ئاۋانگارت شائىرلارنىڭ تۇنجى قېتىملىق

ئاۋانگارت شائىرلارنىڭ تۇنجى قېتىملىق مۇشائىرە ـ مۇھاكىمە يىغىلىشى ئۆتكۈزۈلدى

ئاۋانگارت شائىرلارنىڭ تۇنجى قېتىملىق مۇشائىرە ـ مۇھاكىمە يىغىلىشى 2015-يىلى 5-ئاينىڭ 30-كۈنى ئۈرۈمچى شەھرىدىكى Real چايخانىسىدا ئۆتكۈزۈلدى.
يىغىلىشقا ئاۋانگارت شائىرلاردىن تاھىر ھامۇت ، پەرھات تۇرسۇن قاتارلىق 20 نەچچە كىشى، دوكتۇر دىلمۇرات مۇتەللىپ، ئامېرىكىلق دوكتۇرانت دەۋرىڭ ، ئىدرىس نۇرۇللا قاتارلىق تەرجىمانلار قاتناشتى. پەرھات تۇرسۇن، دىلمۇرات مۇتەللىپ، دەررېڭ ، تاھىر ھامۇت ، ئىدىرىس نۇرۇللا  قاتارلىقلار ئۇيغۇر يېڭى شېئىرىيىتىنىڭ تەرەققىياتى، ئاۋانگارت ياش شائىرلارنىڭ ئىجادىيىتىدە ساقلىنىۋاتقان مەسىلىلەر، ئۇيغۇر شېئىرىيىتىنى ئېنگىلىز تىلىغا تەرجىمە قىلىپ چەتئەلگە تونۇشتۇرۇشنىڭ نۆۋەتتىكى ئەھۋالى ، چەتئەل شېئىرلىرىنى ئۇيغۇر تىلىغا تەرجىمە قىلىشتىكى مەسىلىلەر قاتارلىق خاس تېمىلاردا جانلىق، ئەمەلىي لېكسىيە سۆزلىدى. پەرھات تۇرسۇن ، ئاسىمجان ئوبۇلقاسىم، ئابدۇرېشىت ئېلى، تاھىر ھامۇت ، ئابدۇقادىر جۈمە ، قەيسەر تۇرسۇن ، غېنى سەمەت ، دىلخۇمار ئىمىن، غەيرەت ئابىت غەرقىي ، نۇربىيە ئابدېكېرىم ، مەھمۇدجان غوجا ئۈمىدۋار قاتارلىق 10 نەچچە شائىر ئۆزلىرىنىڭ شېئىرلىرىنى، دەررېڭ ، ئەنۋەر ھامىت (ئايپالتا)، مەھزۇن قاتارلىقلار ئۇيغۇرچىدىن ئېنگلىزچىغا ، ئۇيغۇرچىدىن تۈركچىگە، تۈركچە، ئەرەبچىدىن ئۇيغۇرچىغا تەرجىمە قىلىنغان شېئىرلارنى دېكلاماتسىيە قىلدى. رېئال چايخانىسىنىڭ ئازادە، رۇمانتىك مۇھىتى، ئېسىل  تائاملىرى، 5 سائەتكە يېقىن داۋاملاشقان بۇ پائالىيەت ھەممەيلەندە ئۇنتۇلغۇسىز تەسىراتلارنى قالدۇردى.
بۇ يازمىنى ئاخىرىدا   abdurexit eli تەھرىرلىگەن. ۋاقتى  2015-6-1 01:16  

ناھايىتى ياخشى يىغىلىش بوپتۇ، ئۇزۇن قالماي نەق مەيدان سىن ھۆججىتىنىڭمۇ تورغا يوللىنىشىنى ئۈمىد قىلىمەن.

ياخشى يىغىلىش بوپتۇ، مۇشۇنداق ئەھمىيەتلىك پائالىيەتلەرنىڭ ئۈزۈلمەي داۋاملىشغا تىلەكداشمەن.

ناھايتى ئەھمىيەتلىك يىغىلىش  بوپتۇ  مەنمۇ سىن ھۆججىتىگە تەشنا

-بۇ ھەقىقەتەن بىر  ھوسۇللۇق ئەنجۈمەن بوپتۇ...

بۇ تولىمۇ ىوشاللىنارلىق بىر پائالىيەت بوپتۇ، تولىمۇ سۈيۈندۈم.

مۇبارەك بولسۇن.
پائالىيەت ئۈتكۈزۈلگەن سورۇنمۇ ئۆزگىچىكەن.بۇ پائالىيەتكەتازا ماس كەپتۇ.

بۇ خىل يىغىلىشنىڭ داۋاملىق بوپ تۇرۇشىنى ئۈمىد قىلىمەن . ئابدۇرېشىت !  بۇ يەردە ئوقۇلغان شېئىرلارنى ، ھەم بۇ توغرىسىدا دېيلگەن گەپلەرنى سۇنۇپ قويغىنى بىللە ھوزۇرلىنايلى ...

ھەقىقەتەن ئاۋانگارتلارنىڭ پائالىيىتى بوپتۇ....

بۇلبۇل بوستاننى تاپقاندەك ،ئاۋانگىرات شائىرلار مۇ رېئال چايخانىسىدا تازا پۇخادىن چىققاندەك تۇرىدۇ،پات -پات تەلقىن ئېيتىپ بوزلاپ تۇرغان ياخشى،سۈركىلىشمۇ بىر  ئىلھام...

سۆيۈنگىدەك ئەھمىيەتلىك پائالىيەت بولۇپتۇ.....ئاپىرىن ئاۋانگارتلار.....باسقان ھەر بىر قەدىمىڭلار مەنىلىك،ئەھمىيەتلىك بولسۇن...تىنىڭلار سالامەت بولسۇن....سىلەرگە كۆز تەگمىسۇن...!بارىكاللا...!

مۇشۇنداق ئەھمىيەتلىك يىغىلىشلارنىڭ بولۇپ تۇرغىنى ياخشى .بۇ ئارقىلىق ئاۋانگارتلار تىخىمۇ يىڭى مەنزىللەرگە قاراپ ئات چاپتۇرغىسى .

ئەھمىيەتلىك پائالىيەت بوپتۇ.مۇشۇنداق پائالىيەتلەر داۋاملىشىپ تۇرغاي!