ﻣﯘﮬﻪﻣﻤﻪﺕ ﺳﺎﻟﯩﮭ شېئىرلىرى
(ﺋﯚﺯﺑﯩﻜﯩﺴﺘﺎﻥ)
ئۆزبىكچىدىن : ئابدۇساتتار ناسىرى، ماخمۇت مۇھەمەت تەرجىمىسى
ﻣﯧﻨﯩﯔ ﺑﯧﺸﯩﻢ
ﺋﻪﮔﻪﺭ ﻣﯧﻨﯩﯔ ﺑﯧﺸﯩﻢ
ﺋﯧﻐﯩﺮ ﺑﻮﻟﻤﯩﺴﯩﺘﻰ ﺑﯘﻧﭽﯩﻠﯩﻚ
ﻗﺎﻏﯩﻨﯩﯔ ﺑﯧﺸﯩﺪﻩﻙ ﮬﯧﭽﺒﻮﻟﻤﯩﻐﺎﻧﺪﺍ
ﻳﻪﯕﮕﯩﻜﺮﻩﻙ ﺑﻮﻟﺴﯩﺘﻰ ﻣﯘﺑﺎﺩﺍ
ﺋﯜﭼﻴﯜﺯ ﻳﯩﻞ ﻳﺎﺷﯩﻐﺎﻥ ﺑﻮﻻﺭ ﺋﯩﺪﻯ ﺋﯘ.
ﺑﺎﺭﭼﻪ ﺋﯩﺰﮔﯜﻟﯜﻛﻠﻪﺭ
ﺑﺎﺭﭼﻪ ﮬﯚﺭﻟﯜﻛﻠﻪﺭ
ﺑﺎﺭﭼﻪ ﺧﺎﻧﻠﯩﻘﻼﺭﻧﻰ ﺟﯩﻢ ﻛﯚﺭﯛﭖ ﺗﯘﺭﻏﺎﻥ
ﺋﯩﺴﻼﻡ ﺧﻮﺟﺎ ﻣﯘﻧﺎﺭﯨﻨﯩﯔ ﺑﻪﺭﺩﯨﺸﻰ ﻛﻪﺑﻰ
ﭼﯩﺪﺍﻡ ﺑﻮﻟﺴﺎ ﺋﯩﺪﻯ ﻛﻪﻣﻨﯩﯖﯩﺰﺩﻩ
ﺋﯘ ﻛﯚﭘﺮﻩﻙ ﻳﺎﺷﺎﻳﺘﻰ ﻗﺎﻏﯩﻼﺭﺩﯨﻦ ﮬﻪﻡ.
ﺋﻪﮔﻪﺭ ﻛﻪﻣﯩﻨﻨﯩﯔ ﻳﯜﺯﻯ
ﺋﺎﺷﯘ ﻣﯘﻧﺎﺭﻧﯩﯔ ﺗﯧﮕﯩﺪﻩ ﻳﯜﺭﮔﻪﻥ
ﺋﯧﺸﻪﻙ ﺗﯩﺮﯨﺴﯩﺪﯨﻦ ﻗﯧﻠﯩﻦ ﺑﻮﻟﺴﯩﺘﻰ
ﺷﯜﺑﯩﮭﺴﯩﺰ ﻳﺎﺷﯩﻐﺎﻥ ﺑﻮﻻﺭ ﺋﯩﺪﻯ ﺋﯘ
ﺑﺎﺭﭼﻪ ﺋﯧﺸﻪﻛﻠﻪﺭﺩﯨﻦ ﻳﺎﺧﺸﯩﺮﺍﻕ.
ﻛﯧﭽﯩﺪﯨﻜﻰ ﻳﺎﻣﻐﯘﺭ
ﺗﯜﻥ
ﻳﺎﻣﻐﯘﺭ ﻳﺎﻏﻤﺎﻗﺘﺎ
ﮔﯜﻝ ﮬﯩﺪﻯ ﺋﺎﺭﯨﻼﺵ
ﺑﯩﺮ ﺷﯩﺮﯨﻦ ﻳﺎﻣﻐﯘﺭ
ﮔﻮﻳﺎ ﻣﯩﯖﻼﭖ ﺋﺎﺩﻩﻡ ﺩﯗﺋﺎ ﻗﯩﻠﻐﺎﻧﺪﻩﻙ
ﮔﻮﻳﺎ ﭘﯩﭽﯩﺮﻟﯩﺸﺎﺭ
ﻣﯩﯖﻼﭖ ﺋﺎﺷﯩﻘﻼﺭ.
ﺗﯩﯟﯨﭗ ﻣﻪﺳﻠﯩﮭﯩﺘﻰ
ﺗﻮﻏﺮﯨﺴﯩﻨﻰ ﺋﯧﻴﺖ
ﺳﺎﻏﻼﻡ ﺑﻮﻟﯘﺵ ﻧﯩﻴﯩﺘﯩﯔ ﺑﻮﻟﺴﺎ.
ﺋﺎﻏﺮﯨﻘﺘﯩﻦ ﺳﻪﻣﺮﯨﭗ ﻛﻪﺗﻤﻪﻳﻤﻪﻥ ﺩﯨﺴﻪﯓ
ﺗﻮﻏﺮﯨﺴﯩﻨﻰ ﺋﯧﻴﺖ.
ﻳﻪﭖ ﻗﻮﻳﯘﻟﻐﺎﻥ ﺳﯚﺯﻟﻪﺭ
ﺋﯩﺰﻣﯘ-ﺋﯩﺰ ﻳﯜﺗﯜﻟﮕﻪﻥ ﮬﻪﻗﯩﻘﻪﺕ
ﺳﻪﻣﯩﺮﺗﯩﭗ ﻗﻮﻳﺎﺭ ﺋﺎﺩﻩﻣﻨﻰ.
ﺳﯧﻤﯩﺰﻟﯩﻜﯩﻨﻰ ﻗﻮﻱ ﻛﯚﺗﯜﺭﺳﯘﻥ
ﺯﯗﯞﺍﻧﺴﯩﺰ ،ﻳﯘﯞﺍﺵ ﻗﻮﻱ ﻛﯚﺗﯩﺮﯨﯟﻩﺭﺳﯘﻥ!
ﺋﻪﯓ ﺳﺎﺩﺩﺍ ﻗﻮﺷﺎﻕ
ﺩﯦﺮﯨﺰﻩﻡ ﺳﯩﺮﺗﯩﺪﺍ ﺑﺎﻏﻼﺭ
ﻛﻮﭼﯩﻼﺭ،
ﺷﻪﮬﻪﺭﻟﻪﺭ،
ﺗﺎﻏﻼﺭ.
ﺋﯘﻧﯩﯖﺪﯨﻦ ﻳﯩﺮﺍﻗﺘﺎ ﮬﻪﻡ ﺩﯦﯖﯩﺰﻻﺭ،
ﻳﻮﻟﻼﺭ،
ﻳﻮﻝ
ﻳﻮﻟﻨﯩﯔ ﺋﺎﺧﯩﺮﺩﺍ ﺑﯩﺮ ﺟﯜﭖ ﻣﻪﻳﯘﺱ ﻛﯚﺯ......
ﺳﯚﺯ
ﺋﯧﻐﯩﺮ ﭘﺎﺗﺎﺭ
ﻛﯚﻛﺴﯩﻤﺰﮔﻪ ﻛﯩﻤﻨﯩﯖﺪﯗ ﭼﯩﺸﻰ
ﺋﯧﻐﯩﺮ ﭘﺎﺗﺎﺭ
ﻛﯚﯕﻠﯩﻤﯩﺰﮔﻪ ﺋﻪﺭﺯﯨﻤﯩﮕﻪﻥ ﮔﻪﭖ.
ﺋﯧﻐﯩﺮ ﭘﺎﺗﺎﺭ
ﺑﯩﺰﮔﻪ ﺋﻪﻣﺪﻯ ﭘﯧﺘﯩﯟﺍﺗﻘﺎﻥ ﻗﻮﻳﺎﺵ
ﻛﯚﻛﺴﯩﻤﯩﺰﻧﯩﯔ ﺳﻮﻝ ﺋﯘﭘﯘﻗﯩﻐﺎ
ﺋﺎﺧﯩﺮ ﭘﺎﺗﺎﺭ ﺋﺎﻱ.
ﺷﺎﺋﯩﺮ
ﺗﺎﻣﺎﻛﺎ ﺋﯩﺴﯩﺪﯨﻦ ﺑﻮﻏﯘﻟﻐﺎﻥ ﺩﯨﯟﺍﺭ
ﻣﯧﮭﻤﺎﻧﺪﯨﻦ ﭼﺎﺭﭼﯩﻐﺎﻥ ﺩﺍﺳﺘﯩﺨﺎﻥ
ﺋﯘﻧﺪﺍ ﺋﺎﻟﻤﯩﻼﺭﻧﯩﯔ ﻗﺎﻟﺪﯗﻗﻰ
ﺋﯘﻧﺪﺍ ﻏﻪﻳﯟﻩﺗﻠﻪﺭ ﻗﺎﻟﺪﯗﻗﻰ ﻳﺎﺗﺎﺭ.
ﻛﯘﺭﺳﯩﺪﺍ ﺋﻮﻟﺘﯘﺭﺍﺭ ﻛﯚﺯﻟﯩﺮﻯ ﻧﯘﺭﺳﯩﺰ
ﭼﺎﭼﻠﯩﺮﻯ ﺋﺎﻗﯩﺮﯨﭗ ﻛﻪﺗﻜﻪﻥ ﻗﯘﺵ.
ﺳﺎﻳﺮﺍﺷﻨﻰ ﺋﯘﻧﺘﯘﻏﺎﻥ
ﺑﯩﺰﻧﯩﯔ ﺗﯩﻠﯩﻤﯩﺰﻏﺎ ﺋﯚﺗﯩﯟﺍﻟﻐﺎﻥ ﺋﯘ
ﺑﯩﺰﻧﯩﯔ ﺗﯩﻠﯩﻤﯩﺰﺩﺍ ﮔﻪﭖ ﻗﯩﻠﻐﺎﻥ ﻛﯜﻧﻰ
ﭼﺎﭼﻠﯩﺮﻯ ﺋﺎﻗﯩﺮﯨﭗ ﻗﺎﻟﻐﺎﻥ ﻗﯘﺵ.
ئۆلتۈرۈپ بولماس
گۈلنى پۇراش ئۈچۈن
ئىگىلگەن باشنى
كېسىش مۇمكىن ئەمەس ھىچقاچان .
ئەڭ نوچى مەرگەنمۇ
ناخشا ئېيتىۋاتقان ئىنساننىڭ
كۆكسنى قارارغا ئالالماس .
دۇنيا زۇلمىتىدە سۆيۈملىكىدىن
ئۇپۇك ئېلىۋاتقان بىرىنىڭ
يەلكىسىگە پىچاق سېلىش مۇمكىن ئەمەس .
ئۆلتىرگىلى بولمايدۇ ،
ئۆلتىرگىلى بولماس ،
سېغىنىش ھېسلىرىغا تولغان ئادەمنى .
ئىش كۈتمەكتە
ئاخىر ، ئىش كۈتمەكتە .دۆلەتنىڭ ئىشى .
خوتۇن تىز يۈگۈرەر ،
مەن قىلىمەن دوق .
بالكونغا قارايمەن ھېلىدىن- ھېلى
تېخى ھۆل كۆڭلىكىم قۇرۇغىنى يوق .
ئاخىر،كۈتۈپ تۇرار سۆيۈملۈك ۋەتەن ،
كۆڭلەكچۇ،تەييار ئەمەس تېخى ھېچ .
قانداقتۇر دەزمالنىڭ خىيانىتىدىن
دۆلەتنىڭ ئىشىغا بارىمەنمۇ كەچ ؟
يىڭى ئىدارىغا يېتىپ بارغۇچە ،
يولدا شائىرلارغا قارىشىم كېرەك .
تاكى ئىش ئالدىدىن ھېچبولمىغاندا
ئىلھاملىنىۋالسۇن بۇ يۈرەك !
ئۆزر
مېنى كەچۇر ،دوستۇم سۆزلەرنى
قاتتىق -قوپال ئېيىتقىنىم ئۈچۈن .
ئەسلىدە « سۇ » دېگەن بىر سۆزنى
مىڭ پاتمام تاشتەك كۆتۈرۈپ .
« بەر ! » سۆزىگە تەستە باغلاۋاتقان
يارىدار جەڭچىدىن
ئۈگنىشىم كېرەك ئىدى سۆزلەشنى ،
كەچۇر .
ئىت
كېسىك قۇيرۇق بىچارە ئىت ،
ئېچىنىمەن ساڭا مەن، خالاس .
يىغىلماق ئۈچۈن ھالىڭغا
مايمۇن كېرەك .
لېكىن ئۇ يوققۇ ...
ھەممىسى ھايۋانات بېغىدا .
كېسىك قۇيرۇق بىچارە ئىت ،
خوجاينىڭنىڭ ئالدىدا ،
نىمىنى شىپاڭشىتىسەن ئەمدى ؟
ئۇزاق ياشا
ئۇزاق ياشا
پەقەت ئۆزۈڭ تىككەن دەرەختىنلا
ئۇزاقراق ياشاشنى تىلىمىسەڭ، بەس .
ھاياتنى سۆي،قاتتىق سۆي،پەقەت
ئۆزۈۈڭ يازغان شېئىردىن ئۇزۇن ياشىما .
ئۇزاق ياشا ئۇزاقتىن- ئۇزاق .
لېكىن ئويلايمەنكى،شەرت ئەمەس ساڭا
ئوغلۇڭدىنمۇ ئۇزاق ياشىماق .
سۈرەتچى
جىلمىيىڭ،جىلمىيىڭ دىدىمغۇ سىزگە ،
ئەۋلاتلارغا قالار بۇ سۈرەت .
يۈزىگە يارىشا جىلمايسۇن ھەركىم :
كەڭ يۈزلەر كەڭرەك ،
ئۇزۇنراق جىلمايسۇن سوزۇق يۈزلۈكلەر !
مەندىن رەنجىمەڭ ئىشىم ئاشۇنداق
يۇمۇق غۇنچىلارنى ئەمەس ،
ئېچىلغان گۈللەرنى سۈرەتكە ئېلىش .
ئۆزبىكچە ئېيىتقاندا : يېرىم قاچا ئەمەس ،
نەق پۈتۈن قاچىنى تولۇق كۆرۈستىش .
قېنى، ئەمدى جىلمىيىڭ ،
ئەۋلاتلارغا قالار بۇ سۈرەت !
مايسىلار ئىچىدە
مايسىلارنىڭ ئىچىدە يېتىپ
كۈلكىسى قىستايدۇ ئادەمنىڭ :
ھازىر ئۇ نە ئىژتىمائى
نە سىياسى ،
نە لىرىك .
ئۇنىڭ بوينىدىكى چۈمۈلە
يوغان دەرەخنىڭ غولىدا
ئۆمىلەپ كېتىۋاتىمەن دەپ ئويلايدۇ .
قولىغا قونغان كېپنەكمۇ
ئۇنىڭ كىملكىنى بىلمەيدۇ .
نېرىراقتا ياتىدۇ چاپىنى
شۇنچىلىك يىگانە ،
شۇ قەدەر يىراقتا ...
يانچۇقىدىن چىقىپ قالغان گېزىت بولسا ،
بەتتەر كۈلكىسنى قىستايدۇ ئادەمنىڭ .
شۇ سۆز ئۈچۈن
شۇ سۆز ئۈچۈن
يۈز يىل ئىلگىرى
ئويار ئىدى ئۇنىڭ كۆزىنى ،
شۇ سۆز ئۈچۈن ئۈچ يۈز يىل ئاۋال
كېسىشەتتى ئۇنىڭ تىلىنى .
شۇ سۆز ئۈچۈن ئون ئەسىر بۇرۇن
بېشى كەتكەن بولاتتى ئۇنىڭ ...
سەرسان يۈرەتتى ئۇ ،ئەسىرلەر ئارا
ئۆتمۈش يوللىرىدا چېچىلىپ ياتقان
ئويۇلغان كۆزى،يوقاتقان بېشى
ۋە كېسىك تىلىنى ئىزلەپ يۈرىدۇ
بۈگۈن ئېيتىش ئۈچۈن ئاشۇ سۆزىنى ..
ئوتتۇز تاشقا كىرىپ
ئوتتۇزغا كىرىپمۇ ،
بىرەر شېئىرنى يادقا بىلمىسە ،
ھىچكىم ھۆرمەت قىلماس مۇنداق ئادەمنى .
ئوتتۇز ياشقىچە دۇنيانى ئالمىغان ئادەم
كىيىن ئالاتتىمۇ دۇنيانى .
ئوتتۇز ياشقا كىرىپ ئۆيى بولمىسا ،
ئۆيسىز يۈرۈۋېرىدۇ قىرىق ياشتىمۇ .
يوقسىزچىلىقتىن ئۆلمەي ،
بىر ئاماللاپ ئوتتۇزغا كىرسە ،
كىيىن ياشاۋىرەر ئەبەدى .
تەقدىر
ئايال يالغۇز ، لېكىن تۇل ئەمەس .
ئەر بولسا تاق ، ئەەمستۇر بويتاق .
بىر -بىرىگە ھىچكىم قۇل ئەمەس ،
ھىچكىم ئازات ئەمەستۇر بىراق .
ئايال كېتەر ئۆز ھوجىرىسىغا .
گەپمۇ قىلماي كېتەر ئەرمۇ ھەم .
بىر -بىرىنىڭ پىشانىسىگە ،
يېزىلغان بۇ ئىككىلا ئادەم .
يىراق جايدا ئەر ياقسا پاپىروس ،
كۆرۈنىدۇىلىلداپ ئۇچقۇن .
بۇندا ئايال باش قويغان ياستۇق ،
يورۇپ كېلەر جىمجىت نەپرەتتىن .
ئەتە
ئەتە شۆھبىسىز بەخىتلىك بولمىىز ،
بۈگۈن ئۆلمىسەك .
ئەتە ئارزۇنى قوغلاپ يېتىمىز
بۈگۈن چاپالىساق .
ئەتە
شادلىقنى بۆلۈپ بېرمىز ھەممىگە
ئەگەر ئۇنى بۈگۈن تاپالىساق ،
شائىر يازمايدۇ غەمكىن شېئىرلارنى
ئەتە .
سەن داھىم سۆيىسەن
سەن داھىم سۆيىسەن
مېنىڭ يامان كۆرگەن نەرسەمنى .
ماڭا ئۇيقۇ بەرمەي ئۆرتىگەن
نىمە بولسا،ھەممىسى ساڭا يېقىملىق .
مەن قورىققان نەرسىنى سەن قوغدايسەن
مەن قاچقان نەرسىنى قوغلاپ يېتىسەن .
پەقەت ماڭا ئاتالغان زەھەرنى
مەن ئۆزۈم ، مەن ئۆزۈم ئىچىمەن .
گەرچە
گەرچە قۇش ئەمەس ئۇ ، لېكىن ئۇنىڭمۇ ،
يىراق-يىراقلارغا ئۇچقۇسى كېلەر .
گەرچە ئۇ ئىت ئەمەس ،لېكىن ئۇنىڭمۇ
بەزەن ھۇۋلۇغۇسى كېلەر ئاسمانغا قاراپ .
ئۇ قۇياش ئەمەس، لېكىن ئۇنىڭمۇ
مەڭگۈ ياشىغۇسى كېلەر ئۆزىگە باقماي .
گەرچە دەرەخ ئەمەس ، لېكىن ئۇنىڭمۇ
تۆكۈلگۈسى كېلەر بىر كۈنى بەرگىلىرى .
ئالدىمدا
مەن سېنى ئالدىدىم ، بۇ گۈللەر ھىدسىز ،
ئاۋارە بولمىغىن پۇراپ ئۇلارنى .
يەنە بىر ئالدىدىم
ساڭا ئاتالمىغانتى بۇ گۈللەر .
يەنە ئالداۋاتىمەن
قولۇمدا ھىچقانداق گۈل يوققۇ ئۆزى !
سەنمۇ، مەنمۇ يوقسىزغۇ ئاخىر ،
مەن نىمىشقا ئۆزۈمنى ئالدايمەن !
بارغانسىرى
بارغانسىرى ھاياتقا مەن سادىقراق ھەمرا ،
بارغانسىرى ئاز سۆزلەيمەن ئۆلۈم ھەققىدە .
بارغانسىرى ئۆلۈمنى ئاز تىلەيمەن ،ئازراق .
بارغانسىرى ئۆلۈم تامان
ئۆلۈم ھەققىدە ئازراق ...
بارغانسىرى ئۆلۈم تامان ،
ئۆلۈم ھەققىدە ئاستا -ئاستا ...
پادىشاھ ئالدىغا كېتىۋاتقان پۇقرا
غېۋەتنى توختىتار ساراي ئالدىدا .
مېھىر
مېھىر - بىر پىيالە سۇ
مۇھەببەتنىڭ سىڭلىسى خالاس .
مېھىر - بۇ جىمىرلاش ،
چاڭقىغان لەۋلەرنىڭ ئارزۇسى .
دۇنيادا يوق بىرەر
چاڭقىمىغان لەۋلەر
سەھەر كۈيى
كىتاپلارغا قونۇپتۇ توزان -
سۈرۈتسەڭ بولمايتىمۇ ئەي لېۋەن .
دۇنيا سەردارلىرى يىغىلغان
گازارمىغا ئوخشايدۇ جاۋەن ...
سەنچۇ ؟ چىقتىڭ كۆڭلەكچان پېتى
باققا ئۈزۈپ كەلمەك ئۈچۈن گۈل .
شۇندا ...
سېنى تىڭىرقىتىدۇ
دۇنيا قارىشى يوق بىر بۇلبۇل ...
ياخشىلىق
قىزىقتۇرار سىزنى ياخشىلىق :
كىتاپ ۋاراقلايسىز ،
نەقىل ئالىسىز ،
ئەڭ قەدىمقى پەيلاسوپلاردىن .
ۋە ئاخشاملىرى ئوقۇپ بېرىسىز
كۆڭلىڭىزدىكى ئادەملىرىڭىزگە .
لېكىن يالغۇز قېلىپ ،
يەنە ئۆزىڭىزدىن سورايسىز :
« زادى نىمە ياخشىلىق دىگەن ؟»
ۋە جاۋاپ تاپالماي
قىينىلىپ ياتىسىز ياستۇقتا .
تاڭ ئېتىپ
كۈن پېتىپ
گۇگۇم چۈشكەندە ،
يىڭى نەققىلەرنى ئوقۇشقا باشلايسىز
كۆڭۈلدىكى شۇ ئادەملەرگە ...
ۋاقىت بىر چاغلار بولغاندا
ئورنىدىن تۇرغىنىدا سۆيۈملۈك كىشى ،
قولىدىن تۇتۇۋېلىپ
قويۇپ بەرمەي سورايسىز يېلىنىپ :
« ئېيىتىڭا، نىمە ئۇ ياخشىلىق زادى ؟»
توغرا بولماق
توغرا بولماق نىمە ئۇ زادى ؟
نىمە دىگەنلىك توغرا ياشىماق ؟
بوينۇڭنى قايىرشسا
قەددىڭنى پۈكسە مىخنى پۈككەندەك ،
قولۇڭنى سۇندۇرسا قورايغا ئوخشاش ،
بېشىڭنى تەشسە
يىلى چىققان توپتەك ماكچايسا بېشىڭ
ۋە شۇ شەكىلسىزىلىك ئىچىدە
ئىچىڭدە بىر توغرا سىزىق قېپ قالسا ئەگەر ،
دىمەك سەن توغرا سەن
سەن ئوغرى ئەمەسسەن بۇرادەر !
بەلكى
بەلكى، نومۇر چىقار زايۇمغا ...
بەلكى. خەت ئالارمەن كىمدىندۇر ...
بەلكى، يامغۇر ياغار ...
بەلكى يەر تەۋرەر ...
ھەر كۈنى ،
ھەر دەم ،
تىنىمسىز ،
قارماق لەيلەتمىسىدەك سىرلىق لىكىلدار
زېمىن ئۆزرە « بەلكى » دىگەن سۆز .
قۇشقاچلار
قۇشقاچلار قۇپقۇرۇق باغنىڭ باللىرى ،
ئۇلار مۇڭلۇق، خىلۋەت يوللارنىڭ ،
چىرىگەن غازاڭلارنىڭ باللىرىدۇر .
ئايازنىڭ ،
شامالنىڭ ئارزۇلۇقى ،
تاقىر ئۆگزىلەرنىڭ ئەركە بالىسى .
كۈزدە يامغۇرنىڭ ،
قىشتا قارنىڭ ،
نىمە ئىسسىق بولسا شۇنىڭ بالىسى ئۇلار .
ئۇلار پەقەت قۇچقاچلا ئەمەس ،
چۈمۈللەرنىڭمۇ پەرزەنتى ،
ھەتتا ئۆزى يەيدىغان قۇرۇتنىڭ ،
ئۆز تېنىدىكى ھارارەتنىڭ باللىرىدۇر ئۇلار .
ئۇلار ھەر نەرسىنىڭ بالىسى ،
پەقەت شەھەرنىڭكى ئەمەس ،
شەھەرنىڭ باللىرى ئەمەستۇر ئۇلار .
بوۋام چىۋىننى شۇنداق تىللايتى
ئەجەپكى دەستىخاندىن بۆلەك ،
ئەسەبتىن بۆلەك
قوندىغان جايىڭ يوقمۇ چىۋىن ؟
« ئەخمەق » دىگىلى بولمىسا سېنى ،
« تەنتەك » دىگىلى بولمىسا ،
ھەتتا « سەن » دىگىلى بولمىسا ،
قانداق ھەيدەش مۇمكىن بۇ يەردىن ؟
ھاقارەتتىن كىچىك ،
تىللاشتىنمۇ كىچىك بىچارە .
ئۇلارغا ئېيىت سۆيۈملۇكۇم ...
سەن ۋە مەن بىلىمىز
مۇھەببەتنىڭ
سىموۋۇلى مەجنۇنتال ئەمەسلىىكنى .
سېرىق گۈل ئايىرلىش ،
قىزىل گۈل ئۇچۇرشىش بەلگىسى ئەمەس .
ئېيىت ئۇلارغا ،
چۈشەندۈر سۆيۈملىكۈم ،
بىز قانداق سۆيگەنتۇق بىر -بىرىمىزنى ،
قانداق سۆيۈشكەنتۇق ،
گۈللىرى ئۈزۈلگەن ئالەمدە !
يەنە دەشىتتە
دەرەخنىڭ شېخى
يەلكەڭگە تىرىلەر
مىلتىققا ئوخشاپ .
ئالقىنىڭدا تۇرغان تاش مىسال
مىجىقلنار خەت .
قەيەردە ؟
قەيەردە ياتىدىكىن ماۋزۇ
ئۆز قېنىغا مىلىنىپ؟
كېپىنەك ئۇچۇپ ئۆتەر ئالدىڭدىن ،
جاھاندا ئەڭ ئېغىر كېپىنەكتەك ...
مۆجىزە يۈز بەرسە
مۆجىزە يۈز بېرىپ ئەخمەت يەسەۋىي
كېلىپ قالسا ئەگەر بىزنىڭ ئەسىرگە ،
كېرىپ كەتمەس ئىدى يەرگە ئەسەبىي
جايلاشماس ئىدى ھەم بىرەر قەسىرگە .
ئۇنىڭ شائىرلىقنى ھىساپقا ئېلىپ ،
ئىجراكوم بېرەتتى بىر ئېغىزلىق ئۆي .
ئۇ بولسا ئىشىكنى ئىچىدىن ئىلىپ ،
زامان ھەققىدە راسار سۈرەر ئىدى ئوي .
بىزنى كىرگۈزمەستىن ئۆيىگە پەقەت ،
ئېسىپ قويار ئىدى ئىشىكىگە خەت :
« ئىشىك چېكىلمىسۇن
بۇندىن مۇستەسنا
باشقا سەييارىدىن كەلگەنلەر پەقەت » .
بالىلار ۋە بوۋىلار
بالىلار دۇنيانى باشقىچە كۆرەر
پۇتىنى ئاسمانغا قارىتىپ ،
قولىدا ماڭىدۇ بالىلار
دۇنياغا باشقىچە قارىماق ئۈچۈن .
دۇنيانى ئۆزگىچە چۈشۈنەر چاللار
كەچقۇرۇن،خىلۋەتتە ،
ئۆتكەن-كەچكەنلەرگە پەرۋا قىلماي ھېچ ،
گېزىتنى تەتۇر تۇتۇپ .
دۇنيانى باشقىچە كۆرەر بالىلار ،
چاللارمۇ ئۆزىچە ئوقۇيدۇ ئۇنى .
دۇنيا گۈزەل
بۇ دۇنيا گۈزەلدۇر
ئادالەتلىك بۇ دۇنيا .
ئەڭ بېخىل ئادەممۇ كېچىلەر يېتىپ ،
قىينىلار ئۆزىنىڭ بېخىللىقدىن .
ئەبلەخنىڭمۇ بەزەن كىمگىدۇر
سۇنغۇسى كېلەر ياردەم قولىنى .
ھەتتا جاللات، ھەتتا جالاتنىڭ
يىغلىغۇسى كېلدۇ يالغۇز قالغاندا .
خۇدامۇ گاھىدا، ئۆزىنىڭ
« يوق» لىقىنى ئۇنتۇپ پۈتۈنلەي
نەزەر تاشلاپ قويار زىمىنغا .
گۈزەل، ئادەلەتلىك دۇنيا بۇ دۇنيا .
يېرىم كېچىدىكى خىياللار
« ئايال قولىنى ئېلىپ بوينىڭدىن ،
ياستۇققا قوي ئاستا ... كىيىن
ئاستا چىق ئۇنىڭ قوينىدىن ،
ئاستا تۇر ئاستا ئاستا كىيىن .
خەت قالدۇرما سۆيمە ئوغلۇڭنى ،
قارىما ئۇ ياتقان بۆشۈككە .
يىغىشتۇرۇپ بارى -يوقىڭنى ،
غىچىرلاتماي ... چىققىن ئىشىككە ... »
بۇ شۇنچىلىك ئارزۇنىڭ يولى ،
كۈچۈم يەتمەس مېنىڭ بۇ ئىشقا :
بوينۇمدىكى ئايالنىڭ قولىنى
ئېلىپ قويۇش قىيىن ياستۇققا .
سەن ئۈچۈن
بۇ يەر تاقىر يەر ئىدى، تاپتاقىر لېكىن ،
ئالدىراشلا گۈللەر كۆكەردى .
سېنىڭ كېلىشىڭنى ئاڭلاپ .
بۇ سەھرا ئىدى، لېكىن سەن كەلمىدىڭ ،
كەينىڭدىن يۈگەردى ھاسىراپ دەريا
نازۇك تاپنىڭنى يالىماق ئۈچۈن ،
تاغلارمۇ بۇ يۈكسەك تاغلارمۇ ھەمدە
سېنى كۆرمەك ئۈچۈن ئورنىدىن تۇرغان
زىمىندۇر .
مەنمۇ ھەم سەن ئۈچۈنمەن ، سۆيۈملىكۈم
سەن ئۈچۈن تۇغۇلدۇم
سېنىڭ تۇغۇلغنىڭنى ئاڭلىغان ھامان .
قەپەستىكى چاشقان
قەپەستىكى مانا شۇ چاشقان
بىر چاغلاردا بۇلبۇل ئىدى .
بىر چاغلاردا پىرىلداپ ئۇچاتتى ئۇ ،
ھازىر ئۆمىلەر .
ئىلگىرى ئوۋچىدىن قورقاتتى بىچارە ،
ئەمدى مۈشۈكتىن .
بىزنى ئويغىتاتتى بىر چاغلار
تاڭ پەيتى چاڭىلداپ
مانا شۇ چاشقان .
چۆل ئىراق
سەھرا بۇ يۈرەكتۇر ،
تەسلىم بولغان ئادەم يۈرىكى .
سەھرا ئاق بايراقتۇر ،
تۆگىلەر ئايغىغا تاشلانغان بايراق .
سەھرا- « چۆل ئىراق »
بىراق
ھېچكىمنىڭ يۈرىكى پېتنالماس
بۇ كۈينى چالماققا ،ھېچكىمنىڭ .
لېكىن تىڭشىماققا ھەممە تەيياردۇر ،
شۇندىمۇ كۆزىنى يۇمۇپ تىڭشايدۇ ،
كۆزلىرنى يۇمۇپ نىمىشقىدۇر .
شېئىر سەنئىتى
ئاياللار يۈزىدىن بۈيۈك ئىنقىلاپ
سۈپۈرۈپ تاشلىغان پۈركەنجىلەرنى .
شائىرلار ئۆزىچە ئىشلەتتى شۇ تاپ
يالىڭاچ سۆزلىرگە كەيدۈرۈپ بەرىنى .
« شېئىرىڭ مەۋھۇم » دەپ قىلماڭ مەسخىر ،
شېئىر نازۇك پەرەنجە ئىچرە ياشار .
ئۇنىمۇ سۈپۈرۈپ تاشلىماق ئۈچۈن
بەلكى، لازىم بولۇر يەنە بىر ھاشار .
ئەپەندىنىڭ مات بولۇشى
كۆز قىسىپ ھىجىيىپ دىدى: - ئاڭغىچە
يا ئېشەك ئۆلىدۇ يا پادىشا ئۆلەر .
-ھۆرمەتلىك نەسىردىن ئەپەندى ،سىزچۇ ،
نىمە بولار ئۆزىڭىز ئۆلسە ئەگەر ؟
- مەن ھاياتمەن ! -دىدى ئۇ پەرۋايى پەلەك ،
-كەچۇرسىز ... دىمەك ،ئۇلارمۇ ھايات .
ئۇلار ئۆلسە، سىزگە نىمە كېرەك ھايات ،
ئۇلار ئۆلسە كىمنى قىلاتتىڭىز مات ؟!
ئوخشىتىش
نىلۇپەر ،بەڭباش گۈل ،سۇنى تاللىدىڭ ،
ئاسماننىڭ ئەكسىگە تومۇر تارىتقان گۈل ،
مەن بۇندا يىگانە سېنى ئويلىدىم .
مېنىڭ يۈرۈكۈمگە ئوخشايسەن ھەيھات :
سەن سىياق يەر بىلەن كۆك ئارلىقىدا
كۆكسۈمدە تۇرۇپتۇ ئۇمۇ مۇئەللەق !
نىلۇپەر سۇدىكى ئاينىڭ قوشنىسى !
مېنىڭ يۈرۈكۈمنى ھېچكىم چۈشەنمەس ،
چۈشەنگەندەك گويا مەن سېنى !
تېما مەنزىلى « ئاۋانگارت»مۇنبىرى
http://awangart.com/index.htm
بۇ يازمىنى ئاخىرىدا Erchin تەھرىرلىگەن. ۋاقتى 2015-2-20 23:01
ۋاقتى: 2015-2-20 20:14:54
ئىگىسى
