ئابابەكرى توختى: دادامنىڭ خەت يىزىشى

يازغۇچى ئابابەكرى توختىنىڭ «چوغ ئوينىغان قىز» ناملىق كىتاۋىدىن ئۆزۈم ياقتۇرغان بىر پارچە شىئىرى


دادامنىڭ خەت يىزىشى

دادام ماڭا خەت يازماق بولۇپ،
قەلەم قىپتۇ كىرپىكلىرىنى،
سىياھ بوپتۇ تۇزلۇك كۆز يېشى،
يېزىپتۇيا، يېزىپتۇ تىنماي،
نەچچە كېچە كۈندۈز ئۇخلىماي،
تۈگىمەپتۇ بىراق ئۇ خېتى.
مەن بۇ يەردە خەت كۈتۈپ،
پوچتىكەشكە باقسام تەلمۈرۈپ،
«خەت يوق»، دەپلا  كېتىدۇ ئۆتۈپ،
چۈش كۆردۈم...
دادام
يۈرىكىنى سېلىپ لىپاپقا،
ئايلىنىپ يۈرەرمىش كوچىمۇ كوچا،
تاپالماي ھىچ يەردىن پوچتىخانىنى...

شائىر  ئابابەكرى توختىنىڭ «چوغ ئوينىغان قىز» ناملىق كىتاۋىدىكى بۇ شېئىرنى مەنمۇ بەك ياقتۇراتتىم. ئەجىرىڭىزگە رەھمەت.

ئادەمگە نە ھاجەت بىر ئەسىر ياشاش،
بىر ئەسىرگە تەڭ ئوتتۇز ئالتە ياش.

ئابابەكرى توختى ئەپەندىمنىڭ مەمتېلى ئەپەندىگە بېغىشىلىغان بۇ شېئىرىمۇ قالتىس ئىدى، ئەپسۇس، مەن ئاخىرىنى ئەسلىيەلمىدىم. بۇ يازمىنى ئاخىرىدا   يۈسۈفىي تەھرىرلىگەن. ۋاقتى  2015-3-12 15:23  

ىەي، راستىنى دىگەندە بۇ 1994-يىلى قىشلىق تەتىلدىن بۇرۇب ئۆيدىن پۇل ئۈلگۈرۈپ كەلمەي تازا تىت-تىت بولىۋاتقان بىر كۈندە يېزىلغان. ھەش پەش دېگۈچە 21يىل بوپقاپتۇ.

بۇرۇنمۇ، ھازىرمۇ دادىسىنىڭ پۇلىنى خەجلەيدىغان بالىلارئۆزى پۇل تېپىپ خەجلەيدىغان بالىلارغا قارىغاندا  دادىسىنى بەكرەك سېغىنار ئىمىش. بەلكىم راستتۇ؟! مانا ئابابەكرى ئاكامنىڭ سېغىنىشلىرىنىڭ تۈرىتكىسىدە 20يىللار ئاۋال گۈزەل مىسرالار روياپقا چىققان ئىكەن ئەينا .

قىسمەن بالىلار شۇنداق بولىشى مومكىن، لىكىن كۆپىنچە بالىلار ئۇنداق ئەمەس، مەن 4-5 يىل بولدى مەكتەپ پۈتتۈرۈپ ئۆزۈم ئاز-بولسىمۇ پۇل تېپىپ ئۆزۈمنىڭ خىراجىتىنى ھەل قىلالىغۇدەك بولغاندىن بېرى ئۆيدىكىلەردىن پۇل سوراپ باقمىدىم. ئۆيدىكىلەر پۇلۇڭ بارمۇ، دىسە ھەئە دەيمەن، پۇلۇم يوق بولسىمۇ پۇل بار مەندە، دەپ تۇرۋالىمەن، قەتئىي ئالغىلى ئۇنىمايمەن، يېنىمدا 5-10 كوي پۇل بولسىمۇ پۇلۇم بار دەپلا تۇرۋالىمەن. شۇمۇ پۇلدە.

بالىلار دۇنياسى ھەقىقەتەن قىزىقارلىق...

شېئىرمۇ  چىن ھېسىياتقا تويۇنغان چىغىدا،ئوقۇرمەنلەرنى ئۆزىگە تارتالايدۇ.....ئۇنىڭدا
ئاجايىپ گۈزەل بىر كۆرۈنۈش نامايان بولىدۇ....تەشەككۈر...!

ياخشى چىقىپتۇ  ئىلھاملىرىڭىز توختاپ قالمىغاي  ئۇستاز..