ئابدۇرېھىم زۇنۇننىڭ «تىل ۋە شېئىر» ناملىق كىتابى نەشردىن چىقتى

تەلەپچان ئۇستازنىڭ كىتاۋىنىڭ يورۇقلۇققا چىقىشى كىشىنى سۆيۈندۈرىدىغان خاسىيەتلىك ئىش. ئۇستازنى چىن دىلىمدىن تەبرىكلەيمەن.

ئابدۇرېھىم مۇئەللىمنىڭ ئۇيغۇر تىلىنىڭ ئىلمىي تەرەققىياتى ئۈچۈن سىڭدۈرگەن ئەجرى ئۇنتۇلماستۇر.  ئۇنىڭ شېئىرلىرىمۇ چىگىت چاقمايدىغان مۇكەممەل قۇرۇلمىغا ئىگە نادىر شېئىرلاردىن. ماقالىلىرىنىڭ ئىلمىي قىممىتىمۇ يۇقىرى. ئابدۇرېھىم مۇئەللىمنىڭ بۇ مېھنەت مېۋىسىگە قۇتلۇق بولسۇن!

كېيىنكى قەدەمدە، ئۇنىڭ شېئىرلىرى، ۋە ئەدەبىي خاتىرە ئەسەرلىرىنىڭ نەشر قىلىنىشىنى ئۈمىد قىلىمەن!

ھورمەتكە سازاۋەر ئىنسان روھىنىڭ ئىنجىنىرى ئابدۇرېھىم زونۇن مۇئەللىمنىڭ تەتقىقات ۋە ئىجادى ئىزدىنىشلىرىنىڭ  مەھسۇلى بولغان ‹‹ تىل ۋە شېئىر›› ناملىق كىتاۋىنىڭ دۇنياغا كەلگەنلىكىنى  قىزغىن تەبرىكلەيمەن، مۇبارەك بولسۇن!شۇتاپتىكى خۇشاللىقىمنى ئۇنىڭغا بېغىشلاپ يازغان توۋەندىكى مۇشائىرە بىلەن ئىزھار قىلىشنى توغرا تاپتىم.
قارلىقنامە
(شائىر، يورنالىسىت ئابدۇرىھىم زونۇن ئەپەندىگەيېڭى يىللىق چاقچاق)

مۆھتىرەم ئۇستاز،سۆزۈمنى ‹ئەسسەلام› دىن باشلىدىم،
‹نېمىلەرنى يازغۇلۇق؟› دەپ باشنى بىردەم  قاشلىدىم.
ئويلىسام، بوپتۇ خېلى كۈنلەر كۆرۈشمەپتۇق، شۇڭا
ياغمىغان قارغا يۈلەپ چاقچاقتا ‹قارلىق› تاشلىدىم .

سۆڭرى ساقمۇ تېنىڭىز، خوپ ياخشىدۇ  ئەھۋالىڭىز؟
كېچە- كۈندۈز ئالدىراشلىق ئىچرە نىچۈك ھالىڭىز؟
چاپتۇرۇپ تۇلپار قەلەمنى ماڭدىڭىز سەپ ئالدىدا،
چاقنىدى كۈندەك ئىجاتنىڭ كۆكىدە  ئىقبالىڭىز .

سىزنى كۆپلەر ئىھتىرام،ئىخلاس بىلەن‹ئۇستاز› دېدى،
يۈرۈگۈممۇ ‹ قانچە ھۆرمەت قىلسا يەنە ئاز› دېدى.
بەزىدە قايىللىغىمدىن كېلىدۇ قىلغۇم ‹ ھەسەت›،
شۇ ھامان روھىم پىچىرلاپ:‹سەنمۇ شۇنداق ياز!›دېدى.

ئۆزگىچە خۇي- پەيلىڭىزگەبەكمۇ ماس بوي-بەستىڭىز،
سولدى ئەپسۇس،بەكمۇ بالدۇر خۇشفۇراق  گۈلدەستىڭىز.
گەرچە قىسمەت سىزنى يەكلەپ قايسى كويغا سالمىدى؟
شۇندىمۇ ھەر مۈشكۈلات، نى –نى تۈگۈننى يەشتىڭىز.

ئىككى ئون يىلدىن بىرى مەن سىزنى‹ سىرداش›بىلىمەن،
تويدا قولداش، باغدا قۇرداش، يولدا يولداش بىلىمەن.
بىر قەدەھنى تەڭ يېرىمدىن ئىچمىسەكمۇ  بەزمىدە،
ئىككى دۇنيالىق ئەزىز دوستۇم، قەسەمداش بىلىمەن.

شۈكرىكىم، مەنمۇ سالامەت،ئەمما دىلدا غەم تولا،
قالغىنىم يوق ئاچ-يېلىڭ،ئەمما كۆزۈمدە نەم تولا.
دەشتى چۆلدە ھالسىراپ يۈرگەن يىگانە  ئاھۇ مەن،
شۇ سەۋەپ تېشىمدا كۈلكە،دەرت ئىچمدە ھەم تولا .

ئېيتىڭا،قىش پەسلى شۇنداق مەرى سوغۇق  چاغمىدى؟
نەچچە كۈن بولدى قەدىرلىك قار تۈزۈك بىر ياغمىدى .
ئاھ، ئاشۇ ياشلىقتا قارلىق باغدا قالغان ئىز قېنى؟
چۈشسە ئەسكە رېتىمى قايسى يۈرەكنىڭ ئاغمىدى؟!

بىلىمەن، ھەر خانەنىڭ يانغاي چىراغى ئۆزگىچە،
يۈك ئېغىر،بولمايدۇ چاپماي گاھى ئوي، گاھ دۆڭگىچە.
شۇندىمۇ تۇرساق بولاتتى كۈندە يوقلاپ، ئىزدىشىپ ،
كىم بىلۇر،كىم بارۇ-كىم يوق،يەنە بىرقىش كەلگىچە.

ۋاختىڭىز يەتسە غېرىپ خانەمگە پات-پات كەپ تۇرۇڭ،
چۈشسە ھاجەت،بولسا خىزمەت ئايىمايلا دەپ تۇرۇڭ.
تىرمىشىپ ئاتمىش داۋاندىن ھالقىماق سەل تەس ئىكەن،
مەن غېرىپنى تاشلىۋەتمەي ئاز-تولا  ئىزدەپ تۇرۇڭ.

ۋەسسەلام، بولدى تامام،ئۇستازغا يازغان ‹قارلىق›ىم،
شەرت-جاۋابى نەزمىدىن  ئۆزگە  ئەمەستۇر  يارلىقىم.
ئىككى تەن، بىرجۈپ يۈرەك ئوخشاش رېتىمدا سوقسا گەر،
دوست ئۈچۈن، دوستلۇق ئۈچۈن بولغاي تەسەددۇق بارلىقىم!
              2013-يىلى27-دىكابىر كېچە

ئۇستازغا مۇبارەك! چىن قەلبىمدىن تەبرىكلەيمەن. بۇ كىتابنى چوقۇم سېتىۋېلىپ ساقلايمەن ھەم ئوقۇپ چىقىمەن.

بۇ پىشقەدەم ئۇستازنىڭ نەچچە ۋاقىتلاردىن بۇيانقى ئېزدىنىشلىرىنىڭ مەھسۇلى،سالامەتلىك سىزگە يار بولسۇن!

تەلەپچان شائىر ئۇستاز ئابدۇرېھىم زۇنۇن مۇئەللىمنىڭ«تىل ۋە شېئىر»ناملىق ئىلمى ئەمگىكىنىڭ رۇياپقا چىققانلىقىنى قىزغىن تەبىرىكلەيمەن، مۇبارەك، مەنزىلىڭىزگە ئالقىشلار يار بولسۇن!

   ئەسسالامۇ ئەلەيكۇم مۇئەللىم تېچ-ئامان تۇرلىمۇ؟
    بىز ئۈچۈن بىر «قورال» تەييارلاپ بەرگەنلىكلىرى شەرىپىگە سىلىنى قانچىلىك قۇتلۇقلىساقمۇ كۆڭلىمىزنى ئىپادىلەپ بولالمايمىز. بۇ ئەجىر مېۋىلىرىدىن مەن بىر پارچە ئېلىپ، كۆڭلۈمنىڭ ھەم كىتاب ئىشكابىمنىڭ تۆرىگە قوياي، زۆرۈر تېپىلغاندا ئىززەت-ئېكرام بىلەن ئېلىپ پايدىلىناي، دېگەنىدىم. مۈمكىن بولسا ئۆز قوللىرى بىلەن ئىمزا قويغانلىرىغا ئېرىشەلىسەم كۆڭلۈم تېخىمۇ قانائەت تاپاتتى. گەرچە تەتىل بولسىمۇ بوسۇغا داۋاندىن ئاتلاپ بولالماي ئالدىلىرىغا بېرىشقا ئاجىز كېلىۋاتىمەن. قولايلىقراق يولىنى سىلى كۆرسەتسىلىرى، ئاخىرىنى مەن ماڭايمىكىن؟ سىلىگە مۇشۇنداق تەلەپنى قويۇشقا مەجبۇر بولغانلىقىمدىن ئۆزەممۇ خىجىل.
   ھەر ۋاقىت  سىلىگە ئامان-ئېسەنلىك، ئائىلىلىرىگە خاتىرجەملىك تېلەيمەن. بۇ يازمىنى ئاخىرىدا   ئادىل0998 تەھرىرلىگەن. ۋاقتى  2015-8-6 22:24  

ئ‍ەدەبىيات نەزەرىيەسىگە ئ‍ائىت كىتاپلارنىڭ كۆپرەك نەشىردىن چىقىشىغا تىلەكداشمەن .

ئابدۇرېھىم مۇئەللىمگە مۇبارەك بولسۇن، ئۆز ئىجادىدىن يەنىمۇ كۆپ گۈلدەستىلەرنى خەلقىمىزگە سۈنۈشىنى ئۈمىد قىلىمەن!

مۇبارەك بولسۇن ئابدۇرەھىم مۇئەللىم، ئەجىرلىرى تېخىمۇ بەرىكەتلىك بولسۇن.

   مۇبارەك بولسۇن مۇئەللىم، بۇنىڭدىن كېيىنكى ئ‍ىجادىيىتىڭىزگە تېخىمۇ زور ئ‍وتۇق، ئ‍امەتلەرنىڭ يار بولۇشىغا تىلەكداشمەن!

مۇبارەك بولسۇن ئۇستاز، بۇنىڭدىن كېيىنكى ئ‍ىجادىيەتلىرىگە تېخىمۇ زور ئ‍وتۇقلار يار بولسۇن

ئۇستاز ئابدۇرېھىم زۇنۇنغا مۇبارەك بولسۇن! قۇتلۇق قەدەملىرى يەنىمۇ نۇرانە پەللىلەرگە يەتكۈزسۇن!

ئاللاھ خالىسا كىلەر ئايدا خوتەنگە بېرىشقا نىسىپ بولسا ئۇستاز بىلەن يۈز تۇرانە كۆرۈشۈپ تەلىملىرىنى ئاڭلاشقا تەقەززامەن!

ئابدۇرېھىم زۇنۇن ئۇستازغا مۇبارەك.

ئىجتىھاتلىق ئۇستاز ئابدۇرېھىم مۇئەللىمگە مۇبارەك بولسۇن!ئەدەبىيات تەتقىقاتىدا
قولغا كەلتۈرگەن بۇ ئىلمىي ئەمگەكلىرىنىڭ ئىلمىي قىممىتىگە ئالىي تەشەككۈر....!