تۈركمەن شائىرى مەخدۇمقۇلى شېئىرلىرىدىن

بابۇر. · ۋاقتى: 2015-4-19 00:19:59


	تۈركمەن شائىرى مەخدۇمقۇلى شېئىرلىرىدىن ئادەم ئوغلى ئادەم ئوغلى ئەسلى زاتىڭ، بىر خاۋۇشتىن سانغا كەلدىڭ. ئوت بىلەن ھاۋا تۇپراقتىن، قەترە سۇدىن قانغا كەلدىڭ. ياتاردىڭ قاراڭغۇ جايدا، نە كۈن كۆرۈلدى نە ئايدا، ئون تۆت كۈن بىلەن تۆت ئايدا، پاك ئەمرەتتىن جانغا كەلدىڭ. كۆر نېچۈك بۇ ئەمرەتتە، رىزىق بەردى ئابى شەربەتتە، توققۇز ئاي تۇققۇز سائەتتە، ئىڭراپ بۇ جاھانغا كەلدىڭ. بىر ئىككىگە يەتتى يېشىڭ، يىغلىماقلىق سىنىڭ ئىشىڭ، ئۈچ يېشىڭدا چىقتى چىشىڭ، سۈتتىن ئۆتۈپ نانغا كەلدىڭ. تۈرلۈك تىل ئىچىلدى دۇردىن، پەرۋايىڭ يوق خەير يا شەر دىن، بەش ئالتە يېشىڭدا زەردىن، كىيىپ خوب ئەركانغا كەلدىڭ. يەتتە ياشتا چۈشتى چىشىڭ، ئىلمۇ مەكتەپ بولدى ئىشىڭ، سەككىزىڭدە يازۇ-قىشىڭ، تۇققۇز ئۆتۈپ ئونغا كەلدىڭ. ئەسەر ئۇردى ئون تۆت ياشتا، ئارزۇ بالىڭ قەلەم قاشتا، جانانلەرلە ئونبەش ياشتا، ئىشىق ئىچرە مەستانغا كەلدىڭ. يىگىرمىگە باردىڭ يۈگرۈپ، يىگىرمبەشتە قايناپ تېشىپ، ئوتتۇز يېشىڭدا ئۇرۇشۇپ، شىر كەبى مەيدانغا كەلدىڭ. ئوتتۇز بەشتە سەرمەس بولۇپ، يۈگۈردۈڭ بىر قىر چاپ قىلىپ، قىرىقىڭدە كۈچكە سەن تولۇپ، شىر كەبى مەيدانغا كەلدىڭ. قىرىق بەش ياشتا كۈي داستاننى، ئەللىكتە باستىڭ ئاستاننى، ئەللىك بەشتە تاپ بوستاننى، گۈل يا زىمىستانغا كەلدىڭ. ئاتمىش ياشتا ئۆيگە تالدىڭ، ئاتمىش بەشتە ئايرە قالدىڭ، يەتمىشىڭدە ھەسسە ئالدىڭ، كۆزلەرىڭ گىريانغا كەلدىڭ. يەتمىش بەشتە ياش چېكىلدى، سەكسەندە چىشلەر تۆكۈلدى، سەكسەن بەشتە بەل پۈكۈلدى، شىرىن سۆز كامالغا كەلدىڭ. ساندىن چىقتىڭ توقسان ياشتە، ئىمان تىلە توقسان بەشتە، مەخدۇم قۇلى سەن يۈز ياشتە، بەلەن بىر ماكانغا كەلدىڭ، * خەير يا شەر -ياخشى يا يامان ئەسەر- تەسىر قىلماق، نىشان سەرمەس-خۇشكەيپ،خۇشخۇي __ گىريان-يىغلىماق دىگەن مەنىدە دۇنيا * پانى دەپ دۇنيانى ئەيلەپسەن بايان، كەلگەن نېمە كۆردى بۇ دۇنيا سەندىن. قىرىق يىل يامغۇر يىغىپ،تۇپراقتىن بولغان، ئادەم نېمە كۆردى بۇ دۇنيا سەندىن. تۇققۇز يۈز يىل ئەللىك يىل دۇنيادا بولغان، بەزىلەر مىڭ يىل دەپ رىۋايەت قىلغان، ئۈممەتلىرى تۇپان بەلاسىن كۆرگەن، نۇھ ھەم نېمە كۆردى بۇ دۇنيا سەندىن. پولاتلار قولىدا مۇم كەبى بولغان، يۈز يەتمىش يېشىدا خەلىپە بولغان، قىرىق ئوغلىن بىرىبان بىر ئوغۇل ئالغان، داۋۇت نېمە كۆردى بۇ دۇنيا سەندىن. ھەق ئەمرىچۈن ئىسمايىلدىن كۆڭۈل ئۈزۈپ، قۇدرەت بىلەن سېلىپ كەبىنى بۇزۇپ، يۈز سەكسەن ئەلنى ئالەمدە كىزىپ، خەلىل نېمە كۆردى بۇ دۇنيا سەندىن. ھەقنىڭ نامىن تۇتۇپ كۆزى سىل بولۇپ، ئوغلىن پىراقىدا يېنىپ كۈل بولۇپ، قالغان ئۆمرى يۈز قىرق سەككىز يىل بولۇپ، ياقۇب نېمە كۆردى بۇ دۇنيا سەندىن. ئەجەل نۇرى كەلسە ئۈستۈڭدىن ئېقىپ، دۇنيانى ئەيلەرسەن بۇنچەكى يىغىپ، ئىككى يۈز ئەللىك يىل ياشىغان ئەييۇپ، ئول ھەم نېمە كۆردى بۇ دۇنيا سەندىن. سالىھ نېمە كۆردى يۈز سەكسەن ياشتىن قۇدرەت بىلەن كىمە چىقاردى تاشتىن، رۇستەم نېمە كۆردى يۈز توقسان ياشتىن، ئۇلار نېمە كۆردى بۇ دۇنيا سەندىن. مەخدۇمقۇلى جانىم پىدا يولۇڭدا، كەلگەن پانى بولار شاھلار ھەم گەدا، ئاتمىش ئۈچتە ئۆتتى رەسۇلى خۇدا، ئول ھەم نېمە كۆردى بۇ دۇنيا سەندىن. ئايرىلما مەستانە يۈرگۈنچە غەيرى يۇرتلاردا، ئويناپ ئۆسكەن ئۆز يۇرتۇڭدىن ئايرىلما. مەغرۇر كەكلىك كەبى نەپسىڭ دەردىدە، دامغا چۈشۈپ قاناتىڭدىن ئايرىلما. تەۋەككۇل ئەت خەلققە دىلىڭ بەر بارىڭ، سەبر ئەيلىگىن سەبىرسىزلىك ھەم بىكار. ھەر جايغا بارساڭ ھەم نىسىۋەڭدۇر بار، باي بولاي دەپ ئىززېتىڭدىن ئايرىلما. نامەرتلەر ھەم مۇخەننەسلەر ناچارلار، تۇزۇڭنى يەپ ئىشىڭ بولسا قاچارلار. سىرىڭنى پاش ئەيلەپ ئەيبىڭ ئاچارلار، تەلىم بەرگەن ئۇستازىڭدىن ئايرىلما. گادايلارنىڭ كۆڭلى شاھلىق ئىستەيدۇر، نامەرت تىلى يالغان سۆزنى راست دەيدۇر بىقەدىرلەر دۈشمىنىڭگە دوست بولۇر، قەدرىڭ بىلگەن ئۈلپىتىڭدىن ئايرىلما. كىملەر نامەرد بولار كىملەر مەرد بولار، ھەركىمنىڭ تەقدىرىنى ئاللاھ بىلەر. باشقا ھەرنە كەلسە تىلىڭدىن كىلەر، مەخدۇم قۇلى ھەق يادىدىن ئايرىلما. تەييارلىغۇچى:مۇھەممەد بابۇر بۇ يازمىنى ئاخىرىدا shaidayi تەھرىرلىگەن. ۋاقتى 2015-4-20 00:54

shaidayi · ۋاقتى: 2015-4-20 00:54:52


	ئەسكەرتىش: تېما يوللىغاندا ئەسەرنىڭ كېلىش مەنبەسىنى ئەسكەرتىشىنى ئونتۇپ قالماڭ!

ناچۇق0998 · ۋاقتى: 2015-4-20 12:58:23


	ئەسلى مەنبەدە مەخدۇمقۇلى فەراغى دەپ ئېلىنماپتىمۇ؟

كۆكتولۇن · ۋاقتى: 2015-4-20 22:29:50


	ئالىي مەكتەپتە ئوقۇۋاتقاندا، بىر ئوقۇتقۇچۇم ماڭا قازاقىستاندىكى ئۇيغۇر قېرىنداشلىرىمىز تۈزگەن ئوتتۇرا مەكتەپ ئەدەبىيات دەرىسلىكىدە تۇنجى قېتىم مەخدۇمقۇلىنىڭ شېئىرلىرىنى ئوقۇغان ئىدىم، بۇ ئەمگىكڭىزدىنمۇ سۈيۈندۈم. يەنە يوللىشىڭىزنى تىلەيمەن.

ئابدۇقادىر. م · ۋاقتى: 2015-4-21 00:14:26


	ناچۇق0998 يوللىغان ۋاقتى 2015-4-20 12:58 ئەسلى مەنبەدە مەخدۇمقۇلى فەراغى دەپ ئېلىنماپتىمۇ؟ ئەسلى مەنبەدە « مەختۇمقۇلى پىراغى» دەپ ئېلىنغان....

بابۇر. · ۋاقتى: 2015-4-21 00:53:46


	مەختۇمقۇلى (1733-1790) تۈركمەن كىلاسسىك ئەدەبىياتىنىڭ ئاتىسى مەختۇمقۇلى فىراغي تۈركمەنىستاننىڭ قارا قەلئە دېگەن جايىدا شائىر دەۋلەتمەن ئازادىي ئائىلىسىدە تۇغۇلغان .ئاتىسى ئۆز دەۋرىنىڭ يىتىشكەن كاتتا شائىرى ئىدى. ئازادىينىڭ «ۋەزى-ئازاد»ناملىق كىتابى ھىلىھەم مەۋجۇت. ئازادىي خەلق شائىرى بولۇپلا قالماي بەلكى زامان ئەللامىسى، تەقۋا ۋە مەرىپەت پىشۋاسى ئىدى. مەختۇمقۇلى بالىلىقىدا يىزىدا كىيىنچە خىۋە مەدرىسلىرىدە ئىلىم تەھسىل قىلغان. شۇ يىللاردا ئۇ تۈركمەن، ئۆزبېك ۋە پارىس تاجىك كىلاسسىك ئەدەبىياتىنى تىنماي ئۈگەنگەن. شائىرنىڭ ئىجادىيەتلىرى كىلاسسىك ئەدەبىياتقا ئەگىشىپ لىرىك شېئىرلاردىن باشلانغان.مەختۇمقۇلىنىڭ «سەيلەنمە»ناملىق كىتابى بار. شائىرغا شەرق ئەدەبىياتى جۈملىدىن نەۋايى ھەزرەتلىرىنىڭ ئىجادىيەتلىرى ئالاھىدە تەسىر كۆرسەتكەن. مەختۇمقۇلىنىڭ كۆپلىگەن ئەسەرلىرى ئۆزبېك خەلقى ئارىسىدا كۆپتىن بىرى كەڭرى تارقىلىپ كەلگەن. مەنبە: www.n.ziyouz.com

ablipiz idiris · ۋاقتى: 2015-4-21 11:43:29


	بابۇر. يوللىغان ۋاقتى 2015-4-21 00:53 مەختۇمقۇلى (1733-1790) تۈركمەن كىلاسسىك ئەدەبىياتىنىڭ ئاتى ... بۇ شائىرنىڭ شېئىرلىرىدىن يەنە كوپراق يوللاپ تۇرۇڭ.

بەرگىيە · ۋاقتى: 2015-4-21 12:03:10


	بابۇرخان، ئىزچىل ھالدا سىزنىڭ تەرجىمە قىلىپ تەييارلىغان ئېسىل تېمىلىرىڭىزدىن بەھىرلىنىپ كېلىۋاتىمىز. ئەجرىڭىزنىڭ ساۋابى بولغاي!يەنىمۇ كۆرۈپ تۇرۇشنى ئىستەيمەن.

گۇلنىسا ئىمىن · ۋاقتى: 2015-4-21 12:05:59


	بۇ ئەمگىكىڭىز ياخشى بوپتۇ، بىر قىسىم يىڭى سۆزلەرنى ئىزاھاتى بىلەن بىرىشنى ئويلىشىپ باقسىڭىز قانداق.

تۇلۇنئاي · ۋاقتى: 2015-4-21 12:07:41


	ئىزدىنىشىڭىز ياخشى بولۋاتىدۇ ئاكا،سىزگە تېخىمۇ ئۇتۇق تىلەيمەن.