تەمكىن: ئۆلمەيدۇ چىنلىققا قانغان مۇھەببەت

تەمكىن · ۋاقتى: 2015-1-19 17:29:41


	ئۆلمەيدۇ چىنلىققا قانغان مۇھەببەت قۇمۇلدىن جەنۇپقا ماڭغان يۈرەككە، لىققىدە قويۇلغان سۆيگۈ قاچىلاپ. ئەقىدە كۆكىدە ئېچىلغان باھار، كۈتۈشكە جابدۇنغان چېچىنى تاراپ. تاغلاردىن جىلميىپ كۆكلەيدۇ قۇمۇل، قۇمساڭغۇ رېۋايەت سۆزلەيدۇ خوتەن. بىلىمەن چۈشمەيدۇ خەرىتىگە ھەم، سۆيگۈ دەپ نامى بار ئۇلۇغ بىر ۋەتەن. چېقىلغان ئەينەكتەك سۇنغان ھىجراننىڭ كۆكسىدە پارالايدۇ «ئۈمىد»دىگەن خەت. ھېجرانغا تىك بېقىپ ياشاش بەك ئېغىر، يۈرەكلەر قىتىدا ئۆلمەس مۇھەببەت. تىتانىك قاراسلاپ سۇنغان دەقىقە مۇزىكا ئەۋجىدە ئۈزۈلگەنتى تار. تولغاندا قەلبىمگە لىپمۇ لىق ۋىسال تومۇزدا مۆلدۈرلۈك يېغىپ كەتتى قار. چاراسلاپ دەز كەتتى يۈرەككە قات-قات، ھەر پارچە بەرگىدە «ئارزۇ» دىگەن خەت. سۆيگۈنىڭ ئارقىغا يانغىنى يالغان ئۆلمەيدۇ چىنلىققا قانغان مۇھەببەت. 2015-يىل 18-يانۋار كېچە. شەھرى خوتەن بۇ يازمىنى ئاخىرىدا Erchin تەھرىرلىگەن. ۋاقتى 2015-1-20 00:07

چىم-چىم · ۋاقتى: 2015-1-19 17:56:58

تەمكىن · ۋاقتى: 2015-1-19 18:09:51


	شېئىرنىڭ 3-كۇبلىتىدا تەكرارلىق كىتىپ قاپتۇ، ئۆزرىلىكمەن.

ۋولقانى1 · ۋاقتى: 2015-1-19 20:43:36


	شېئىرىڭىزنى ياقتۇرۇپ ئوقۇدۇم. بۇندىن كېيىنكى ئىجادىيەت سەپىرىڭىز تىخىمۇ نۇرانە بولغاي.

ئاينۇرى · ۋاقتى: 2015-1-19 20:46:45

پەروزان · ۋاقتى: 2015-1-20 10:12:06


	شېئىرىڭىزدىن چوڭقۇر مۇھەببەت بالقىپ تۇرۇپتۇ. مۇشۇنداق مۇھەببەتلىك شېئىرلىرىڭىز ئۈزۈلمىگەي!

قارگۈلى · ۋاقتى: 2015-1-20 10:54:18


	سۆيگۈنىڭ ئارقىغا يانغىنى يالغان ئۆلمەيدۇ چىنلىققا قانغان مۇھەببەت... ياخشى يېزىپسىز ، قۇت بولسۇن !

ablipiz idiris · ۋاقتى: 2015-1-20 18:36:11

تەمكىن · ۋاقتى: 2015-1-20 19:01:03


	ۋولقانى1 يوللىغان ۋاقتى 2015-1-19 20:43 شېئىرىڭىزنى ياقتۇرۇپ ئوقۇدۇم. بۇندىن كېيىنكى ئىجادىيە ... رەھمەت. مەنلا ئەمەس سىزمۇ يازارسىز؟

قارغاي · ۋاقتى: 2015-1-20 22:57:16


	شېئىرىڭىزدىن چوڭقۇر مۇھەببەت بالقىپ تۇرۇپتۇ. مۇشۇنداق مۇھەببەتلىك شېئىرلىرىڭىز ئۈزۈلمىگەي!

ئاق · ۋاقتى: 2015-1-21 11:23:38


	شېئىرىڭىز شۇنداق مەنىلىك يېقىشلىق چىقىپتۇ.داۋاملىق يېزىپ تۇرغايسىز!!!

تەمكىن · ۋاقتى: 2015-1-21 12:00:07


	ئاق يوللىغان ۋاقتى 2015-1-21 11:23 شېئىرىڭىز شۇنداق مەنىلىك يېقىشلىق چىقىپتۇ.داۋاملىق يې ... سىزگە يارىغانلا بولسا يەنە ئۇرۇنۇپ باقاي، ئۇزاق ۋاقىت ئۈچەكتە ياتقىنىمىنىڭ زىينىنى تازا تارتىۋاتىمەن. ئۇزاپ كەتكەنلەرگە يىتىشىۋىلىشىم ئۈچۈن جەريان كىتىدۇ خانىم.

ئاق · ۋاقتى: 2015-1-21 12:24:31


	يېزىقچىلىق جەھەتتە خېلى ئىقدارىڭىز باركەن بولمىسا،شۇنچىلىك ئۇزۇن ۋاقىت ئۆچەكتىن چىقالمىغىنىڭىزغا قارىغاندا چوقۇم بىرەر سەۋەپ بولۇشى مۇمكىن.قولىڭىزغا قايتا قەلەم ئېلىشىڭىزدىمۇ مەلۇم سەۋەپلەر تۇرتكە بولدىمىكىن دەپ ئويلاپ قالدىم.بۇنىڭدىن كېيىنكى ئىجادىيەتلىرىڭىزگە ئۇتۇق يار بولسۇن!!!

ئالىيە508 · ۋاقتى: 2015-5-2 20:21:01


	شېئىرنى ياقتۇردۇم، بولۇپمۇ : تىتانىك قاراسلاپ سۇنغان دەقىقە مۇزىكا ئەۋجىدە ئۈزۈلگەنتى تار. تولغاندا قەلبىمگە لىپمۇ لىق ۋىسال تومۇزدا مۆلدۈرلۈك يېغىپ كەتتى قار. چىنلىققا قانغان مۇھەببەت ئۆلمەيدۇ.