ھەسەنجان ئىبىراھىم شېرىپ : كىتاپ بىلىم بولىقى ، كىتاپ ئەقىل چىرىقى

«كىتاپ بىلىم بۇلىقى ،كىتاپ ئەقىل چىرىقى»
ھەسەنجان ئىبىراھىم شېرىپ

كىتاپ ئىنسانىيەت ئەقىل پاراسىتىنىڭ جەۋھىرى ،ئەجدادلىرىمىزنىڭ ئىشلەپچىقىرىش ،تۇرمۇش تەجىرىبىللىرىنىڭ قامۇسى ،كىشىلەرنى مەنىۋى جەھەتتىن يۇرۇقلۇققا باشلايدىغان مەشئەل .
كىتاپ ئۇقۇش ياخشى ئادەت. كىتاپ ئوقۇمىغان كىشى خۇددى روھسىز مۇردىغا ئوخشايدۇ ، كىتاپ – ژورنال ، گېزىت كۆرمەيدىغان كىشىنىڭ كۆڭلى قاراڭغۇ ، ئوي- پىكىرى چولتا ، كىشلىك تۇرمۇش قارشى ۋە دۇنيا قارشى مۇجمەل كېلىدۇ . كىتاپ ئوقۇمىغان كىشىنىڭ يولى تار ، كىتاپ ئوقۇمايدىغان مىللەت كىشىلىرىنىڭ كەلگۈسى خار بولىدۇ . كىتاپ بىزگە  قانداق ئادەم بۇلۇشنى، قانداق ياشاشنى ئۈگىتىىدۇ .
بىزدە:«  كىتاپ ئوقۇغان كىشى ، كۆككە تاقىشار بېشى »؛«بىلىكى چوڭ بىرنى يېڭەر، بىلىمى چوڭ مىڭنى»؛ «بىلىمك كىشى  ئۇزار، بىلىمسىز كىشى تۇزار» ؛« بىلىم ئالمىغان ياش ، تام تۈۋىدىكى تاش»  دەيدىغان ھېكمەتلەر بار. دېمىسىمۇ كىتاپ ئۇقۇغان ،بىلىم ئالغان كىشىنىڭ نەزەر دائىرىسى كەڭ ،ئۇقۇمۇشلۇق كېلىدۇ . كىتاپ ئادەمنىڭ دىلىنى ئاقارتىدۇ ، مەدەنىيلىككە يىتەكلەيدۇ.شۇڭا ھەمممىمىز پۇرسەت بولسا  كىتاپ ئوقۇپ، ئۆزىمىزنى قۇدرەت تاپقۇزايلى؛ ئۆي بىزىگەندە ئۆزىمىز ۋە پەرزەنتلىرىمىز ئۈچۈن  كىتاپ جاھازىسى ياسىتىشنى ، كىتاپ سېتىۋىلىپ تىزىپ قۇيۇشنى ، پات -پات ئۇقۇپ تۇرۇشنى ھەرگىز ئۇنتۇپ قالمايلى . مىللەتنىڭ كىلەچىكى، ئانايۇرتىمىزنىڭ گۈلللەپ ياشنىشى، ئۇلۇغ ۋەتىنىمىزنىڭ تېخىمۇ روناق تېپىشى ئۈچۈن بۇ يىلنى ئۆزىمىزنىڭ كىتاپ ئۇقۇش يىلى قىلىپ ،ئۆزىمىزنىڭ بىر كىشىلىك تۆھپىسىنى قۇشايلى!ئاخىرىدا قېرىنداشلىرىمغا دەيدىغىنىم : كىتاپخانىغا بۇرۇلسىڭىز ھاياتىڭىزدا بۇرۇلۇش بولىدۇ .