ئونسۇ ناھىيىسىدە قەلەمكەشلەر يېڭى يىللىق چاي سۆھبىتى ئۆتكۈزدى

بەگزاد74 · ۋاقتى: 2015-1-5 00:24:55


	ياسىنجان توختىنىياز توغراقى، مۇتەللىپ ئابدۇرېھىم قاتارلىق قەلەم ساھىبىلىرىنىڭ يېڭى نەشىردىن چىققان كىتابلىرىنى قۇتلۇقلاش، يېڭى يىلنى تەبرىكلەش يۈزىسىدىن يېقىندا ئونسۇ ناھىيىسىدىكى بىر قىسىم قەلەمكەشلەر يىغىلىپ چاي سۆھبىتى ئېلىپ باردى. پائالىيەتكە قاتناشقۇچىلار ئالدى بىلەن ياسىنجان توختىنىياز توغراقىنىڭ «باھارىستاندىكى قۇشلار نۇرۇزى»، «قاپاق تېرىدىم» ناملىق كىتابلىرى؛ مۇتەللىپ ئابدۇرېھىمنىڭ «سىرلىق خوراز» ناملىق كىتابىنىڭ نەشىردىن چىققانلىقىنى قۇتلۇقلاشتى. ئۇلارنىڭ ئىجادىيىتىگە ياخشى تىلەكلىرىنى بىلدۈرۈشتى. كېيىن ئۆزلىرىنىڭ يېڭى يىلغا ئاتاپ يازغان شېئىرلىرىنى ئوقۇشتى. پائالىيەت ئىشتىراكچىلىرى ئاخىرىدا ئونسۇنىڭ ئەدەبىي مۇھىتىنى تېخىمۇ قۇيۇقلاشتۇرۇش ھەققىدىكى تەسەۋۋۇر- خىياللىرىنى ئوتتۇرىغا قويۇپ ئۆتتى. بۇ قېتىمقى پائالىيەتكە ئونسۇ ناھىيىسىدىكى قەلەمكەشلەردىن غالىپجان ئوسمان مەمتىلى، ئابدۇللا ئېلى بەگزاد، ياسىنجان توختىنىياز توغراقى، مۇتەللىپ ئابدۇرېھىم، قەھرىمان تۆمۈر تەۋەككۇل، ياسىن رۇزى كۈرەش، نۇرجاھان قاتارلىقلار؛ ئاقسۇ ۋىلايەتلىك يازغۇچىلار جەمئىيىتىنىڭ مۇئاۋىن رەئىسى، «ئاقسۇ ئەدەبىياتى» ژورنىلىنىڭ باش مۇھەررىرى ئابلىز ئوسمان، «ئاقسۇ گېزىتى»نىڭ مۇھەررىرى مۇختار ئابدۇقادىر قاتارلىقلار قاتناشتى. ئەنۋەرجان خوجا ئەرتىكىن خىزمەت سەۋەبىدىن قاتنىشالماي، يېڭى يىللىق تىلەكلىرىنى تېلىفۇن ئارقىلىق يوللىدى.

Erchin · ۋاقتى: 2015-1-5 10:22:03


	ئونسۇدىكى قەلەمكەش دوستلانىڭ مۇشۇنداق پائالىيىتى داۋاملاشقاي. ئامان بولۇڭۇلار دوستلار!

مۆلجەرى · ۋاقتى: 2015-1-5 10:44:06


	ناھايتى ياخشى ئىش بوپتۇ، ياسىنجان بىلەن مۇتەللىپ ئابدۇرېھىمنىڭ يېڭىدىن نەشىر قىلىنغان كىتابىغا مۇبارەك بولسۇن! ئۆزلىكىدىن تەشكىللىنىپ قەلەمكەشلەرگە ئىلھام-مەدەت بېرىش يۈزسىدىن مۇشۇنداق پائالىيەتلەرنى ئۆتكۈزۈش قۇتلۇقلاشقا ئەرزىيدىغان قالتىس ئىش. ئونسۇ ناھىيىسىدىكى قەلەمكەشلەرنىڭ ئۆم-ئىناقلىقىغا ئاپرىن! مۇشۇنداق ياخشى نىيەتتە ئېلىپ بېرىلغان يىغىلىشلار ئۈزۈلۈپ قالمىغاي. ھەممەيلەنگە كەمىنە مۆلجەرىدىن ئوتلۇق سالام بولسۇن! بولسا ياخشىراق سۈرەتتىن بىر-ئىككى پارچە قىستۇرۇپ قويۇلغان بولسا تېخىمۇ ياخشى بولاتتىكەن. بۇ يازمىنى ئاخىرىدا مۆلجەرى تەھرىرلىگەن. ۋاقتى 2015-1-5 10:45

م.توختى سەببەت · ۋاقتى: 2015-1-5 10:44:55


	ئەھمىيەتلىك پائالىيەت بوپتۇ... بىر يېڭى كىتاپ-بىر يېڭى جان. يېڭى جاننى قۇتلۇقلاش بىز ئۇيغۇرلارنىڭ ئېسىل ئادىتى... ياسىنجان،مۇتەللىپ قاتارلىقلارغا مۇبارەك بولسۇن! بۇ پائالىيەتنى ئۇيۇشتۇرغان دوستلارغا كۆپ رەھمەت.

ھەققانى1 · ۋاقتى: 2015-1-5 10:52:21


	ياسىنجان بىلەن مۇتەللىپ ئابدۇرېھىمغا مۇبارەكلەر بولسۇن!ئونسۇدىكى قەلەم ساھىبىلىرى ئۇلارنى تەبرىكلەپ تولىمۇ بەلەن قىپسىلە.ئۆزىمىزنىڭ قەدىرىنى ئۆزىمىز قىلىشمىساق نادانلار بىزنى مەڭگۈ چۈشەنمەيدۇ.

ئەمەتجان سەمەت · ۋاقتى: 2015-1-5 11:09:22


	ئەززانامە يۇرتۇم ئۇنسۇدا ناھايتى ئەھمىيەتلىك پائالىيەت بوپتۇ... بىر يېڭى كىتاپ-بىر يېڭى جان. ياسىنجان ئاكىمىزنى ھەم ،مۇتەللىپ قاتارلىقلارغا مۇبارەك بولسۇن! بۇ پائالىيەتنى ئۇيۇشتۇرغان دوستلارغا كۆپ رەھمەت.

S.M.Ramizan · ۋاقتى: 2015-1-5 11:43:05


	ياسىنجان بىلەن مۇتەللىپ ئابدۇرېھىمنىڭ يېڭىدىن نەشىر قىلىنغان كىتابىغا مۇبارەك بولسۇن! قەلەم تۇلپارلىرى ھارمىغاي!

Wolkani · ۋاقتى: 2015-1-5 11:52:35


	ياخشى ئىلىپ بىرىلغان پائالىيەت بوپتۇ ،مۇشۇنداق ياخشى تەبرىكلەشلەر دىن سۆيۈندىم ،ئەدىب يازغۇچى شائېرلارغا ئاپىرىن !

ئابدۇرېھىم زۇنۇ · ۋاقتى: 2015-1-5 11:57:31


	توغراق ئەپەندىملەرگە مۇبارەك بولسۇن! مۇشۇنداق پائالىيەتلەر كۆپرەك ئۆتكۈزىلىپ تۇرسا، قەلەمكەشلەرنىڭ دىل رىشتى مەھكەم تۇتىشىپ، ھەمدەملىك ۋە ھەمقەدەملىك كۈچىيىدۇ. ئۇنىڭ ئالغا بېسقا پايدىسى كۆپ. سىلەرنىڭ بىل پائالىيىتىڭلار مەڭڭۈ داۋاملاشقاي!

ئەمەتجان يۈسۈپ · ۋاقتى: 2015-1-5 12:06:25


	كىتابى نەشىر قىلىنغان قەلەم ساھىبلىرىگە مۇبارەك بولسۇن!

زاغۇن · ۋاقتى: 2015-1-5 13:03:40


	ئۇنسۇمۇ ياكى ئونسۇ مۇ ؟بولسا مەنىسىنى دەپ بەرسىڭىز؟ مەخمۇتئېلى ئاتتىلا مۇئەللىمنى تەكلىپ قىلمىغانمۇ؟

ARKZAT · ۋاقتى: 2015-1-5 14:30:08


	قەدرىنى قىلغانلار چوقۇم قەدىرلىنىدۇ.ئاپتورلارنى ئىلھاملاندۇرغان ئونسۇ ئەدەبىيات ئاشىنالىرىغا سەمىمىي سالام!

تۇرسۇنجان ھەسەن · ۋاقتى: 2015-1-5 14:57:42


	قالتىس ئىش بوپتۇ، قەلەمكەشلەرگە كاتتا شان-شەرەپ يار بولسۇن!

شوخ · ۋاقتى: 2015-1-5 15:08:49


	ياسىنجان توخنىياز ۋە مۇتەللىپ ئىككىڭلارنىڭ نەشىردىن چىققان يېڭى كىتاۋىڭلارغا مۇبارەك بولسۇن ! يېڭى يىلدا تېخىمۇ زور نەتىجىلەرنى قولغا كەلتۈرۈشۈڭلارغا تىلەكداشمەن ، ئونسۇ ناھىيەسىنىڭ ئەدەبىيات -سەنئەت ئىشلىرى روناق تاپقاي !

turgunmijit · ۋاقتى: 2015-1-5 16:00:41


	ناھايتى ياخشى ئىش بوپتۇ، ياسىنجان بىلەن مۇتەللىپنىڭ يېڭىدىن نەشىر قىلىنغان كىتابىغا مۇبارەك بولسۇن!