مەھلىياگۈل ئابابەكرى:نەۋرە ئىنىم بار [ئۇلانما كۆچۈرۈش]

نەۋرە ئىنىم بار

نەۋرە ئىنىم بار ،
دىليارجان ئوماق .
چوڭ بولدى ئۇمۇ  ،
يىمەيدۇ بولماق .

نەۋرە ئىنىم بار ،
دىليارجان ئوماق .
دوستلىرى بىلەن ،
ئوينايدۇ ئىناق .

نەۋرە ئىنىم بار ،
تىرىشچان ئوماق .
سەھەر تۇرىدۇ ،
مەكتەپكە ئامراق .

توقسۇن ناھىيە غولبۇيى يېزا قەسقىر مەكتەپ
6-يىللىق 1-سىنىپ:مەھلىياگۈل ئابابەكرى

مۇئەللىم بولسام

مەھلىياگۈل ئابابەكرى

بولسام مەن بىر مۇئەللىم ،
سەبىيلەرنى ئوقۇتسام .
دىللىرىنى يورۇتۇپ ،
خەلقىمگە ھەم تۇنۇتسام .

بولسام مەن بىر مۇئەللىم ،
سەبىيلەرنى ئوقۇتسام .
بالا  يازغۇچى ، ئالىم ،
يىتۈشتۈرۈپ چىقسام .

  ۋاھ، تىرىشىڭ ، سىزدە ئۈمىد زور!

ئاتا-ئانام

مەھلىياگۈل ئابابەكرى

نامى ئۇلۇغ ھەم ئىشچان ،
بۇرچى تولۇق بىر ئىنسان .
بىزگە كۆڭۈل بۆلىدۇ ،
قەلبىدە بىز ھەر زامان .

نامى ئۇلۇغ مېھرىبان ،
بۇرچى تولۈق بىر ئىنسان .
ھەتتا جاندىن كېچىدۇ ،
بولۇپ بىزگە پاسىبان .

نامى ئۇلۇغ تەلەپچان ،
بۇرچى تولۇق بىر ئىنسان .
ئۇ  مېنىڭ ئاتا-ئانام ،
بولىمەن شۇنداق  ھامان .

يېزامدىكى بالىلار

مەھلىياگۈل ئابابەكرى

يېزامدىكى بالىلار ،
ئەمدى ئويناپ يۈرمەڭلار .
بىلىم ئىقبال  يولۇڭلار ،
ئوقۇپ بىلىم ئېلىڭلار .

يېزامدىكى بالىلار ،
ھەر كۈن سەھەر تۇرۇڭلار .
بىلىم ئېلىپ ئۇستازدىن ،
يېزىنى شەھەر قىلىڭلار .

يېزامدىكى بالىلار ،
قەلبى ئويغاق بالىلار .
قاناتلىنىپ ئىلىمدىن
كۆكتە پەرۋاز قىلىڭلار .

شىنجاڭ ئۆسمۈرلىرى 2014-يىل 3161-سانىدىن

مېنىڭ ئارزۇيۇم

مەھلىياگۈل ئابابەكرى

ھەرقانداق بىر كىشىنىڭ مەلۇم  ئارزۇسى بولىدۇ ، مېنىڭمۇ شۇنداق .
ئارزۇسى بولمىغان كىشىنى نىشانى يوق يولىچىغا ، سايىسى يوق دەرەخكە ئوخشىتىمەن .
ئادەمدە مۇكەممەل ئارزۇ، نىشان بولغاندا كۆزلىگەن مەقسەتكە يەتكىلى بولىدۇ .
  مېنىڭ ئارزۇيۇم بولسا :مەن ياخشى ئوقۇپ مۇئەللىم بەرگەن تاپشۇرۇقلارنى تەپسىلى، ئەستايىدىل ، كۆڭۈل قۇيۇپ ئىشلەپ ،  ئالى مەكتەپكە ئۆتكەندىن كېيىنمۇ ياخشى ئوقۇپ
ئەلا نەتىجە بىلەن پۈتتۈرۈپ مۇئەللىم بولىمەن ، سەبىي بالىلارغا دەرس ئۆتىمەن ، تۈرلۈك سۇئاللارغا ئاشۇ سەبىي بالىلار چۈچۈك تىللىرى بىلەن جاۋاپ بېرىدۇ .
مانا مۇشۇ مېنىڭ ئارزۇيۇم ، مەن مانا مۇشۇنداق مۇئەللىم بولۇپ، دۆلەتكە تۆھپەمنى قوشىمەن . ئاشۇ سەبىي بالىلارنىڭ ياراملىق ، بىلىملىك ئادەم بولىشىغا ياردەم قىلىمەن .

   بۇ يازمىنى ئاخىرىدا   ئامانى تەھرىرلىگەن. ۋاقتى  2015-3-15 16:21