لاۋا: غەزەل

           بىر كۈن
      
   ئوسمانجان زۇنۇن

«ئۆمۈرنىڭ مەنزىلى غايىب» دىمە ، بولغاي ئايان بىر كۈن،
بېھىشتەك چاھرى باغلارمۇ تۆكەر لەپ-لەپ خازان بىر كۈن .

دېڭىزدەك ياپيىشىل بۇغداي شامالدا يەلپۈنۈپ ھەيۋەت،
تولۇقنىڭ ئاستىدا"جان!" دەپ بولۇر چەش ھەم سامان بىركۈن.

كۆزىنىڭ قەھرى چاقماقتەك،كوچاڭغا ئوت قويۇپ ئۆتكەن،
چىرايلىق ناتىۋان قىزمۇ بولۇر ئاخىر جۇۋان بىركۈن .

«گاداي»دەپ چاغلىما ئەسكى چاپاندا توڭلىغان ئەرنى،
نىيەت-ئىقبالى پاك بولسا سالار كەڭ داستىخان بىر كۈن.


ئۈمت بەلباغىنى يەشمە، يۈرەكنى ئوۋلىسا ھەسرەت ،
جاناننىڭ بەھرىدە يايراپ كۈلەرسەن شادىمان بىركۈن.

              2015- يىلى 6- ئىيۇل ئاقتۇ

بۇ يازمىنى ئاخىرىدا   Erchin تەھرىرلىگەن. ۋاقتى  2015-7-6 19:59  

ئوسمانجان زۇنۇننىڭ يېڭى غەزىلىگە مۇبارەك بولسۇن. ياقتۇرۇپ ئوقۇدۇم.

««چاھرى» ئەمەس؛توغرىسى «چاھار». چاھار» نىڭ بىزچە مەنىسى «تۆت» دېگەنلىكتۇر. غەزەل مىسراسىدا بۇ سۆز قانداق زۈرۈرىيەت نوقتىسىدىن ئىشلىتىلدى،بىلمىدىم.

سالام قاراتېكىن:

«چاھرى»نىڭ توغرىسى «چاھار»ئەمەس بەلكى ئىككىىسى ئىككى سۆزدۇر،«چاھار » نىڭ مەنىىسى سىز دىگەندەك تۇر ، ئەمما «چاھرى باغ» (چارىباغ ياكى چاۋاغ مۇ دىيىلىدۇ)نىڭ مەنىىسى  «باغ-ۋارانلىق ھويلا »دۇر
بۇ يازمىنى ئاخىرىدا   ئوسمانجان زۇنۇن تەھرىرلىگەن. ۋاقتى  2015-7-7 00:31  

غەزىلىڭىزنىڭ ئۇتۇقى بىلەن سىزگە مۇبارەك بولسۇن ئاكا!

تەكرار... بۇ يازمىنى ئاخىرىدا   م.توختى سەببەت تەھرىرلىگەن. ۋاقتى  2015-7-7 11:29  

ئازغىنە سازغىنە غەزىلىڭىزدىن سۆيۈندۈم.

ئوسمانجان زۇنۇننىڭ بۇ غەزىلىگە مۇبارەك بولسۇن.

بۇ غەزەلنىڭ مۇۋاپپىقىيىتى بىلەن شائىر ئوسمانجان زۇنۇننى قۇتلۇقلايمەن!