تۇرغۇن پەيزۇللا: بولدى قىل [ئۇلانما كۆچۈرۈش]

يۇلغۇن

بولدى قىل

كۆزۈڭگە قارىدىم ياغدى ھاقارەت،
« ئەي ئىپلاس، ئەي يۈزسىز يوقال كۆزۈمدىن...»
بېشىمنىڭ ئۈستىدە چېقىلدى چاقماق،
ئوت ياندى ئاھىمدىن ھەمدە كۆزۈمدىن.
بۇ ماڭا نېمە كۈن ، نېمە كۆرگۈلۈك،
جان-جېنىم چىغىلداپ ئېشىپ كەتتى.
« نۇمۇسسىز ، چۈپرەندە ،مەلئۇن » ئاتالدىم ،
بىر ئاغرىق ، مىڭ خورلۇق يۈرەككە يەتتى.
قانداقمۇ بىلىسەن قارىغىنىمنى،
سەنمۇ قارىمىغان بولساڭ ئەگەردە.
بىر قولدىن ھەرگىزمۇ چىقمايدۇ چاۋاك،
بولدى قىل، ئەزۋەيلەپ كەتمىگىن بۇنچە.

بىر قاقشال دەرەخنىڭ ھېكايىسى بۇ

شۇقەدەر ئۇسسۇغان ئېرىقتىكى سۇ،
كۆيىدۇ دولقۇنلاپ چاك-چاك ئېتىزدا.
ئۆزىگە ئوت قويۇپ بىر قاقشال دەرەخ ،
گۈلخاننىڭ ئىچىدە چۈشكەن ئۇسۇلغا.

ۋەتەنسىز يۈرەكنىڭ غېرىبلىقىدا،
سېغىنىش دولقۇنلاپ تۇرىدۇ ئېقىپ.
چىرايلىق ئېچىلغان گۈللەرمۇ مۇڭلۇق،
بۇلبۇللار ئاھ ئۇرار ئارمانلىق بېقىپ.

يۈرەكلەر سەھەرنى كۈيلەيدۇ مۇڭلۇق،
مەڭگۈلۈك ئارمانلار قوشاقلىرىدا.
بىر قاقشال دەرەخنىڭ ھېكايىسى بۇ،
كۆيىدۇ چاراسلاپ ياپراقلىرىدا.

باھارنىڭ ھەسرىتى بىر دۆۋە قوقاس،
ئازابلىق يىغىسى  چوغلاردا ، كۈلدە.
بىر قاقشال دەرەخىڭ ھېكايسى بۇ،
ئوقۇلار بىر ئۆمۈر ئارمانلىق ئۈندە.

سىلىنىڭ شېئىرلىرىنى ئۇقۇشمۇ  بىر  ھوزۇر  ماڭا. سالامەت  بولسىلا.
سىلىگە ئۇتۇق  تىلەيمەن.

سىلىنىڭ شېئىرلىرىنى ئۇقۇشمۇ  بىر  ھوزۇر  ماڭا. سالامەت  بولسىلا.
سىلىگە ئۇتۇق  تىلەيمەن.

   شۇقەدەر ئۇسسۇغان ئېرىقتىكى سۇ،
كۆيىدۇ دولقۇنلاپ چاك-چاك ئېتىزدا.
ئۆزىگە ئوت قويۇپ بىر قاقشال دەرەخ ،
گۈلخاننىڭ ئىچىدە چۈشكەن ئۇسۇلغا.

ھوزۇرلاندىم ئۇستاز ،  تىلغا باي، ئۆزگىچە ئىپادىلەش ئۇسۇلىڭىز مېنى قايىل قىلىدۇ.