بوۋاقى: ئۈنلىدىم [ئۇلانما كۆچۈرۈش]

ئۈنلىدىمئابلاجان بوۋاقى

مىسلى دەمدەردەك غېرىب باغرىڭدا دىلبەر ئۈنلىدىم،
دان، سۈيۈم يوق، ماغدۇرۇم نە، جانى بىر سەر، ئۈنلىدىم.
تاڭلىرىڭدا بار ئىدى ئاتەش خىياللار جىلۋىسى،
ئايرىلىپ پەرۋازلىرىمدىن، قاقمىدىم پەر، ئۈنلىدىم.
جانغا جان قوشقان شارابىڭغا ھامانە تەلمۈرۈپ،
گۈلخىنىڭدا ئۆرتىنىپ بولدۇم سەمەندەر، ئۈنلىدىم.
گۈللىرىڭنىڭ خۇشپۇراقى قىلسا مەست مەستانىنى،
مىسلى بۇلبۇلدەك بىھۇش ئىشقىم، تۆكۈپ تەر، ئۈنلىدىم.
چېچىكىدۇر كاۋىنىڭ رەڭگىمگە ئەنداز بولغىنى،
دىل كۆكۈمدە چاقنىساڭ مەۋلانە ئەختەر، ئۈنلىدىم.
كۈنلىرىم ئۆتتى خارابلىق ئىلكىدە سەن يارنى دەپ،
بىر قېتىم دەپ قوي مېنى ئالەمچە قەيسەر، ئۈنلىدىم.
زارى يۈتمەسكەن ئىشىقنىڭ ئۆتسىمۇ مىليون ئەسىر،
كۆيگىنىمگە چىن گۇۋاھتۇر ئىلى، قەشقەر...ئۈنلىدىم!

بۇ يازمىنى ئاخىرىدا   Erchin تەھرىرلىگەن. ۋاقتى  2015-1-2 13:22  

ئاپىرىن قېرىندىشىم بەك ياخشى يېزىپسىز

كۈنلىرىم ئۆتتى خارابلىق ئىلكىدە سەن يارنى دەپ،
بىر قېتىم دەپ قوي مېنى ئالەمچە قەيسەر، ئۈنلىدىم.
زارى يۈتمەسكەن ئىشىقنىڭ ئۆتسىمۇ مىليون ئەسىر،
كۆيگىنىمگە چىن گۇۋاھتۇر ئىلى، قەشقەر...ئۈنلىدىم!

.....
بىر -بىرىدىن سەرخىل بۇ غەزەللىرىڭىزنى بىر دىۋان قىلىپ چىقسىڭىز بولغىدەك...ئىزدىنىش روھىڭىزغا ئاپىرىن!!

يىڭى يىللىق دەم ئېلىش كۈنلىرىمدە سىزنىڭ غەزەللىرىڭىزنى قايتا ئوقۇپ چىقتىم.
ئامان بولغايسىز ،مۇئەللىم....

ئابلاجان، شېئىرلىرىڭىز بىر-بىرىدىن ياخشى چىققىلى تۇرۇپتۇ. سان جەھەتتىنمۇ خېلى كۆپقۇ دەيمەن؟ توپلام قىلىپ نەشىر قىلدۇرسىڭىز،  كۆرسەك بۇلاتتى؟

forum.php? ... &extra=page%3D3

ھەقىقەتەن بەلەن يىزىپسىز ،راۋرۇس ئۈنلەپسىز

يېڭى يىلغا ئېچىنىشلىق ئۈنلەپ تۇرۇپ كىرىپسىز ئۇستاز ! بەلكىم بۇ ئۈنلەشلىرىڭىز  ئۇلۇغۋار پىلانلىرىڭىزنىڭ روياپقا چىقىشىغا تۈرتكە بولۇپ قېلىشى مۇمكىن .....

يېڭى يىل بىلەن باشلانغان ئۈنلىرىڭىز ئۈزۈلمىگەي ئۇستاز .

بۇ غەزەلنى بەك ھوزۇرلىنىش ئىلكىدە تەكرار ئوقۇپ كېتىپتىمەن. بەردەم بولۇڭ

       غەزەل پۈتكەن قوللارغا دەرد كەلمىگەي!