م . م . نەزەر: «مۇزات دولقۇنلىرى»

ھۆسنۈڭ قۇياش ، ئايدەك « مۇزات دولقۇنلىرى » ،
تەمىڭ مىسلى بالدەك « مۇزات دولقۇنلىرى » .

ئېلىپ ئەنداز سەھىپىنى گۈلزارلىقتىن ،
كۆز چاقناتقان تاجدەك « مۇزات دولقۇنلىرى » .

تۇغۇمىڭغا خۇش مۇبارەك ، مىڭ مۇبارەك !
بىزگە بولدۇڭ ناندەك « مۇزات دولقۇنلىرى » .

تومۇرىغا مەدەنىيەت باغچىسىنىڭ ،
سىڭدىڭ قىزىل قاندەك « مۇزات دولقۇنلىرى » .

سەنلا مەۋجۇت ، باھارىستان بولار جۇتمۇ ،
ھەر كۈن ئايەم چاغدەك « مۇزات دولقۇنلىرى » .

يولۇققىنى بىر رەت ساڭا مېھرىن ئۈزمەس ،
ئەينى سېھىر باردەك « مۇزات دولقۇنلىرى » .

نازىنىنلار نازىنىنى يەتمەس ساڭا ،
بويۇڭ خۇددى تالدەك « مۇزات دولقۇنلىرى » .

ئاق ، ئۈزۈلمەي دولقۇنلىنىپ ئۆركەش ياساپ ،
چاپقىن توسۇن تايدەك « مۇزات دولقۇنلىرى » !


2010 . 2 . 7 ( 00 ) باي
بۇ يازمىنى ئاخىرىدا   Erchin تەھرىرلىگەن. ۋاقتى  2015-3-19 00:40  

قەلىمىڭىز بەرىكەتلىك بولغاي！ ئىلھاملىرىڭىز ئۈزۈلمىگەي！

  غەزەلنىڭ مەزمۇنىنى ناھايىتى جايىدا تاللاپسىز، راۋانلىق، بەدئىيلىك جەھەتتىن سەل-پەل ئىشلەپ قويۇڭ، ئىنىم، تىرىشچانلىق-ئاخىرىدا كۆپ نەرسىلەرنى ھەل قىلىدۇ...

تىل ماھارىتىڭىزدىن مەمنۇن بولدۇم !