شەۋكەت ئىبراھىم :مىسكىنلىكتىن چىقىش

راۋاپچى بوۋاي
         
كەچكەن ئىدى ئۇ
تالاي شەھەرنى ،
جاراڭلىغان راۋابىدا ...
كەچمىشى مانا دەپ
كۆرۇنەتتى ،
كوماق ئاغزىدا .

كەكە ساقال ،
تىتىك بۇ جان
قىلغاچ مەپتۇن دوقمۇشنى .
ماشىنىلار بويۇنداپ قارايدۇ
بىنالار ئىگىلىپ باقىدۇ ،
ئاندا – ساندا پۇللار چۇشىدۇ
كۈزدىكى غازاڭدەك .
گاھىلار پەرۋاسىز ،
بۇ كۆڭۈلدىن كېتىدۇ .

نەزمە تۆكۇلىدۇ ،
ئۇنچە بولۇپ ئاغزدىن :
‹‹ تەلىيىم بولسا مېنىڭ ،
يانغان ئوتلار ئۆچەرمىدى .
مەن ئىشەنگەن تاغلىرىم ،
ئاستى بىلەن كۆچەرمىدى ›› ...
ئاڭلاپ بۇ ناخشىنى
دىلىم ئېرىدى مۇڭلۇنۇپ .
قۇياش پەسلىدى ،
قاراڭغۇ ۋۇجۇد
كەتتى نۇرلۇنۇپ .

مەن بۇ ناخشىغا كىرگەندە ،
قوزا چۇش
دەرەخ ئۇچىغا قونغان ئىدى .
راۋاپچى بوۋايمۇ
ئاللاقاچان ،  
مەستۇ مۇستەغرەق بولغان ئىدى .
2015 – يىلى 17 – ماي

مىسكىنلىكتىن چىقىش

كۈندۈزۇمنى يازدىم
خەت قىلىپ بۇ بەتكە،
سېنى ئوقۇي دەپ .
شېرىن يورۇق ،
كەلدى لەرزانغىنە  
قەلبىمگە قاراپ
لەپىلدەپ .

كۆزلىرىڭدىكى
چوڭقۇر قاراڭغۇلۇق  
كەتتى شۇئان تاراپ ،
چىقتۇق بىللە
چىققاندەك قۇياش
ئوماققىنە ماراپ .

مانا مۇشۇ دەم
مىسكىنلىكتىن چىقىش
باشلىنىپ كەتتى ،
بىر ھەقىقەتنى تاپقاندەك
روھىم ئەرىشكە يەتتى .
2015 – يىلى 23 – ماي  

بۇ يازمىنى ئاخىرىدا   ھەبىبۇللا مىجىت تەھرىرلىگەن. ۋاقتى  2015-6-4 19:59  

شېئىرىڭزدىن زوق ئالدىم. بولۇپمۇ

كەچكەن ئىدى ئۇ
تالاي شەھەرنى ،
جاراڭلىغان راۋابىدا ...
كەچمىشى مانا دەپ
كۆرۇنەتتى ،
كوماق ئاغزىدا .
                                     دېگەن مىسرالاردىن

«كەزگەن ئىدى» بولۇشى كېرەك!

توغرىسى ‹‹ كەزگەن ئىدى ›› ، خاتىرگە يازغىنىم شۇنداق ئىدى . ئەپسانە ئەپەندىم رەھمەت سىزگە ...

كەچۈرۈڭ ،مۇشۇنداق قىلىشىم زۆرۈر بولۇپ قالدى.
     بۇ يازمام سىزنىڭ  ئەسىرىڭىز بىلەن مۇنسىۋەتسىز!!
   ئەسسالامۇ ئەلەيكۈم ھۆرمەتلىك باشقۇرغۇچىلار!!
    سىلەرگە ئىككى كەلىمە سۆز قىلىشنى مۇۋاپىق تاپتىم.
   چۈنكى ،ئۈلۈشكۈن ئەتتىگەندە شۇنچىلىق زۆرۈر ئىشىم بار ئىدى .ئەمما سەھەردىكى كاللامغا كەگەن ئىلھاملارنىڭ تۈرتكىسى بىلەن مۇنبەرگە كىرىم.ھەمدە ‹‹يامغۇر بىلەن سىردىشىش ›› ناملىق  چوڭ ھەجىمدىكى نەسىرىمنىڭ بېشىنى يازدىم.ئەتىسى تاقەتسىزلىك بىلەن داۋامىنى يازىدىغان ئىلھاملىرىم بىلەن مۇنبەرگە قارىسام تېمام يوق ئۈچ كۈنگىچىمۇ خەۋىرى يوق .ئەكسىچە بۇ تېما ‹‹تەستىقلانمىغان ياكى ئۆچۈرۈلگەن ››دىگەن بىر جۈملىنى كۆرۈپ ،زىمىستاندا ،بېشىمدىن بىر قاپاق شۇنى تۆكىۋەتكەندەك  ،بىئارام بولۇپ يۈرىكىمگە بىر ئاغرىق كىرىپ كەتتى. چۈنكى ،ئۇنى يازغاندا ، ئىشخانامدىكى كومپىيوتېردا ئۇيغۇرچە سېستىما بولمىغاچقا ، بىۋاستە مۇنبەرگىلا يېزىپ يوللىغان ئىدىم ،  كىيىن يازاي دىسەم ، شۇ ۋاقىتتىكى تۇيغۇلارنى تاپالماسلىقىمدىن قورقۇپ بىۋاستە يازغان ئىدىم .
    يېزىپ بولغاندىن كېيىن ئۇ نەسىرىم‹‹تولۇن ئاي بىلەن سىردىشىش›› تىنمۇ خېلىلا ئۆتكۈر ،پىششىق ھېس قىلغان ئىدىم.ئەپسۇسكى ....
    ئەينى چاغدا ‹‹تولۇن ئاي بىلەن سىردىشىش››نى يوللىغاندىمۇ شۇنداق قىلغان بولساڭلارمۇ مەن يۈزۈمنى قېلىن قىلىپ يولللاۋەرگەندىن كېيىن ئامالسىز تەستىقلاپ چىقارغان ئىدىڭلار.  نەتىجىدە خېلى نوپۇسلۇق يازغۇچىلارمۇ شۇنداق يۇقۇرى باھا بېرىپ مېنى ھاياجانغا سالغان، شۇنىڭ تۈرتكىسىدە مەن يېڭى نەسىرىمنى  باشلىماقچى بولغانن ئىدىم ئەپسۇسكى ،مېنى خۇددى كەڭ يولۇمدا ئىگىز بىر تاغ پەيدا قىلغاندەك تۇيغۇغا كەلتۈرۈپ قويدۇڭلار!
    مۇنبەرنى ھەر كۈنى زىيارەت قىلىپ تۇرىمەن ،كۆپىنچى ھاللاردا ،مۇنبەر خۇددى يېڭى ئايىقى چىقىۋاتقان بوۋاقلارنىڭ تايتاڭلاپ مېڭىشىنى ئەسلىتىدۇ. گوياكى ،قەلەم  تۇتۇشنى ئۈگۈنۈۋاتقانلارنىڭ مەشىق مەيدانى...
    مەن ئۇزۇن يىللاردىن بېرى مۇنبەرلەردە بار ئەينى چاغدىكى ، مىھرى، ئاق بۇلۇت تور بېكەتلىرىنىڭ قۇرغۇچىسى ئىدىم ،ئەمما ئالدىراشلىق سەۋەبىدىن داۋاملاشتۇرۇشقا ئىمكان بولمىغان.
  بۇ مۇنبەردە ئۇزۇندىن بۇيان مەن بار ،ھازىرغا كەلگەندە ،مەن تونۇيدىغان ،نەچچە كىتاپلارنى چىقارغان ئىشتىراكچى قەلەم ساھىپلىرىمىز قېنى؟؟؟ئەسەرنى ئوقۇمايلا ،ھەجمى ،ھەم ئۆزىنىڭ ئارزۇسى بۇيىچە تەستىقلايدىغان ‹‹ تەھرىرلەر ››نىڭ ئەسەرنى تەپسىلى ،تولۇق ئوقۇپ ئاندىن تەھرىرلەپ ،تەستىقلىشىنى تەۋسىيە قىلىمەن.
مەن باشتا ، يوللىغان شېئىرلىرىم ‹‹تولۇن ئاي بىلەن سىردىشىش››...قاتارلىق ئەسەرلىرىم ئۆچۈرۈپ تاشلانغاندا ،سەۋەپنى ئۆزۈمدىن ئىزدىگەن ئىدىم ،بىراق بۈگۈن ھېس قىلىشىمچە ،سەۋەپلەر جىقتەك قىلىدۇ.
    مەيلى باشقا ئىشلار نىمە بولسا بولسۇن ئەسەرلىرىمنى ،ھىچ بىر تىۋىشسىز  ھالدا ،مېنىڭ قانچىلىك مېھىر بېرىپ تۇرۇپ يازغانلىقىمنى ھېساپلاشماستىن ،مېنىڭ ئىلھاملىرىمنى كىچىككىنە قول تەۋرىتىش ئارقىلىقلا يوق قىلىۋەتكەن ئاشۇ كامالەتكە يەتكەن باشقۇرغۇچىنىڭ ،مېنىڭ ئىلھاملىرىمنى تۆلەپ بىرىشىنى تەلەپ قىلىمەن.
    ئىلھاملىرىمنى تۆلەڭ !!داغدام يولدا توساق ھاسىل قىلغاندىكى تۇيغۇللىرىمنىڭ نىدالىرىنى تۆلەڭ!!نەسىرلىرىمنىڭ ئاخىرىغا تەشنا بولۇۋاتقان ئوقۇرمەن ،قوللىغۇچى، ئىلھام بەخش ئەتكۈچى دىلكەشلىرىمنىڭ تەشنا قەلبىنى تۆلەڭ!!!تۆلىيەلەمسىز!!!
   مەن بەلكىم سىزنىڭ دىگىنىڭىزدەك ،ئارزۇيىڭىزدىكىددەك ،ئىلھامىڭىزدىكىدەك ۋايىغا يەتكۈزۈپ يازالمىغان بولۇشۇم مۇمكىن ،ئەمما ئەسىرىمنى تىۋىشسىز ،سەۋەپسىز يوق قىلىۋەتكىنىڭىزنىڭ سەۋەبىنى ئۆچۇق ئاشكارە چۈشەندۈرۈڭ!!
    بەك بولمىسا مېنىڭ ئۆزۈمنىمۇ يوق قىلىۋېتەرسىز!!!
   مەن بۇ ئىشلارنىڭ جاۋابىنى ئالغۇچە يوللايمەن بۇ ئۇچۇرنى ،ياكى بولمىسا ،ئالمىشىڭ !!!...جەمىلە بارات لىرىكا !!!
   كۆپلىرى جاۋاپ ساقلاۋاتىدۇ....

مەن مەن ....خانىمتىم.

مەن بۇ ناخشىغا كىرگەندە ،
قوزا چۇش
دەرەخ ئۇچىغا قونغان ئىدى .
راۋاپچى بوۋايمۇ
ئاللاقاچان ،  
مەستۇ مۇستەغرەق بولغان ئىدى ....

شائىرنىڭ يىڭى شېئىر توپلىمىنى كۆرۈشكە تەشنامىز .