- UID
- 12
- يازما
- 126
- ھوقۇقى
- 1
- 真实姓名
- سائادەت ساتتار ئايتۇغ
- نادىر
- 3
- جۇغلانما
- 607
- تىزىملاتقان
- 2012-3-19
- ئاخىرقى قېتىم
- 2012-4-15
|
-ئۆيىڭىز قايسى تەرەپتە؟دەپ سورىدى يىگىت كوچىدىن چىقىش ئېغىزىغا كەلگەندە قىزنىڭ بىلىكىدىن چىڭ قاماللاپ تۇرۇپ.
ـمەن مەس ئەمەس،ئۆزۈم كىتەلەيمەن،مىنى قۇيۇپ بەر...دەپ ئالىتاغىل ۋاقىراپ كىلىۋاتقان زىبا بېشىنى كۆتۈرۈپ ئۇنىڭغا قاراپ سەل جىمىپ قالدى ۋە:
-سولغا قايرىلساقلا يىتىپ بارىمىز،رەھمەت ئەمدى ئۆزۈم كىتەلەيمەن،دىدى.
يىگىت ئۇنىڭ بىلىكىدىن قويۇۋەتكەن بولسىمۇ ئۇنىڭغا ئەگىىشىپ خېلى ماڭدى ۋە ئۇ دەلدەڭشىپ مېڭىپ ئولتۇراق رايوننىڭ دەرۋازىسىدىن كىرىپ كىتىپ زال ئىشىكىنى ئاچقاندىن كىيىنلا خاتىرجەم بولۇپ ئارقىسىغا ياندى.
ئەتىگەندە قاتتىق ئۇخلاۋاتقان زىبا تىلىفۇنىنىڭ توختىماي سايرىشىدىن تەسلىكتە ئويغاندى ۋە سىقىراپ ئاغرىۋاتقان بېشىنى قاماللىغىنىچە تىلىفۇننى ئالدى:
-ۋەي،ئورنىڭىزدىن تۇرۇڭ،مەكتەپكە بارىدىغان ۋاقىت بولدى.مېڭىشىڭىزدا دۇكانغا كىلىڭ ئاچچىق-چۈچۈك بىر نەرسە يەۋېلىڭ،سىزنى ساقلايمەن،خوش.
زىبا ئاڭقىرالماي بىر ھازا تۇرۇپ قالدى.ۋە ئېرىنچەكلىك بىلەن سائەتكە قارىۋېتىپ مىڭ تەستە ئورنىدىن تۇرۇپ يۈزىنى سوغۇق سۇدا يۇيۇۋېتىپ كىيىملىرىنى ئالماشتۇرۇپ،سۈتنى قاينىتىپ نان چىلاپ دادىسىنىڭ يېنىغا ئەكىلىپ قويۇپ،دادىسىنىڭ ئۇنىڭغا سىنچىلاپ قاراشلىرىغا پىسەنتمۇ قىلماي سىرتقا ماڭدى.ئۇ دەرۋازا ئالدىغا چىقىپ ساپ ھاۋادىن قانغۇچە سۇمۇرۇپ نەچچە رەت چوڭ-چوڭ نەپەس ئېلىپ كوچا دوقمۇشىغا كىلىشىگە ئۇ يەردە ئۆزىگە قاراپ تۇرغان كۈتكۈچى يىگىتنى كۆرۈپ،ئاخشامقى ئىشلار خىرە خىيالىغا كەلدى.
-بايىقى تىلىفۇننى سىز ئۇرغانمىدىڭىز؟نۇمۇرىمنى قانداق بىلدىڭىز؟،دەپ سورىدى ئۇ ئۆزىگە جىمجىت قاراپ تۇرغان يىگىتنىڭ يېنىغا كىلىپ.
-نومۇرىڭىزنى ئاخشام ئۆزىڭىز يېنىش-يېنىشلاپ دەپ بەرگەندە ئېسىمدە تۇتۇۋالغان ئىدىم.ئەتىگەنلىككە ئويغۇتۇپ قويۇڭ بولمىسا تۇرالماي قالىمەن دىگەنىدىڭىز شۇڭا...
-ھە رەھمەت سىزگە.
يىگىت گەپ قىلمىدى ئۇلار يانمۇيان مېڭىشىپ يىگىت ئىشلەيدىغان تېز تاماقخانىنىڭ ئالدىغا كەلدى،يىگىت ئۇنى كىرىپ سۇيۇق ئاش ئىچىپ مېڭىشقا تەكلىپ قىلدى ۋە قىزىقچىلىق قىلىپ‹‹بۇ ناشتىلىقنىڭ پۇلى ماڭا ھىساپ››دەپ چاخچاق قىلدى.
شۇندىن كىيىن قىز بىلەن كۈتكۈچى يىگىتنىڭ مۇناسىۋىتى بارغانسىرى يېقىنلىشىشقا باشلىدى.كۆپىنچە ھاللاردا يىگىت قىزنىڭ ھاراق ئىچىشىنى چەكلەيتتى ۋە قىززىق گەپلەرنى قىلىپ بېرىپ ئۇنىڭ كۆڭلىنى كۆتۈرۈپ چۈشكۈن دىلىنى ئېچىشقا تىرىشاتتى.
يىگىت زىبانىڭ ئەكسىچە بۇ دۇنياغا ئۈمىد بىلەن قارايتتى،كەلگۈسى ھەققىدە نۇرغۇن شىرىن ئارزۇ-ئارمانلىرى بار ئىدى ۋە شۇلارغا يىتىش ئۈچۈن تىرىشاتتى.
-مەن سىزدەك ئوقۇش شارائىتىغا ئېرىشەلمىگەن زىبا،سىز ھازىرقى مۇشۇ شارائىتىڭىزدىن رازى بولۇشىڭىز ۋە تولۇق پايدىلىنىشىڭىز كېرەك.سىزدە ھېچنىمە كەم ئەمەس،پەقەت سەگەك تەپەككۈر كەم،كىشىلىك ھاياتتىن،تۇرمۇشتىن ئاغرىنىپلا يۈرۈش،چۈشكۈنلىشىش ۋە ھەممىگە ئىتىۋارسىز قاراش سىزدىكى ئەڭ چوڭ كەمچىلىك.-دەپ گەپ باشلىدى يىگىت قىزغا سەمىمىلىك بىلەن تىكىلىپ تۇرۇپ،-ھەممىمىزگە ياشاش پۇرسىتى پەقەت بىر قېتىملا كىلىدۇ.ھەممىمىز ئۆزىمىز تاللىۋالغان ئۇسۇل بىلەن ھايات يولىمىزنى داۋام ئىتىمىز.مەيلى قانداقلا ياشايلى ھامىنى ئۆلۈپ كىتىمىز،قارا تۇپراق ئاستىغا كىرىپ كىتىمىز،بۇ دۇنيادىن مەڭگۈلۈككە خوشلاشقىنىمىزدا ئەتراپىمىزدىكىلەر ئارمىنىمىزنى قىلغۇدەك،قىلغان ياخشى ئەمەللىرىمىز دىللاردا يادلىنىپ تىللارغا ئېلىنغۇدەك.ئاخىرقى نەپسىمىزدە ئەلەم-پۇشايمان،نادامەتلەر گېلىمىزنى بوغمىغۇدەك ھالەتتە ياشاشقا تىرىشىشىمىز كېرەك.سىز تېخى ئەمدى ئۇچۇم بولۇش ئالدىدا تۇرغان كىچىككىنە بىر قۇش بالىسى،گەپ سىزنىڭ تۇنجى ئۇچۇشىڭىزنى قانداق تاللىشىڭىزدا.قانات-قۇيرۇقلىرىڭىزنى ياخشى يىتىلدۈرۈپ،تولۇق تەييارلىق بىلەن يىراق مەنزىلنى نىشانلاپ ئۇچۇش ياكى ئالدىراقسانلىق ۋە بىپەرۋالىق بىلەن يېقىننىلا كۆزلەپ خىيالەن شىرىن چۈشلەرگە ئەگىشىپ بىخۇتلۇق ئىچىگە غەرق بولىشىڭىزدا.سىزدە ھەممە نەرسە تەل زىبا،لېكىن سىز ئۇنى كۆرەلمەي ھىس قىلالماي ھەممىگە نارازىلىق نەزەرىڭىزدە قاراۋاتىسىز.ۋاقىتلىق مەستخۇشلۇق ۋە ھوزۇردىن خۇدىڭىزنى يوقاتماقچى ۋە شۇنىڭدىن تەسەللى تېپىپ ياشىماقچى بولىۋاتىسىز.ۋاقىت ھامان سىزگە بۇ تاللىشىڭىزنىڭ خاتا ئىكەنلىكىنى ئىسپاتلاپ بېرىدۇ،بىھۇدە ئۆتكەن پۇرسەتلىرىڭىز رەھىمسىز قوللىرى بىلەن ھامان گېلىڭىزنى بوغماي قالمايدۇ.مەن سىزدەك كۆپ ئوقۇمىغان لېكىن ھاياتقا ھەمىشە ئۈمىد بىلەن قارايمەن.تۇرمۇۇشمدىن ئاغرىنىپمۇ باقمىدىم.ئاللاھنىڭ ماڭا ياشاش ھوقۇقۇقىنى ئاتا قىلغىنىنىڭ ئۆزىمۇ بىر چوڭ ھىممەت ۋە پۇرسەت.مەن ئۆزلۈكسىز ئۆز ھايات يولۇمدا ئۆزۈم تاللىۋالغان نىشانىم ئۈچۈن كۈرەش قىلىمەن.بۇ يولدا مەيلى قانچىلىك جاپا-مۇشەققەتكە،دىشۋارچىلىقلارغا ۋە بېسىم ،ئاھانەتلەرگە ئۇچراي بۇ مىنىڭ ياشاش يولۇمنى ئۆزگەرتەلمەيدۇ.نىشانلىرىمغا بولغان ئىزدىنىشلىرىمنى،تىرىشچانلىقلىرىمنى ئاجىزلاشتۇرىۋېتەلمەيدۇ.
زىبا ئۇنىڭ گەپلىرىنى ئاڭلىغانسىرى يېقىندىن بېرى تۇرمۇشىدا يۈز بېرىۋاتقان ئۆزگىرىشلىرىدىن ئۆكۈنۈش ھىس قىلىشقا ۋە خىجىل بولۇشقا باشلىدى.‹‹دىمىسىمۇ بىر مومىسىدىن ئايرىلغان مەنلىمىدىم؟ئاتا-ئانىسىنىڭ مىھرىگە قانمىغان مەنلىمىدىم؟كەيىپ-ساپاغا بېرىلىپ مەستخۇش ئۆتكەن كۈنلىرىم مىنى چۈشكۈنلۈكتىن باشقا نىمىگە ئېرىشتۈردى؟..››دىگەنلەرنى ئويلىغانسىرى زىبانىڭ قەلبىدە ياشاشقا بولغان ئوتتەك قىزغىنلىق قايتىدىن لاۋۇلداشقا باشلىدى.
ئۇنىڭ ئالدىدا ئولتۇرغان ئاددى بىر كۈتكۈچى يىگىت بۇ دۇنياغا شۇنداق زور ئۈمىتلەر بىلەن ئىشەنچ بىلەن بېقىۋاتسا،ئۇنىڭ ئۆز تۇرمۇشىدىن ئاغرىنغۇدەك زادى نىمە ئاساسى بار؟
ئۇ شۇنىڭدىن كىيىن پۇرسەت تاپسىلا يىگىت بىلەن ئەسرا بولۇشۇپ ھاياتىدا يېڭى-يېڭى مەنالارغا ئېرىشتى.ئوقۇشقىمۇ قايتىدىن كىرىشىپ ئالى مەكتەپ ھاياتىنىڭ ئاخىرقى بۆلەكلىرىنى يېڭىچە تۈس بىلەن بېزەشكە باشلىدى.
.ئۇ ئاخىرقى قىشلىق تەتىل قويۇپ بېرىلىشى بىلەنلا ئانىسى خىزمەت قىلىۋاتقان دوختۇرخانىغا پىراكتىكىغا چۈشتى.
يىگىتمۇ تېز تاماقخانىدا ئىشلىگەن ۋاقىتلىرىدا كەچلىك كۇرسلاردا ئوقۇپ ئىگەنلىگەن چەتئەل تىلى سەۋىيىسى بىلەن ئۆزگە يۇرتتىن كەلگەن سودىگەرلەرگە مال ئېلىشىپ بېرىپ سەمىمى مىجەزى ۋە ئوچۇق-يورۇق مۇئامىلىسى بىلەن بۇ كەسىپنىڭ خېلىلا ئوبدان نېنىنى يىيىشكە باشلىدى.ئۇلار كۈندە دىگۈدەك تىلىفۇنلىشىپ،ھال سورىشىپ ،كۈن ئاتلاپ دىگۈدەك يۈز كۆرۈشۈپ ،ئەسرالىشىپ ئۆز خىزمەتلىرى ھەققىدە ئۇزۇندىن ئۇزۇنغا مۇڭدىشىپ كىتىشەتتى.زىبانىڭ دادىسى ئۆزىگە تولىمۇ ئېغىر كەلگەن بۇ رىئاللىقنى ئاخىرى قوبۇل قىلىپ ئايالى ۋە قىزىنىڭ كۆپلەپ غەمخورلۇق قىلىشى بىلەن بارا-بارا مىجەزىدىكى چۇسلۇق ،بۇرۇقتۇملۇق ئەسلىگە كىلىپ يالغان پۇت سەپلەشكە قۇشۇلۇپ ،ئۇلار خىزمەتتىن كەلگۈچە بۇرۇنقىدەك تۇرۇسقا قاراپ ياتماستىن ئۆي ئىچىدە ئۆزى قىلغۇدەك ئىشلارنى قىلىپ،تاماقلارغا تەييارلىق قىلىپ تۇرىدىغان،ياشانغانلار پائالىيەت ئۆيىگە چىقىپ ئۇلپەتلىرى بىلەن قارتا-شاھمات ئوينايدىغان،تەڭتۈشلىرى بىلەن ئېچىلىپ-يېيىلىپ مۇڭدىشىپ ئولتۇرىدىغان بولدى.
زىبا ئائىلىسىدە ئەۋج ئېلىۋاتقان كۈلكە-چاخچاقلىق خۇشال تۇرمۇشتىن تولىمۇ سۈيۈنەتتى.دادىسىنىڭ ھالىتىدىكى ئۆزگۈرۈشلەرنى يىگىتكە ئېيتىپ بەرگەچ ھاياجانلىنىپ كىتەتتى:
-ئىلگىرى ئائىلىمىزدە مۇزدەك بىر مۇھىت،جىمجىتچىلىق ھۆكۈم سۈرەتتى،ھەممە ئۆز ئىشىمىز بىلەنلا بولۇپ كىتەتتۇق.ئارىمىزدىكى مىھرى-مۇھەببەتمۇ بارغانسىرى سۇسلىشىپ بىر-بىرىمىزنىمۇ كۆرەرگە كۆزىمىز يوق دەرىجىگە بېرىپ قېلىۋىدۇق.مانا سىزنىڭ مەدەتلىرىڭىز بىلەن مەنمۇ ئەسلىمگە قايتتىم،شۇنى ھىس قىلدىمكى بىر ئائىلىدىكى بىر ئەزانىڭ تىرىشچانلىقى بىلەن پۈتكۈل ئائىلە مۇھىتىدا ئۆزگىرىش بولىدىكەن.دادامغا ھەقىقى مىھرىمنى بېرىپ،كۈيۈنۈپ،غەمخورلۇق قىلىۋىدىم ئۇمۇ قايتىدىن قەددىنى رۇسلىدى،ئۇنىڭ بۇرۇنقى خىزمەت ئالدىراشلىقى بىلەنلا يۈرۈيدىغان مەزگىللىرىگە قارىغاندا مىيىپ بولسىمۇ ھازىرقى تۇرقىنى ياخشى كۆرىمەن.ئۇنىڭ ھازىر بىزگە قانچىلىك مۇھىملىقىنى تېخىمۇ چوڭقۇر ھىس قىلىۋاتىمەن.پىراكتىكىغا چۈشكەندىن بېرى ئانامنىڭ خىزمىتىنىڭمۇ مەن ئويلىغاندىن كۆپ جاپالىق ۋە ئالدىراشلىقىنى،مەسئۇلىيىتىنىڭ نەقەدەر ئېغىرلىقىنى راستىنلا تونۇپ يەتتىم.بۇندىن كىيىن مەن ئۇلارنى ھەقىقى خوشال قىلىشقا ،ھاردۇقلىرىنى چىقىرىشقا تىرىشىمەن.ئەينى چاغدا ئۇلارنىڭ مىنى مومامغا بېرىۋىتىپ ئاتا-ئانىلىق بۇرچىنى ئادا قىلمىغىنىدىن ئاغرىنىپلا يۈرگەن ئىدىم.ھازىر ئويلىسام ئۇلار ماڭىلا ئەمەس مەنمۇ ئۇلارغا مىھىر قەرزى ئىكەنمەن.بۇرۇن ھەممىمىز ئېرىشەلمىگەنلەرگە مانا ئەمدى ئۆز-ئارا ئېرىشىۋاتىمىز ۋە ئېرىشتۇرىۋاتىمىز。
زىباغا مەستلىكى كىلىپ ،سۈيۈنۈش ئىچىدە تىكىلىپ ئولتۇرغان يىگىت ئۇنىڭغا مەمنۇنلۇق بىلەن كۈلۈمسىرەپ قارىدى。
داۋامى بار。。。。。。。。。。。 |
|