كۆزۈڭدە ئۇسسۇدۇم
نامانجان تۇرسۇن قاراتېكىن
1
چۆللەر قەلبىڭدۇر،قەلبىڭدۇر چۆللەر،
تۇيغۇ تۈگىلىرى ئۆتمەكتە بىر-بىر.
مەخپىيىتىمدۇر قەلبىمدىكى يۈك،
يەڭگىللەي
كۆز ياش بەرگىن بىر ھىجىر.
ئاڭلىيالمايسەن،پۈتتى ئاۋازىم،
ئىچىمدىكى سېنى چاقىرىپ.
(شامال پۈۋلەيدۇ)
بىر تال سۆڭەك مەن،
ئەسلىمەڭدىكى ياتقان ئاقىرىپ.
يەڭگىل سىلايمەن يوق شەكىلدىكى،
بارماقلىرىمدا سېنى،ئۆزۈمنى.
چوڭقۇر تېنىڭدىن ئۆمىلەپ چىقىپ،
جاراھەت بولۇپ ئاچتىم كۆزۈمنى.
2
چاچلىرىڭدىكى تورغاي ئۇۋىسى،
تەقدىرىم ئوخشاش ياتار چۇۋۇلۇپ.
ئۇچۇرما بولغان ئازابىم بۇزلار،
ئاخىرىقى بىر تال پېيىنى يۇلۇپ.
ئاينى كۆرمۈدۈم (ئاي مەندە بولغاچ)،
چاقنايدۇ قاقشال يۇلتۇز يارىسى.
مىڭبىر كېچىلىك سەپەرگە تولغان،
بىز ئىككىمىزنىڭ يېقىن ئارىسى.
بۇ يازمىنى ئاخىرىدا shaidayi تەھرىرلىگەن. ۋاقتى 2015-4-21 22:45
ۋاقتى: 2015-4-21 20:58:20
