سەمەندەر: بىر قىز ھەققىدە

سەمەندەر · ۋاقتى: 2015-7-4 20:59:13


	بىر قىز ھەققىدە سەمەندەر ئۆلۈمدىن ئۆلۈشۈم كېرەك ھاياتتىن ئۆلۈپ ئۆلۈمگە ئىرىشتىم ئەمدى ئۆلمەكچىمەن ئۆلۈمدىن بۇ ھايات مەنىسىز ئىدى،بۇ ئۆلۈم مەنىسىز ئىدى مەنە ئىزدەپ ئۆلۈپ چىقتىم دائىما ئۆلۈشۈم كېرەك باشقا بىر نەرسە بولۇپ تۇغۇلۇش ئۈچۈن بۇنىڭدىن ئۇنىڭغا ئاتلاپ يۈرىدىغان كېپىنەك كەبى ھەر قانداق تەرەپنى تۇتماسلىقىم داۋاملىق ئۆلۈپ چاقماق ئارىسىدىن ھەسەل يىغىشىم كېرەك سىماب ئەتىرىنى قورسىقىمغا توپلاپ پارچىلىنىشىم ھەر نەرسىدىن ئۆلۈشۈم كېرەك... زاھىد تالانى يېتىم قالدۇرۇپ تاقىدىم تېنىڭ توزغاق ئىشىكىنى تاشتى بۇلاق ئۈستۈمگە بېشىدىن ئېگىز كۆتۈرۈپ سۆيگۈڭگە ئاسىيمەن، ئاشىقىم قورال دېرىزىدە سەۋدا تۇتۇۋېلىپ چېچىمدىن كوچىغا قوڭۇر سۆرەيدۇ تىنىق تۇتۇلماقتا ،بۇغۇزدا چىقىراش ئاقار يۇلتۇزسەن،ئاشىقىم چېچەك ياۋۇزلاشماقتا ئايرىلىش جىنايىتىمىزنى ئاشكارلىماقتا تىنجىق ھاۋا رىشاتكىلارغا چېگرىلارنى سىزىپ چىقماقتا تام ئىتى ئايلىنىپ يۈرمەكتە،يېقىن كەلتۈرمەس كىشىنى سۆيگۈڭگە خائىنمەن،ئاشىقىم ئەسلىمە شاپتۇلىنى چۆرىۋېتىپ ئالاقىنى ئۈزدۈم ساختا تېنىڭدىن ئاسمان،زېمىن ۋە تۆت ئەتراپقا شەك كەلتۈرگەن ھالدا چىقىپ تالادىن ھەممىدىن ئۆلدۈم... قەلب مۇساپىسى ئالدىمدا تۇرساڭمۇ يىراقسەن،ئالەمنىڭ ئۇ چېتىدىنمۇ يىراق ساڭا بىر ئۆمۈر ئازلىق قىلىدۇ... -ئىيتقىنە،ئۇ قانچىلىك يىراقلىقتا؟ -ماڭا يېقىندىمۇ،يىراقتىنمۇ كەلمە* * پاسئاننىڭ جۈملىسى. بىر قىز ھەققىدە ئۇ بارماقلىرىدا:ئۈزۈم قۇرۇت~ماقتا ،يامغۇر ياغ~ماقتا،قۇشلار قون~ماقتا،بادام يە~مەكتە،كېچە نەپەسلەن~مەكتە؛ نۆلدىن بىرگىچە ئۇكام سىنت موچەنلەپ يىغقان پۇلىنى بوتكىدىن بىر قاپ شاكىلات ئېلىپ خەجلىۋەتتى شاكىلاتنىمۇ يەپ بولدى... بەرمەيمەن ئەمەس،بېرىپ تۇرىسەن،پۈتۈن بولمىسىمۇ،ئۆكسۈتمەي شۇندىمۇ ئۇنىڭ ئالقىنى تۆشۈك... بىتەرەپ تەن ئاستىغا سوزىدۇ روھ ئۈستىگە (سوزىدۇ) كۈچ تەڭلەشكەندە،بوي ئۆسۈشتىن توختايدۇ باشۋاغ ئۈزگەن شامال گەۋدىسى كېڭەيمەكتە ئۇۋا،قۇش،ئاسمان ۋە باشقىلار تۈگۈنى بىر يىلتىز تارتىش-خاتىرجەملىك ھەم بىزارلىق ھىس قىلدۇرىدۇ ئۇچۇش-راھەت ھەم قورقۇنچ ئېلىپ كېلىدۇ تەرەپ زەھەرلىك خۇسۇسىيەتكە ئىگە ماڭا يۈزلەن،ئۆزۈڭنى كۆرىسەن* ئوكتاۋىيو پازنىڭ جۈملىسى تەۋەلىك سەن ماڭا تەۋە ئەمەس مەن ساڭا تەۋە ئەمەس ئۇ قولىدا ئارخىپ خالتىسى كۆتۈرۋالغان ماڭا تەۋە نەرسىلەرنى بىر-بىرلەپ ساناپ چىقىپ تۇرۇپ قالدىم سەنمۇ تەن جاندا ئامانەت دەيدىغان گەپ بار ۋە ياكى قەرز پاتاڭغىچە ماڭا تەۋە بولغان تەقدىردىمۇ تولۇق تاپشۇرۇلمىغان كۆزنى يۇمۇپ ئاچقۇچە ۋاقىتلىق توختامغا خىلاپلىق ھادىسە كۆرۈلگەن قولۇڭدىكى ئالمىنى تولۇق يېيەلەمسەن؟ بەئەينى ساۋاتسىز،چۈپرەندە،شەرتسىز بەئەينى... ئۇنىڭغا ھەم بۇنىڭغا تەۋە بولماي سۈرگۇن ئولتۇرىسەن مەن ھەر نەرسە مېنى قوغلىۋېتىدۇ سەن بىر تام،بىر سىزىق،بىر قۇش،بىر ھاۋا مەن چەكلەنگە سەن سەن ئىسمى ئۆچۈرۈلگەن مەن تەرەپ نۆل گېرادۇس... ئېزىقىش يول يۇمشاق قەدەملىرى بىلەن ئېتتىك مېڭىپ سەل يىراقتا ماڭا توختىدى،ئاندىن قەدەملىرىنى يۆتكەپ كەتتى كوچىدىكى دولقۇندا بىر لەيلەپ ،بىر چۆكۈپ ،ئارقىدىنلا ھەممىنى قارىغا بويىدى يۈگرەۋاتقان مۈشۈك قۇيرۇقىدەك . بۇ يازمىنى ئاخىرىدا Erchin تەھرىرلىگەن. ۋاقتى 2015-7-4 21:44*

uygurya · ۋاقتى: 2015-7-5 10:39:49


	تەن ئاستىغا سوزىدۇ روھ ئۈستىگە (سوزىدۇ) كۈچ تەڭلەشكەندە،بوي ئۆسۈشتىن توختايدۇ باشۋاغ ئۈزگەن شامال گەۋدىسى كېڭەيمەكتە ئۇۋا،قۇش،ئاسمان ۋە باشقىلار تۈگۈنى بىر يىلتىز تارتىش-خاتىرجەملىك ھەم بىزارلىق ھىس قىلدۇرىدۇ ئۇچۇش-راھەت ھەم قورقۇنچ ئېلىپ كېلىدۇ تەرەپ زەھەرلىك خۇسۇسىيەتكە ئىگە ماڭا يۈزلەن،ئۆزۈڭنى كۆرىسەن* قۇتلۇق بولغايسىز ،سەمەندەر...

سەمەندەر · ۋاقتى: 2015-7-5 10:55:02


	ئېقىۋاتقان ئەينەك پولدا چاچرىغان قىزغۇچ نۇر كارىدوردا سىرلىق ھالدا مەۋجۇت ئارقا تەرەپتىكى دېرىزىدە يات كۆلەڭگە سەكرەيدۇ چىملىقتىكى پاكار دەرەختە يەلپۈنىۋاتقان كىرلىك قىزىقىش قوزغايدۇ ئەينەكتىن ئۆتۈپ كېتىۋاتقان چىراي سۇغا مەقسەتسىزلا چۆكۈپ كېتىدۇ تامغا يېقىن كەلسە شوراپ كېتىدىغاندەك تۇيغۇ بىلەن كۆزنىڭ ئاددىي تۆشۈكتىن قانچىلىك پەرقىلىق ئىكەنلىكىنى بىلمەكچى بولۇپ بېشىنى بولقىغا ئوخشاتقان ئادەم مەڭزىدىن قان ئېقىۋاتقان خىش چىشى ياللۇغلانغان ھايات ئەخلەت ساندۇقىدىن نەرسە ئىزدەيدۇ بۇرنىنى ئۇزارتالايدىغان بىرسى چىملىقتىن كېسىپ ئۆتىدۇ كېۋانت تاش يۇلتۇزلارغا چېچەك ئېتىۋاتقان دەرەخلەر ئەگىشىۋالىدۇ مۇناردىكى ئېتىزلىقتا بۇغداي ئورۇۋاتقان ئاي،توسۇپ قالغىلى بولمايدىغان پەرشتە قۇشقاچ ھەر نەرسە شۇ قەدەر سۈرلۈك ھالدا مەۋجۇت باشنى تېشىپ ئۆتۈپ ئاياغدىن ساقىپ چۈشىدىغان قارىئۆرۈك يامغۇرى ئېغىزغا يەتمەيدىغان ئۇزۇن ساپلىق چۈمۈچ ھادىسە چوتكىسى ئېچىپ كەتكەن ياڭاق يېغى دوڭغايغان ھاسىدىن تېمىۋاتقان قاق سەھەر پىشانىسى ئېچىلىپ قالغان قەبرە دوقمۇشتىن يۈگرەپ ئۆتىدۇ ئېتىكىدە مۈشۈكىنى ئوينىتىپ ئولتۇرغان قېرى پالچى ئايال بوسۇغىدا تىك تۇرغان دەستە بىلەن كۆز بېقىشىدۇ كەلكۈن كوچىلارنى ئېقىتىۋىرىدۇ،ئۆرۈلگەن قازان كېيىمنى بۇلغايدۇ،قىزغۇچ نۇر چاچراشتىن توختاپ سۈترەڭ ئاغمىخان چىملىقتىن يۈگرەپ ئۆتىدۇ قىلىچ ۋە ئەتىرگۈل چاقماق رېتىمىغا ئەگىشىپ رەڭ يىغىسەن كۈز ھەرىسى ئۆزىنى ھالاك قىلغاندەك، چاقىسەن-،دە تىلىڭ ئېغىزىڭغا پاتمايدۇ گۇگۇمدىكى ئات قارا چۆپلەرنى پۇرايدۇ ئاۋاز پەردەڭ ئىچىنىشلىق چىقىرايدۇ ئۆپكە قۇرۇشقا باشلايدۇ جۈمەكنى بار كۈچۈڭ بىلەن شورايسەن يېرىم كېچىدە كوچا چىراقلىرى پاھىشەخانىنىڭ ۋىۋىسكىسىدەك غۇۋا چاقنايدۇ بوسۇغىدا تاش گۈللەر ئۈنىۋاتقان ئاستى-ئۈستى قەبرىدە ئادەملەر ئۇخلايدۇ دەرەخكە قونۇۋالغان قۇش ھايال بولماي ئۇچۇپ كېتەر سەھەر ئېغىزىدىكى كېپىنەك ئاقىرىۋاتقان بالكۇندىن ئېسىلىپ چۈشكەن پاكار تام تىنىق سۇدا نەپەسلىنىۋاتقان كۆك بېلىق سىم تانىغا ئېسىلىپ تۇرغان كېيىم ئاسقۇچ قۇسۇق رەڭ بىنادىكى قارغۇ دېرىزە ھارغىن پەشتاققا ياماشقۇچى دۈملەنگەن ھاۋا قىزلىقىنى يوقاتقان چايدان نامەلۇم بىر كىتابتا ئاتلاپ ئۆتۈپ كەتكەن ئورتاق كېسەل بېشىنى قويسىلا كۆكلەپ قالىدىغان ياستۇق ئۇسسۇل ئويناۋاتقان تورۇستىن نەپەس ئالىدۇ سۈبىھى سۈتىنى ئىچىۋاتقان تۇمانلىق شەھەردە لاي پۇرايدىغان كارۋاتتىن سېنى ئېلىپ چۈشىدۇ يەرگە تۇنجى دەسسىگەن ئادەمدەك بىر ئاز تۇرۇپ قالىسەن زەي پۇرايدىغان يوللار ئۇدۇل چىشىنى چىقىرىپ ساڭا كۈلىدۇ قۇيۇن ئۇچىۋاتقان كوچىلاردا ئۇنى ئۇچرىتىسەن ئەپسۇن ئەپسۇن ئەپسۇن ئەمدى دەرەخكە بەكراق ئوخشايسەن… بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:02

دىللانى · ۋاقتى: 2015-7-6 00:53:26

نازى3 · ۋاقتى: 2015-7-6 20:42:40


	ياخشى يېزىپسىز ،ياقتۇردۇم.

سەمەندەر · ۋاقتى: 2015-9-3 22:30:27


	سەندىن قالغىنى كۆزۈڭنىڭ ئاسمىندا ئۇچقان ئىدىم بىر پەس يالقۇن ئىستەك بۇلۇتلىرىنى قوچۇيتتى لېۋىڭنىڭ ئىسكىرىپكىسى ئۈستىدە پەسىللەر دولقۇنلايتتى شامال يۇپۇرماقنىڭ سارغۇچ تىتىرەكلىرىگە يالىڭاچلىقىمىزنى يايغاندىن بۇيان يۇشۇرغىدەك نەرسىمىز قالمىدى جەننەتتىن قوغلىنىشتىن بۇرۇنقىدەك ئاشكارە ھالدا روبرو تۇرىمىز زېمىنغا چۈشۈرۈلگەندىن كېيىنكىدەك ئۆز-ئارا ئاغرىنىپ ،يېغىرىمىزنى كوچىلىشىمىز بۇنىڭدىن مەمنۇن بولغاندەك مەسخىرلىك كۈلىشىمىز يالغانچىلىق ئارقىلىق كۆڭلىمىزگە تەسكىن تېپىشمۇ ئامالسىزلىقتىن بولغان بىراق ،ئوچۇقتىن-ئوچۇق زەھەرخەندىلىك تىكىلىپ قاراشقا تاقابىل تۇرالماي ئۇياتتىن مۆكۈۋالغۇدەك يەر ئىزدىگىنىمىز قىسقىسى ئارىمىزدا سىرنىڭ يوقالغانلىقى «مانا، مەن » دەپ ئاشكارلىنىپ تۇرغاندەك ئۈمىدسىزلىنىش بىزگە ھۇجۇم قىلىپ بەرباتلىقىمىزغا قەدەر قىستاپ كەلدى شاخنى قويۇۋەتكىنىمگە خىلى زامانلار بولغان!! سەن جاھىللىق بىلەن قويۇۋەتمەسلىكىمنى ئۈمىد قىلاتتىڭ ھېچ بولمىغاندا ،قارغا كۆمۈلۈپ كېتىشتىن ئىلگىرى قۇياش نۇرىدىن سۈمۈرىشىمىنى ئىستەيتتىڭ بىزنى تۇتۇپ تۇرىۋاتقان غوللاردا قۇرتلار قاينىماقتا ئىدى بەلكىم كۆرگەنسەن؟ قوۋزاقلارنىڭ يېرىلغىنىنى يىلتىزلارنىڭ ئىغىر تىنىقىنى تۇپراقنىڭ ئۇچقۇنداۋاتقىنىنى بېشىمىزدىن بەخت قۇشىنىڭ ئۇچۇپ كەتكىنىنى گۇگۇمنىڭ قول سېلىپ كېلىۋاتقىنىنى راستىنلا،يۇشۇرغىدەك نەرسىمىز قالمىدى ئاشكارە ھالدا بىر-بىرىمىزگە ھۇجۇم قىلىمىز پاناھسىز قۇشلاردىن باشقا يەنە كىم بىزنى ئىزدەپ كېلىدۇ ؟ ۋۇجۇدى مۇزلىغان ئوتۇنچىدىن باشقا كىم بىزگە پالتا ئۇرىدۇ؟ ۋىسالسىز ئاشىقتىن باشقا كىم خازانلىق يوللىرىمىزغا قەدەم باسىدۇ؟ يېتىم ئىتلاردىن باشقا كىم تىنىقىمزنى پۇرايدۇ؟ بىلىشمەيتتۇق پەسىلدەك كەلدىڭ،پەسىلدەك كەتتىڭ! دۇنيانى يىغا-زار قىلىشقا يول قويمۇدۇم بىرەسىدىن «نېمىشقا؟»دەپ سورىمىدىم ياكى نەرسە-كېرەكلەرنى ئېتىپ تەلۋىلىك قىلىمىدىم خۇددى شۇنداق بولۇشى كېرەكتەك جىمجىتقىنە ئولتۇردۇم بىز يالىڭاچ قالدۇق تىلسىمات بۇلاڭ-تاراجقا ئۇچرىغاندا ئاچقۇچنىڭ نېمە كېرىكى دەيسەن؟ ئۆتكەن ھەر دەقىقىدە قەبرە تاشلىرىمىز بار ،بۇ بىر ئۆمۈر ئەسلەشكە يېتىپ ئاشىدۇ تاشقاتمىلار ئىچىدە مەڭگۈلۈك ئاۋازىمىز بار،تىنىچ كېچىلەردە قۇلىقىنىڭ ئۇنى كېزىدۇ ھەر ئالمىدا لەۋلىرىڭنىڭ تەمى بار ھەر نەرسىدە سېنىڭ ئەكسىڭ بار لېۋىمنىڭ تىللىرى ئۈستىدە بارماقلىرىڭ پىئانىنودەك چاپماقتا قىيالماسلىقنىڭ بەتتام شامىلى مېنى ھەريان ئۇرۇپ چۈشلەرگە ئاقماقتا سەرسان يۇپۇرماق بىر پىرقىرىغۇچ كەبى( تەنھا لەيلەپ چۈشتى پارچە-پارچە) يېپىنغۇدەك كېيىملىرىمىز قالمىدى بىزنى تۇتۇپ تۇرغان شاخلارمۇ قۇرۇپ كەتتى سوغۇق بىر پەيتكە دۇچ كەلگەنلىكىمىزنى ھىس قىلغانسەن ؟ بىزنى شاماللار ئېلىپ كەتسۇن! كەڭ تاپانلار جىسمىمىزنى ئېزىپ تالغان قىلىسۇن قۇشلار ئۇۋا ياسىسۇن ياكى تۇپراقنىڭ چوڭقۇر قاتلىمىغا كۆمۈلۈپ چرىندىلەر بىلەن ياتايلى بۇ مۇھىم ئەمەس! روھىمىزدىكى ئاشۇ قۇتراتقۇلۇق ھاياتلا بولىدىكەن باشقا بىر جايدا پارلايمىز سەندىن قالغىنى سۆيگۈ ئىكەنلىكىگە ئىشەندىم سەندىن قالغىنى كۈز ئىكەنلىكىگە ئىشەندىم ئىشەندىم-يۇ ق-ۇ-ر-ۇ-پ-ك-ە-ت-ت-ى-م! بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:02

سەمەندەر · ۋاقتى: 2015-9-4 00:37:56


	دۇنيادىكى ئەڭ گۈزەل ئوۋچى ئايال دۇنيادىكى ئەڭ گۈزەل ئوۋچى ئايال ھەممە تەرەپتىن كەلمەكتە قۇتقازغۇچىدەك شەپەق تەرەپتىن ئۆرلەۋاتقان گۇگۇم شامىلىدا ئۇنىڭ تىنىقىنى پۇرايسەن بىر قېتىملىق جىنسىي مۇناسىۋەتتەك شىرىن قىيالماسلىق قىزغۇچ تېرەڭنى بويلاپ ئېقىشقا باشلايدۇ ئۇنىڭ قولىدا مىڭ رەت ئۆلۈشنى ئارزۇلاپ قالىسەن(؟)سېنى قاراڭغۇخانىغا باشلاپ كىرىدۇ قورالسىزلا باش ئەگدۈرىدۇ ئاغرىتماي جان ئالىدۇ ئۇنى ھەر يەردە ئۇچرىتىسەن دېققەت قىلغان بولساڭ كېرەك:ئاڭا ئوۋلانمىغان بىرمۇ نەرسە يوق /ئوقياسىدىن قېچىپ قۇتۇلالمايسەن ھەرقانداق بىر ئوۋلاش-ئوۋلىنىش مۇناسىۋىتىدە ئۇنىڭ ئىزىنى بايقايسەن ھەر جاراھەتتىن ئۇنىڭ خۇشپۇرىقىنى ھىدلايسەن ئىنىقكى،قاراتاج ساڭا خۇيمۇ ياراشقان ئەي،دۇنيادىكى ئەڭ گۈزەل ئوۋچى ئايال بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:03

سەمەندەر · ۋاقتى: 2015-9-4 17:30:39


	چىتلاقنىڭ نېرىسىدا ئۇچرىشىش 1 ھاياتىڭنىڭ چىتلىقىدا قوڭۇر شاخ مەزمۇتقىنە تۇرىدۇ قەدىمىي بىر قەبرىنىڭ سالاسۇنىدەك ئۇندىكى توڭ مېۋىنى غاجىلاپ ياشاۋاتقىنىڭغا ئۇزۇن يىللار بولدى قېرى قوي كەبى مەلۇم دائىرىنى بويلاپ ئايلىنىسەنۇ-ئايلىنىسەن،ئېغىر ئارقاننى سۆرەپ چىشلىرىڭ تۆكۈلگەن،كۆزۈڭنىڭ نۇرلىرى ئۆچكەن ھالدا ئېللىپىس شەكىلدىكى چىملىقنى كېزىپ چىقىسەن يۇڭۇڭدىن ئېشىلگەن زەنجىر بوينۇڭغا چوڭقۇر پاتقان بىلمەيسەن ،بۇنىڭ زادى نېمىدىن دېرەك بىرىدىغانلىقىنى پاقلانلىرىڭنى پادىچىلار ئېلىپ كەتكەن كاناردا ھەرە ۋە بىزەڭ چېۋىنلەر زىياپەت قۇرغان «مۇشۇمۇ ھايات بولدىمۇ ؟ »ئۆز-ئۆزۈڭگە غۇدۇراپ قويىسەن مەجبۇرىي ئايرىۋېتىلگەندە كۆز ئالدىڭدا ئوچۇق-ئاشكارە نۇمۇسىغا تەگكەندە،چىشلىرىڭنى غۇچۇرلىتىپ باقتىڭ چۆپ كەبى چايناپ پۈركىۋەتسەڭمۇ دەردىڭنىڭ ئېشىپ قالغان قالدۇقى سېنى بىئارام قىلىدىغاندەك ھىس قىلىپ كۆزۈڭنى يۇمدۇڭ سۈتۈڭنى ساغىدۇ،چاپىنىڭنى سالدۇرۋالىدۇ،ئۈچىيىڭدىن تار ئېشىدۇ،مېڭەڭنىڭ قېتىقىنى يەيدۇ،باش سۆڭىكىڭدىن تاغ ياسايدۇ… ھاياتىڭنىڭ تارغىنە چىتلىقىدا سارغۇچ چۆپلەر ئارىسىدا ياتىسەن كانا،بۈرگە،قۇرت-قوڭغۇزلار قېنىڭنى ئىچىدۇ قەھرىتان سوغۇقتىن ياكى يۇقۇملۇق كېسەلدىن ئۆلۈپ كەتسەڭغۇ بولغىنى:سىرلارنى بىلىشىم كېرەك! پادىلار ئارىسىدىكى ھەر قانداق بىر قويدەك رايىشلىق بىلەن ئۆمرۈڭنىڭ يېرىمىدىن كۆپرەكىنى ئۆتكۈزۈپ بولدۇڭ،بۇنى مەن ساڭا دەۋاتىمەن: ۋاقىتنى بىلىسەن،بىراق ئويۇڭغا مەنە ھەققىدىكى خىياللار ئارلىشىپ باققان ئەمەس،ھاياتىڭ ئۈچبۇلۇڭلۇق مۇۋاززىنەتتىن چىقىپ باقمىغان،ھەر دەقىقە پۈتۈن ھاياتىڭغا تەڭلەشكەن قوزا ۋاقتىڭدا دوستلىرىڭ بىلەن چىتلاق يېنىدا تاقلىشىپ ئوينىغىنىڭ ئېسىڭدىمۇ؟ شورىلاردىن چىققانمۇ بولدۇڭ،بىراق «بۆرە كەلدى!»نى ئېڭىڭدا يۇشۇرۇن ئېلىپ يۈرگەچكىمۇ مەلۇم دائىرىدىن چىقىپ كەتمەي ياشلىقنىڭ گۈزەل مەزگىلىنى ئويۇن بىلەن ئۆتكۈزدۈڭ ئەمدى چىكەڭ ئاقارغان،كۆزلىرىڭ ياشاڭغۇدىغان،كالپۇكلىرىڭ ئىچىنىشلىق ساڭگىلىغان،ئورۇقلاپ بىر تېرە-بىر ئۇستىخان بولۇپ كەتكەن،قۇيرىقىڭ قايتقان دەريادەك ،جىنسىي ئەزايىڭ قورام تاشلاردەك يىرىكلەشكەن بىر بۇلۇڭدا تۈگۈلۈپ ياتىسەن ئالجىغان قېرى! ئېسىڭ يوق،ئۆزۈڭدىن ئاغرىنىسەن سۆڭەكلىرىڭدە يىڭنە تولغىنىدۇ،چاپاقلىرىڭ كۆزۈڭنى توسقان،قامچا يىلاندەك چاقىدۇ،جېگدە دەرىخىدە بىر توپ قاغا ساڭا قاراپ تۇرىدۇ،ئىت پۇراپ كەلمەكتە.. «ھايات بىلەن ئۆلۈم تامامەن ئۈستىمۇ-ئۈست چۈشمەيدۇ،ئۇ،قىسمەن مۇناسىۋەتتۇر!» بەتتام پاسارىنى چاينىغاچ مە…!مە…!مەرەيسەن « نېمىشقا ئوغلۇمنى قۇربانلىق قىلىسىلەر! نېمىشقا «قوي»بولۇپ سىلەرنىڭ تائام ئۈستىلىڭلەرگە ئېلىپ كېلىندۇق؟ ئىسمىمىزنىڭ مەنىسى نېمە؟ تۆت كوچا ئېغىزغا تاشلانغان تۇرۇپ قەدەملىرىمىزگە كىم ئىگە بولىۋالدى؟ نېمىشقا ھاياتىمىزنى قاشالىدىڭلار؟ كىمگە ئىشىنەي؟» ئىشتىھا ئېمىپىرىيىسىگە ياللىنىپ ئىشلەۋاتقان قارا ئىشچىسىغا ئوخشاش،بېشى ئاپتاپقا قاقلانغان تۇتقۇن كەبى،تۇمانغا ئورالغان قاراۋۇل بىنالاردەك،تۇيغۇسىز،يالىڭاچ،ئۆلۈك ھالدا تۇرىسەن 2 -قانداق نەرسە بولۇشنى ئويلايتتىڭ،-سورىدىم مەن -نۇرغۇن نەرسەن بولۇشنى ئويلايتتىم،-سەن شۇنداق دېدىڭ -بۇ ھالىتىڭنى ياخشى كۆرەمسەن؟ -ئازراقمۇ ياقتۇرمايمەن،بىراق باشقا ئامالىم يوق -ئۇرۇنۇپ باققىڭ يوقمۇ؟ -بولدى بۇلارنى دېيىشمەيلى،بېشىم قېيىۋاتىدۇ -تاختاي بولۇش، سەنچە كۆڭۈللۈكمۇ؟ -ئاناڭنى ! دېيىشمەيلى دېدىمغۇ ! -ئازراق ئىچىپ قويامسەن؟ -بۇ جايىدا بولدى -بۇلۇتلارنىڭ سۈرۈلىۋاتقىنىنى بايقىدىڭمۇ؟ -قانداقلا بولمىسۇن تولۇقى بىلەن سۈزىلىدىغانلىقىغا ئىشەنمەيمەن،ئىشەنگەن تەقدىردىمۇ سەن بىلەن داۋاملىق دېئالوگ قۇرغۇم يوق،سەن ئادەمنى بەك ئازدۇرىدىكەنسەن -بۇ چىتلاق ھەققىدە ئازراق پاراڭ سېلىپ بېرەمسەن؟ھېچ بولىمغاندا،بۇ چىتلاققا نىسبەتەن قانداق ئويدا ئىكەنلىكىڭنى ئاڭلىغۇم كېلىۋاتىدۇ -ئۇ ئەزەلدىن بار،ئۇنى ئۆزگەرتىش بىزنىڭ قولىمىزدىن كېلىدىغان ئىش ئەمەس -تەقدىرچىلككە ئىشىنىدىكەنسەندە؟ -بۇرۇن ئىشىنەتتىم،ھازىر كارايىتى چاغلىق بولۇپ قالدى ئەي،ھاياتنى قورشاپ تۇرغان ئۆلۈم چىتلىقى! ئۆلۈم بىلەن ھاياتلىقتىن تەشكىللەنگەن ئەبەدىيەت دېڭىزىنىڭ مېلودىيىسىگە تەڭكەش بولىۋاتقان، ئاپئاق كىرلىككە ئورىنىۋالغان تۇرمۇشنىڭ بىھۇدە سەنئەتكارىسەن تاشنىڭ بالىياتقۇسىغا ئولتۇراقلاشقان سۈكۈتزارلىقنىڭ يىگانە شاھىسەن قۇشلارنىڭ يىراق ماكانىدىكى غېرىبلىقنىڭ تولغىقىسەن 3 يىلانغا نەپرەتلىنەمسەن؟ ئەقىل-پاراسەتتىن يىرگىنەمسەن؟ بىردەم بولسىمۇ دۇنيانى بېشىڭدىن چىقىرىپ تاشلاپ ئۆزۈڭگە چۆكۈشنى خالامسەن ؟مېۋىلەر دەرەخنى خۇدا دېگەندە،دېڭىز تاغلارنى پەرىشتە دېگەندە،قوزىلار بالىياتقۇنى جەننەت دېگەندە،ئىتلار زەكەرنى مۇقەددەس دېگەندە،چارپاقا لايسۇنى ئاسمان دېگەندە،سانلار «0»نى ياراتقۇچى دېگەندە،ئىستىتىكا روماننى لۇغەت دېگەندە،قورال ئۇرۇشنى شەپەق دېگەندە،سوتسولۇگىيە ئادەمنى ماشىنا دېگەندە،بالىلارغا «پەيلاسوپ»دەپ ئات قويغاندا دۆتلىكىڭلەرگە نە قەدەر ئىشەندىم! ھاراقنى قارا-قويۇق ئارلاشتۇرۇپ ئىچكىنىڭگە قاراپ يىغلاپ تاشلىدىم. ھاياتىڭنىڭ باغچىسىدا تاللاشقا دۇچ كېلىسەن:ئۈچىتىن بىرنى تاللايسەن :كامالەت،گۇناھ،ئەركىنىلىك! ئېقىنلارنىڭ ئوكيانلارغا قۇيۇلىۋاتقانلىقىنى ھىس قىلغانسەن؟چىغىر يوللارنىڭ چوڭ يوللارغا تۇتاشقانلىقىنى كۆرگەنسەن؟توم-توم رومانلارنىڭ ئاخىرقى ھېسابتا بىر جۈملىگە يىغىنچاقلىنىدىغانلىقىنى كۆرۈپ يەتكەنسەن ؟ئۆلۈكلەرنىڭ قەبرىستانلىقتىن شەھەر بىنا قىلىۋاتقانلىقىنى ئاڭلىغانسەن؟ھەممەيلەننىڭ بىر قاۋاقخانىدا مەست بولۇپ كېتىۋاتقانلىقىنى،چېقىلغان كوزىلار قانچە كۆپەيگەنسېرى يېشىلگەنلەرنىڭ مىغىلداپ كەتكىنىنى،سەۋدالىقنىڭ پەلەك بويى ئۆرلەۋاتقىنىنى،ئەلمىساق ئۆلۈكلىرىنىڭ بىر توپ مەست گۇيلار ئىكەنلىكىنى تۇيغانسەن؟ بۇ كەڭرى كەتكەن ئۈزۈمزارلىقتا سائادىتىمىز كوزا-كوزىلاپ ھاراق ئىچىماقتا؛پۇتۇڭ جامنىڭ ئەڭ قاراڭغۇ كوچىلىرىنى تەنھا كەزمەكتە؛يۈرىكىڭ ئالەمگە سىغماس،ئۇسسۇلغا چۈشكەن بارماقلىرىڭدا يۇلتۇزلار چاقنىماقتا؛تىلىڭنىڭ تىرەن ھۆجەيرىلىرىدە،كۆزۈڭنىڭ تەگسىز ئەينەكلىرىدە،چۈشۈڭنىڭ قىزغىن دېرىزىلىرىدە غايىب نىگاھىم. -ئىجادچانلىققا قانداق قارايسەن،-دېدىم مەن -كەڭرى بوشلۇق ئاسمىنىمدۇر،قانىتىمنى يايىمەن -تاڭ كوچىسىدا قىمار ئويناۋاتقانلار ،سەنچە قانداق؟ -ئۇتقىنىدىن ئۇتتۇرغىنى جىق،ئومۇمەن،ئاشىق كۆڭلىنى ئاشىق چۈشىنىدۇ،دېمەكچىمەنكى،ئۇلار ئۇتسىمۇ-ئۇتتۇرسىمۇ چوڭ ئۆزگىرىش بولۇپ كەتمەيدۇ،چۈنكى ئۇلار نەتىجىگە قارغۇلارچە ئىشىنىپ كەتمەيدىغانلاردىن ھاياتنىڭ قىسقا باھارىدا،مۇكەممەللىككە ئىنتىلىدىكەنسەن-ھە بۇ ئەسلا تايىنى يوق بىر قىلىق پارچە-پۇراتلىق،ئەڭ ئۈنۈمسىز ئەمگەك بىلەن بارچە ئىشكلەرنى قومۇرۇپ تاشلا! ئويلىرىڭنىڭ ئەڭ تەلۋىلىرىدىن ئېلىپ بۇلۇتلارغا ياي! ئاندىن توپان يۇلتۇزى كەبى كېچىلەرنىڭ يىراق سۈرگۇناھىدا مىڭ يىللىق غېرىبلىقتىن كېيىن نۇرىڭنى ئۈستەلگە ئاچ! بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:04

سەمەندەر · ۋاقتى: 2015-9-5 13:35:33


	قەسىدە كۆزۈڭ -ئەپيۇن،ئۇ ،مېنى چۆكتۈرگۈسى كۆزۈڭ-قەبرە،ئۇ ،مېنى يەرگە ئاتقۇسى كۆزۈڭ-ئەپسۇن،ئۇ ،مېنى سەۋدا قىلغۇسى كۆزۈڭ-ئاتەش،ئۇ ،مېنى كۆيدۈرگۈسى كۆزۈڭ-ئۆلۈم،ئۇ ،مېنى ئۆلتۈرگۈسى كۆزۈڭ-كرېست،ئۇ ،مېنى دارغا ئاسقۇسى كۆزۈڭ -زۇلمەت،ئۇ ،مېنى ئورىغۇسى كۆزۈڭ-بۇلۇت،ئۇ ،مېنى نەمدىگۈسى كۆزۈڭ-شامال،ئۇ ،مېنى توزۇتقۇسى كۆزۈڭ-ئەجدىرھا،ئۇ، مېنى يۇتقۇسى كۆزۈڭ-چاقماق،ئۇ ،مېنى چاققۇسى كۆزۈڭ-مىخ،ئۇ ،ماڭا چوڭقۇر پاتقۇسى كۆزۈڭ-چېگرا،ئۇ ،مېنى سۈرگۈن قىلغۇسى كۆزۈڭ-ساباھ،ئۇ ،مېنى مەغلۇب قىلغۇسى كۆزۈڭ-شاراب،ئۇ مېنى غەرق قىلغۇسى كۆزۈڭ-ئېزىتقۇ،ئۇ، مېنى ئازدۇرغۇسى كۆزۈڭ-سۇئال،ئۇ ،مېنى كور قىلغۇسى كۆزۈڭ-چۆچەك،ئۇ ،مېنى ئېقىتقۇسى كۆزۈڭ-زەققۇم،ئۇ ،مېنى پالىغۇسى كۆزۈڭ-نۇر،ئۇ ،مېنى مەھرۇم قىلغۇسى كۆزۈڭ-پارازىت،ئۇ ،مېنى پارچىلىغۇسى سېنىڭ كۆزۈڭ- دۇنيانىڭ كۆكىنى كېيگەن ئاشۇ كۆزلىرىڭ گۇناھىمنىڭ مېتاللىرىنى ئېغىرلاشتۇرغۇسى! بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:04

سەمەندەر · ۋاقتى: 2015-9-5 14:00:39


	ئەبەدىيلىك دولقۇنى كۆتۈرلىدۇ،پەسىيدۇ يانمۇ-يان ئولتۇرغان ئاشىق-مەشۇقنىڭ كۆكسىدە دولقۇن ھاياجاندىنمۇ،تەشۋىشتىنمۇ ۋە ياكى باشقا بىر سەۋەب؟ چۈشەنمەك تەس پەقەتلا كۆتۈرلىدۇ،پەسىيىدۇ شۇنداق بولۇشنى ئىستىگەندەك شۇنداق بولۇشى كېرەكتەك مەلۇم بىر قىممەتنى بويلاپ تەۋرىنىۋاتقان پايچەكتەك مۇقىمسىز پىسخىكىمىزدەك بۇ ئىپادىلىگىلى بولمايدىغان مەڭگۈلۈك كۈيى بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:04

سەمەندەر · ۋاقتى: 2015-9-5 16:13:36


	قارغىش يۇلتۇزى ئەينەك ئۇندا بىر توپ بالا ئاڭا تاش ئاتىدۇ ۋەزىيەت تولىمۇ كەسكىن ھەممە سىرىنى جان تىكىپ قوغدايدۇ ،سۇئالدىن ئۆزىنى قاچۇرىدۇ چىڭ قۇچاقلاپ ئولتۇرۇپ لاي قونچىقىنى!! مېزى تىتىلىپ چىقىۋاتقاندەك چار مىخ ئۈستىدەك ئولتۇرۇپ قالغاندەك ئۇۋىسىغا ياغاچ سانجىلغاندەك ،ئۆزىنى ھەريان ئۇرۇپ سەندىن قاچىدۇ ئەمەلىيەتتە،بۇ بىر ياخشى كەيپىيات ساختا قىياپەتكە كىرىۋېلىپ بۇرۇتىنى مايلاپ كىمگە يوغانچىلىق قىلىشىدىكى-نا؟ كېچىسى ئادەم بەكمۇ ئاددىيلىشىپ كېتىدۇ بىر ئادەمگە يىغىنچاقلانغاندەك قارغىش يۇلتۇزى ئاستىدا كېيىملىرىنى سېلىشىدۇ ئىككى قۇتۇپ بىر ياستۇق ئۈستىدە پېئىللارنى سوقۇشتۇرىدۇ كېچە ھەر بىر ئادەمنىڭ مۈرىسىگە قونىدۇ... خورجۇندىن «خۇدا ۋە مېتافىزىكا» چىقسا نېمە بوپتۇ؟ ئەللېن جىنسىبېرگ:زەكەر مۇقەددەس ،دېگەن بولسا نېمە بوپتۇ؟ چارلىز بودلېر مۇھەببەتنى جالاپقا ئوخشاتقان بولسا نېمە بوپتۇ؟ ئاراڭدىن بىرسى چەتئەللىككە ئۆيلەنگەن بولسا نېمە بوپتۇ؟ ئەي قارغىش ياغدۇرغۇچى ،ساڭا ھەمدۇسانالار بولسۇن! «ئاياللار سىلەرنىڭ ئېكىنزارلىقىڭلار، خالىغان تەرەپتىن كېلىڭلار!» «ئايال»نىڭ ئورنىغا «مەن»نى ئالماشتۇرغىنىمدا يادرونى كۆزدە تۇتىمەن مەن،ھېلىقى بىر توپ قوغلاپ چىقىرىلغۇچىلارنىڭ ئورتاقلىقى مەن،دارغا ئېسىلغۇچىلارنىڭ ئەڭ قاراڭغۇسى مەن،سۈرگۈنلەرنىڭ شاھى مەن،قەتلىئامدىن مەڭگۈ تىرىك قالغۇچى قارغىش -مېنىڭ ئۆمرۈم سۈلھى بىلەن زادى چىقىشالمايمەن مەرىپەت-يۈزۈمدىن تۆكۈلگەن نۇر بىرلىككە مۇشرىكمەن ھۆكۈم جۈمىلىلەر:تۈۋرۈك مۇملىكچىلىك،ئەي،يۈكسەكلىكنىڭ دانا پەشتىقى كۆزلىرىڭ ئارىسىدا جىم ياتماس قىمىرلاشلىرىم بار مېنى قارغا،(ماڭا باسقۇنچىلىق قىل)،مېنى ئۆلتۈر يەنىلا ساڭا قەسىدىلەر ئوقۇيمەن نېمە قىلساڭ قىل: مەن بىلەن قارشىلاش ھەشقاللا كەمپۈتلىرىنى ئېتىكىڭگە تۆكىمەن ئاناڭنى! ماقال-تەمسىل توپلىمىڭنى ھېكمەت دىۋانلىرىڭنى ئاقماس نەزىرىيىرىڭنى جالاپنىڭ كىرلىكىدەك تىتىلغان مۇقەددەس كالاملىرىڭنى خۇرۇم مۇقاۋېلىق چۆچەك كىتابىڭنى ئۆرۈپ-ئادەت قامۇسلىرىڭنى «...ئاناڭنىڭ ئۆلۈمى راستىنلا بەك ئىچىنىشلىق بولۇپتۇ !!» بېشىڭنىڭ ئۈستىدە قارغىش يۇلتۇزى زېمىنغا لەرزان سىلجىماقتا ... بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:05

سەمەندەر · ۋاقتى: 2015-9-5 17:06:59


	دېكلاماتسىيە ئۇ: قارچۇغىسىنى باراقلىرىدا ئويناتقىنىچە توپ ئارىسىغا قوشۇلۇپ كەتتى ئويلىرىم لىڭگىرتاقتەك بىر كۆتۈرلۈپ بىر پەسىيىپ تۇراتتى خەيىر دېيەلمىدىم بىر ماشىنا چاقماق تېزلىكىدە يېنىمدىن ئۆتۈپ كەتتى تېرىتورىيەمنىڭ سىرتىدا ئاياغ تىۋىشلىرىنى ئاڭلىدىم بىر مۇخبىر مەندىن سورىدى: -ئەينى ۋاقىتتا يۈز بەرگەن ئىشلارنى ئەسلەپ بېرەلەمسىز؟ -كەچۈرۈڭ،بۇنى ئاشكارلاشقا ئامالسىزمەن -شۇ ۋاقىتتا قانداق ھىسياتتا بولغانتىڭىز؟ -كاللام سەگەك ئىدى،باشقىچە ھىسياتتا بولمىدىم -دېمەكچىمەنكى،تاكسىدا قايتىۋېتىپ نېمىلەرنى ئويلىغان ئىدىڭىز ؟ -ھېچنېمىنى ئويلىماسلىققا تىرىشتىم،بىراق ھەممىنى ئويلىدىم -شۇنداق بولغاندا،كېيىن قانداق بولدى؟ -ياشاۋاتىمەن ئۇ: مۈشۈكىنى پەپىلەيدۇ، ئاچچىق چۆپ يېگەيدۇ مەن: كۆككە قارىغاچ ئۇنىڭ كۆزىنى ئەسلەيمەن ئۇنىڭ ھەر بىر ھەرىكىتى مېنى كېچىگە يازىدۇ مەن: تەنھا ئولتۇرۇپ قەھۋە ئىچىمەن ئۇ :يالغانچىلىقنى قۇبۇل قىلالمايدۇ -ئەپەندىم،يەنە بىر ئاز سۆزلەپ بېرىشنى خالامسىز؟-تاماشىبىن مەندىن سورىدى -ئەلۋەتتە،پەقەت سىز نېمە دەۋاتقىنىڭىزنى ئاڭقارغان بولسىڭىزلا! بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:05

سەمەندەر · ۋاقتى: 2015-9-10 11:42:48


	我认为 ---献给妳还以为我们能得到幸福可你把我的希望破灭我带着绝望的感觉拖着沉甸甸的脚步提着一箱德国牌啤酒走进屋里与孤独碰杯喝尽你的痴情变成一个冷血动物… 我唯一的希望灭了我还能指望谁和我一生一世的？今夜我狠狠地从脑海里抹掉你的记忆从今天起我变成一个自由的人从今天起我关心自己（从今天起我是一个幸福的人）① 能熬就熬，能忍就忍：没有你我会死去我曾这样说过，你们也听过类似恶心的话怜悯的肖像就像个乞丐。除了痴情，沮丧，黑暗，孤独绝望，诅咒，我还能给你什么？你是我曾爱过的唯一的女孩我们每天早上一如既往的世界里醒来没有新鲜感，没有让人激动不已的感觉同一张床同一个屋子呼吸同样的空气互相误解，互相讽刺在一起真的没意思。我不会恋恋不舍我不会纠缠不清我不会抛弃自己没有你日子会照样的过我不会很快死去可是你的位置永远留给你空空如也。 (我用什么留住你？）② 比希望更可怕的还有什么？我认为每个人的选择值得尊重。 Bless you ！ ①海子的诗句 ②博尔赫斯的诗句 بۇ يازمىنى ئاخىرىدا سەمەندەر تەھرىرلىگەن. ۋاقتى 2015-9-10 11:46

سەمەندەر · ۋاقتى: 2015-9-12 15:44:21


	رۇبائىيلار 1 تەن شېخىڭدا غەمكىن گۈللەر ھەر تەرەپكە قاراپ مەغرۇر ئېچىلغان چۆكەر چاقماق گۇگۇمىغا كېپىنەكلەر يولۇچى بولۇپ 2 ئاسارە-ئەتىقە ساقلىغۇچى كەبى گۈل چاڭلىرىنى يىغقۇچى كەبى مەخپىي خاتىرىلەرنى تارتماڭغا سېلىپ ئۈزۈكىڭنى مىدىرلىتىشىڭ دەھشەت 3 سېنىڭ مەغرۇرلىقىڭ ئالدىدا سېنىڭ چۈشكۈنلىكىڭ ئالدىدا سېنىڭ قىزغىنلىقىڭ ئالدىدا ھېچ گەپ ئەمەس ھۇدۇقىشىم 4 بەزىدە پەرىقلىق كۆزدە قارىساڭمۇ يەكلىگىنىڭنى كۆرمىدۇق گۇگۇمدىن ئەتتىگەنگىچە ئۇچتۇق-يۇ، ئۆرلەپ چۈشەلمىدۇق ئۈزەڭگە 5 نامراتنى ئۆچ كۆرىسەن ئۇ بار-يوقىنى تەخلەپ ئالدىڭغا كەلسە سەندە يىرگىنىش يوق باغرىڭغا باسىسەن ھاياجان بىلەن 6 يەرگە ئۇرۇپ ئاتىسەن ياۋا كەپتەر كەبى قاياققا يۈزلىنىشنى بىلمەيمىز باغرىڭ ھەر ۋاقىت ئوچۇق ،ھەتتاكى دىۋىگىمۇ 7 ھارغانلارغا قونالغۇ ئۇسسۇزلارغا ئېچىملىك چۈشكۈنلەرگە تەسەللىي دەيدىغان ئوتلۇق كېچىدىن بىر كۈي تارايدۇ 8 مەستلىكنىڭ چوڭقۇرىغا غۇلىتىسەن شېرىن ئازابتا بولىمىز ئىستەكلىرىمىزنى ئۇزارتماقچى بولىمىز-يۇ جىمىپ قالىمىز 9 قوچۇپ ئۇخلاتمايسەن چاپىنىمىزنى دولىمىزغا سېلىپ چىقىپ كېتىپ ئەڭ مۇقەددەس بىر يەردە گاس چوڭقۇرلۇقتا بولىمىز ئۆلسەك مەيلى دەيدىغان 10 قىلىقلىرىڭغا چىدىماي لېۋىم توزۇشقا باشلايدۇ بېلىقچى بېلىڭگە لەڭگەر تاشلايدۇ بۇ باسما قۇدۇق ئەمەس تەگسىز بۇلاقلاردەك ئېتىلىمىز 11 قاراڭغۇ ئۆيگە باشلايسەن يالىڭاچ ھالدا تىنىقلارنى ئالماشتۇرىمىز كۈنگەي پۇراقلارنى تارقىتىپ يارا بۆرىلەردەك ھالسىرايمىز،نىگارىم بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:07

سەمەندەر · ۋاقتى: 2015-9-12 16:56:48


	مۇھەببەت ئېغىزىنىڭ نەدىلىكىنى بىلمەيدىغان بەلكىم ھەممە تەرىپى ئېغىز ئالمىنى تىتىش ئىستىكىڭ ؟ قايسى تەرەپتىن قارىساڭ مەززىلىك لەۋلىرىمنى كۆرىسەن قايسى تەرەپتىن كەلسەڭ ئىبادەت دەيمەنكى: «مەشرىقمۇ،مەغرىبمۇ مېنىڭ !» بۇ يازمىنى ئاخىرىدا سەمەندەر تەھرىرلىگەن. ۋاقتى 2015-10-26 11:07