تەمكىن:خوتەن

تەمكىن · ۋاقتى: 2015-7-24 12:05:48


	خوتەن خوتەن ئۆتمۈشتىن قېپ-يالىڭاچ چىقىپ قۇم دۆڭىدىن ھالقىغان سەھەر يۇرۇڭقاشنىڭ قونۇپ لېۋىدە تەشنالىقنى قاندۇرغان سەبىي... خوتەن رەسىدىگە ئۈلگۈرمەي تۇرۇپ قۇم شاھىغا ياتلىق بولغان قىز. كۆزى تولۇق سۈزۈلمەي تۇرۇپ كۈلكە تەندىن ئايرىلماي تۇرۇپ بارخانلارغا سىڭىپ كەتكەن ئىز. خوتەن ئوتتۇز ئىككى يۇلتۇزلۇق ئاسمان ئوتتۇز ئىككى ھەرىپلىك ۋەتەن. ياڭاقلىقتىن جاھىللىققىچە تەنھالىقتىن غېرىپلىققىچە تىزىغىچە پاتقاقلار كېچىپ كۈن چىقىشقا كەينىنى قىلىپ قېچىپ يۈرگەن ئازراق تەلەينى سۈزىۋىلىپ دەريا قېنىدىن سەبرىلەرنى يۈدۈپ يۈرگەن تەن! خوتەن مۇھەببەتنىڭ يېڭى يول خېتى. توپا يېغىپ تۇرغان ئاسماندىن جاھىللىقى قايتماس دېھقاندىن كېچەلمەستىن مۇزدەك گۈلخاندىن سۆيگۈ سوراپ ئۆتەر ئالقاندىن ھىجران ئۇنىڭ يەنە بىر چېتى... خوتەن تاشلاردىن يانچۇققا ئاققان قەسەميات سەن قۇمدەك يىرتىلىپ قانمىغان پەرياد. سۆزلەپ قۇم تىلىدا ئۆلمەس رىۋايەت غېلاپسىز خەنجەردەك تۇرغان شىكايەت. ھەر سەھەر يۇلتۇزلار چۈشىدە كۆرۈپ ئارزۇغا ئايلانغان تاتلىق ھېكايەت. سۈيى يوق دېڭىزدا قالغان يىگانە كېمىنىڭ كۆكسىدە يىرتىلغان يەلكەن. بىرنى بىر دەپ كەلگەن بۈگۈنگە ئوتتۇز ئىككى ھەرىپلىك ۋەتەن. 2015-يىل 24-ئىيۇل. شەھرى خوتەن بۇ يازمىنى ئاخىرىدا تەمكىن تەھرىرلىگەن. ۋاقتى 2015-7-24 12:28

shaidayi · ۋاقتى: 2015-7-24 14:14:42


	خوتەن ھەققىدە بېرىلگەن ئ‍ېسىل تەرىپلەشلەرنىڭ بايانى چەكسىز مەنا چوڭقۇرلۇقىدىن ئ‍ۆزگىچە زوق ئ‍الدىم. ئ‍ىزگۈ ئ‍ىلھاملىرىڭىزغا قاشتېشى كەبىي سۈزۈكلۈك، بارخان كەبىي چۈرۈكلۈكنىڭ يار بولۇشىغا تىلەكداشمەن! بۇ يازمىنى ئاخىرىدا shaidayi تەھرىرلىگەن. ۋاقتى 2015-7-24 14:15

ABLAJAN.BOWAKI · ۋاقتى: 2015-7-24 14:23:21


	« سۈيى يوق دېڭىزدا قالغان يىگانە كېمىنىڭ كۆكسىدە يىرتىلغان يەلكەن. بىرنى بىر دەپ كەلگەن بۈگۈنگە ئوتتۇز ئىككى ھەرىپلىك ۋەتەن.» دېگەن مىسرالار يېقىشلىق، مەنىدار چىقىپتۇ. بىراق، « شەھىرى، غېرىب، قەسەمياد، غىلاپسىز، لىۋى، سۈزۈۋېلىپ، قىپ-يالىڭاچ...» دېگەن سۆزلەرنىڭ ئىملاسىغا بىر قاراپ باقسىكەن، دەيمەن.

پۇرقەت · ۋاقتى: 2015-7-24 15:05:23


	ئىدىرىس رۇسۇل تەمكىن-ئاز ئەمما ساز يازىدىغان شائىر!

قاراتېكىن · ۋاقتى: 2015-7-24 15:30:07


	shaidayi يوللىغان ۋاقتى 2015-7-24 14:14 خوتەن ھەققىدە بېرىلگەن ئ‍ېسىل تەرىپلەشلەرنىڭ بايانى ... بارخاننى تەرپلەشكە ئىشلەتكەن «چۈرۈك» دېگەن سۈپەتكە قايتا قاراپ باقامسىز!

تەمكىن · ۋاقتى: 2015-7-24 15:53:27


	قاراتېكىن يوللىغان ۋاقتى 2015-7-24 15:30 بارخاننى تەرپلەشكە ئىشلەتكەن «چۈرۈك» دېگەن سۈپەتكە ق ... بەزىدە ئويلىمايلا قىلغان گەپلەر شۇنداق خاتا بولۇپمۇ قالىدۇ ئەمەسمۇ. شەيدايى بۇنىڭدىن كىيىن ھەر بىر ئېغىز گەپنى دەڭسەپ قىلىدۇ ئەمدى. بۇ يازمىنى ئاخىرىدا تەمكىن تەھرىرلىگەن. ۋاقتى 2015-7-24 16:35

تەمكىن · ۋاقتى: 2015-7-24 15:54:54


	ABLAJAN.BOWAKI يوللىغان ۋاقتى 2015-7-24 14:23 « سۈيى يوق دېڭىزدا قالغان يىگانە كېمىنىڭ كۆكسىدە يىرتى ... شئېرنى يىزىپ پۈتتۈرۈپلا مۇنبەرگە يوللىۋەتتىم. ئىملا خاتالىقى دېگەندەك تەرەپلەرگە يەنە بىر قۇر قاراپ باقاي. رەھمەت سىزگە.

ئۈمىدجان قادىرى · ۋاقتى: 2015-7-24 16:05:08


	خوتەن مۇھەببەتنىڭ يېڭى يول خېتى. توپا يېغىپ تۇرغان ئاسماندىن جاھىللىقى قايتماس دېھقاندىن كېچەلمەستىن مۇزدەك گۈلخاندىن سۆيگۈ سوراپ ئۆتەر ئالقاندىن ھىجران ئۇنىڭ يەنە بىر چېتى...

مەرھابا. · ۋاقتى: 2015-7-24 23:03:43


	ھە راسلام خوتەنكەن ،بەك ياخشى يىزىپسىز خۇش بولدۇم. بۇ يازمىنى ئاخىرىدا مەرھابا. تەھرىرلىگەن. ۋاقتى 2015-7-26 00:12

پۇرقەت · ۋاقتى: 2015-7-24 23:35:26


	مەرھابا. يوللىغان ۋاقتى 2015-7-24 23:03 ھە راسلام خويەنكەن ،بەك ياخشى يىزىپسىز خۇش بولدۇم. بۇ ئىنكاسىڭىزغا يەنە بىر قېتىم قاراپ بېقىڭە؟

چىنزات · ۋاقتى: 2015-7-25 10:59:43


	قەدىمىي شەھەر خۇتەن ھەققىدە يېزىلغان بۇ شېئىرىڭىز ھەقىقەتەن ياخشى چىقىپتۇ. بۇلۇپمۇ: «كېچەلمەستىن مۇزدەك گۈلخاندىن سۆيگۈ سوراپ ئۆتەر ئالقاندىن ھىجران ئۇنىڭ يەنە بىر چېتى... ... ... «بىرنى بىر دەپ كەلگەن بۈگۈنگە ئوتتۇز ئىككى ھەرىپلىك ۋەتەن» دېگەن مىسرالىرىڭىز ئادەمنىڭ ئىچىنى كۆيدۈرىدىكەن. ئەمما، ئىملا ۋە تىنىش بەلگىلىرىگە سەل قارىغاندەك قىلىسىز.

تەمكىن · ۋاقتى: 2015-7-25 11:33:52


	چىنزات يوللىغان ۋاقتى 2015-7-25 10:59 قەدىمىي شەھەر خۇتەن ھەققىدە يېزىلغان بۇ شېئىرىڭىز ھەق ... رەھمەت. ئىملا جەھەتتە ئابلاجان بوۋاقى ئوتتۇرىغا قويغان بىرنەچچەسۆزدە يېڭى ئىملا قائىدىسىگە ئەمەل قىلمىغانلىقىمنى ھېس قىلدىم. يەنى «غېرىب، قەسەمياد، غىلاپسىز، لىۋى، سۈزۈۋېلىپ، قىپ-يالىڭاچ» قاتارلىق سۆزلەر. تىنىش بەلگىلىرىگە كەلسەك ئۆزمچە ئاشۇنداق ئېلىشنى مۇۋاپىق كۆردۈم. پىكرىڭىزگە رەھمەت. ئەرسەرلەرگە بەرگەن پىكىر-تەكلىپلەر ساپلا ماختاش-ئۇچۇرۇش بولماي مۇشۇنداق بولغىنى ياخشى. چۈنكى ھە دىسىلا ئۇچۇرىۋەرسە ھېچكىم ئۆزىنىڭ يۈزىدىكى قارىنى بىۋاستە كۆرەلمەيدۇ-دە.

ئەلتۈرك · ۋاقتى: 2015-7-25 15:13:51


	بۇ شېئىرنى بەك ياخشى يىزىپسىلەر،ھەقىيقى خۆتەنلىكتەك.

uygurya · ۋاقتى: 2015-7-25 21:15:03


	خوتەن رەسىدىگە ئۈلگۈرمەي تۇرۇپ قۇم شاھىغا ياتلىق بولغان قىز. كۆزى تولۇق سۈزۈلمەي تۇرۇپ كۈلكە تەندىن ئايرىلماي تۇرۇپ بارخانلارغا سىڭىپ كەتكەن ئىز. بۇ مىسرالارنى ئوقۇپ خوتەندە يۈرگەن چاغلىرىم ئىسىمگە كېلىپ قالدى....ياخشى يېزىپسىز.

قارگۈلى · ۋاقتى: 2015-7-26 14:20:40


	شىئېرىڭىزغا مۇبارەك بولسۇن ، خوتەنگە بارغان چاغلىرىمنى ئەسلىتىپ قويدىڭىز ...

تەمكىن:خوتەن

باھا سۆز

باھا سۆز