قاراتېكىن: كۆڭۈل مۇراسىمى

كۆڭۈل مۇراسىمى

نامانجان تۇرسۇن قاراتېكىن

نۇرلىرى رۇخسارىدىن تال-تال تۆكۈلگەن ئۇز ئىدىڭ،
دەردىسە،چوڭقۇرىغا چوغنى يۇشۇرغان مۇز ئىدىڭ.
قىپقىزىل قارغىش رېڭىنى ئەڭنىگە سىڭدۈرمىگەن،
ناتىۋانلىق قىسمىتىدىن تىترىگەن يالپۇز ئىدىڭ.
بىۋاقىت كەتكەن ئىدى ئەتلەس خىيالىڭ كونىراپ،
ۋەسلىگە ھىجراننى ئۇسسۇز ئەيلىگەن،ئۇسسۇز ئىدىڭ.
ئاي سېنىڭ يىرتىق ئېتەكڭدىن چىقاتتى ھەر كېچە،
چاچلىرىڭ بورانغا كەپە،چۆلدىكى يۇلتۇز ئىدىڭ.
ئاھ ئۇراتتى يالىڭاچ بىر تۈپ سۇۋادان سەن ئۈچۈن،
ئۇ خازان تۆككەن پەسىللەر بۇرجىدا يالغۇز ئىدىڭ...

خۇددى دەپنە مۇراسىمىدىكى مەرسىيەدەكلا تۇيغۇ بەردى.

گېپىڭىزچە،تۇيغۇدىكى چىنلىققا سادىق بولالىغان ئوخشايمەن.

بولۇپمۇ ماۋزۇسى بەكلا تاللىنىپتۇ ،ھەم ئۆزگىچە ،يېڭىچە تەپەككۈرىڭىزگە ئاپىرىن !

شىئىرىڭىز ياخشى چىقىپتۇ ،  تەپەككۈر ، ئىلھاملىرىڭىزغا يېڭى ئۇتۇقلار تىلەيمەن !

مەنمۇ سىزنىڭ غەزەللىرىڭىزنى ياقتۇرۇپ ئوقۇدۇم.‹‹كۆڭۈل مۇراسىمى››نى ياخشى يىزىپسىز.سىزگە  ھەم سۆھبەت كۆڭلىنى سۇنۇپ ئەلتۈرك.

ما غەزىلىڭ پەيزىغۇ....

دوستۇم,بۇ غەزىلىڭىزمۇ ئېسىل چىقىپتۇ.بولۇپمۇ
«ئاي سېنىڭ يىرتىق ئېتەكىڭدىن چىقاتتى ھەر كېچە،
چاچلىرىڭ بورانغا كەپە،چۆلدىكى يۇلتۇز ئىدىڭ.»دېگەن بېيىتتىكى گۈزەللىك ماڭا بەك ياقتى.
بۇ يازمىنى ئاخىرىدا   begturk تەھرىرلىگەن. ۋاقتى  2015-4-18 18:29