مەلەك (ت): ئەزىز نەسىن ـــــ مېنىڭ كىمىم بار ئىدى ؟

‏مېنىڭ كىمىم بار ئىدى؟   
ئەزىز نەسىن (تۈركىيە)
مەلەك  تەرجىمىسى


ئۆيۈڭدىن، كىتابلىرىڭدىن يىراقتىمۇسەن؟
ئۇنداقتا ئۆزۈڭگە بىر تېلېفون قىلغىن،
مەكتۇب يازغىن جاۋابىنى كۈتمەستىن،
بارغان ھەربىر يېرىڭدىن تەبرىك كارتىلىرىنى ئەۋەتكىن.
سۆيۈملۈكۈم دەپ باشلىنىپ، سېنى سۆيىمەن دەپ ئاخىرلاشقان مەكتۇبلارنى ياز.
سېنىڭ سەندىن باشقا كىمىڭمۇ بار ئىدى ئىزدەي دېسەڭ؟!  
*
پويىزدىن ياكى ئايروپىلاندىن چۈشكىنىڭدە يالغۇزلىقىڭنى سۆيۈنۈش ئىلكىدە كۈتىۋالغىن.
ئۆز-ئۆزۈڭنى قايتىش بولمىغان سەپەرگە ئاتىۋەتكىن.
ئۆزۈڭنى كۈتكىن، «قايتىپ كەل» دەپ سەبىر ئىچىدە كۈتكىن،
سېنىڭ سەندىن باشقا كىمىڭ بار ئىدى كۈتىدىغان؟!
*
  شاراب ئۈستىلىدە ئۆزۈڭ ياپ -يالغۇز قالدىڭمۇ؟
سەن ئۆز- ئۆزۈڭگە يېتىپ ئاشىسەن.
ئۆزۈڭ بىلەن قانغۇدەك مۇڭداشقىن...
قەدەھنى ئۆزۈڭنىڭ ھۆرمىتىگە كۆتۈر!         
ئۆزۈڭ بىلەن يىغلا،كۈل،تارتىشىپ ئوينا،
سېنىڭ سەندىن باشقا يەنە كىمىڭ بار ئىدى؟!
*   
دۈشمىنىڭنىڭ زەربىسىدىن يەرگە يىقىلغىنىڭدا، ئۆز بېشىڭنى ئۆزۈڭ سىلكىپ،
چاچلىرىڭنى يۇلۇپ ئورنۇڭدىن تۇرۇپ كەتكىن،
ساڭا ئۆزۈڭنى تونۇتىدىغان بىر ئۆزۈڭدىن باشقا ھېچكىم يوق.   
*
ئۆلگەندە سېنىڭمۇ خەۋىرىڭ بولمايدۇ،
شۇڭا ئۆزۈڭگە ئۆلۈم خەۋىرىڭنى يەتكۈز.
سېنىڭ كىمىڭ بار ئىدى ئۆلۈم خەۋىرىنى يەتكۈزىدىغان؟!
*
ئۆزۈڭنىڭ مېھمىنى ھەم ساھىبخانىسەن،
ۋاقتىڭنىڭ بارىدا ئۆز- ئۆزۈڭنى ئەزىزلە...
ئۆزۈڭنى سۆي، ھازىردىن باشلاپ سۆيۈشنى باشلا،
سېنى سۆيىدىغان ئۆزۈڭدىن باشقا يەنە كىمىڭ بار ئىدى؟! .…

بۇ يازمىنى ئاخىرىدا   Erchin تەھرىرلىگەن. ۋاقتى  2015-6-10 13:32  

ئەگەر بۇ  ئەسەرنى ئەزىز نەسىن ئەمەس مەن يازغان بولسان ۋىلايەتتىكى ئەدەبىي ژۇرنالمۇ باسماس ئىدى، ئويلىنىپ قالدىم، بىزدىكى ئەدەبىي ئۆلچەم نەدىن كەلگەن بولغىتتى؟!

ياخشى بىر تەرجىمە بىلەن ئۇچراشقىنىمدىن كۆپ خۇرسەنمەن.

ھەقىقەتەن ئېسىل چىقىپتىكەن. تەرجىمە قىلىپ يوللىغۇچىغا تەشەككۈر.

ئادەمنى ھەر بىر دەقىقىدە ئۆزى ھەققىدە چوڭقۇر ئويلىنىشقا ھەقىقىي دەۋەت قىلىدىغان شېئىر ئىكەن. تەرجىمانغا تەشەككۈرلەر بولسۇن!

مەلەك دېگەن ئىسىمنى كۆرۈپ ھەيرانلىق  ھەم تەئەججۈپ بىلەن تىمىنى ئاچتىم...
كۆپلىگەن نادىر تۈركىيە فىلىملىرىنى تەرجىمە  قىلىپ ھوزۇرلىنىشىمىز ئۈچۈن سۇنغان مەلەك مۇشۇ قىزمىدۇ؟ ئەگەر شۇ بولسا يازغۇچىلار مۇنبىرىگە باسقان قۇتلۇق قەدىمىگە سۆيۈنۈش ئىلكىدە مەرھابا دەيتتىم. فىرىدە بىلەن مەلەك ئىككىسى بىرمىدۇ ياكى ئىككىمىدۇ؟
تەرجىمە ياخشى چىقىپتۇ،تېخىمۇ گۈزەل ئەسەرلەرنىڭ ئۆز تىلىمىزدىكى نامايەندىسىنى كۈتىمىز مەلەك!

مەلەكنىڭ نادىر تەرجىمللىرى كۆپ……بۇ شېئىر تورلادا تارقىلىپ يۈرگىلى خېلى ئۇزۇن بولدى،بۇ يەرگە ئەمدى كەپتۇ

مەلەكنىڭ نادىر تەرجىمللىرى كۆپ……بۇ شېئىر تورلادا تارقىلىپ يۈرگىلى خېلى ئۇزۇن بولدى،بۇ يەرگە ئەمدى كەپتۇ

تىما يوللىغۇچىغا تەشەككۈر

تېخىمۇ ياخشى تەرجىمىلىرىڭنى كۈتىمىز مەلىكىم

   سىز تىلغا ئالغان مەلەك قەشقەرلىك خەدىچە ئاۋۇت دېگەن قىز. ئۇ بۇرۇن تورغا مەلەك دېگەن ئىسىم بىلەن چىقاتتى. بەلكىم بۇ ئەسەرنىمۇ شۇ قىز تەرجىمە قىلغان بولۇشى مۇمكىن. ئۇ قىز ھازىر تۈركىيەدە ئوقۇۋاتىدۇ. ھازىر ئۇ تورغا ئاساسەن چىقمايدۇ.

ئۇ تورغا چىقماي تورغا چۈشەمدۇ؟  ھې...ھې... پۇرقەت سېنىڭ گەپلىرىڭ نېمانداق نورمال؟ شۇنداق كۈلگۈم كېلىۋاتىدۇ... سەن بىلمەيسەن مەن بارا-بارا كاللىدىن كېتىۋاتىمەن...

ئۇ تورغا چىقماي تورغا چۈشەمدۇ؟  ھې...ھې... پۇرقەت سېنىڭ گەپلىرىڭ نېمانداق نورمال؟ شۇنداق كۈلگۈم كېلىۋاتىدۇ... سەن بىلمەيسەن مەن بارا-بارا كاللىدىن كېتىۋاتىمەن...

كومپىيۇتىر نورمال ئەمەس، توغرا چۈشىنىڭلار جامائەت
بۇ يازمىنى ئاخىرىدا   تام تەھرىرلىگەن. ۋاقتى  2015-6-23 21:40  

    تەرجىمىىسى ياخشى چىقىپتۇ،  سىزنى تەبرىكلەيمەن، شۇنىسى ئەسەرنىڭ تۇرۇكچە ئەسلى تىكىستىنىمۇ قۇشۇپ يوللىۋەتكەن بولسىڭىز تۇز تاماتتى-دە!