توغراق:ئوقۇغۇچىلىرىمنىڭ ئەسەرلىرى(1)

مۇئەللىم
ئارزىگۈل تۇرسۇن

(ئونسۇ ناھىيە توخۇلا يېزىلىق ئوتتۇرا مەكتەپ 9-يىللىق 2-سىنىپ ئوقۇغۇچىسى)

   مېھرى چەكسىز مۇئەللىم،
مەشئەلگىلا ئوخشايسىز.
بىلىم بېرىپ بىزلەرگە،
توغرا يولغا باشلايسىز.

مېھرى چەكسىز مۇئەللىم،
شام-چىراغقا ئوخشايسىز.
دىلىمىزنى يۇرۇتۇپ،
داغدام يولغا باشلايسىز.

مېھرى چەكسىز مۇئەللىم،
باغۋەنلەرگە ئوخشايسىز.
پەن-مەرىپەت يولىدا،
دادىل قەدەم تاشلايسىز.

مېھرى چەكسىز مۇئەللىم،
قەدىرلەيمىز، سۆيىمىز.
بىلىم بەرگەن شۇ سىنىپ،
بىزنىڭ ياخشى ئۆيىمىز.





باھار كەلگەندە

ئەكبەر قەھرىمان

(ئونسۇ ناھىيە توخۇلا يېزىلىق ئوتتۇرا مەكتەپ 8-يىللىق 3-سىنىپ ئوقۇغۇچىسى)

باھار كەلگەندە،
قۇشلار سايرايدۇ.
بارلىق جانلىقلار،
خوشال يايرايدۇ.

باھار كەلگەندە،
يەر سۇغا قاندى.
دېھقان ئېتىزغا،
ئەمگەك دەپ ماڭدى.

باھار كەلگەندە،
گۈللەر ئېچىلدى.
گۈلنىڭ خۇش ھىدى،
ھەريان چېچىلدى.

باھار كەلگەندە،
قۇشلار سايرايدۇ.
باغۇ بوستاندا،
خوشال يايرايدۇ.

باھار كەلگەندە ،
قۇشلار سايرايدۇ .
باغۇ بوستاندا ،
خۇشال يايرايدۇ .

ھەربىر گۇلنىڭ ،
ھىدى باشقىچە ،
بېرىدۇ ھۇزۇر ،
تولۇپ تاشقىچە .

مۇئەللىمنىڭ يىتەكچىلىدە ئۇچۇرۇم بولسۇن .

رەخمەت سىزگە. مەكتەپتىكى ئوقۇغۇچىلىرىمنىڭ ئەسىرى بولۇپ، باشقىلارنىڭ تەكلىپ پىكىرىنى ئېلىپ بېقىش مەقسىدىدە يوللىغان ئىدىم. بىر كوبلىت ئەگەشكىنىڭزنى قوللىغىنىڭىز دەپ چۈشەندىم.

ياخشى ئۇستازدىن ياخشى شاگرت يېتىشىپ چىقىدۇ. ئوقۇغۇچىلارنىڭ مەسۇم قەلبىگە ئەدەبىيات ئۇرۇقىنى چېچىش تىل-ئەدەبىيات ئوقۇتقۇچىلىرىنىڭ يۈكسەك بۇرچى. ئۇنىڭ ھوسۇلىنى كۆرۈش ئادەمنى بەك خۇشال قىلىدۇ. بۇ ئەسەرلەرنى كۆرۈپ سىزنىڭ ئوقۇغۇچىلىرىڭىزغا ناھايىتى ياخشى پەرۋىش قىلىۋاتقانلىقىڭىزنى ھېس قىلدىم. بۇنداق ئىشلارنى پەقەت ئەدەبىياتقا چىن يۈرىكىدىن كۆيگەن، مەجبۇرىيىتىنى بىلگەن ئوقۇتقۇچىلارلا قىلالايدۇ. ئەجرىڭىزگە ئاپرىن!

ياخشى يىزىپتۇ ياقتۇردۇم ئوقوغۇچىلىرىڭىز مۇنبەردە كۆرسە قانچە خۇشال بولار ھە؟ مەن تولۇقسىزدا ئوقۇيدىغان ۋاختا بۇنداق شارائىت يوق ئىدى

ئوقۇغۇچىلارنى يېزىقچىلىق قىلىشتا قانداق يېتەكلەش ۋە ئۇلارغا قانداق ئىلھام بېرىشمۇ بەك مۇھىم مەسىلە ياسىنجان ، بەك ياخشى قىپسىز ،شېئىر بالىلار تىلى بويىچە چۈچۈك ، يېنىك، يېقىشلىق چىقىپتۇ ، بارا- بارا تېخىمۇ ياخشى يېزىپ كېتەلىشى مۇمكىن ! ئۇلارغا  سالامىمنى ۋە مەدەتلىرىمنى يەتكۈزۈپ قويۇڭ !

ئەجرىڭىزگە رەھمەت،ياسىنجان .

     ئىزگۈ ئارمانلارغا بۈلەنگەن بوغۇنلارنىڭ ئەسەرلىرى بىلەن يۈز كۈرۈشتۈرگىنىڭىزدىن خورسەنمەن!

ئۆزەملا يېزىپ يۈرمەستىن ئوقۇغۇچۇلىرىمنىمۇ يېتەكلەپ قويدۇم.  كەسپىم ماتىماتىكا بولسىمۇ ئىشتىن سىرىتقى ۋاقىتتىكى يېتەكلەشكە ئەھمىىيەت بەردىم.

ئۆستۈممەن تېمەن
مۆۋلانجان تۇرسۇن

(ئونسۇ ناھىيە توخۇلا يېزىلىق ئوتتۇرا مەكتەپ 7-يىللىق 4-سىنىپ ئوقۇغۇچىسى)

مەكتىپىم ئۆيۈم،
ئۇستازىم ئانام.
شۇڭلاشقا ماڭا،
كۈندە ھېيت-بايرام.

شۇڭا مەن خوشال،
ئۆستۈممەن تېمەن.
ئارزۇ-ئارمانغا،
ھامان يېتىمەن. بۇ يازمىنى ئاخىرىدا   ي.ت.توغراق تەھرىرلىگەن. ۋاقتى  2015-1-14 15:29  

ئەجرىڭىزگە ئاپىرىن ئۇستاز....!سىزنىڭ قولىڭىزدىن كەلگۈسىدە بۇ ئۇزاق مۇساپىنى بىمالال
بىسىپ ماڭالايدىغان ئاجايىپ ئىزباسارلارنىڭ يېتىشىپ چىقالايدىغانلىقىغا ئىشەنچىم
ھەسسىلەپ ئاشتى.....!

سىزگە ئاپىرىن. بۇ دۇنيا بەرىبىر كېيىنكىلەرنىڭ. ھەممە ئىشتا شۇلارنى ئەسكە ئېلىش ئاقىلانىلىقتۇر.

مۇنداق دەڭ،ماتېماتېكا بىرىپ داڭلىڭ يازغۇچى بۇلۇپ كەتتىڭىزما؟مەنمۇ ماتېماتېكا ،تارىخ - جوغراپىيە بەرگەن ئەدەبىيات بەرگەن ۋاقىتلىرىمۇ  كۆپبولغان، ئىقتىدارىڭىزغا ئاپىرىن!

ساۋاقداش دوستۇم  ‹ياخشىلىققا ياخشىلىق››دەيدۇ ئاتىلار . ئىزگۈ تىلەكلەر قاينىمىدا غۇلاچ كىرىپ ئۈزۈۋاتقان بوغۇنلارنىڭ غەيرىتىگە تەشەككۈر ئېيتىش بىلەن بىرگە ئۇلارنىڭمۇ بىر كۈنلەردە قىلغان ھەربىر ياخشىلىقىڭىز ئۈچۈن بەدەل تۆلەيدىغانلىقىنى ، سىزنى ھەرگىز ئۇنتۇلۇپ قالمايدىغانلىقىنى ئەسكەرتمەكچىمەن . سىز گەرچە ماتىماتىكا دەرسى بېرىۋاتقان بولسىڭىزمۇ ئوقۇغۇچىلىرىڭىز سىزنى ئىشتىن سىرىت ئەدەبىيات بىلەن ھەپىلىشىۋاتقانلىقىڭىزنى خېلى بۇرۇنلا ھېس قىلىپ بولغان .شۇنداق ئىكەن سىز ئۇشبۇ مەسئۇليەتتىن قاچالمايسىز ،شۇڭا قىلغانلىرىڭىز مېھنەتسىز بولسۇن ! كۆرۈشكىچە ئامان بولۇڭ .

            زىرائەت - كۆكىدىن مەلۇم . يەنە بەش-ئون يىلدىن كېيىن [مۇھىت يار  بەرسە ]،
بۇ بالىلاردىن  نى-نى  ئەدەبىياتچىلار چىقىدۇ، دۇنيادا ھەۋىسى يوق ئادەمدىن خۇدا ساقلىسۇن. ھەممە ھەۋەس دەل مۇشۇ چاغدىن باشلىنىدۇ . ئەجىرىڭىز يەردە قالمايدۇ، ئەلۋەتتە .