توغراق:ئوقۇغۇچىلىرىمنىڭ ئەسەرلىرى(2)

بىزنىڭ مۇئەللىم
(شېئىر)
ئايگۈزەل نۇرالى
(ئونسۇ ناھىيە تاغلاق فېرما مىللى-خەنزۇ مەكتەپ 6-يىللىق 1-سىنىپ ئوقۇغۇچىسى)
بىزنىڭ مۇئەللىم،
پاتىگۈل ئاتلىق.
ئۆزى مېھرىبان،
سۆزى بەك تاتلىق.

ھەممىمىز ئۇنى،
ياخشى كۆرىمىز.
ھەر خىل گۈللەرنى،
تەقدىم قىلىمىز.

بولسۇن تېنىڭىز،
قەيسەر توغراقتەك.
گۈلزەم جىسمىڭىز،
بولسۇن گۈللەردەك.





خوراز بىلەن بۆرە
(شېئىرىي مەسەل)
ئايگۈزەل نۇرالى
(ئونسۇ ناھىيە تاغلاق فېرما مىللى-خەنزۇ مەكتەپ 6-يىللىق 1-سىنىپ ئوقۇغۇچىسى)

بارئىكەن، يوق ئىكەن،
ئاچ ئىكەن، توق ئىكەن.
خوراز بىلەن چىل بۆرە،
ئورمانلىقتا دوست ئىكەن.

بىر كۈن چۈشتە چىل بۆرە،
خورازنى يېمەك بوپتۇ.
ئويلاپ-ئويلاپ ئاخىرى،
مۇنداق ئامال تېپىپتۇ.

بۆرە دەپتۇ خورازغا،
كەلگىن دوستۇم ئوينايلى.
مەن بىر يەرنى بىلىمەن،
بىز شۇ يەرگە بارايىلى.

خوراز ئاڭلاپ بۇگەپنى،
شۇئان شۇملۇق سېزىپتۇ.
شۇنىڭ بىلەن يالغاندىن،
بۆرىگە مۇنداق دەپتۇ.

توختاپ تۇرغىن جان ئاكا،
ئىت كەلگەندە ئوينايلى.
ئۇنىڭ بىلەن بىرلىكتە،
خوشال ئويناپ كۈلەيلى.

بۆرە ئاڭلاپ بۇ سۆزنى،
قورقۇپ خىيال سۈرۈپتۇ.
ئىت كەلگەندە ئەجىلىم،
توشتى دەپتۇ، بىلىپتۇ.

شۇنىڭ بىلەن چىل بۆرە،
خرازنى يېيەلمەپتۇ.
كالۋالىشىپ تىللىرى،
بىر نېمە دېيەلمەپتۇ.

ئەۋلادلار ئۈچۈن سىڭدۈرۈلگەن ئەجىرڭىزدىن گۈل ئۈنگەي. شېئىرلار ياخشى چىقىپتۇ. بۇ قىزىمىزغىمۇ قۇت بولسۇن.

ئاپرىن!

ئەۋلادلارغا كۆڭۈل بۆلۈش تولىمۇ خاسىيەتلىك ئىش، ئەجرىڭىزگە رەخمەت!

ئوقۇغۇچىلىرىمىزنىڭ بەدئىي تالانتىنى جارى قىلدۇرۇش بىز ئوقۇتقۇچىلارنىڭ شەرەپلىك بۇرچى.

نوتا بەرقىگە قۇت بولسۇن!

ئەۋلادلارغا كۆڭۈل بۆلۈش - توغرا يېتەكلەشنى ئوڭ قانات قىلىدۇ.
ياسىنجان ئاكا،بالىلارنىڭ بۇ يازمىلىرىنى مۇنبەرگە سۈنۇشتىن بۇرۇن،تەھرىرلىگەن؛ئۇلارغا نېمىنى قانداق ئىپادىلەشنىڭ يولىنى كۆرسىتىپ قويغان بولسىڭىز تېخىمۇ ئۈنۈملۈك ئىش بولارمىدىكىن،دەپ ئويلۇدۇم.

كەلگۈسىنىڭ ئىگىلىرى بولغان بۇغۇنلارنىڭ ئەدەبىي ئىجادىيىتىگە يېقىندىن كۆڭۈل بۆلىۋاتقان ياسىنجان توغراق ئەپەندىگە موبارەك.

ئەجرىڭىزگە رەخمەت

بالىلارنىڭ ئەجرىگە رەھمەت،توغراق ئپەندىممۇ مۇشۇ ئەسەرگە خېلى ئەھمىيەت بەرگەندەك قىلىدۇ،بالىلارغىمۇ ئەسەر يېزىش ھەققىدە كۆپرەك بىلىم بىرىلسە،كەلگۈسىدىكى ياخشى ئىجادىيەتچىلەر كۆپلەپ مەيدانغا چىقىدۇ.

دوستلارنىڭ ۋە ئۇستازلارنىڭ كۆرسەتمىسىگە رەخمەت. مەن مەكتەپتە « مەرۋايىت چېچەكلىرى» ناملىق ئايدا بىر سان چىقىدىغان مەكتەپ گېزىتىگە مەسۇل ئىدىم. شۇ گېزىتكە ئەسەر تەھرىرلەش جەريانىدا بىر قەدەر ياخشىكەن دېگەنلىرىنى بۇ مۇنبەرگە يوللاپ قويدۇم. مۇمكىن بولسا قالغانلارمۇ كۈچ چىقىرىپ تۈزىتىش ئېلىپ بارساڭلا! بۇ بالىلارنى ئورتاق يېتەكلەپ كەتسەك دېگەن ئۈمۈدتىمەن.

بىزنىڭ مۇئەللىم ،
ياسىنجان توختىنىياز .
تەخەللۇسى توغراق ،
بىزگە بەكمۇ ئامراق .

بىزنىڭ مۇئەللىم ،
ياسىنجان توختىنىياز ،
يېتەكچىلىك قىلىدۇ ،
بېرىپ بىزگە ئىمتىياز ،

بىزنىڭ مۇئەللىم ،
ياسىنجان توختىنىياز .
ئۆگىتەر كۆپ خىل بىلىم ،
قىلىش: يازغۇچى ، ئالىم .

رەىمەت سىزگە!

رەىمەت سىزگە!

مەن ئۆزەم ئىدىيە-سىياسى دەرس ئوقۇتقۇچىسى بولغان بولساممۇ ئوقۇغۇچىلارنىڭ ئىجادىيىتىنى قوللاپ تۇردۇم.