تاغداش: شېئىر ۋە مەن

شېئىر ۋە مەن

مەتيۈسۈپ ئابدۇسەمەت

شېئىر ئۇ ھاياتىم، شېئىر ئۇ جېنىم،
شېئىر دەپ ئاقىدۇ تومۇردا قېنىم.
شېئىرسىز بۇ ھايات ماڭا مەنىسىز،
شېئىر ئۆز ئەمگىكىم، شېئىر ئۆز نېنىم.

شېئىر ئۇ باغرى كەڭ بىر دېڭىز- ئوكيان،
مەنزىلى كۆرۈنمەس، چەكسىز بىپايان.
مەن ئۇندا يىگانە، بىر غېرىب سەيياھ،
مەنزىلسىز لەيلىگەن، تاپالماي نىشان.

شېئىر ئۇ يېقىملىق پىچىرلىغان قۇش،
كۈيىدىن ۋۇجۇدۇم  بولىدۇ بىھۇش.
باغاشلاپ جىسمىمنى شىرىن تۇيغۇلار،
بىر سېزىم كېلىدۇ ئۇنىڭدىن تونۇش.

شېئىر ئۇ باغرىمدا يالقۇنلۇق گۈلخان،
يۈرۈگۈم ئوتىدا چوغ بولۇپ يانغان.
ئەقىدە، ئىخلاستا كۆيۈپ ۋۇجۇدۇم،
يېڭىچە بىر تۇيغۇ كۆتۈرەر چۇقان.

شېئىر ئۇ باغدىكى بىر گۈلى رەيھان،
ئەتراپقا خۇشپۇراق ھىدى چېچىلغان.
مەن ئۇندا ۋىسالسىز چاڭقىغان بۇلبۇل،
بىر غېرىب ئاھاڭدا مۇڭلۇق سايرىغان.

شېئىر ئۇ گوياكى بىر گۈزەل جانان،
قەلبىمگە ئىشقىدىن ئوتىنى سالغان.
ئىنتىلەر يۈرۈگۈم تەشنالىق بىلەن،
يەتسەم گەر ۋەسلىگە مەندە ئارمان.

شېئىر ئۇ دىلىمنى ئىللىتقان قۇياش،
شادلىقىم، قايغۇمغا بولىدۇ سىرداش.
شېئىرسىز ئۆزۈمنى سىزەي مەن قانداق،
ئۆلۈمدۇر ئۇنىڭسىز بىر لەھزە ياشاش.

شېئىردىن باشقىغا  قىلمايمەن ئىخلاس،
كەچمەيمەن، بەرسەڭمۇ ئالتۇندىن تەخت.
ئېرىشسەم بىر مىسرا شېئىرغا ئاخىر،
شۇ ماڭا ھاياتتا ئالەمچە بەخت.
بۇ يازمىنى ئاخىرىدا   ھەبىبۇللا مىجىت تەھرىرلىگەن. ۋاقتى  2015-5-21 16:08  

ئىككىنچى كۇبلىتى بىلەن ئەڭ ئاخىرقى بىر كۇبلىتىنى پۈتۈن ئېلىۋېتىڭ. 5-كۇبلىتىنىڭ كېيىنكى ئىككى مىسرانى، 6-كۇبلىتىنىڭ تۆتىنچى مىسراسىنى قايتا ئىشلەڭ. بۇ مېنىڭ تەكلىپىم ھەم شەخسەن قارىشىم. قالغىنى «خوشناڭدىن مەسلىھەت سورا، ئۆزەڭنىڭ بىلگىنىنى قىل» دېگەن گەپمۇ بار.

مېنىڭ ئاددىي يازمىللىرىمغا نەزەر كۆزىڭىزنى سېلىپ كەمچىلىك ھەم يېتەرسىزلىكلىرىمنى سەمىمىيلىك بىلەن كۆرسىتىپ بەرگىنىڭىزگە كۆپ رەھمەت،   كۆرسەتمىڭىز بويىچە قايتا ئىشلەپ باقاي.

ھەر بىرىڭلارنىڭ  مېنىڭ ئەسەرلىرىم ئۈچۈن بەرگەن قىممەتلىك تەكلىپ- پىكىرلىرىڭلار مېنىڭ ئىجادىيەت يولۇمدىكى ماياك بولغۇسى.

بۇ بىر ۋەدىنامىگە ئوخشاپ قاپتۇ .ھەممە ئادەم دېھقاننى ئۇلۇق دەپ تەرىپلەيدۇ ،ئەمما ھىچكىمنىڭ دېھقان بولغۇسى كەلمىگىنىدەك .باىلارنىڭ مۇئەللىمنىڭ ئالدىدا «مەن تىرىشىپ ئوقۇپ ياخشى ئادەم بۇلىمەن» دىگىنىد       
شېئىر ۋە مەن

مەتيۈسۈپ ئابدۇسەمەت

شېئىر ئۇ ھاياتىم، شېئىر ئۇ جېنىم،
شېئىر دەپ ئاقىدۇ تومۇردا قېنىم.
شېئىرسىز بۇ ھايات ماڭا مەنىسىز،
شېئىر ئۆز ئەمگىكىم، شېئىر ئۆز نېنىم.
شېئىر ئۇ دىلىمنى ئىللىتقان قۇياش،
شادلىقىم، قايغۇمغا بولىدۇ سىرداش.
شېئىرسىز ئۆزۈمنى سىزەي مەن قانداق،
ئۆلۈمدۇر ئۇنىڭسىز بىر لەھزە ياشاش.

شېئىردىن باشقىغا  قىلمايمەن ئىخلاس،
كەچمەيمەن، بەرسەڭمۇ ئالتۇندىن تەخت.
ئېرىشسەم بىر مىسرا شېئىرغا ئاخىر،
شۇ ماڭا ھاياتتا ئالەمچە بەخت.
بۇ كۈبلىتلارنى ئېلىۋېتىڭ ،كىشىگە يالغاندەك تۇيغۇ بېرىدىكەن