ھەقيار: مەن ئالدىڭدا يوقالغان سىما

مەن ئالدىڭدا يوقالغان سىما

جۇدۇن كۆرسەم سەندىن كۆرمىدىم،
باغلىرىمنى باستى لىق تىكەن.
يىقىلدىم راس،لېكىن، ئۆلمىدىم،
ئۆلمەس جاندا ئۈمىد بار ئىكەن.

ئۆتۈۋەردىڭ ئالدىمدىن مەغرۇر،
ئىزلىرىڭدا توزۇپ كەتتى ياش.
رۇجەك چىكەر چۈشلەر بىماغدۇر،
خۇددى مىسكىن يامغۇرغا ئوخشاش.

نائىل قىلغان ھاياتنى سۆيگۈ،
شۇڭلاشقا ئۇ مەڭگۈلىك تېما.
«قېنى ئۆلۈم» دىمە،مەن مەڭگۈ-
كۆز ئالدىڭدىن يوقالغان سىما.

بۇ يازمىنى ئاخىرىدا   Erchin تەھرىرلىگەن. ۋاقتى  2015-2-3 17:55  

ئۆتىۋەرسە ئالدىڭدىن مەغرۇر،
جەسۇر ياشا ئالدىدا تىك تۇر .
ئىزلىرىغا تۆكمە يېشىڭنى ،
جاسارەتكە تۇتاشسۇن تومۇر.

جۇدۇن كۆرسەم سەندىن كۆرمىدىم،
باغلىرىمنى باستى لىق تىكەن.
يىقىلدىم راس،لېكىن، ئۆلمىدىم،
ئۆلمەس جاندا ئۈمىد بار ئىكەن.

   تۇرۇپلا ئويلىنىپ  قالدىم. ئۆلمەس جان بولامدىغاندۇ دەپ!  مەن بۇ كۇپلىتنىڭ ئاخىرقى مىسراسىنى «تىرىك جاندا ئۈمىد بار ئىكەن» دەپ ئۆزگەرتىپ ئوقۇپ باقتىم! بىر قىسىم جايلار مەنا زىتلىقى ھەم باغلىنىشلىقى يوق سۆزلەر خېلى كۆپ ئۇچرايدىكەن، تېخىمۇ پىششقىلاپ ئىشلەشكە تېگىشلىك ئەسەركەن دەپ قارىدىم. ئويلىنىپ باققايسىز !

ياحشى يىزىلىپتۇ، مۇبارەك بولسۇن!

     ئۇ گەپنىڭ تۇراقلاشقان شەكلى: «ئۆلمىگەن جاندا ئۈمىد بار» ئىدى. پاتمىغاچقا شۇنداق دېيىلىپتۇ. شېئىر ماڭا يارىدى. بىلگەن ئادەمگە ناھايىتى چوڭقۇر بىر بوشلۇق قالدۇرۇلغان. قاراپ باقسا، تېگىنى خىرە-شىرە كۆرگىلى بولغىدەكلا...