرلىرىمۇ مۇكاپاتقا ئېرىشكەن ئەسەرلىرىدىن قېلىشمايىتتى. گې فىي مۇدېرنىزىم ھەرىكىتىنىڭ باشلامچىسى. سۇتۇڭ چەت ئەللەردىمۇ كاتتا مۇكاپاتلارغا ئېرىشكەن.
جىن يۈچىڭ بىزگە پۈتۈنلەي ناتونۇش يازغۇچى. ئۇ ئۇنچە كۆپ ئەسەر يازماپتىكەن. «غوللۇق گۈل» ئۇنىڭ تۇنجى رومانى ئوخشايدۇ. ئەمما كەم ئۇچرايدىغان ئۆزگىچە ئۇسلۇبتا يېزىلغان رومانكەن. تۈنۈگۈن پۈتۈن ئۈرۈمچىدىكى كىتابخانىلارنى ئارىلاپ، ئاران بىر تال تاپالىدىم. بۈگۈن ئوقۇشنى باشلىۋالدىم.ھەقىقەتەن قايىل بولدۇم بۇ يازغۇچىغا، ئەسەر دېگەن مۇشۇنداق ئۆزگىچە بولمامدۇ؟

شۈ زىچىننىڭ «ئېرۇسالىم» رومانى بەك كاتتا رومانتى. ئوقۇپ بىر ھەپتە ھاياجاندا يۈرگەن ئىدىم. بۇ 5 روماننىڭ تۆت پارچىسى ئۆزگىچىلىكى بار ئەسەركەن. ئەمما ۋاڭ مىڭ ئەپەندىنىڭ ئورنىغا شۈ زىچىن ئېرىشكەن بولسا بۇ نۆۋەتلىك ماۋدۇن مۇكاپاتى ھەقىقىي مەنىسىنى تاپقان بولاتتى. ئاخىرقى باسقۇچقا تاللانغان 10 روماننىڭ ئەڭ كۈچلىكى «ئېرۇسالىم» ئىدى. يەنە ياشقا قاراپ «ئىنئام» قىپتۇ مۇكاپاتنى.4-نۆۋەتلىك لاۋشې مۇكاپاتى بەك ئادىل، ھەقىقىي نادىر ئەسەرنى تاللاپ چىققانتى، خەيىر، بۇمۇ بوپتۇ. ئۇيغۇرلاردىن بىرىمۇ ئېرىشەلمىگەن بولسىمۇ، ئاخىرى ئۇيغۇرلار ھەققىدە يېزىلغان بىر رومان مۇكاپاتلىنىپتۇ. بۇ رومان ماۋدۇن مۇكاپاتىنىڭ نامى بىلەن باغلىنىپ، ھەر قايسى مىللەتلەرنىڭ بىزنى چۈشىنىشىدە قوللانمىلىق رول ئوينىسا ھېچگەپ ئەمەس. بۇ 5 ئاپتۇرغا مۇبارەك بولسۇن. بۇ يازمىنى ئاخىرىدا   ئەخەت تەھرىرلىگەن. ۋاقتى  2015-8-16 22:18  

سۇتۇڭنىڭ «سېرىق قۇشقاچ» (بۇ رومان داڭلىق تەرجىمان قادىر راخمان تەرىپىدىن تەرجىمە قىلىنىپ، نەشرىياتىمىز تەرىپىدىن ئىشلىنىۋاتىدۇ) ، بۇ قايسى نەشرىياتتۇ؟ دوستىمىز جاللات بىرەر نەشرىياتتا ئىشلەۋاتامدۇ نېمە؟
   ھە...ماقالە ئەخەتجان تۇردى تەرىپىدىن تەييارلانغان ئىكەن بىمەپتىمەن.
بۇ يازمىنى ئاخىرىدا   bagyar تەھرىرلىگەن. ۋاقتى  2015-8-16 23:19  

ئىنى دوستۇم بەگيار ،مەن بۇ تىمىنى گۇزەل -سەنئەت نەشىرياتىدىكى دوستىمىز ئەخەتجان تۇردىنىڭ ھاۋالىسى بىلەن شۇنىڭ نامىدا يوللاپ قويدۇم .مەن  نەشىرياتتا ئىشلەش تۇگۇل ،نەشىرياتنىڭ ئورنى جايلاشقان كوچىدىن تەمتىرەپ ،نەشىرياتنىڭ ئىشىگىنى چىكىشتىن تارتىنىپ ياشايدىغان ئادەم .قانۇن -سىياسەتلىرىمىز  ئاۋۇ شاڭگاڭ ،ئاۋمىنلاردەك نەشىرياتچىلىقنى بازارغا يۇزلەندۇرۇپ ئەركىن قويىۋەتكەن بولسا مەنمۇ نەشىريات قۇراتتىم .ئەپسۇس بۇ ئىشلار بەك مۇشكۇلدۇر

شۈ زىچىن ئەپەندىنىڭ «ئېرۇسالىم» رومانى بەك كاتتا ئىدى. بەك ئۇۋال بوپتۇ. باھالىغۇچىلار زادى نېمىنى ئويلايدىغاندۇ؟ ئادەمگە قارامدۇ ياكى ئەسەرگىمۇ؟ ئىچىم بەك ئاچچىق بولدى. تورداشلار «ئېرۇسالىم» رومانىنى بىر ئوقۇپ باققاي قېنى. رومان دېگەن قانداق بولىدىكىن، شۇ چاغدا ھېس قىلىپ قالىمىز!!!!

‹‹ئېرۇسالىم›› نى ئوقۇماي تۇرۇپ ئۇنىڭ كاتتىلىقىنى قانداق بىلدىڭىز بۇرادەر، بۇدا تاللىنالمىغان بولسا كىيىنكى قېتىم تاللىنىپ قالار، ئىچىڭىزنى ئاچچىق قىلماي، سەبىر قىلىپ كۈتۈپ تۇرۇڭ.

   دەل مەن دەك ئويلاپسىز، ئىشقىلىپ سۇ تۇڭنىڭ ئىرىشكىنى ياخشى بوپتۇ.

   6-قەۋەتتىكى ئىنكاسقا قاراڭ، ئەھەدجان «ئېرۇسالىم» ناملىق روماننى ئوقۇپ بوپتىكەن، 9-قەۋەتتىكى ئىنكاسنى قايتا ئوقۇپ بېقىڭ؟!