ياسىن مىجىت: سۆيۈش

توقسۇ1 · ۋاقتى: 2015-4-20 22:01:56


	سۆيۈش ياسىن مىجىت قارا قاشىڭ توسار يولۇمنى، كىرپىكىڭدە قونۇپ ئۆتۈشكە. قارىچۇقۇڭ قىلىدۇ ھەيۋە، كۆزلىرىڭگە قېنىپ سۆيۈشكە. سۇمبۇل چېچىڭ قويماقچى باغلاپ، چاپچىپ كەلگەن ئىشىق ئوتۇمنى. قىلىچ كەبى تورىدۇ توسۇپ، قاڭشىرىڭمۇ سۆيگۈ يولۇمنى . قاشتېشىدەك سۈزۈك چىشلىرىڭ، قاراۋۇلكەن ئوتلۇق لىۋىڭگە. ئاھ يېرىلىپ كېتەرمۇ يۈرەك، قېنىپ سۆيسەڭ تەشنا لىۋىمگە بۇ يازمىنى ئاخىرىدا shaidayi تەھرىرلىگەن. ۋاقتى 2015-4-20 22:18

تۆتتاش · ۋاقتى: 2015-4-21 00:44:20


	سۆيۈش ئىلتىجالىرىنىڭ تاتلىق مەنالىرىنى بەك ياخشى ئىپادىلەپسىز. ئىجادىيىتىڭىزگە ئۇتۇق تىلەيمەن. ياسىنجان مۇئەللىم، مۇشۇنداق شېئىرلىرىڭىزنى مۇنبەرگە يوللاپ تۇرغايسىز.

تاشيولچى · ۋاقتى: 2015-4-21 10:32:31


	تېتىملىق لىرىكىڭىز يۈرەكنى ھوزۇرلاندۇردى. تىلىغىمۇ ياخشى ئىشلەپسىز. قەلىمىڭىز بەرىكەتلىك بولسۇن قېرىندىشىم!

dolani2015 · ۋاقتى: 2015-4-21 14:10:48


	تولىمۇ تاتلىق، لىرىكىلىق شىئېر ئىكەن. ، مەكتەپ ھاياتىمدىكى گۈزەل كۈنلەرنى ئەسلەتتى.

سەرداھى · ۋاقتى: 2015-4-21 15:39:32


	مەكتەپدىشىم، ئىجادىيىتىڭگە بەرىكەت يار بولسۇن!

ئەرتېكىن · ۋاقتى: 2015-4-21 16:11:02


	3–كۇبلىت ھىڭگاڭ چىش بىر ئايالنى كۆز ئالدىمغا كەلتۈرۈپ قويدى.

پەرى. · ۋاقتى: 2015-4-21 16:17:22


	ياخشى چىقىپتۇ ،داۋاملىق يوللاپ تۇرۇڭ.

توقسۇ1 · ۋاقتى: 2015-4-21 17:54:47


	ئە.خ.ئەرتېكىن يوللىغان ۋاقتى 2015-4-21 16:11 3–كۇبلىت ھىڭگاڭ چىش بىر ئايالنى كۆز ئالدىمغا كەلتۈرۈپ ... ھا ھا ھا مەن بۇ مىسرانى ئۆزىنى سۆيدۈرمەيدىغان بىر قىز ئوبرازى سۈپىتىدە يازغانتىم، ھىڭگاڭ چىش ئايال ئوبرازى بولۇپ قاپتۇ- دە!

ئەرتېكىن · ۋاقتى: 2015-4-21 19:56:34


	توقسۇ1 يوللىغان ۋاقتى 2015-04-21 17:54:47 ھا ھا ھا مەن بۇ مىسرانى ئۆزىنى سۆيدۈرمەيدىغان بىر قىز چىش لەۋگە قاراۋۇل قىلىنغان ئىكەن، ئەلۋەتتە كالپۇكتىن تاشقىرى چىقىپ قالغان ئوغرى چىش بولىدۇ–دە؟!