تاشيولچى: ئادەمدەك ياشىماق شۇنچىلىك تەسكەن

ئادەمدەك ياشىماق شۇنچىلىك تەسكەن

ئەكبەر ئابدۇرېشىت تاشيولچى

بۇ ھايات ئۇنچىلىك ئاددى ئەمەسكەن،
نىيەتلەر گاھ ئىسىل گاھىدا پەسكەن،
يازدىكى ئۇز گۈللەر ئايازدا خەسكەن،
يالغاننىڭ ئەلىمى قورساقنى ئەسكەن،
ئادەمدەك ياشىماق شۇنچىلىك تەسكەن.

مەۋھۇمكەن ھەركىمدە ھەرتۈرلۈك خىسلەت،
قىممەتكەن ھەممىدىن شەخسى مەنپەئەت،
سۇسلاشتى بارغانچە  مىھىر-مۇھەببەت،
ئوخشىماي قالدۇق بىز ئادەمگە پەقەت،
ئادەمدەك ياشىماق شۇنچىلىك تەسكەن.

كىشىنىڭ رىسقىنى  يۇشۇرۇن  يەيمىز،
غەيۋەتنى يامان دەپ بىلىمىزيۇ، دەيمىز،
ياۋاشنى  بابلاشنى  خىيال  ئەيلەيمىز،
سىزىم يوق ۋىژداندا بىلمەي چەيلەيمىز،
ئادەمدەك ياشىماق شۇنچىلىك تەسكەن.

تېرىقتەك نەپ ئۈچۈن دوستىن كىچىمىز،
تارقىتىپ ئۆسەك سۆز، يايراپ كىتىمىز،
تۇيدۇرماي تۆھمەتتىن كىسىم پىچىمىز،
مەي ياساپ كۆز ياشتا تىنماي ئىچىمىز،
ئادەمدەك ياشىماق شۇنچىلىك تەسكەن.

«ئالەمدە بىر مەن» دەپ پونى ئاتىمىز،
قاۋاقتا بولۇپ مەست، يولدا ياتىمىز،
گىدەيگەن  پاتاڭغا  ھالنى  قاتىمىز،
پۈكۈلۈپ «چوڭ»لارغا غۇرۇر ساتىمىز،
ئادەمدەك ياشىماق شۇنچىلىك تەسكەن.

ياخشىنى  يامانغا  تىللاپ  چاقىمىز،
ھالالنى  ھارامغا  چىللاپ  باقىمىز،
پايدا بار «كۆمەچ»نى خىللاپ ياقىمىز،
تەمەنىڭ  سۈيىدە  يىللاپ  ئاقىمىز،
ئادەمدەك ياشىماق شۇنچىلىك تەسكەن.

خۇشامەت كۈلكىسى يەنە بىزدە بار،
سائادەت تاپقانغا بولدى كۆڭۈل تار،
تۈرۈلگەن قاپاقتىن ياغىدۇ مۇز-قار،
ھەسەتتىن دىللارغا ئارامسىزلىق يار،
ئادەمدەك ياشىماق شۇنچىلىك تەسكەن.

ۋاپا يوق ۋەدىگە  ئاشىق يارىسىز،
ئەقىل يوق ئىنساپتا نۇمۇس-ئارىسىز،
پەدە بار مۇھتاجدا مەرىتلىك تارىسىز،
قانايدۇ  يۈرەكلەر  ئامال-چارىسىز،
ئادەمدەك ياشىماق شۇنچىلىك تەسكەن.

چۈشەندىم ئىچىمنىڭ يامانلىقىنى،
ياماننىڭ دېنى يوق خامانلىقىنى،
كۆيدۈرۈپ يالغاننىڭ سامانلىقىنى،
كۆرگۈم بار ياخشىنىڭ ئامانلىقىنى،
ئادەمدەك ياشىماق شۇنچىلىك تەسكەن.

2015-يىل14-يانۋار
بۇ يازمىنى ئاخىرىدا   Erchin تەھرىرلىگەن. ۋاقتى  2015-1-15 16:47  

يازمامغا تۈزۈتۈش بەرگەن ئابدۇرېيىم زۇنۇن مۇئەللىمگە رەھمىتىمنى بىلدۈرىمەن. مۇنبەردىكى قېرىنداشلارنىڭ تەنقىدى پىكرىگە مۇھتاجمەن.

بۇ شېئىرنى ئوقۇۋىتىپ، مەرھۇم ئۇستاز شائىر روزى سايىتنى ئېسىمگە ئالدىم.....

   ئىملا جەھەتتىكى تۈزىتىشلىرىم يېنىپ كېتىپتۇ. يەنە بىر قېتىم قارىۋىتەي:

        ئادەمدەك ياشىماق شۇنچىلىك تەسكەن

ئەكبەر ئابدۇرېشىت تاشيولچى

بۇ ھايات ئۇنچىلىك ئاددىي ئەمەسكەن،
نىيەتلەر گاھ ئېسىل، گاھىدا پەسكەن،
يازدىكى ئۇز گۈللەر ئايازدا خەسكەن،
يالغاننىڭ ئەلىمى قورساقنى ئەسكەن،
ئادەمدەك ياشىماق شۇنچىلىك تەسكەن.

مەۋھۇمكەن ھەركىمدە ھەرتۈرلۈك خىسلەت،
قىممەتكەن ھەممىدىن شەخسى مەنپەئەت،
سۇسلاشتى بارغانچە  مېھىر-مۇھەببەت،
ئوخشىماي قالدۇق بىز ئادەمگە پەقەت،
ئادەمدەك ياشىماق شۇنچىلىك تەسكەن.

كىشىنىڭ رىسقىنى يوشۇرۇن يەيمىز،
غەيۋەتنى يامان دەپ بىلىمىز...، دەيمىز،
ياۋاشنى بابلاشنى خىيال ئەيلەيمىز،
سېزىم يوق ۋىجداندا بىلمەي چەيلەيمىز،
ئادەمدەك ياشىماق شۇنچىلىك تەسكەن.

تېرىقتەك نەپ ئۈچۈن دوستىن كېچىمىز،
تارقىتىپ ئۆسەك سۆز، يايراپ كېتىمىز،
تۇيدۇرماي تۆھمەتتىن كېسىم پىچىمىز،
مەي ياساپ كۆز ياشتا تىنماي ئىچىمىز،
ئادەمدەك ياشىماق شۇنچىلىك تەسكەن.

«ئالەمدە بىر مەن» دەپ پونى ئاتىمىز،
قاۋاقتا مەست بولۇپ، يولدا ياتىمىز،
گېدەيگەن پاتاڭغا ھالنى قاتىمىز،
پۈكۈلۈپ «چوڭ»لارغا غۇرۇر «ساتىمىز،»
ئادەمدەك ياشىماق شۇنچىلىك تەسكەن.

ياخشىنى يامانغا  تىللاپ چاقىمىز،
ھالالنى ھارامغا چىللاپ باقىمىز،
پايدا بار «كۆمەچ»نى خىللاپ ياقىمىز،
تەمەنىڭ سۈيىدە يىللاپ ئاقىمىز،
ئادەمدەك ياشىماق شۇنچىلىك تەسكەن.

خۇشامەت كۈلكىسى يەنە بىزدە بار،
سائادەت تاپقانغا بولدى كۆڭۈل تار،
تۈرۈلگەن قاپاقتىن ياغىدۇ مۇز-قار،
ھەسەتتىن دىللارغا ئارامسىزلىق يار،
ئادەمدەك ياشىماق شۇنچىلىك تەسكەن.

ۋاپا يوق ۋەدىگە  ئاشىق __يارىسىز،
ئەقىل يوق ئىنساپتا نۇمۇس-ئارىسىز،
پەدە بار مۇھتاجدا مەردلىك تارىسىز،
قانايدۇ  يۈرەكلەر ئامال-چارىسىز،
ئادەمدەك ياشىماق شۇنچىلىك تەسكەن.

چۈشەندىم ئىچىمنىڭ يامانلىقىنى،
ياماننىڭ دېنى يوق خامانلىقىنى،
كۆيدۈرۈپ يالغاننىڭ سامانلىقىنى،
كۆرگۈم بار ياخشىنىڭ ئامانلىقىنى،
ئادەمدەك ياشىماق شۇنچىلىك تەسكەن.


     سىزگە ئامەت، ئىلھام يار بولۇپ تۇرغاي!

بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2015-1-15 17:38  

بەك ياخشى يېزىپسىز،ئۆيدىكىلەرگە ئۈنلۈك ئاۋازدا  دېكلىماتسىيە قىلىپ بەردىم ھەم ساقلىۋالدىم،قەلىمىڭىز بەرىكەت تاپسۇن.

ۋاي -ۋۇي  تاشيولچى ئۇكام بۇشېئىڭىز دەل جايىغا تىگىپتۇ. ئەجەپ پەيزى يىزىۋتىپسىز،
سۇسلاشتى بارغامچە مىھرى  مۇھەەببەت،
ئوخشىمايلا قالدۇق بىز ئادەمگە پەقەت.
...............................

چۈشنىشلىك ، ياخشى يېزىلىپتۇ .

ياقتۇردۇم

بۇ شېئىر ماۋزۇسىدىن باشلاپلا كەچۈرگۈسىز بىر مەغلۇبىيەتكە يول ئاچقان. مۇشۇ بىر مىسرا ماۋزۇلا مېنىڭ بۇ شېئىرنى ئىككى دۇنيادا ئوقۇماسلىقىمغا سەۋەب بولالايدۇ.

مۇشۇنداق ھەممە ئادەم بىلىدىغان گەپلەرنى شېئىر دەپ يۈرۈپ نېمە قىلىسىز ئەي، ئادەملەر!؟ سىلەرنى چۈشەنمەس نېمىدېگەن تەس-ھە!

مۇشۇنداق ھەممە ئادەم بىلىدىغان گەپلەرنى شېئىر دەپ يۈرۈپ نېمە قىلىسىز ئەي، ئادەملەر!؟ سىلەرنى چۈشەنمەس نېمىدېگەن تەس-ھە

شۇنداق دەپ باققىنىڭىزمۇ بىر ھېساپتا گەپ قىلغانلىق ھېساپلىنىدۇ.

مېنىڭچە ھىچكىم بىلمەيدىغان نەرسىنى ھىچكىم يازالمايدىغۇ دەيمەن.چۈنكى بىز دېگەن بەرىبىر  ئادەم.

ياخشى چىقىپتۇ ، راست دەيسىز  ئادەمدەك ياشىماق بۇ دۇنيادىكى ھەممە ئىشنى قىلماقتىن تەس ،بۇنىڭ توسالغۇسى  بەك كۆپ ،خىلى ئۇزاق بوپتىكەن سىزنىڭ بىرەر پارچە ئەسىرىڭىزنى كۆرمىگىلى ماڭا ياقتى ، سىزگە ئۇتۇق تىلەيمەن

        ئوبدان يېزىلىپتۇغۇ، شېئىر دېگەن پاك بۇلاققۇ، ھارمىغايسىز قېرىندىشىم.

ھەممە ئادەم بىلمەيدىغان گەپلەردىن كەلتۈرۈپ بىر نەرسە يېزىپ باققان بولسىڭىز بوپتىكەن ئۇستاز!!!، كۆرۈپ بېقىپ بىر تەلىم ئالغان بولسام.  سىزنىڭچە ھازىرقى تۇرمۇش مەنتىقىسىدىن باشقىچە بىر مەزمۇندا ياكى ئىنسان چۈشەنمەيدىغان بىر تىلدا بىر نەرسە يېزىلغان بولسا ئاندىن ئىككىلا دۇنيادا ئوقۇشۇڭىزغا ئەرزىگەن بۇلارمىدى؟.... . چۈشەنسىڭىز ئىنساننىڭ ھەممىسى ئۈگەنگۈچى.  ئۇلۇغ ئاللادىن باشقىسى كامالەتكە يەتكەن ئەمەس.

رەھمەت قېرىندىشىم!   بىر يىلدىن بىرى يېزىغا چۈشۈپ ئىشلەۋاتقانلىغىم ئۈچۈن تورغا چىقالمىدىم. چۈنكى بىز چۈشكەن يېزىدا تور يوقكەن. شۇڭا دىدارلىشالمىدۇق.

ئۇستازغا يەنە بىر قېتىم تەشەككۈر ئېيتىمەن.