ھەسەنجان تىلىۋالدى: بىر گەپ بار

ھەسەنجان دانىش · ۋاقتى: 2015-4-10 10:47:30


	بىر گەپ بار ھەسەنجان تىلىۋالدى دوستۇم دىسەڭ سەن بىلەن ماڭمىغاندا بىرگەپ بار، پۇتۇڭ تاشقا ئۇرۇلسا تاڭمىغاندا بىرگەپ بار. تۇزاق قۇرۇپ يوشۇرۇن دۈشمەن بىلەن بىر بولۇپ، غەيۋەت قىلىپ كەينىڭدىن ھارمىغاندا بىرگەپ بار. نام قازانساڭ يول تېپىپ،ئابرۇي تېپىپ،پۇل تېپىپ، تۈلكىلەردەك ھېجىيىپ قاچمىغاندا بىر گەپ بار. باي بولغاندا يېنىڭدىن كۈچۈكلىنىپ كېتەلمەي ، نامرات چاغدا ئۆيۈڭنى تاپمىغاندا بىرگەپ بار. كۈلپەت كىلىپ بىركۈنى غەم چۈشكەندە بېشىڭغا، شۇنچە كەڭرى قوينىنى ئاچمىغاندا بىرگەپ بار. بىلىپ قالسا سىرىڭنى تالاي كىشى ئالدىدا، ئەيىبىڭنى كەڭ ئېچىپ، ياپمىغاندا بىر گەپ بار. توڭلاپ قالساڭ قەھىرتان قىش كۈنلىرى سوغۇقتا، تۈتەك ئۈچۈن بىرتال شاخ چاپمىغاندا بىرگەپ بار. قاردىن ئاپئاق بولساڭمۇ تۆھمەت قىلىپ ئۈستىڭدىن، ئاق يۈزۈڭگە قارىنى چاپلىغاندا بىر گەپ بار. چىن كۆڭلۈڭدىن ئىشىنىپ سۇنغىنىڭدا قولۇڭنى، خەنجەر ئۇرۇپ كۆزۈڭنى ياشلىغاندا بىرگەپ بار. نەپ يەتكەندە دوستلىشىپ، يەتمىگەندە پەسلىشىپ، سىنى داغدا قالدۇرۇپ تاشلىغاندا بىرگەپ بار. بۇ يازمىنى ئاخىرىدا Erchin تەھرىرلىگەن. ۋاقتى 2015-4-10 16:17

Erchin · ۋاقتى: 2015-4-10 11:49:43


	ئىسىمدىن كېيىن قوش چېكىت قويماي، چېكىتلىك پەش قويۇشىڭىز قايسى گىرامماتىكىغا چۈشىدۇ؟

Erchin · ۋاقتى: 2015-4-10 11:51:15


	تېما يوللىغاندا ئەستايىدىل بولساق! تىنىش بەلگىلىرىنىڭ ئىشلىتىلىشىنى بىلىۋېلىپ، ئاندىن ئەسەر يوللىسىڭىزمۇ كېچىكىپ كەتمەيسىز. forum.php?mod=viewthread&tid=16157

Erchin · ۋاقتى: 2015-4-10 12:03:55


	ئىسىمىڭىز مۇنداق يېزىلىشى كېرەك: ھەسەنجان تىلىۋالدى

ئۆمەر · ۋاقتى: 2015-4-10 12:33:30


	قامچىسى بار شائىرنىڭ يۈرىكىدە بىر دەرت بار. قەلىمىڭىز ھارمىغاي.

دىنارى · ۋاقتى: 2015-4-10 14:12:23


	ئۆمەر يوللىغان ۋاقتى 2015-4-10 12:33 قامچىسى بار شائىرنىڭ يۈرىكىدە بىر دەرت بار. قەلىمىڭىز ... توڭلاپ قالساڭ قەھىرتان قىش كۈنلىرى سوغۇقتا، تۈتەك ئۈچۈن بىرتال شاخ چاپمىغاندا بىرگەپ بار. قاردىن ئاپئاق بولساڭمۇ تۆھمەت قىلىپ ئۈستىڭدىن، ئاق يۈزۈڭگە قارىنى چاپلىغاندا بىر گەپ بار. 衣服H喜欢ياخشى مىسىرالاركەن.

ئاينۇرى · ۋاقتى: 2015-4-10 14:28:25


	مۇبارەك بولسۇن ئۇكام. شېئىرنى ساقلاپ قويغۇدەك ئىسىل يېزىپسىز.

فونتان · ۋاقتى: 2015-4-10 17:54:23


	رەخمەت ئەرچىنكا مەن ئاران 15 كۈنلا ئوقۇغان بولغاچ ئەسلى ماڭا لازىم ماتىرىياللاركەن ساقلىۋالدىم...

تاشيولچى · ۋاقتى: 2015-4-10 18:00:00


	شەخسىيەتچىلىك ئەۋجى ئېلىپ كىتىۋاتقان ، بەزىلەرنىڭ كۆڭلى قارىيىپ كىتىۋاتقان ھازىرقى تۇرمۇشىمىزغا جايىدا قامچا ئۇرۇپسىز. دىمىسىمۇ ھەر نىيەتتە «بىر گەپ بار». بەلەن يېزىپسىز قېرىندىشىم.

ablipiz idiris · ۋاقتى: 2015-4-10 18:34:14


	فونتان يوللىغان ۋاقتى 2015-4-10 17:54 رەخمەت ئەرچىنكا مەن ئاران 15 كۈنلا ئوقۇغان بولغاچ ئەسلى ... سىز نىمانداق ھەممىلا تىمىغا ئاران 15 كۈن ئوقۇغان، 15 كۈن ئوقۇغانلا، دەپ يولايسىز؟ سىزدە بىرەر گەپ بارمۇ يا؟ سىز 15 كۈن ئوقۇغىنىڭىزنى دەپ مۇنبەردىن بىرەرسىنىڭ 15 يىل ئوقۇتۇپ قويۇشىنى كۈتمەكچىمۇ يا؟

ھەسەنجان دانىش · ۋاقتى: 2015-4-10 19:23:01


	Erchin يوللىغان ۋاقتى 2015-4-10 12:03 ئىسىمىڭىز مۇنداق يېزىلىشى كېرەك: ھەسەنجان تىلىۋالدى ئەسەر يازغاندا تېنىش بەلگىلىرىنى توغرا ئىشلەتمىگەن يېرىم بار . ئۇنى تۈزىتىشكە كۈچەۋاتىمەن. لېكىن ئىسمىمنى كىملىكتىكى بويىچە ھەسەنجان تىلۋالدى دەپ يازغانىدىم . بۇ يازمىنى ئاخىرىدا shaidayi تەھرىرلىگەن. ۋاقتى 2015-4-11 12:33

shaidayi · ۋاقتى: 2015-4-11 12:35:16


	تەكلىپلەرنى ئەستايىدىللىق بىلەن قوبۇل قىلسىڭىز كۇپايە، بۇ يەرگە ئاتايىن كىملىك يوللاپ تالاش-تارتىش قىلىپ ئولتۇرۇش ئارتۇقچە ئىش دەپ قارايمەن!

ھەسەنجان تىلىۋالدى: بىر گەپ بار

باھا سۆز