پەرىدە ئىسمايىل مېھرى: چىدىماقچىمەن

چىدىماقچىمەن

پەرىدە ئىسمايىل مېھرى

قىينىقىڭغا چىدىماقچىمەن،
دەرتلىرىڭنىڭ دەسسەكلىرىدە.
مەغرۇرانە بىپەرۋالىقنىڭ ،
كاچاتلىنىپ تەستەكلىرىدە.
ئىچ-ئىچلىرىم تىتىلىدۇ ،يىرتىلىدۇ...
ھىجران قويغان دەستەكلىرىدە.
يېزىلىدۇ شۇندىمۇ ئىسمىڭ،
جان جېنىمنىڭ چەسۋەكلىرىدە.
پارتىلايمەن ئۆزۈملا گۇمران،
خۇنۇقتۇرغان  ئەسمەكلىرىدە.
شاخلىنىمەن تىنماي بىئارام،
تەنھالىقنىڭ ئەۋمەكلىرىدە،
يۈرۈكۈمگە ئۇرۇلدى پالتا،
قان -قان...  يارىڭ كەسمەكلىرىدە.
يىقىلىدۇ كۆكلەيدىغاندەك،
نىشانىنىڭ كەرمەكلىرىدە.
مېۋىلەيدۇ لىققىدە ئالما،
خىيالىنىڭ تەرمەكلىرىدە.
ناز قىلىدۇ بىر جۈپ باياۋان،
دىل رىشتىنىڭ ئەرمەكلىرىدە.
ئۆز گۆشىنى چىشلەيدۇ ئۈزۈپ،
دىشۋارىنىڭ ئەلۋەكلىرىدە.
مىڭ تاسقىلىپ نەشتەردىن يامان،
سېغىنىشنىڭ ئەلگەكلىرىدە.
ۋىسالسىزلىق بىر زالىم چايان،
ئاشىقلىقنىڭ  تەلپەكلىرىدە،
ئاچ تۇيغۇلار  تاپارمۇ  رىزق .
مۇھاببەتتنىڭ  چەلپەكلىرىدە.



2015-يىلى 6-مارت (ئاتۇش)
بۇ يازمىنى ئاخىرىدا   -مېھرى تەھرىرلىگەن. ۋاقتى  2015-3-6 01:42  

ياقتۇردۇم، سىزگە تىخمۇ تىرىشچانلىق يار بولغاي

يەنە بىر يېڭى تېما !!

ئ‍ۆزگۇچە  چىقىپتۇ  ئ‍ە   ھەرپىنى  چىقراق  ئ‍ىشلىتىپسىز

جان جېنىمنىڭ چەسۋەكلىرىدە.

بۇ مىسرادىكى ‹‹چەسۋەكلىرىدە›› دىگەن سۆز قانداق مەنانى بىلدۈردىكىن. ياكى قاپىيە ئېھتىياجى ئۈچۈن ئالدىڭىزمۇ، ياكى بىرەر يۇرتنىڭ شىۋىسىمۇ؟

{ئەۋمەكلىرى }  بۇ سۆز  نېمىنى بىلدۈردىغاندۇ ئەمدى...
بۇ يازمىنى ئاخىرىدا   ablipiz idiris تەھرىرلىگەن. ۋاقتى  2015-3-6 12:25  

جان جېنىمنىڭ چەسۋەكلىرىدە.

بۇ يەردىكى «چەسۋەك» ياغاچچىلار ئۆي بېزەشتە ياكى ئۆي جاھازلىرى ياساشتا ئىشىلتىدىغان ئىنچىكە ، ئۇزۇن ياغاچتىن ئېبارەت بولۇپ، ئۇ ئۆز ئارا تۇتاشقان جايلارنىڭ ئەيىپىنى يېپىش، ياكى بېزەكنى جۇلالاندۇرۇش ئۈچۈن ئىشلتىلىدىۇ. ئۇ ياغاچ بىلەن ياغاچنى تۇتاشتۇرۇش جەريانىدا قىسىش رولىنى ئوينايدۇ.  ئۇ بىر كەسپى ئاتالغۇ بولۇپ، ئۆي بېزىتىپ باققانلارنىڭ ھەممىسىگە تونۇشلۇققۇ دەيمەن.  بۇ شېئىردا كۆچمە مەنىدە ئىشىلتىلگەن. ياكى يوشۇرۇن ئوخشىتىش قىلىنغان.

قۇت بولسۇن سىزگە!

5-مىسرا رېتىمدىن چىقىپ كېتىپ قاپتۇ

ھىجران قىينىغان بىر قەلبنىڭ تىل بىلەن زاھىر بولغان خەرىتىسىكەن . زوقلاندىم




چەسۋەكلىرىدە.
بۇ سۆزنىڭ مەنىسىنى بىلەلمىدىم

قۇت يار بۇلسۇن  ناھيتى  يىقىملىق  چىقىپتۇ  تېىڭىزگە مۇبارەك  بۇلسۇن !!!!!!!!!!!!!!!!!!!!

     ئاچ  تۇيغۇلار  قالىدۇ ئاچلا ،
     مۇھەببەتنىڭ ‹‹ چەلپەك›› لىرىسىز .      
     جەننەتۇلنىڭ مېۋىسى كەلمەس ،
     بۇ زاماننىڭ ‹‹ خەلپەت ››لىرىسىز .
  

ئەسمەك دېگەن سۆزنىڭ مەنىسى؟

ياقتۇردۇم، ئىزدىنىشلىرىڭىز يەنىمۇ ئۇتۇقلۇق بولغاي!

تىېمىڭىز  يىېقىملىق  چىقىپتۇ ، مۇبارەك  بۇلسۇن .

بەلەنغۇ!