پەروزان: ئېيتالماس سېھىرلىك چۆچەكلىرىم بار

پەروزان · ۋاقتى: 2015-4-2 16:23:51


	ئېيتالماس سېھىرلىك چۆچەكلىرىم بار ئابلا ئىسھاق پەروزان ئېيتالماس سېھىرلىك چۆچەكلىرىم بار، چۆچەكلەر خېلىدىن بېرى ماڭا يار. قۇشلارنىڭ نۇر چاچار قاناتلىرىدىن، مۇڭ-ھەسرەت توكىدۇ ناتىۋان باھار. بۇ ياشلىق ئاشۇنداق ئوت ئوتلۇق نەپەس، چېچەكنىڭ مېۋىگە سىڭىشىدەك تەس. دىل ئارا كۆيۈكنى يوشۇرماق قىيىن، ئوينىتىپ تۇرغاچقا ئۇنى گۈلنەپەس. ھەسرەتكە چىلاندى تىنىمسىز يۈرەك، يۈرەكنى چىمدايدۇ لىغىرلاپ تىلەك. زۇلۇمدىن قۇتقۇزار پەرىزات بارمۇ، باھاردا يولۇققان يارىمدىن بۆلەك. يار بىلەن يات ئىدۇق، تونۇشمۇ ئەمەس. يادىمدا ھازىرمۇ ئۇچراشقان قەۋەت. چۆچەكچى ئاتالدىم شۇ كۈندىن بېرى، بوۋامدىن ئۇدۇمدەك ماڭا بۇ نۆۋەت. 2015-يىل 2-ئاپرىل بۇ يازمىنى ئاخىرىدا shaidayi تەھرىرلىگەن. ۋاقتى 2015-4-15 00:31

Erchin · ۋاقتى: 2015-4-2 17:07:59

بەرگىيە · ۋاقتى: 2015-4-2 17:15:18


	يۈرەكنى چىمدايدۇ لىغىرلاپ تىلەك يۈرەكنى چىمدايدۇ. چىممىدە قىلىدىغان ئازابنىڭ سۈپەتلىنىشى چىرايلىق بوپتۇ .

ئايسۇ123 · ۋاقتى: 2015-4-2 17:22:15


	ئاپرىلدىكى يېڭى تۇيغۇلىرىڭىزغا قۇدلۇق تۇيغۇلار ئۇلانسۇن. ھارمىغايسىز

qongkurqak · ۋاقتى: 2015-4-2 17:28:30


	بۈگۈنلا پۈتكەن شىئېركەن-دە، ئۇستاز؟ ئۆزلە شىئېردىمۇ، ھېكايە-پوۋېستتىمۇ شۇتا ئات بولۇپ مېڭىۋاتىلا. ھارمىغايلا.

قەلبىنۇر · ۋاقتى: 2015-4-2 17:34:41


	ئاپىرىلدىكى تۇيغۇلىرىڭىزغا مەرھابا،قەلىمىڭىزگە بەرىكەت تىلەيمەن،

شېرىن1 · ۋاقتى: 2015-4-2 17:38:46


	ئاشۇنداق« چۆچەكچى »بولماي تۇرۇپ ياشلىق باھارنىڭ پەيزىنى سۈرگىلى بولمايدىكەن . مۇشۇ يەردىكى ھەمىمىز نىڭ قەلبىنى « ئېيتالمايدىغان سېھىرلىك چۆچەك» لەرزىگە سالغاندۇ بەلكىم .

sahar · ۋاقتى: 2015-4-2 18:12:59


	شىئېرنىڭ ئاخىرقى مىسراسىنى ئوقۇۋىتىپ «تۈگۈمەس ناخشا»نى ئەسلەپ قالدىم. يېڭى - يېڭى تۇيغۇ ھەم ئىسىل چۆچەكلىرى ئۆكسىمىگەي، سالامەت بولسىلا.

ئاينۇرى · ۋاقتى: 2015-4-2 18:28:36


	قار ئارلاش يامغۇر بىلەن يۇيۇلغان باھاردا چۆچەكچى بولغان سىزگە مۇبارەك بولسۇن. شېئىردىكى تۇيغۇلار شۇنداق چىن، ھېسىيات كۈچلۇق ئىپادىلىنىپتۇ. شېئىرنىڭ تىلى باھاردا خۇش ناۋا ئەيلىگەن قۇشلارنىڭ سايرىشىدەك يېقىملىق ئىكەن. تېخىمۇ نادىر ئەسەرلەر قەلىمىڭىزدە ھۇجۇتقا چىقسىكەن دېگەن ئۈمىدتە بۇ ئىنكاسنى يېزىۋاتىمەن. سالامەت بولۇڭ.

ablipiz idiris · ۋاقتى: 2015-4-2 20:37:49


	يېقىشلىق شېئىرلىرىڭىزنى داۋاملىق كۆرۈپ تۇرسام دەيمەن، بۇ شېئىرىڭىزمۇ پاختىدەك يۇمشاق ئادەمگە خۇيمۇ ياقىدىغان تاتلىق شېئىر بوپتۇ. كۆپراق يېزىپ يوللاپ تۇرۇڭ ئاكا.

شۈكران · ۋاقتى: 2015-4-2 21:02:46


	چۆچەكنى يېقىشلىق يېزىۋىتىپسىزغۇ چۆچەكچى ئ‍اكا، قەلىمىڭىزدىن گۈل تۆكۈلسە، چىھرىڭىزدىن نۇر

شۈكران · ۋاقتى: 2015-4-2 21:02:59


	چۆچەكنى يېقىشلىق يېزىۋىتىپسىزغۇ چۆچەكچى ئ‍اكا، قەلىمىڭىزدىن گۈل تۆكۈلسە، چىھرىڭىزدىن نۇر

ئايشەم1 · ۋاقتى: 2015-4-2 21:14:54


	زۇلۇمدىن قۇتقۇزار پەرىزات بارمۇ، باھاردا يولۇققان يارىمدىن بۆلەك. پاھ،پاھ، شېئىرىڭىز بەك يېقىملىقكەن

ئارزۇ@ · ۋاقتى: 2015-4-3 09:49:11


	ھەسرەتكە چىلاندى تىنىمسىز يۈرەك، يۈرەكنى چىمدايدۇ لىغىرلاپ تىلەك. زۇلۇمدىن قۇتقۇزار پەرىزات بارمۇ، باھاردا يولۇققان يارىمدىن بۆلەك.

uygurya · ۋاقتى: 2015-4-3 10:03:44


	قۇشلارنىڭ نۇر چاچار قاناتلىرىدىن، مۇڭ-ھەسرەت توكىدۇ ناتىۋان باھار... مۇبارەك بولسۇن،ئۇستاز...شېئىرلىرىڭىزنى سېغىنىپ قالغان ئىدۇق،داۋاملىق يوللاپ تۇرارسىز...