گۈلنىسا ئىمامنىياز: يامغۇرنىڭ ئاۋازى

  يامغۇرنىڭ ئ‍اۋازى

گۈلنىسا ئ‍ىمامنىياز

   يامغۇرنىڭ ئۇزۇن بارماقلىرى،
  يېشىل ۋاراقلارغا زەخمەك ئۇرىدۇ.
  ياپراقلارنىڭ ئىنچىكە تارلىرى،
  ئىزگۈ ئاھاڭدىن يىنىك تىترەيدۇ.

  دەرەخ ئالقىنىدا توختاپ قالغان،
  قۇشلار ئىچەر سۈزۈك ھاياجاننى.
  توختاپ قالار گۈلنىڭ زىنىقىدا،
يامغۇرنىڭ چوككىدە ئاۋازى.

  يامغۇر مۇئەللەقتىن سويلايدۇ،
  سۈزۈك بەدىنى ئۇسسۇل ئوينايدۇ.
  شوخلۇق بىلەن چېكىپ دېرىزە،
  يۆل ئاۋازى خىيال نەمدەيدۇ.

  چاڭ-توزاڭلار كېتەر ماكچىيىپ،
  يامغۇرنىڭ قوپال ئاۋازىدىن.
   ھېسسىياتچان شامال يولقۇنار،
   تەبىئەتنىڭ نەمخۇش تىنىقىدىن.

بۇ يازمىنى ئاخىرىدا   shaidayi تەھرىرلىگەن. ۋاقتى  2015-6-26 22:52  

شېئىرنىڭ  تىلى  راۋان ، رىتىملىق چىقىپتۇ ،  ئەمما《يۆل》دىگەن سۆز ئۇيغۇرتىلى لىكسىكىسىدا  《ھۆل 》 دەپ  ئىشلىتىدۇ  شۇنىڭغا دىققەت  قىلسىڭىز  ！ شېئىرلىرىڭىزدىن  يىڭىچە مەنا  چىقىدىكەن . 

يامغۇرنىڭ ئۇزۇن بارماقلىرى،
  يېشىل ۋاراقلارغا زەخمەك ئۇرىدۇ.

شائېرەنىڭ كۈزۈتۈش قابىليىتى ، بەددىي بالاغەتنىڭ بەتلىرىنى ۋاراغلاپ،  جانلاندۇرۇشنىڭ سېھىرلىك چۈمبىلىگە مەنىلەرنىڭ گۈزەلىكىنى ئوراپتۇ .
  


  دەرەخ ئالقىنىدا توختاپ قالغان،
  قۇشلار ئىچەر سۈزۈك ھاياجاننى.
  توختاپ قالار گۈلنىڭ زىنىقىدا،
يامغۇرنىڭ چوككىدە ئاۋازى.

بۇ مىسرالاردىكى  ئادىمىيلەشتۈرۈش  لېرىكلىق ھاياجاننى قان قىلغان  ، ھەقىقى مەنىدىكى جانلىق بىر ئىنسان تۇيغۇسىنىڭ شئېريەت ئاسمىنىدىن مەنە زىمىنىغا تۆكۈلگىنىدەك جەلىپكار
بىلىندى .



  يامغۇر مۇئەللەقتىن سويلايدۇ،
  سۈزۈك بەدىنى ئۇسسۇل ئوينايدۇ.



بۇ ئىبارىلىرىڭىزدىكى گۈزەللىك تىل سەنىتىڭىزنىڭ پىشىپ يېتىلۋاتقانلىغىدىن دېرەك بەردى .



  چاڭ-توزاڭلار كېتەر ماكچىيىپ،
  يامغۇرنىڭ قوپال ئاۋازىدىن.
   ھېسسىياتچان شامال يولقۇنار،
   تەبىئەتنىڭ نەمخۇش تىنىقىدىن.



بۇ تاتلىق چىققان مىسرالىرىڭىزغىمۇ مۇبارەك ئادىشىم ! سىز ئۆز  ئۆزىڭىزدىن غالىپ ياشاۋاتقان مەزلۇمە...

بۇ يازمىنى ئاخىرىدا   قەلبىنۇر ئېلياس تەھرىرلىگەن. ۋاقتى  2015-6-27 14:33  

گۈلنىساخانىمنىڭ بۇ شىئ‍ ېرى ھەقىقەتەن ياخشى يىزىلىپتۇ، يامغۇرنىڭ ئ‍اۋازى قەلبىمنى لەرزىگە سالدى.

يامغۇر ياغقاندا
غۇسلى قىلغان كوچىلار ئارا،
يۈردۈم تەنھا گۈلدەك پورەكلەپ.
ئىگەم بىلەر يۈرىكىم يارا،
تەبىئەتتىن ئۆزگىلەر يەكلەپ...
نىچۈن مېنىڭ بۇ بەختىم قارا،
بەختىيارنى يۈرسەم يېتەكلەپ.

.....
يامغۇر ھەققىدە شېئىر يېزىشنى،يازغاننى بەك ياخشى كۆرىمەن.
يامغۇر قاتتىق ياغقان كۈنلەردە كۈنلۈكسىز كوچا ئايلىنىشىنى تېخىمۇ ياخشى كۆرىمەن.يامغۇردىن پاناھلىنىش ئۈچۈن قېچىشىۋاتقان،دۇكان،سودا-سارايلارنىڭ لەمپىلىرى ئاستىغا كىرۋېلىشقان ئادەملەر ماڭا قاراپ ھەيران بولۇشىدۇ.«ئاۋۇ قىزنىڭ ئىچىگە ئوت كەتكەن چېغىۋا...»دىيىشىدۇ. ئادەتتە كۈنلەپ،ھەپتىلەپ سىرىتقا چىقمايمەنۇ،ھاۋا تۇتۇلۇپ يامغۇر يېغىشقا باشلىغاندا ھىچبىر سەۋەب مېنى سىرىتقا چىقىشتىن توختىتالمايدۇ...
يامغۇرغا ئامراقلىقىم مېنى بۇ شېئىرنىڭ ئىچىگە سۆرەپ كىردى.

تۇيغۇڭىزنى ياخشى ئىپادىلەپسىز،سىزگە مۇۋەپپەقىيەت يار بولغاي

  يامغۇرنىڭ ئاۋازى ئۈنلەيدۇ سىم-سىم،
  گۈللەرنىڭ بەرگىگە تۆكۈپ يېشىنى.
  ھەسرىتىم بۇلۇتتەك ئۆكسىگەن دەقىق،
  مۇڭ سۆيگەن ھەسرەتتە كەزدىم كېچىنى.

يامغۇردىن زوق ئالغان تويغۇلىرىڭىزنى ئەركىن ئىپادىلەپسىز، ئىجادىيىتىڭىزگە ئوتۇق يار بولسۇن!

  قىممەتلىك ۋاقتىنى چىقىرىپ يازمامغا ئىنكاس يېزىپ مىنى قوللاپ سەمىمى تەكلىپ

  پىكىرلىرىنى بەرگەن ئەزىزلىرىمگە رەھمەت ئېيتىمەن!!!
  

يامغۇرنىڭ ئۇزۇن بارماقلىرى،
  يېشىل ۋاراقلارغا زەخمەك ئۇرىدۇ.
  ياپراقلارنىڭ ئىنچىكە تارلىرى،
  ئىزگۈ ئاھاڭدىن يىنىك تىترەيدۇ.

شېئىرى تىلدىكى گۈزەللىكتىن تولىمۇ زوق ئالدىم ...

          يامغۇرنىڭ ئ‍اۋازى

          گۈلنىسا ئ‍ىمامنىياز

   يامغۇرنىڭ ئۇزۇن بارماقلىرى
  يېشىل ۋاراقلارغا زەخمەك ئۇرىدۇ.
  ياپراقلارنىڭ ئىنچىكە تارلىرى
  ئىزگۈ ئاھاڭدىن يېنىك تىترەيدۇ.

  دەرەخ ئالىقىنىدا توختاپ قالغان
  قۇشلار ئىچەر سۈزۈك ھاياجاننى.
  توختاپ قالار گۈلنىڭ زىنىقىدا،
يامغۇرنىڭ چوككىدە ئاۋازى.

  يامغۇر مۇئەللەقتىن سويلايدۇ،
  سۈزۈك بەدىنى ئۇسسۇل ئوينايدۇ.
  شوخلۇق بىلەن چېكىپ دېرىزە،
  يۆل ئاۋازى خىيال نەمدەيدۇ.

  چاڭ-توزاڭلار كېتەر ماكچىيىپ،
  يامغۇرنىڭ قوپال ئاۋازىدىن.
   ھېسسىياتچان شامال يولقۇنار،
   تەبىئەتنىڭ نەمخۇش تىنىقىدىن.


      ئىمالادىكى ۋە تىنىش بەكلگىلەردىكى قىسمەن سەھۋەنلەرنى تۈزۈتىپ قويدۇم. شۇنداق ئۆرگەرتىۋالارسىز.
     شېئىرىڭىزدىكى قىلىقلاندۇرۇش ۋاسىتىلىرىدىن سۆيۈندىم.

مېنىڭچە ئاخىرقى كۇپلىت ئارتۇقچە.ھېچ بولمىسا يامغۇرنىڭ قوپال  ئاۋازى  دىگەن مىسرا

بۇ شېئىرىڭىز ھەقىقەتەنمۇ ياخشى چىقىپتۇ،سىزدە ئىلگىرلەش زور بولىۋاتىدۇ جۇمۇ گۈلنىسادە...

    ئەھمىيەتلىك ئىنكاسلىرىڭلار ئارقىلىق مىنى رىغبەتلەندۈرۈپ سەمىمى تەكلىپ-پىكىرلەرنى

   بەرگىنىڭلارغا تەشەككۇر. ئىجادىيىتىڭلارغا ئۇتۇق تېلەيمەن!!!

يامغۇرنىڭ ئۇزۇن بارماقلىرى،
  يېشىل ۋاراقلارغا زەخمەك ئۇرىدۇ...

بۇ مىسرالىرىڭىزنى بەكلا ياقتۇردۇم ، قۇتلۇق بولغايسىز...