قەلبىنۇر ئىلياس: خىيال (نەسر)

(نەسر)

قەلبىنۇر ئىلياس

خىيال - دىگەن لەزەتلىك ئۇقۇم . قەلبنى ئۇچۇرۇپ كېتىدۇ شاماللاردەك ،ئاندىن يەنە بىر قەلبنىڭ  چوڭقۇرلىغىغا چۆكتۈرۈپ كېتىش ئۈچۈن ئۆزىنى...

خىيال قانىىتى - كۈمۈش پەيلىك قۇشلار قانىتىغا ئوخشىمايدۇ . ئۇنىڭ قانىتىغا تەسەۋۇرنىڭ ئالتۇن قوڭغىراقلىرى ئېسىلغان بولىدۇ .
ئۇ سانسىز دەۋىر بارخانلىرى ئۈستىدىن ئۇچۇپ ئۆتەلەيدۇ .تىلسىم سىرلار  قوينىنى تېشىپ كىرەلەيدۇ . باغلاش ئۈچۈن دۇنيانىڭ ئۆتمۈشى بىلەن كەلگۈسىنى  ...

خىيال قانىتىنى-  ۋاقىتنىڭ يۇڭۇزلاشقا قۇربى يەتمەيدۇ .ئۇ بىر زامان، بىر ماكاننىڭ قۇچىغىدىن يەنە بىر زامان، ماكاننىڭ قۇچىقىغا  سەكرىيەلەيدۇ .گاھى پەلەك يۈكسەكلىگىدىن زىمىن ئۇلۇغلۇقىنى بۈيۈك بىلىپ ، چوققىلاردىن دېڭىز تەكتىگىمۇ  پەسلىيەلەيدۇ . ئەقىل سۈزگۈچى بىلەن سۈزۈپ ئالماق بولۇپ   كەھرىۋالارنى ...

خىيال كېمىسى-  مەخسەت بىلەن  مەخسەتسىزلىك  دېڭىزدا ئۈزۈپ يۈرىدۇ. ئۇنىڭ ئۈستىگە ھېجران يۈكلىرى بېسىلغان بولىدۇ .گويا ۋىسالنىڭ ئالتۇن قىرغاقلىرىنى بويلاپ كەتكەن ئارمانلاردەك ...

خىيال- گاھى ئەركىنلىك جامىغا قۇيۇلغان شېرىن مەيگە ئوخشايدۇ. ئۇنىڭ ئېچىگە مىسرالارنىڭ قېنى قۇيۇلغان بولىدۇ . ئۈستىدە لېرىكىلار چەلگىنىپ تۇرىدۇ .  ئىنسان گۈپپىدە قىلىپ ئاشۇ شېرىن مەينى ئىچىپ باقىدۇ .  خىيال ئەينىكىدىكى تولۇن ئاينى،  ئاسماننىڭ باغرىدىكى تولۇن ئايغا جۈپلەشتۈرۈش ئۈچۈن،  رومانتىك بولغان  تۇيغۇ ئازاۋىدا   تالاي نېمە يېزىپ باقىدۇ ...
   
خىيال – غۇبارسىز بۇۋاقنىڭ قەلبىدەك پاك ، زەم- زەم تامغان  بىر تۈپ ئەتىرگۈلنىڭ بەرگىدەك خۇشپۇراق بولىدۇ .شېرىن تەمگە تولغان مېۋىدەك قەلبلەر شىرەسىگە تىزىلىدۇ . ئادەم ئۇنىڭ لەززىتىدىن ۋاقىتلىق ئۆمۈرنىڭ بۇرۇختۇملىغى ئىچىدىمۇ كۈلۈمسىرەشكە ئېرىشىدۇ .

خىيال - گاھى  شەخسىيەتنىڭ قۇرۇتلاپ كەتكەن كۆلچىكىگە  ئوخشايدۇ .بېمەنە خىيالنىڭ رەزگېلىگى ئىچىدە ، چېچەكلىك باغلار ۋاقىتسىز غازاڭ بولىدۇ.   گاھىدا ئۇ ، ھاياتلىق پاياندازىغا چۈشكەن مېتىدەك  ئۆمۈرنى    ئۆتمە- تۆشۈك قىلۋىتىدۇ.

خىيال- قاراڭغۇلۇق بىلەن يورۇغلۇق ئارىسىداچاققان چاقماققا ئوخشايدۇ . مەيلى ئۇنىڭ ئاق ياكى قارا يۈزى بولسۇن، خىيال ئوكيانىغا ھامان ئىنسان روھى چىلىشىپ تۇرىدۇ ...

بۇ يازمىنى ئاخىرىدا   Erchin تەھرىرلىگەن. ۋاقتى  2015-6-1 12:37  

خىيال ئوكيانىغا ھامان ئىنسان روھى چىلىشىپ تۇرىدۇ .... تەپەككۈرىڭىزغا بارىكاللا  قەلبىنۇر !  ئاچچىق ۋە تاتلىق خىياللار ئىچىدىن  ئەقىل تاپىدىكەنمىز ، تېرەن پىكىرلىرىڭىزدىن ، يېقىشلىق شەرھىلىرىڭىزدىن  بەھرلەندىم ، ھارمىغايسىز !

ئاپرىن ياخشى يىزىپسىز مەن خيال سۇرۇشكە قەۋەتلا ئامراق خيال دىگەن ئادەمگە خۇشاللىق، ئۇمۇد، ئىشەنچ بىغشلايدۇ.

        قەلىمىڭىزدىن ئىلھام فۇنتانلىرى ئېتىلىپ تۇرسۇن !

خىيال قىلمىشلىرىڭنى مېنى بىلمەيدۇ دەپ قالما، مېنى مەڭگۈگە شۇنداق شىرىن كۈلمەيدۇ بۇ دەپ قالما.بەك ئوبدان يېزىلىپتۇ. ھارمىغايسىز سىڭلىم.

چەلگىنىپ ؟
ئۇزۇن بوپتىكەن نەسىرلىرىڭىزنى ئوقىمىغىنى -ھەدە! بىر تېنىقتا ئوقۇپ چېقتىم.

ئىلھاملىرىڭىز دولقۇنلۇنۇپ تۇرغاي ، داۋاملىق ئالغا ... سىزگە جاسارەت ۋە چىدام يار بولغاي ...

داڭگال بۇرادەر،چەلگىنىپ دىگەن سۆزنى نۇرلۇنۇپ،جۇلالىنىپ،جىلۋىلىنىپ دەپ ھەزىم قىلسىڭىز بولىدۇ!...
غۇلجىدا سۈت-قايماق مايلىرى تەپچىرەپ تۇرغان ئەتكەنچاينى چەلگىنىپ تۇرغان دەپ قويىمىز....
قەلبىنۇردە،بۇ نەسىرىڭىزدە خىيالنىڭ ئىككى تەرىپىنى بەكمۇ ياخشى ئىپادىلەپسىز...

    نەسىرىڭىز  ئەجەپمۇ  ياخشى يېزىلىپتۇ، ئىلھام بۇلىقىڭىز  توختىماي ئوخچۇپ تۇرسۇن،


    ئىجدىيتىڭىزگە مۇۋاپەقىيەت تىلەيمەن جېنىم!!!

بەكمۇ ياخشى يېزىلغان نەسىرىڭىزدىن تولىمۇ زوقلاندىم،بەرىكەتلەر يار بولسۇن

خىيال- قاراڭغۇلۇق بىلەن يورۇغلۇق ئارىسىداچاققان چاقماققا ئوخشايدۇ . مەيلى ئۇنىڭ ئاق ياكى قارا يۈزى بولسۇن، خىيال ئوكيانىغا ھامان ئىنسان روھى چىلىشىپ تۇرىدۇ ...

ئاخىرقى بۆلەكلىرى كىشىنى ئويغا سالىدۇ ...مۇشۇنداق نەسىرلىرىڭىزنى ئوقۇشقا مەن بەك ئامراق ،گۈلۈم...

قۇد بولسۇن خۇش پۇراقلىق بۇ بىر دەستە گۈلىڭىزگە.....!

    خىياللىرىمنىڭ تىزگىنىگە چىڭڭىدە ئېسىلىلا ئالىدىغان بولۇپ قالدىم...
     بەركەتلىك بولۇڭ قەلبىنۇر....لىرىكا.

بارلىق ئۇقۇرمەن دوسلارغا ۋە ئىنكاس قالدۇرغۇچىلارغا تەشەككۈر!

بەركەتلىك بولۇڭ