تەمكىن: ئانىسىز ياشىدىم شۇنچىلىك ئۇزاق

ئانىسىز ياشىدىم شۇنچىلىك ئۇزاق
تەمكىن

      -مېنىڭ بىر دۇنيالىق مېھرىم، دېلكىشىم، سىردىشىم، قۇياشىم بولغان شۇنداق ئۇلۇغ بىر ئانام بار ئىدى. ئۇ بىزنى تاشلاپ كەتكىلى شۇنچە يىللار بولدى. بەزىلەر «ھەممە ئۇنتۇلىدۇ، ۋاقىت ئۇنتۇلدۇرىدۇ...»دىيىشىدىكەن. لىكىن بۇ جاھاندا ئۇنتۇلمايدىغانمۇ ئىشلار بولىدىكەن...

يانۋارنىڭ يىگىرمە ئالتىنچى كۈنى
قەلبىمگە داغ سالدى ئەڭ ئېغىر ھەسرەت.
يوقالدى مەن ئۈچۈن بۈيۈك بىر ئارمان،
بىغەملىك، پاكلىق ھەم ئۇلۇغ ھەقىيقەت.

كەتكەندە يېنىڭدىن ساڭا قىيالماي،
بىر دەريا ئېسىلغان چاناقلىرىڭغا.
بولسىچۇ شاھ بالام دەپسەن يىنىمدا
ئاخىرقى نەپەستە، ئوماقلىرىڭغا.

ھاياتلىق كىرگەندە يەتمىش ئىككىگە،
توختىدى بىر دۇنيا يۈرەك سوقۇشتىن.
زېمىننىڭ باغرىدىن سىرغىدى قۇياش،
توختىدى جىمجىتلا،  مېھىر ئېقىشتىن.

سۇۋاق تام، ئاددىيلا ئاشۇ ئورداڭدىن،
ئۇزاتتۇق ئۈچ ئوغۇل، بىر قىز قېرىنداش.
قۇياشسىز ئۆيلەردە ئاق باغلىدى قىش،
بىز قالدۇق، كېتىشتى ھەممە ئالدىراش.

سەن ئېدىڭ مەن ئۈچۈن پارلىغان قۇياش،
سەن ئېدىڭ پاكلىغىم، ئارمىنىم ئانا.
دىيەلمەي قالدىم ئاھ، كۆز يۇمغان كۈنۈڭ،
يۈرىكىم لەختە قان، ساڭا ئەلۋىدا !

تومۇزغا يىقىنلاپ باقمىدىم قايتا،
يىتىملىك ھەر ۋاقىت تۇرىدۇ دەۋرەپ.
ئانىسىز ياشىدىم شۇنچىلىك ئۇزاق،
قىرىق ئىككى يىشىمغا كىردىم تەمتىرەپ.

2015-يىل28-ماي. شەھرى خوتەن


بۇ يازمىنى ئاخىرىدا   Erchin تەھرىرلىگەن. ۋاقتى  2015-5-28 13:04  

جاپا بىلەن ئۈتەركەن ئانا ،
كېچە-كۈندۈز بالام-بالام دەپ .
يىغلاشقىلا يارار ئىكەنمىز ،
كەتكەن چاغدا جېنىم ئانام دەپ .

ئانا مەڭگۈ ئۇنتۇلمايدىغان ئۇلۇغ ئىنسان، بۇ شېئىر بەك تەسىرلىك، بەك ياخشى چىقىپتۇ،

بۇ دۇنيانى مىھرىدىن سۆيگەن ئانا ئەمەسمۇ؟
پەرزەنتىنىڭ ئىشقىدا كۆيگەن ئانا ئەمەسمۇ؟

سەكىراتقا چۈشسىمۇ جىنىم بالام-بالام دەپ،
بالام دىگەن تىنىقتا ئۆلگەن ئانا ئەمەسمۇ؟

بۇ يازمىنى ئاخىرىدا   ئۈمىدجان قادىرى تەھرىرلىگەن. ۋاقتى  2015-5-28 14:17  

شېئىرلىرىڭىزنى ئوقۇپ يۈرىكىم مۇڭغا، كۆزۈم ياشقا تولدى. ئانا، نەقەدەر ئۇلۇغ بىر ئىنسان. شۇ ئۇلۇغ ئانىلار  دەرت تارتمىسۇن، يىگانە قالمىسۇن.

بۇ شېئىردىكى مۇڭدىن يۈرىكم لەرزىگە كەلدى...

سەن ئېدىڭ مەن ئۈچۈن پارلىغان قۇياش،
سەن ئېدىڭ پاكلىغىم، ئارمىنىم ئانا.
دىيەلمەي قالدىم ئاھ، كۆز يۇمغان كۈنۈڭ،
يۈرىكىم لەختە قان، ساڭا ئەلۋىدا !

بۇ مىسرالارنى بەك ياقتۇردۇم ، شېئىرىڭىز بەكلا ياىشى چىقىپتۇ ، بۈگۈنكى مەھسۇلاتىڭىزدىن سۈيۈندىم ،رەھمەت ، ئىجادىيىتىڭىز توختاپ قالمىسۇن !

ئانىڭىزنىڭ ياتقان يىرى جەننەتتە بولسۇن.
بەك ياخشى چىقىپتۇ.
يۈرەكتىن چققان ھەسرەت ئادەمنىڭ يۈرەك تارىنى چىكىدىكەن.مەنمۇ دادامنى ئەسلەپ قالدىم.دادامنىڭ ياتقان يىرى جەننەتتە بولسۇن.سۆيۈملۈك ئانام مىڭ ياشقىچە ياشىسۇن ئاللا ئۇزۇن ئۆمۈر ئاتا قىلسۇن.

رەخمەت ئانامنى قايتىدىن چۈشەنگەندەك بولدۇم.

قەلب تارىنى چەككىدەك يۇمشاق تەسىرلىك يېزىلغان بۇ شېئىرىڭدىن تولىمۇ سۆيۈندۈم.ساڭا ئامەت خاتىرجەملىك تىلەيمەن!!!

يۈرەكتىن چىققان كۈيلەر يۈرەكلەرگە ياقىدۇ.ھەقىقەتەن ياخشى چىقىپتۇ،مۇبارەك بولسۇن!

كۆڭلىڭىزنى يېرىم قىلماي تىرىشڭ ئاكا مومكىن بولسا ئانا تىمىسى دا   داستان يېزىڭ؟؟

بارىدا قىينايمىز، يوقىدا يىغلايمىز.

ئانا دىگەن شۇنداق بىر ئېنسان،
ئۇ قوياشنى ئاينى ھەم تۇققان.
پەرزەنتلەرنىڭ ھالال بەختىچۈن،
ئاق-قارىنى ھەردەم تونۇتقان.

پەرزەنت ئەقلى يەتمەس ئۇنىڭغا،
بارىدا بىز بىلمەيمىز ئۇنى.
نېمە قىلىپ بەردۈق ئانىغا؟
-دەپ باقايلى ئاۋال بىر شۇنى....