ئەخەتجان تۇردى: 9-نۆۋەتلىك ماۋدۇن ئەدەبىيات مۇكاپاتى

   جۇڭگو يازغۇچىلار تورى خەۋىرى:
   8- ئاينىڭ 12- كۈنى 9-نۆۋەتلىك ماۋدۇن ئەدەبىياتى مۇكاپاتىنى باھالاش ئىشخانىسى 2015-يىللىق 2- نومۇرلۇق ئۇقتۇرۇش ئېلان قىلىپ، بۇ يىل نامزاتلىققا كۆرسىتىلگەن 252 پارچە روماننى ئەستايىدىل ئوقۇش، باھالاش ئارقىلىق ئەڭ ئاخىرقى باسقۇچقا كىرگەن 10 روماننىڭ تىزىملىكىنى ئاشكارلىدى. پات ئارىدا تارقىتىلىدىغان مۇكاپاتتا، بۇ 10 روماندىن بەش پارچىسى تاللىنىپ مۇكاپاتلىنىدىكەن.
ماۋدۇن مۇكاپاتى ئېلىمىزدە نادىر رومانلارغا بېرىلىدىغان ئەڭ نوپۇزلۇق مۇكاپات بولۇپ، 8- نۆۋەتلىك مۇكاپاتلاشتىن باشلاپ مۇكاپات سوممىسى 500 مىڭ يۈەنگە ئۆستۈرۈلگەن. بۇ نۆۋەتمۇ مۇكاپات سوممىسى 500 مىڭ يۈەن بولىدىكەن.
  باھالىغۇچىلار، ئادىل، ئەستايىدىل باھالاش ئارقىلىق لى پېيفۇنىڭ «ھاياتلىق دەستۇرى»، گى فېينىڭ «جىياڭنەن تىرولوگىيسى»، شۈ زىچىننىڭ «ئېرۇسالىم»، لىن بەينىڭ «سەپەر خاتىرىسى»، جىن يۈچېننىڭ «چىگىش گۈل»، ۋاڭ مىڭنىڭ «بۇ جاينىڭ مەنزىرىسى»، سۇتۇڭنىڭ «سېرىق قۇشقاچ خاتىرىسى»، خۇڭ كىنىڭ «كاراب مەنزىرىسى»، فەن ۋېننىڭ «ئانا ماكان»، يەن جىننىڭ «ھاياتلىق» قاتارلىق 10 روماننى ئاخىرقى باسقۇچقا تاللاپ چىققان.
  1.گى فېي-1964-يىلى تۇغۇلغان. جۇڭگو مۇدېرنىزىم ئەدەبىياتىنىڭ بايراقدارى، داڭلىق يازغۇچى.(گى فېي ھەققىدە ئايرىم ماقالە تەييارلىنىۋاتىدۇ)
  2.ۋاڭ مىڭ- ئۇيغۇرلارغا ئەڭ تونۇش يازغۇچى.ئۇ ئۇيغۇرلار تېمىسىدا يازغان ئەسەرلىرى بىلەن داڭلىق. ئۇنىڭ بۇ نۆۋەت مۇكاپات نامزاتلىقىغا كۆرسىتىلگەن رومانى ئۆتكەن يىلى ئۇيغۇرچە نەشىر قىلىنىپ بولغان.
  3.سۇتۇڭ-1963-يىلى تۇغۇلغان.ئاۋانگارت يازغۇچىلارنىڭ ۋەكىلى، ئۇنىڭ «قىرغاق»، «زۇمرەت قىز» قاتارلىق رومانلىرى چەت ئەللەردىمۇ نوپۇزلۇق مۇكاپاتلارغا ئېرىشكەن.5-نۆۋەتلىك لۇشۈن مۇكاپاتىغا ئېرىشكەن «ئەلۋىدا سەھرا قىزى»، ماۋتەي لۇڭقىسى مۇكاپاتىغا ئېرىشكەن «ئۇنىڭ ئىسمى»، ۋە يېڭى ئەسىردىكى نادىر ھېكايىلىرىدىن «تاۋۇز كېمىسى»، «نەۋرە ئاكا- ئۇكىلار» قاتارلىق ھېكايىلىرى ئۇيغۇر تىلىغا تەرجىمە قىلىنغان. بۇ نۆۋەت مۇكاپاتقا كۆرسىتىلگەن «سېرىق قۇشقاچ خاتىرىسى» ناملىق رومانى نەشرىياتىمىز تەرىپىدىن ئۇيغۇرچە ئىشلىنىۋاتىدۇ.
  4.شۈ زىچىن- 1978- يىلى تۇغۇلغان.(بۇ ھەقتە يازغۇچىلار تورىغا بىرىلگەن «جۇڭگو ئەدەبىياتىغا تاشلانغان بومبا‹ئېرۇسالىم›رومانى»دېگەن ماقالىگە قاراڭ)
  5.فەن ۋېن- داڭلىق يازغۇچى.ئۇ تىبەت تېمىسىدا يېزىش بىلەن داڭلىق.فەن ۋېننىڭ «شىزاڭ تىرولوگىيسى» ناملىق 3 توملۇق رومانى جۇڭگودا قاتتىق تەسىر قوزغىغان.7نۆۋەتلىك ماۋدۇن مۇكاپاتىغا كۆرسىتىلگەن.(بۇ ھەقتە ئايرىم ماقالە تەييارلىنىۋاتىدۇ)

第九届矛盾文学奖评奖办公室公布
{2015年第2号}
李佩甫-”生命册“
格非-”江南三部曲“
林白- ”北去来辞“
徐则臣-耶路撒冷
金宇澄-繁花
王蒙-这边的风景
苏童-黄雀记
红柯- 卡拉布风景
范稳- 吾血吾土
阎真- 活着之上
(جۇڭگو يازغۇچىلار تورىدىكى خەۋەر ئاساسىدا تەرجىمە قىلىپ رەتلەندى)

ھەر قېتىم بىزنى قىممەتلىك يېڭىلىقلار بىلەن تەمىنلەپ ھاياجانغا سېلىۋاتقان، رىغبەتلەندۈرۈۋاتقان ئەخەتجانغا بارىكاللا. سىزنىڭ ئۈزۈلدۈرمەي بىزگە يەتكۈزۈۋاتقانلىرىڭزنىڭ ھەممىسى ئەدەبىيات-ساھەسىنىڭ ئىنتايىن قىزىق نوقتىلىق مەسىلىلىرىكەن. بۇ يازمىنى ئاخىرىدا   qongkurqak تەھرىرلىگەن. ۋاقتى  2015-8-13 11:48  

قىممەتلىك ئۇچۇرلار بىلەن تەمىنلىگىنىزگە رەھمەت!

ئەدىبىيات ساھەسىدىكى قىزىق نوقتىلاردىن ۋاقتىدا خەۋەر بېرىپ تۇرغىنىڭىزغا ۋە نامىنى ئانچە -مۇنچە ئاڭلاپ تۇرۇۋاتقان داڭلىق يازغۇچىلار ھەققىدە تونۇشقا ئىگە قىلغىنىڭىزغا رەھمەت .

ئىسىل تېما يوللىغىنىڭىزغا رەھمەت .بۇ توغرىسىدىكى ئۇچۇرلاردىن داۋاملىق ۋاقىپ بولۇپ تۇرۇشنى ئۈمۈت قىلىمىز .

بىزنىڭ جۇڭگودىكى ئەدەبىيات ساھىسىدىكى يېڭىلىقلار بىلەن ئەڭ تېز سۈرئەتتە بەھىرلەندۈرۈپ كېلىۋاتقان ئەخەتجان ئىنىمىزنىڭ بۇ قۇتلۇق ئەمگىكى  داۋاملاشقاي.

ئىنىم ئەخەتجان، ئەڭ يېڭى ئۇچۇرلاردىن بىزنى ۋاقتىدا خەۋەردار قىلغىنىڭىزغا ئاپىرىن. مۇمكىن بولسا مۇشۇ قېتىم مۇكاپاتقا ئېرىشىدىغان 5 روماننىڭ تەرجىمىسىنى نەشرىياتلار ئەڭ تېز سۈرئەتتە نەشر قىلىپ تارقاتقان بولسا، بۇ ئەسەرلەرنىڭ بەدىئىي بالاغىتىنى كۆرۈپ باققان بولساق ئوبدان بوپتىكەن. رەھمەت سىزگە ئىنىم.

ئەدىبىيات ساھەسىدىكى يېڭىلىقلاردىن كەڭ تورداشلارنى خەۋەردار قىلىۋاتقان ئەخەتجاننىڭ
جاپالىق ئىزدىنىشى ۋە تىرىچانلىقىغا رەھمەت. مۇمكىن بولسا مۇشۇ قېتىم مۇكاپاتلانغان رومانلارنى تېزدىن تەرجىمە ئۇيۇشتۇرۇلغان بولسا بەل ياخشى بولاتتى.  تەرجىمە قىلىشقا  ئۇيۇشتۇرۇشقا توغرا كەلسە مېنىمۇ ئويلۇشۇپ قۇيۇشىڭىزنى  ئۈمۈد قىلىمەن. سۈپەتلىك تەرجىمە  قىلىپ تاماملاشقا كاپالەتلىك قىلىمەن. مەن تېخنىكوم مەكتەپلەرنىڭ بەش پارچە كىتابىنى تەرجىمە قىلغان . ھازىرمۇ ئەدەبىي ئەسەرلەرنى تەرجىمە قىلىپ كىلىۋاتىمەن. بۇ يازمىنى ئاخىرىدا   بوستان تەھرىرلىگەن. ۋاقتى  2015-8-13 14:09  

   ئېلىمىز ئەدەبىياتىدىكى يېڭىلىقلاردىن بىزنى خەۋەردار قىلىپ كېلىۋاتقان ئەخەتجانغا سالام! سىز يەتكۈزگەن ئۇچۇرلار ئاددىدەك قىلغىنى بىلەن بىز بىلىشكە تېگىشلىك ئىنتايىن مۇھىم ئۇچۇرلاركەن. بۇ جەھەتتىكى ئەمگەكلىرىڭىز يەردە قالمايدۇ. بۇ خالىس ھەم ياخشى ئىشنى ئۈزلۈكسىز داۋاملاشتۇرىشىڭىزنى سەمىمى ئۈمىد قىلىمەن. شادىمان بولۇڭ!

كەڭ مۇنبەر ئەھلىنى قىممەتلىك ئۇچۇرلار بىلەن تەمىنلىگىنىزگە رەھمەت

بۇ 10 روماندىن 4 روماننى ئىلگىرى كۆرۈپ بوپتىكەنمەن. قالغانلىرىنى بۈگۈن سېتىۋېلىپ كەلدىم. ئەتە كۆرۈشنى باشلايمەن. «غوللۇق گۈل» رومانىنىڭ ئۇسلۇبى بەكلا ئۆزگىچە ئىكەن. بۈگۈن سېتىۋېلىپ مۇندەرىجىسىگە ىاراپ بەكلا ھەيران قالدىم.بىزمۇ قاچان شۇنداق ئۆزگىچە رومانلارنى يازالارمىز، دەپ قالدىم. «ئېرۇسالىم» رومانىنى ئوقۇغاندىمۇ بەكلا ھەيران قالغان ئىدىم. بۈگۈنكى تۇيغۇممۇ شۇنداق بولدى. قىزىققۇچىلار سېتىۋېلىپ كۆرۈپ باققاي.
خەنزۇچە كۆرەلەيدىغان ھەممە قېرىنداشلىرىمىزغا تەۋسىيە قىلدىم!

第九届矛盾文学奖评奖办公室公布
{2015年第2号}
李佩甫-”生命册“
格非-”江南三部曲“
林白- ”北去来辞“
徐则臣-耶路撒冷
金宇澄-繁花
王蒙-这边的风景
苏童-黄雀记
红柯- 卡拉布风景
范稳- 吾血吾土
阎真- 活着之上
بۇ 10 روماندىن 5 پارچىسى تاللىنىپ كېلەر ئايدا مۇكاپاتلىنىدىكەن. 252 پارچە روماندىن ئاخىرىدا مۇشۇ 10 پارچىسىنى ئەڭ ئاخىرقى باسقۇچقا تاللاپ چىقىپتۇ. بۇ يازمىنى ئاخىرىدا   ئەخەت تەھرىرلىگەن. ۋاقتى  2015-8-16 01:42  

   مەن «ئەدەبىي تەرجىمىلەر» ژورنىلىدىن سۇ تۇڭنىڭ «نەۋرە ئاكا-ئۇكىلار» ناملىق ھېكايىسىنى ئوقۇغان، ھېكايىدىكى دېھقانلارنىڭ «يېمەي-ئىچمەي باي بولۇش» ھەققىدىكى  تەسۋىرلەر ئادەمنىڭ ئىچىنى سىيرىلدۇرىدۇ. بۇ ھېكايىدىكى نەۋرە ئاكا-ئۇكىلارنىڭ «تاسمىنى چىڭ باغلاپ ئۆي سېلىش»ى بىلەن، مۇ يەننىڭ «قىرىق بىر پو» رۇمانىدىكى شياۋتۇڭنىڭ ئانىسىنىڭ ئېرى تەرىدىن تاشلىۋېتىلگەندىن كېيىن «بەش ئېغىزلىق كاھىشلىق ئۆي سېلىش»ى ۋە كەنت باشلىقىنىڭ ئەسكى سوپىكىنى سېتىۋېلىشى؛ «نەۋرە ئاكا-ئۇكىلار»دىكى «گاڭپەن دۈملەش» بىلەن، «قىرىق بىر پو»دىكى «گۆش يېيىش»... قاتارلىق تەپسىلاتلار قىسمەن جەھەتتىن ئوخشاپ كېتىدۇ. مېنىڭ قارىشىمچە، بۇ ھېكايە گەرچە ئاۋۇ رۇماندەك بەدىئىي يۈكسەكلىككە ئىگە بولالمىسىمۇ، ھېلىھەم مۇتلەق كۆپ ئاھالىسىنى دېھقانلار تەشكىل قىلىدىغان بۇ جۇڭگودىكى دېھقانلار مەسىلىسىگە كۆڭۈل بۆلىدىغان ھەرقاندىقىمىز ئوقۇپ قويساق بولغۇدەك، ھېكايىدىكى بەدىئىي چىنلىق بىلەن، ئۆز ئەتراپىمىزدىكى تۇرمۇش چىنلىقىنى ماھىيەت جەھەتتىن سېلىشتۇرۇپ بېقىشىمىزغا تۈرتكە بولغۇدەك ھېكايە، دەپ ئويلايمەن. بەلكىم، ئۇنىڭ «سېرىق قۇشقاچ خاتىرىسى» ناملىق رۇمانى بۇ ھېكايىسىدىن تېخىمۇ ياخشىدۇ... بۇ يازمىنى ئاخىرىدا   ئادىل0998 تەھرىرلىگەن. ۋاقتى  2015-8-16 03:16  

　9-نۆۋەتلىك «ماۋدۇن ئەدەبىيات مۇكاپاتى»نىڭ نەتىنجىسى 8-ئاينىڭ 16-كۈنى بېيجىڭدا ئېلان قىلىندى.
باھالىغۇچىلار تاشلىغان بېلەت سانىنىڭ ئاز-كۆپلىكى بويىچە گى فېينىڭ «جىياڭنەن تىرولوگىيسى»، ۋاڭ مىڭنىڭ «بۇ جاينىڭ مەنزىرىسى»، لى پېيفۇنىڭ «ھاياتلىق دەستۇرى»،  جىن يۈچېننىڭ «چىگىش گۈل»، سۇتۇڭنىڭ «سېرىق قۇشقاچ خاتىرىسى»،  قاتارلىق 5 رومان بۇ قېتىمقى مۇكاپاتقا ئېرىشتى.


http://www.chinawriter.com.cn/news/2015/2015-08-16/250888.html

ئىنىم ئەخەتجاننىڭ خالىس ئەجرىگە تەھسىنلەر ئېيتىش بىلەن بىرگە، بۇندىن كېيىنكى تۈرلۈك ئىشلىرىغا نۇسرەت، ئىجادىي ئەمگەك مېۋىلىرىگە بەرىكەت تىلەيمەن!