ئىبنۇرى: تۇنجى قار

  
                                          تۇنجى قار

                   ئىمام ئىسمائىل ئىبنۇرى

                        
                               چۈشمەكتە لەپىلدەپ تۇنجى ئاققارلا،
                                مەڭزىنى سارغايغان ياپراقنىڭ يېپىپ.
                                ھېلىلا  باھاردا  كۆكەرگەن   مايسا-
                                چۈشۈپتۇ سۈكۈتكە ئاق لېچەك ئارتىپ.

                                يېپىنغان تەبىئەت كىرسىز ئاق توننى،
                                 بەركەتتىن بىشارەت بېرىپ دېھقانغا.
                                 ‹‹كۈزگىنى ئۈچ قېتىم قار باسسا››دەيدۇ،
                                 مول-ھوسۇل شاتلىقى ئېپ كەلگەن قارغا.

                                 سەن ساپلىق - پاكلىقنىڭ سىموۋۇلى،
                                 بىخ سۈرگەن مايسىنىڭ يۈلىكى،ھۇلى.
                                 كۆڭۈللەر  قېتىدا  يالتىراق  ئۈنچە -
                                 تېپىلماس پەسىللەر ئەركىسى سەنچە! بۇ يازمىنى ئاخىرىدا   Erchin تەھرىرلىگەن. ۋاقتى  2015-2-1 13:43  

شېئىرىڭىز بەك پەيزى يىزىلىپتۇ،ياقتۇرۇپ ئوقۇدۇم،ھەمدە تۇنجى ئوقۇرمىنىڭىز بولغانلىغىمغا خوشالمەن.

شېئىرنىڭ مەزمۇنى ياخشىكەن. لېكىن تۇنجى مىسرادا ئازراق مەسىلە باردەك ھىس قىلدىم. «تۇنجى ئاق قارلا» دېگەن گەپنى باشقىچە ئىپادىلەپ باقسىڭىز قانداق؟ چۈنكى قارنىڭ ھەر قېتىمقىسى ئاق بولىدۇ، بۇخۇددى باشقا رەڭلىك قاردىن كېيىن ياغقان تۇنجى ئاق قار دېگەندەك بوپقاپتۇ.

‹‹تەنتۋاى جەۋھەرلىرى››دە كۆرسۈتىلىشىچە قارنىڭ  118 خىلىدىن ئارتۇقى بارىكەن...

قارنىڭ خىلىغا ئېيتىلغان بۇگەپ مېنىڭچە قارنىڭ رەڭگىگە قارىتىلمىغانمىكىن دەيمەن. بۇ پەقەت مېنىڭ قارىشىم، خاتا دەپ قويغان بولسام ئۆزرىلىكمەن.

                   چۈشمەكتە لەپىلدەپ تۇنجى ئاققارلا،
                                مەڭزىنى سارغايغان ياپراقنىڭ يېپىپ.
                                ھېلىلا  باھاردا  كۆكەرگەن   مايسا-
                                چۈشۈپتۇ سۈكۈتكە ئاق لېچەك ئارتىپ.



'ياغماقتا  لەپىلدەپ تۇنجى  ئاققارلار ،'

«چۈشۇپتۇ سۈكۈتكە ئاق لىچەك كېيىپ»

شېئىر ياخشى چىقىپتۇ . لىكىن ماۋۇ مىسرالارنى مۇنداق  ئۆزگەرتىپ باقتىم .
ئىبنۇرى ئەپەندىمنىڭمۇ كۆز يۈگۈرتۈپ بىىقىشىنى ئۈمۈد قىلىمەن .

بۇ يازمىنى ئاخىرىدا   ئىلى تەھرىرلىگەن. ۋاقتى  2015-1-30 19:23  

ئىش-ھەركەتنى ئۆز ھالىتىدە ساقلاپ  قالغان ياخشىمىكىن  دەپ ئويلاپ  قالدىم .

ئىلىجاننىڭ دېگىنىمۇ ئورۇنلۇق...

شېئىرنىڭ مەزمۇنى بولىدىكەن سەل تىلغا ئىشلىسڭىز بولغىدەك