مەھلىياگۈل ئابابەكرى: ئاتا-ئانام [ئۇلانما كۆچۈرۈش]

ئاتا-ئانام

نامى ئۇلۇغ ھەم ئىشچان،
بۇرچى تولۇق بىر ئىنسان.
بىزگە كۆڭۈل بۆلىدۇ ،
قىلبىدە بىز ھەر زامان،

نامى ئۇلۇغ تىرىشچان،
بۇرچى تولۇق بىر ئىنسان.
ھەتتا جاندىن كېچىدۇ،
بولۇپ بىزگە پاسىبان.

نامى ئۇلۇغ تەلەپچان،
بۇرچى تولۇق بىر ئىنسان.
ئۇ ، مېنىڭ ئاتا-ئانام،
بولىمەن شۇنداق ھامان.

توقسۇن ناھىيە غولبۇيى يېزا قەسقىر مەكتەپ
6-يىللىق 1-سىنىپ:مەھلىياگۈل ئابابەكرى

ئامانى ئاچامغا كۆپ رەھمەت، بولسا مۇشۇنداق قابىلىيەتلىك ئۆسمۈرلەرگە مەدەت بىرەيلى

ياخشى ئوقۇيمىز

مەھلىياگۈل ئابابەكرى

سومكىنى ئېسىپ ،
مەكتەپكە بېرىپ ،
ياخشى ئوقۇيمىز ،
دائىم تىرىشىپ .

مەكتەپتە ئوقۇپ ،
بىلىملىك بولۇپ .
ئەلگە ياراملىق ،
ئەۋلاد بولىمىز .

مەكتەپتە ئوقۇش
بەكمۇ كۆڭۈللۈك .
سىنىپ ئازادە
تولىمۇ يورۇق .

      ئانا مەكتىپىم

مەھلىياگۈل ئابابەكرى

ئانا مەكتەپ قوينىدا ،
بىلىم ئالدۇق ھەسسىلەپ.
ئالغا باستۇق تىرىشىپ ،
بالىلارچە(بوۋاقلاردەك) ئۆمىلەپ .


كىتاپ بىلەن دوست بولدۇق ،
ئىلىمپەندە تاۋلاندۇق .
ئەمدى مانا چوڭ بولۇپ ،
ئەقلىمىزگە ھەم تولدۇق .

چوڭ بولغۇم يوق

مەھلىياگۈل ئابابەكرى

چوڭ بولغۇم يوق ئەسلا ،
ئوينىغىم بار پەقەت .
ئاشۇ بالىلىق چاغلا ر،
قايتماس ئەبەدىلئەبەد .

چوڭ بولغۇم يوق ئەسلا ،
لېكىن ئالغا باساي .
بۇرچۇم بولسۇن ئادا ،
ئىزچىل بىلىم ئالاي .

مۇئەللىم ئۆز ئانام

مەھلىياگۈل ئابابەكرى

مۇئەللىم قۇياشتەك ،
چاقنايدۇ نۇرلۇق .
قۇياشنىڭ قىزىدەك ،
مېھرىمۇ ئوتلۇق .

مۇئەللىم قۇياشتەك ،
چاقنايدۇ نۇرلۇق .
چېھرىدە تەبەسسۇم ،
ئەجرى ھوسۇللۇق .

مۇئەللىم قۇياشتەك ،
چاقنايدۇ نۇرلۇق .
مۇئەللىم ئۆز ئانام ،
بىلىمەن ئۇلۇغ .

2014 -يىل 8 -ئاي

نەۋرە دوستۇم بار

مەھلىياگۈل ئابابەكرى

نەۋرە دوستۇم بار ،
شىرىنئاي ئوماق .
دوستلۇق بىرىنچى،
بىز ئىجىل-ئىناق .

نەۋرە دوستۇم بار ،
ئۆزى بەك زىرەك .
ئوينايمىز ئۇيۇن ،
ئۇچۇرۇپ لەگلەك .

نەۋرە دوستۇم بار ،
شىرىنئاي ئاتلىق .
بەسلىشىپ پەندە ،
بولاي قاناتلىق .

نەۋرە دوستۇم بار ،
ئۆيى تۇرپاندا .
مەقسىدىمىز بىر ،
يېتىش ئارمانغا .