لۇشۈن ئەدەبىيات ئىنىستىتوتىنىڭ 17-قارارلىق كۇرسىدا ئوقۇش باشلاندى

كېلەر قېتىم مەنمۇ بىر ئامال قىلىپ مۇشۇ كۇرۇسقا بېرىپ يازغۇچى بولۇپ كەلمىسەم،خەپ

جۇڭگو يازغۇچىلار جەمئىيىتى پارتگۇرۇپپىسىنىڭ ئەزاسى، شۇجىچۇنىڭ شۇجىسى، جۇڭگۇ يازغۇچىلار جەمئىيىتىنىڭ مۇئاۋىن رەئىسى، جۇڭگو ئاز سانلىق مىللەت يازغۇچىلىرى جەمئىيىتىنىڭ رەئىسى، ئاتاقلىق شائىر جىدى ماجىيا ئەپەندى بىلەن خاتىرە سۈرەتكە چۈشىۋالدۇق، كۈنلەر شۇ قەدەر خۇشاللىق ئىچىدە ئۆتىۋاتىدۇ.

ئۆرۈمچىدە قىممەتلىك تەجرىبىللىرىنى سۆزلەپ بەرگەن ئىلغارجان سادىق، تۇردى لېتىپ ئېزگۈ قاتارلىق ئۇستازلارغا، ئادىلجان ئابدۇرېھىم چوڭقۇرچاق، ئەمەتجان يولداش قاتارلىق دوستلارغا قۇتلۇق بولسۇن،ئاستانىدىكى كۈنلىرىڭلارنىڭ تېخىمۇ مەنىلىك ئۆتىشىگە، تەربىيەلەشتىن يېڭى ھاسىلاتلارغا ۋە مول بىلىملەرگە ئىگە بولۇشۇڭلارغا تىلەكداشمەن.

ئادىلجان، بېيجىڭغا بېرىپ مۇئەللىم بولمىغانسىلە ھەممىلا رەسىمدە قوللىرىڭلارنى ھەركەتلەندۈرۈپ گەپ قىلىپلا چىقىپسىلەغۇ؟ بۇ يازمىنى ئاخىرىدا   nurtekin تەھرىرلىگەن. ۋاقتى  2015-4-18 22:13  

ئىلى ھېمىت

بىر تال ئالما چېچىكى چۈشكەندە

سەھەر دېمەك
سەكرەپ چۈشتى  قۇياش بۆشىكىدىن
يەتتە كېزەك .

كۈندۈز
سارغۇچقىنە  ئاچتى چېچەك.
-سالام،- دېدى قاپاق تېرەكلەر
كېلۇر ئۇندىن تونۇش ،سۇس پۇراق،
شاح ئۈستىدە تەنھا سېغىزخان،
چاقىرماقتا يەنە بىرىنى،
بولۇپ پايپېتەك.

ئۇچۇپ يۈرگەن توزغاقلار ئارا
پۇراق چاچتى سېرىن چېچىكى
قاسراق تاشلاپ غوللىرى، يارا.

يەر ئاستىدا

قەدەمدە مىغ-مىغ
پارقىراق قۇڭۇز تارىتىدۇ نۇر .
دەۋرەپ كەلدى رەڭلەر تاشقىنى
كۈلرەڭ
گىل رەڭ
قەھۋە رەڭ...

سۈزەرمەكتە بارغانچە چوڭقۇر.

كەلدى ئۇچۇپ  قاناتلىق مېترو
چوقىۋالدى خىياللىرىمنى
كۈندۈزۈمنى

تۆگىمەيدۇ ماڭغانغا يوللار

بىز تاماق يېمەكچى بولعاندا

ۋاقىت بىزنى يېمەكتە...

ئالدىمىزدا « ikea  »ئائىلە بويۇملىرى تاللا بازىرى
ئالما چېچىكى تۆكۈلۈپ تۇرغان پىيادىلەر يولى
بىر تال ئالما چېچىكى لەيلىگەنچە

چۈشكىنىدە مۈرەمگە ئاستا

توزىغان قۇش پېيىدەك.
لۆمۈلدىدى كۆزۈمدە دۇنيا

قاراڭغۇلۇق تىقىلىپ راسا.

قەدىمىي ئاستانىنىڭ كوچىلىرىدا
نۇر چاچىدۇ
ئۇيغۇر دوپپىسى ،
بىر تەخسە لەعمەن .

رەڭلەرنىڭ قاتمۇقات قورشاۋلىرىدا
بۇقۇلدايدۇ تەنھا دەمدەردەك  
سارغايغانچە  بىر قىزىل يۈرەك.

2015-يىلى 4-ئاينىڭ 18-كۉنى چارشەنبە بيجىڭ شەھرى

بۇ يازمىنى ئاخىرىدا   Ali تەھرىرلىگەن. ۋاقتى  2015-4-30 20:56  

رەخمەت، قايتا تۈزىتىپ قويدۇم،ئاتالغۇسى بار نەرسىنى ئەينەن ئالغۇلۇققۇ؟

كۇرس بىر خىل شەكىل خانىم، مۇھىمى ئىجادىيەتكە بولغان قىزغىنلىق، ساپ ، سەمىمى كۈڭۈل. مۇشۇنداق پائالىيەتلەرگە قاتنىشىش پۈرسىتىگە ئېرىشەلمىگەن نۇرغۇن ئەزىزلەر بار، ئۇلارنىڭ  يازمىلىرىمۇ يەنە شۇنداق ياخشى. مىنىڭ ئويلىشىمچە ئىجادىيەتتە ئارتۇق داۋراڭ سالمايدىغان، ئارتۇقچە شان-شەرەپ قوغلىشىپ كەتمەيدىغانلارنىڭ نەتىجىسى ياخشىراق بولىدۇ.

جىدى ماجىيا نىڭ« يىلپىز » ناملىق شېئىرى بەك ياخشى چىققان ئىكەن.

         تالانتلىق شائىر ئادىل تۇنىيازنى بۇ يەردە كۆرۈپ ھەيران قالدىم. توۋا، قەتئىي ياراشماپتۇ. يا  دەرس سۆزلىگىلى تەكلىپ قىلدىمۇ؟ مېنىڭچە ، شائىرلارنىڭ كۇرسلاردا ئوقۇپ «تەربىيەلىنىش» ىدىنمۇ بىمەنە ئىش بولمىسا كېرەك .....

كۇرسقا قاتناشقان ئۇستازلارغا دوستلارغا سالام……

     ئۇكام، ھەممە ئادەم  مۇھىت ئالماشتۇرۇشقا مۇختاج . ئائىلە، خىزمەت، جەمئىيەت دەمدۇ ئەيتاۋۇر  تىنچقىنە ئولتۇرۇپ بىرەر كىتاب ئوقۇشقا، ياكى ئەدەبىي ئەسەر يېزىشقا  ۋاقىت چىقىرالماي ئۆتۈپ كىتىۋاتىمىز.  بۇ كۇرسنىڭ خاسىيتى شۇكى، بىردەملىك بولسىمۇ ئاشۇنداق بېسىملاردىن ئۆزىمىزنى نېرى تۇتۇپ ئارام ئېلىپ ، يېڭىلىقلارنى ئاڭلاپ، پىكىرداشلار بىلەن ھەمسۆھبەت بولۇشۇپ ئادەمنىڭ كۆڭلى جايىغا چۈشۈپ قالىدۇ. ئوغۇل بالىنىڭ بېشىغا چۈشۈۋاتقان بېسىم ئاز  ئەمەس.
     يەنە كىلىپ ئىدارىدىن رۇخسەت ئېلىشمۇ  ئاسان ئەمەس.  ۋاقتى قىسقا بولغىنى ئۈچۈن ئۇلارغا  ئۇتۇق تىلەيلى.  ھاجى ئادىل تۇنىياز  ئەفەندىمنىڭ  بارغىنى بەك ياخشى بولۇپتۇ.  جىق شېئىرلارنى يېزىۋېلىشقا پۈرسەت چىقىپتۇ.  

كۇرسانتلار نىڭ  جىدى ماجانىڭ ‹‹يىلپىز›› ناملىق لىرىك داستانى ئۈستىدە مۇھەكىمە ئۇيۇشتۇرۇپ باقسا دېگەن ئۈمىتتىمەن.

ئۇكام، ھەممە ئادەم  مۇھىت ئالماشتۇرۇشقا مۇختاج....

مېنىڭچە بۇنىڭدىنمۇ ئارتۇق چۈشەندۈرۈش ئۇسۇلى ۋە بۇنىڭدىنمۇ مۇۋاپىق جاۋاب بولمىسا كېرەك.

بۇ قېتىمقى كۇرسانىتلارغا ئامەت تىلەيمەن،  
دوستۇم ئەمەتجان يولداش، قېرىندىشىم ئاتىكەم سېدىق ئايقۇتلارنىڭ بۇ سەپىرىنىڭ مۇۋاپىقيەتلىك بولىشىغا تىلەكداشمەن.

ھۆرمەتلىك ئادىل تۇنىيازغا سالامەتلىك يار بولغاي! سىڭلىمىز زەيتۇنەم مەمتىمىننىڭ بۇ پۇرسەتنى چىڭ تۇتۇپ، ئادىل تۇنىياز  ئۇستازىمىزنىڭ دۇردانە ئۈگۈتلىرىنى كۆپراق ئاڭلىۋېلىشىنى ئۈمىت قىلىمەن!