كۆزۈم:چاڭقىغان ھىسلار [ئۇلانما كۆچۈرۈش]

چاڭقىغان ھىسلار

ئايشەمگۈل  بارات

تېپتىنىچ ئۇيقىدا كەپىدە يالغۇز،

بىر ئاشىق پەرۋانە ياتىدۇ غەمكىن.

كېچىلەر باغرىغا تۆكۈپ يېشىنى،

ئىزلەيدۇ يۈرىكى كېملەردىن تەسكىن.

جۈپ بۇلاق كۆزىمۇ ئاھۇدا پىنھان،

ھىسلارمۇ مۇڭلىنىپ چىكىدۇ ھەسرەت.

سېغىنىش ئىكلىدە يۈرىكى چوغدۇر،

تەشنادا چاڭقايدۇ قەلبىمۇ بىر رەت.

  ياپراقتۇر گويا بىر تىترىگەن تېنى،

شۇنچىلىك ئاجىز ھەم شۇنچىلىك چاڭقاق.

ھىجراندا بوزلايدۇ گۇيا بوز تورغاي،

كۆيدۈرۈپ يۈرەكنى ئاھ ئىسىت پىراق.

<<ئىنساننىڭ ھاياتى ئەمەس بىر تۈگۈن،

كەتسەڭمۇ يىراققا كىلىسەن ھامان،

دەپتىكەن سەۋىرنىڭ تىگى ئالتۇن دەپ،

كۈتۈشلەر ھامىنى بۇلىدۇ چولپان.>>.

    ۋە لېكىن شۇ ئۈمۈد نەلەردە قالدى،

ئەپ كەتتى ئۆتمۇشلەر ئەشۇ ۋىجداننى،

كەتتى ھەم نەلەرگە بەخىت ھەم نۇسرەت،

ۋاپا ھەم ساداقەت  سۆيگۈ ئىزھارى.

كېملەردىن قالمىغان كېملەر كەتمىگەن،

دىگىنە قەبرىگە كېملەر كىرمىگەن.

ئۈمۈت ھەم ئىشەنچىڭ بولسۇن ھەم يەنە؟

ئەجرىڭدىن يانىدۇ ھامان بىر گۈلخان.

شامال ئۇچار غېرىپ كەپەمدىن،

   ئەسلىمەمنى قىلغانچە ھەيران.
تەنھالىقنىڭ چەكسىزلىكىدە،
سېغىنىمەن سېنى ھەر قاچان.  

يالغۇز قالدىڭ سەنمۇ يىراقتا،
ئارمانلىرىم سىڭىپ باغرىڭغا.
سېغىنىشتاقاغجىراپ قەلبىڭ،
قىينالدىڭمۇ سۆيگۈبېغىدا.

تەلمۈىدۇ كۆزلىرىم ھەردەم،
كېلشىڭ يارغۇۋامۇ سېنىڭ؟

شۇنچە قېنىپ ئۇخلىسام دەيمەن،
نىگاھلاردا چۈشۈمگە كىرسەڭ.

سېغىنىشتا ئۆرتەلدى يۈرەك،
   مەن يۈرۈيمەن تىلەپ ۋىسالنى.
كۆيۈش ماڭابىلىنەر راھەت،
ماڭا بەردىڭ تاتلىق خىيالنى.
  
  
چۆكمەكتىمەن قەلبىڭگە تىرەن،

بۇ سېغىنىش بولدى دىلكىشىم.
ئاۋازىڭنى قالدىم ياقتۇرۇپ،

سۆز ئەۋەتكىن ماڭا ئامرىقىم

ئاشىقلىق شۇنداق قۇدرەتلىك نەرسىمىكىن تاڭ ، سەن ۋاپاسىزنىڭ بارلىق رەزىللىكلىرىنى كۆرۈپ،تومۇرۇمدا غەزەپلىك قانلىرىم ئاقسىمۇ ،لېكىن كۆڭلۈمنىڭ

بىر يەرلىرى يەنىلا ئۇنى ئەپۇ قىلىشقا مەجبۇرلايدىكەن.

(بۇ جۈملىنى نەدە كۆرگىنىم ئېنىق ئېسىمدە قالماپتۇ ...)

لاۋۇلداپ كۆيىدۇ قەلبىمدە يالقۇن،
ئەگىشەر نۇرىغا ۋۇجۇدۇم قەدەر .
پەرۋانە ئەگىيدۇ تامام ئەتراپتا،
بۇ نۇرغا شەيدا ئۇ گويا سەمەندەر.

شۇ ئىزگۈ تۇيغۇدا ئويغىنار ھېسلار،
ۋىسالغا تەشنا بوپ شادلىنار شۇنچە.
ئوخچىغان ئوتلاردا كۆيگەن پەرۋانە،
بىر تىنىم ھەسرەتسىز رازىدۇر يەنە.

نېمىشقا ئىنتىلەر ئوتقا ئۇ شۇنچە،
نېمىشقا كۈل بولۇپ رازى ھەم يەنە.
نېمىشقا ھەم يەنە قىلماس تەمەننا،
ئاھ! چۈنكى ئاشىقتۇر ئوتقا پەرۋانە.

      چەكسىز غېرىبلىق     

غېرىپلىق مارايدۇ روجەكلىرىمدىن،
سېغىنىش ئىلكىدە تىلغىنار باغرىم.
ھىساپسىز خىياللار چىرمايدۇ ئۈنسىز،
نەقەدەر ئازاپلىق مىنىڭ كۈنلىرىم.

تولىمۇ كۆپ بەدەل بەردىم ھاياتقا،
غېرىپلىق ئىلكىدە ۋۇجۇدۇم غەليان.
قالمىدى تېنىمدە ھېچبىر ماجالمۇ،
كۈندەشلىك قىلدىغۇ مېنى بەك سەرسان.

ناۋادا يۇقالسا مەۋجۇتلىقىم ھەم،
ئۈچەرمۇ مەندىكى چەكسىز غېرىپلىق.
ئۆكۈنۈش قاپلىغان ئاجىز يۈرىگم ،
جىممىدە ئۇخلارمۇ تېپىپ ئاراملىق.

يۈگۈرگۈم بار شۇتاپ يېنىڭغا

كېتىۋاتىسەن ئۇزاپ ھېلىھەم
يۈرەكلىرىم بوپ كەتتى قىيان.
بۇ جۇدالىق ئۇزۇندۇر بەلكىم؟
يۈرىگىمدە قالدى بىر پىغان.

مانا ئاستا تارتتى  يالغۇزلۇق ،
سىڭىپ كەتتىم قۇمغا سىڭگەندەك.
تىۋىشلىرىڭ ھەمرا ۋە لېكىن،
يۈرمەكتىمەن غېرىپ ئادەمدەك.

يۈگۈرگۈم بار شۇتاپ يېنىڭغا،
ئاڭلاپ قالدىم ئاۋازىڭنى مەن.
يېنىككىنە پىچىرلاپ ئۆتتۈڭ،
«جانىم سېنى مەڭگۈ سۈيىمەن».

كېتىپ قالدى ئەگىشىپ روھىم،
چىقىپ ئاجىز تېنىمدىن مەھەل.
خۇش بوپ قالسا قالسۇن ئۇ جېنىم،
سېنىڭ بىلەن تۇرسۇن ھەر سەھەر.

ھەمراھ بولسۇن ئۇزاق كېچىدە،
سانسىز سانسىز خىياللىرىڭغا.
مەلھەم قىلىپ سۈرتىۋال ئۇنى،
سېغىنغاندا ئۇ ساڭا ھەمرا.

ئارىيەت بەر سەنمۇ جانانىم،
ئاشۇ ئوتلۇق كۈلۈشلىرىڭنى.
بۇلۇپ قالدىم شۇنچىلىك ئاجىز،
ھاياتىمغا قوشقان ئۇ تۈسنى.

ئۇخلىيالماي كېچىچە زەررە،
يۈرەكلىرىم بولدى سەكپارە،
ئاڭلىمىغاچ ئاۋازىڭنى مەن،
تاڭ ئاتمىدى ماڭا بۇ كېچە.


ئالامىغاچ سېنىڭدىن خەۋەر،
ئولتۇرىمەن بىتاقەت شۇنچە،
ئەمەس ئىدىم ئەسلى شائىرە،
سۆيگۈماڭا تىزدۇردى ئۈنچە.


مانا ئەمدى تىنىم مۇزلىدى،
كەلمىدىڭ سەن مۇشۇ چاققىچە.
چۈشمىدى ھەم تىلفۇن قۇلۇمدىن،
ئۇچۇرۇڭغا تەشنا مەن شۇنچە.

جاۋاپ بەرگىن تىزراق جانانىم،
ئارامخۇدا بولسۇن يار دېسەڭ.
كۆكلەتكىن سەن سۇلارنى قۇيۇپ،
روھى چۈشكۈن بولمىسۇن دېسەڭ.

تىنىچسىزلا يىغلايدۇ يۈرەك

بۈگۈن كېچە چەكسىز قايغۇدا،

تىنىچسىزلا يىغلايدۇ يۈرەك.

چوڭقۇر نەپەس ئالالماي قىلچە،

ئىچ -ئىچىدىن ئۆرتىنەر ھەسرەت.

شۇ قەلىب تۆرىدە شىددەتلىك بۇران،

شۇنچىلىك غۇۋادۇر جۇدالىق ئەمما.

كۆرىنەر كۆزىگەلىپىلداپ چىراق،

ئاچالماي نۇرىدىن مۇڭلىنار يەنا.

ئاھ! بۇ يۈرەككە تۇتۇلغان ماتەم،

كەلگەچكە يىراقتىن شۇملۇقتىن شەپە.

شۇ ئېغىر كۈنلەرنى كۆتۈرگەن مىسال،

نېمىشكە ئۇقۇيدۇ ئەمدى مەرسىيە .

يىغلايدۇ بىھىساپ سەۋەبى نىمە؟

ۋىسالغا ئىنتىزار رەھىمسىز كۈتۈش.

يۇقارمۇ يىغلىسا قايغۇلارمۇ ھەم؟

نە ئامال بەخۇدەك پەرۋاسىز ئۈتۈش.

كېتىپ قالدى روھىم سەن بىلەن

سۆزلىمە باشقىغا قىسمەتلىرىڭنى،

يېغلىۋال قانغۇدەك ماڭا ئېسىلىپ.
يۈكلىگىن ۋە ياكى غەملىرىڭنى ھەم،
تەڭ تارتاي دەردىڭنى دىلدىن رازى بوپ .

دۇنيانىڭ قىسمىتى قاتتىق بەزىدە،
كۈلدۇرسە يېغلىتارئارقىدىن سېنى.
شىرىك بوپ غەملەرگە يەنە ئۆزگىنىڭ،
ۋاقىتسىز قېرىتار ئاجايىپ سېنى.

بىلگىنكى جانانىم ھەممە ئۇنتۇلار،
ۋاقىتتۇر ھەممىگە بەرگۈسى جاۋاپ.
يېغلىما بولسۇنكى نە ھەم ماجالىڭ،
ئۆلتۇرەر بولمىسا ئەقىدەڭ قاغاپ.

قارىغىن ئاسمانغا نە بىر يۇلتۇز يوق،
شۇنچىلىك قاراڭغۇ، گويا زىمىستان.
ئەسلىتەر بۇ ساڭا ئۆلۈمنى، گۆرنى،
ئەمماكى تاڭ ئاتار بۇ ساڭا ئايان.

تولىمۇ شېرىن پىچىرلاپ شۇتاپ،
قۇلىقىڭ تۈۋىدە شىۋىرلار جانان.
تۇتىۋال بورۇلۇپ، سۈيىۋال تىزدىن،
قىيمىغان شۇ كۆزدىن كۆرۈنەر جاھان