تۇرغۇن مىجىت: يازغۇچىلار قانۇن ئۆگىنىشى كېرەكمۇ

داڭگال ئەپەندى، مېنى بۇ تېمىنى چاپلاشقا ھېچكىم ئۈندىمىدى، خەلقىمىزنىڭ بېشىغا كېلىۋاتقان كۈنلەر ئۈندىدى. قانۇننى چۈشىنىش باشقا گەپ، بويسۇنۇش باشقا گەپ، ئۆزىنى ساقلاش باشقا گەپ. دەل سىزدەك قانۇننى ھەممە ئادام بىلىدۇ، دەپ بىپەرۋا يۈرگەچكە ئادەملىرىمىز تۈركۈم-تۈركۈملەپ تۈرمىگە كىرىپ كېتىۋاتىدۇ. دەل سىز دېگەندەك تەپپەككۇر قلىش ئۈچۈن كاللا كېرەك.

توغرا دېدىڭىز، مېنىڭ دېمەكچى بولغۇنۇممۇ قانۇننى يادقا ئېلىش ئەمەس، رىئايە قىلىش. بۇلۇپمۇ يېڭىدىن يولغا قۇيۇلىۋاتقان ھەقىقىي قانۇن بۇيىچە ئىدارە قىلىش دەۋرىدە بەكرەك دىققەت قىلىش كېرەك. شۇڭا نۇرغۇن قېرىنداشلىرىمىز بۇنىڭ دەردىنى تارتىۋاتىدۇ. مەن شائىر ، يازغۇچى دەپ خنلەيلۇنغا توۋلاپ يۈرگەن بىلەن ھەقىقىي جەمىيەت باشقا گەپ.
بۇ يازمىنى ئاخىرىدا   Erchin تەھرىرلىگەن. ۋاقتى  2015-5-1 13:46  

بالام، بەكلا ساددا، خام خياللىق ئىچىدە قاپسىز، ئەركىنلىك ئۇقۇمىنى بەكرەك ئايدىڭلاشتۇرىۋېلىڭ. قانۇن ئوقۇغان بولسىڭىز نېمىشقا ھەرقانداق ئەركىنلىكنىڭ نىسپىلىك ئىچىدە بولىدىغانلىقىنى بىلمەيسىز؟ ئىنسان تۇغۇلىشىدىن باشلاپ  قايسى ئىرق، قايسى ئېتىقاد،قايسى دۆلەتتىن بۇلىشىدىن قەتئىي نەزەر بىر خىل چەكلىمە ئىچىدە ياشايدۇ، چەكلىمىسىز تۇرمۇش مەۋجۇت ئەمەس، ھەممە .ىشنىڭ سورىقى بار. ھەدېسىلا چەكسىز ئەېكىنلىك دەپ خەقنى قايمۇقتۇرغان ئادەم ياخشى يازغۇچى، شائىر ئەمەس.

   بۇ تېما ياخشى ئوتتۇرغا تاشلىنىپتۇ؛
   ھازىر يولغا قويۇلۇپ ئىجرا قىلىنىۋاتقان قانۇنلار كۆپ، ئۇلارنىڭ ھەممىسىنى ئۆگۈنۈشكە ۋاقىت كىتىدۇ، ھەقىقەتەن ئۆگۈنىمەن دېسە ۋاقىت ئىسراپچىلىقىمۇ كىلىپ چىقىشى  مۇمكىن. ئۇنداقتا قانداق قىلىش كېرەك؟  ئەگەر سىزنىڭ ئەسىرىڭىزدە قانۇنغا ئائىت مەزمۇن بولسا شۇ مەزمۇنغا ئائىت قانۇننى ئۆگەنمىگەن تەقدردىمۇ كۆرۈپ بېقىشىڭىز كېرەك. بۇ ئاخىردا چىنلىققا بېرىپ تاقىلىدىغان ئىش.
   ئەمما مەن بىز مەزمۇنىنى تولۇق بىلىمىسەك بولمايدىغان ئىككى قانۇن بار دەپ قارايمەن؛ ئۇ بولسىمۇ «مىللى تېرۇتىرىيەلىك ئاپتۇنۇمىيە قانۇنى»، ۋە دۆلەتنىڭ «ئاساسى قانۇنى» ( بۇنداق دېيىشىمنىڭ سەۋەبىنى چۈشەندۈرۈپ يۈرمىدىم)!   

ماقالە ۋە ئاددى ھەم بىرتەرەپلىمىلىككە تويۇنغان بىر قىسىم ئىنكاسلارغا قارىسام،  ھەقىقەتەن ئەرزىگۈدەك تېمىنى ئوتتۇرىغا قۇيۇپسىز.
يازغۇچىلارلا ئەمەس، بەلكى دۆلەتتىكى ھەرقانداق ئادەم قانۇن ئارقىلىق ئۆزىنىڭ ھوقۇقىنى ئىشلىتەلەيدىغان ھەم ئۆزلىرىنى قوغدىيالايدىغان بولۇش كېرەك. قانۇنى ھوقۇقنى ئىشلىتىشنى بىلگەندە قانۇننىڭ ئادىل ئىجرا قىلىشىنى ئەمەلگە ئاشۇرغىلى بولىدۇ.  قانۇننىڭ يېنىدا بويسۇنغۇچى ۋە ئىجرا قىلغۇچى دەپ ئىككى تەرەپ بولىدۇ. قانۇن دېگەن ھەرقانداق ئادەمدىكى توغرا-خاتالىقنى ئايرىش پۇزىتسىيەسىدۇر. توغرا-خاتالىقنى بىلمەيدىغان ھەم توغرا-خاتالىقنى ئايرىشنى خالىمايدىغان ئادەم، مەيلى قانۇنغا بويسۇنغۇچى ياكى قانۇننى ئىجرا قىلغۇچى بولسۇن قانۇنغا خىلاپلىق قىلىدۇ.
ئىدىيە قانۇنغا خىلاپ ئەمەس، جەمىيەتنى ئادەم بىلەن ئەمەس قانۇن بىلەن باشقۇرۇش كېرەك. يازغۇچىلار قانۇنى ئاڭ-ھوقۇق ئارقىلىق جەمىيەتتىكى ناھەقچىلىققا، قانۇنسىزلىققا، ئادالەتسىزلىككە قارشى سادا ياڭرىتىشى كېرەك. ئادەملەر ئەسلىدىنلا باراۋەر بولىدۇ، بۇنى ئۆزلىرى تەلەپ قىلىدۇ، قانۇن كاپالەتكە ئىگە قىلىدۇ. قانۇن ئادەمنىڭ باراۋەرلىكىنى مەركەز قىلىدۇ، ئەدەبىيات ئادەمنىڭ قىممىتىنى نامايەن قىلىدۇ. ئادەم توغرىلىق توختىلىدىغان ئەدەبىياتنىڭ قانۇن بىلەن مۇناسىۋەتسىز تەرىپى بولمايدۇ.

ھا ھا ھا بۈگۈن بۇ تېمىنىڭ نىمە مەقسەتتە بۇ مۇنبەرگە يوللانغانلىقىنى ھەمدە كىشىلەرنىڭ نىمە ئۈچۈن بۇنداق گەپلەرنى قىلىدىغانلىقىنى چۈشەندىم .ئاكا ئېسىڭىزدە بولسۇن ئادەم كىچىك چېغىدىلا ئەڭ سەمىمىي بولىدۇ .چوڭ بولغانچە ھىيلىگەرلىشىپ كېتىدۇ .شۇڭا ھەقىقىي يازغۇچى شائىرلارنى ئۆلگىچە بالا پېتى تۇرىدۇ دېيىشىدۇ.مەيلى مەن سىزنىڭ نەزىرىڭىزدە ياخشى يازغۇچى شائىر بولمىسام ...ھايات مانا مۇشۇنداق ھەشەمەتلىك يالغانچىلىقلارغا تولغان دىگەن گەپ ھەقىقەتەن راست ئىكەن .ئاھ!خۇدا ئادەم بولساڭلار ھەرگىز راست گەپ قىلماڭلار . يېقىندا شۇنى ھېس قىلىپ يەتتىم .بىز ئۆزىنى ئاتىۋېتىش دىگەننىڭ نېمىلىكىنى بىلمەيدىكەنمىز .مەن شۇنداق ئويلايمەن، ھەتتاتولىستويدەك ،بوددلىر،نېچشى،ھېمىڭۋاي،ئابدۇخالىق ئۇيغۇرى،زوردون سابىرلاردەك ھەممىدىن كېچىپ ئۆزىنى ،پۈتۈن ھاياتىنى يېزىقچىلىققا ئاتىۋېتىپ ھېچنەرسە تەلەپ قىلماي ھاياتىنى ئاخىرلاشتۇرغان ،ھەتتا ئەلنىڭ قارغىش-نەپرىتىگە قالغان يازغۇچىلار نۇرغۇن،لېكىن قولنىڭ ئۇچىدا بىر ئىش قىلىپ ياخشى يازغۇچى شائىر بولۇشنى ئويلىغۇچى ياكى بولىۋالغۇچىلار ھەقىقىي يازغۇچىلار ئەمەستۇر،ئۇلار پەقەت پۇرسەتپەرەسلەر ،جانباقتىلاردۇر.ھېلىھەم قۇلۇمنى پۈكۈپ تۇرۇپ شۇنداق جانباقتى يازغۇچىلاردىن نەچچىنى ساناپ بېرەلەيمەن .بىز ئۇنداق يازغۇچى بولۇشنى ئويلىمايلى .قىلساق ياخشى قىلايلى،ياكى قەتئىي قىلمايلى چۈنكى بۇنداق قىلىش بىر ۋاقىت ئىسراپچىلىقى ،ئۇنىڭ ئورنىدا باشقا ئىشلارنى قىلايلى .تېما ئىگىسى سىز بۇ يەردە بۇنداق تېما يوللاپ بىزنى قىلتاققا چۈشۈرمەكچى ،نۇرغۇنلىغان ياخشى نوتىلارنى يوقاتماقچى ياكى بىزگە مۇشۇ ئوردا شائىرلىق ئىدىيىڭىزنى سىڭدۈرمەكچى. تۇرغۇن ئاكا كۆڭلىڭىزنى چۈشەندىم،سىزمۇ ماڭا ياخشى بولسۇن دەپ گەپ قىپسىز ،ئەلۋەتتە كۆڭلىڭىزنى چۈشىنىمەن.ئاخىرىدا تېنىڭىزنىڭ سالامەت ئۆمرىڭىزنىڭ ئۇزۇن بولىشىنى تىلەيمەن ،ئەلنى ئايىغانلارغا ساقلىق يار بولسۇن .

سىزنىڭچە قانۇن بىلگەنلەر راستىنلا قانۇنغا خىلاپلىق قىلمامدۇ.؟؟؟يەنە قانۇن بىلگەنلەر راستىنلا ئۆز ھوقۇق -مەنپەئەتىنى قوغدىيالامدۇ.؟؟؟؟؟؟ئۇنداقتا جۇيۇڭكاڭ قانۇن بىلمەمتى.؟؟؟؟يەنە،يەنە....................................سىزنىڭ ياخشىسى تىتىملىق ھىكايلىرىڭىزنى يىزىۋەرگىنىڭىزياخشىدەك قىلدۇ.

مېنىڭچە ،يازغۇچىلار جەمىيىتىگە كىرىشتىن بۇرۇن قەلەمكەشلەردىن قانۇندىن ئىمتاھان ئېلىپ ئۆتەلىگەنلەرنى   يازغۇچىلار جەمىيىتىگە ئەزا قىلىپ  يازغۇچىلىق سالاھىيەت گۇۋاھنامىسى تارقىتىپ بېرىش،ئۆتەملىگەنلەرنى شاللاپ مەتبۇئاتتىن سۈپۈرۈپ تاشلاش كىرەك

مېنىڭچە ،يازغۇچىلار جەمىيىتىگە كىرىشتىن بۇرۇن قەلەمكەشلەردىن سىياسى -قانۇندىن ئىمتاھان ئېلىپ ئۆتەلىگەنلەرنى   يازغۇچىلار جەمىيىتىگە ئەزا قىلىپ  يازغۇچىلىق سالاھىيەت گۇۋاھنامىسى تارقىتىپ بېرىش،ئۆتەلمىگەنلەرنى شاللاپ مەتبۇئاتتىن سۈپۈرۈپ تاشلاش كىرەك… بۇ يازمىنى ئاخىرىدا   نەي تەھرىرلىگەن. ۋاقتى  2015-5-20 17:59