مۇھەممەتتوختى سەببەت: ئىككى مەسەل

م.توختى سەببەت · ۋاقتى: 2015-5-21 19:33:28


	ئىككى مەسەل مۇھەممەتتوختى سەببەت دەرەخ ۋە قۇياش سايىسىغا قاراپ ئۆزىچە- مەغرۇرلۇقتا گېدەيدى دەرەخ.. مەنچە گىگانت يوقتۇر، باشقىلار ئەرزىمەس بىر چۈپرەندە-ئەبلەخ.. كۈلدى قۇياش، قاراپ ئۇنىڭغا خىتاپ قىلدى: تەكەببۇر بولما! چايقىدى باش، دەرەخ مەنسىتمەي: ئۆزۈڭ كىمسەن، ئالدىمنى توسما! ئاڭلاپ قۇياش ئۇنىڭ گېپىنى مىيىقىدا كۈلدى ئاستىلا. ئاجىزلىتىپ شۇئان نۇرىنى دېدى: دەرەخ، سايەڭگە قارا! كۆردى دەرەخ: يوقتۇر سايىسى، بىر ئۆزىلا تۇرغان شۈمشىيىپ. مەندىن ئۇلۇغ قۇياش باركەن دەپ، تۆكۈپ ياشنى، قالدى ئۈمچىيىپ... قومۇش بىلەن يانتاق قۇمۇش بىلەن يانتاق ئىككىسى گەپ تالىشىپ قالدى بىر كۈنى. دېدى قومۇش: ھەي پاكار ئاداش، نېمە رولۇڭ بار،ئېيتە قېنى؟ تۇرىسەن يانباغىردا بىر ياز شۇ ئەپتىڭدە كۆكلەپ ئۆسەلمەي چىقسا بوران، كۆمۈلۈپ قۇمغا ئۆلىسەنغۇ بەرداش بېرەلمەي! غەزەپ بىلەن يانتاقمۇ قوپتى: شۈكلا تۇرسام ئاشما ھەددىڭدىن! نېمە پايدا كېلەر زېمىنغاـ شاداپاچاق ئەشۇ ئەپتىڭدىن! قايىل بولماي بىرسى-بىرسىگە قالدى ئۇلار ئاخىر تۇتۇشۇپ. جىدەل ئاخىر چىقىپ ئەۋجىگە كەتتى ئۇلار ياقا سىقىشىپ... كۈرۈپ بۇنى، زۇۋانغا كەلدى: ئەشۇ زومچەك قۇملار دۆۋىسى.. بالىلىرىم، قۇلاق سېلىڭلار، ئانا يەردۇر بوۋام-بوۋىسى! بالىلىرىم، سۈزۈم ئاڭلاڭلار تالىشىشتىن يوق زەررە پايدا! ئانا زېمىن ئوزۇق بەرمىسە كىم كۆكلىگەن قايسىبىر جايدا!...

ablipiz idiris · ۋاقتى: 2015-5-21 20:39:25


	ئىككىلا مەسەل ئوبدان چىقىپتۇ مۇبارەك بولسۇن.

ئا.ئاتەش · ۋاقتى: 2015-5-21 23:18:44


	مەسەل ھەر خىل ئىللەتلەرنى قامچىلاشتىكى ئەڭ ئوتكۇر قورالدۇر ، ياخشى يېزىلغان مەسەللەر ئىكەن !

ئەلرام · ۋاقتى: 2015-5-21 23:55:26


	تۈزلا چىقىپ قالغان مىسرالىرى بار ئىكەن، بۇ ھالەت كىچىك دوسىتلارنىڭ تىلىغا راۋان ئېلىنالماسلىقى مۇمكىن، يەنە بىر ئىشلەپ باقىسڭىز بولغۇدەك!

تامچە0909 · ۋاقتى: 2015-5-22 10:29:23


	مەسەل ئوقۇمىغىلى ئۇزۇن يىللار بولۇپتىكەن، مەزمۇن چوڭقۇر تىلى راۋان چىقىپتۇ.

رەيھانگۇل · ۋاقتى: 2015-5-22 13:14:28


	مەسەلنى ناھايىتتى ياقتۇردۇم ئىسىل ئەسەرلىرىڭىز مۇنبەردىن ئۇزۇلمىگەي.

ئايشەم1 · ۋاقتى: 2015-5-22 16:18:44


	بۇ مەسەل ياخشى يىزىلىپتۇ،

سۈرەت · ۋاقتى: 2015-5-27 23:47:19


	مەسىلىڭىزدە ئىپادلەش چوڭقۇر بوپتۇ. مەن مەسەلگە بەك ئامىراق.بېراق يازالمايمەن

ئەلرام · ۋاقتى: 2015-5-31 12:35:16


	ئىككى مەسەل مۇھەممەتتوختى سەببەت دەرەخ ۋە قۇياش سايىسىغا قاراپ ئۆزىچە- مەغرۇرلۇقتا گېدەيدى دەرەخ.. پالۋان،-دېيىش،-گىگانىتتۇرمەن، باشقىللىرىڭ چۆپرەندە، ئەبلەخ! كۈلدى قۇياش، قاراپ ئۇنىڭغا خىتاپ قىلدى: تەكەببۇر بولما! چايقىدى باش، دەرەخ مەنسىتمەي: ئۆزۈڭ كىمسەن، ئالدىمنى توسما! ئاڭلاپ قۇياش ئۇنىڭ سۆزىنى، مىيىقىدا كۈلدى ئاستىلا. ئاجىزلىتىپ شۇئان نۇرىنى دېدى: دەرەخ، سايەڭگە قارا! كۆردى دەرەخ: يوقتۇر سايىسى، بىر ئۆزىلا تۇرغان شۈمشىيىپ. ئۇ ئويلىدى؛ «قۇياش چوڭ ئىكەن»، مەن يەنىلا...دېدى، ئۈمچىيىپ. قومۇش بىلەن يانتاق قۇمۇش بىلەن يانتاق ئىككىسى گەپ تالىشىپ قالدى بىر كۈنى. دېدى قومۇش: ھەي پاكار ئاداش، نېمە رولۇڭ بار،ئېيتە قېنى؟ يانباغىردا تۇرىسەن بىر ياز، شۇ ئەپتىڭدە كۆكلەپ ئۆسەلمەي. چىقسا بوران، كۆمۈلۈپ قۇمغا ئۆلىسەنغۇ بەرداش بېرەلمەي! غەزەپ بىلەن يانتاقمۇ قوپتى: شۈكلا تۇرسام ئاشما ھەددىڭدىن! نېمە پايدا كېلەر زېمىنغاـ شاداپاچاق ئەشۇ ئەپتىڭدىن! قايىل بولماي ئۇلار ئۆز-ئارا، شۇ ھالەتتە قالدى تۇتۇشۇپ. جىدەل ئاخىر چىقىپ ئەۋجىگە كەتتى تېخى ياقا بوغۇشۇپ... كۆرۈپ بۇنى، زۇۋانغا كەلدى- جىمجىت تۇرغان قۇملار دۆۋىسى؛ بالىلىرىم، قۇلاق سېلىڭلار، ئانا يەردۇر بوۋام-بوۋىسى! بالىلىرىم، ئويلاپ بېقىڭلار، تالىشىشتىن يوق زەررە پايدا! ئانا زېمىن ئوزۇق بەرمىسە، كىم كۆكلىگەن قايسىبىر جايدا ؟! بۇ شېئىرلارنى يوقۇردىكىدەك ئوقۇپ بېقىشىمدىكى سەۋەپ؛ ياخشىنى تېخىمۇ ياخشى بولسۇن دەپ قارىغانلىقىمدىن. ئاپتۇر ھەم باشقا ئوقۇرمەنلەرنىڭ ئەسلى تېكىسىتكە سېلىشتۇرۇپ بېقىشىنى ئۈمۈد قىلىمەن. ئوقۇيمەن دەپ بوزۇپ قويغان بولسام ئاپتۇرنىڭ ئالدىدا ئۆزۈرلۈكمەن!

م.توختى سەببەت · ۋاقتى: 2016-3-18 20:06:41


	ئەلرام يوللىغان ۋاقتى 2015-5-31 12:35 PM ئىككى مەسەل مۇھەممەتتوختى ... ئۆز ۋاقتىدا كۆرمەپتىمەن. ياخشى تۈزىتىش بولۇپتۇ. رەھمەت سىزگە.