غەنىزات غەيۇرانى: رۇبائىيلار [ئۇلانما كۆچۈرۈش]

   ھۆرمەتلىك مۇسۇلمان ئۇيغۇر شائىرلار، يازغۇچىلار، ئەدەبىي ئوبزورچىلار، ئەدەبىي تەرجىمانلار، ئەدەبىي مۇھەررىرلەر يېڭى يىلىڭلارغا مۇبارەك بولسۇن! قۇچاغىڭلار ئىجادىيەت مېۋىلىرى بىلەن تولسۇن! ھۆرمەت بىلەن پولات غەنىزات غەيۇرانى.
                                   رۇبائىيلار
                             غەنىزات غەيۇرانى
       مەن ئەمەس شائىر، لېكىن شېئىرنى جاندەك سۆيگۈچى،
       سۈيىدە لەيلەپ-چۆكۈپ، ئۇتىدا شامدەك كۆيگۈچى.
       چۈشسە گەر بېشىمغا كۈن، ئېلىپ ئۇنىڭدىن كۈچ، چىدام،
        ئاچ-زېرىن قالسام ئۇنىڭ ئىلھامى بىرلەن تويغۇچى.  

         قىلمىغان بولسام كەچۈر قەدرىڭنى يۇرتۇم ئىلگىرى،
         مەن ئۈچۈن گۆھەر بۈگۈن ھەتتا تېشىڭنىڭ ھەر بىرى.
         مەيلى شاھ، مەيلى گاداي بولسۇن، ۋەتەندىنمۇ مۇھىم
         نەرسە يوق ئىنسان ئۈچۈن، بىلدىم ئېنىق بارغانسېرى.

       «ئاق» دېسە قۇندۇزنى باشلىق، مەن دېدىم «قاردىنمۇ ئاق»،
        «ياش» دېسە ئاق باش موماينى ھەم دېدىم، : «پاقلان بوۋاق».
       دەۋېرىپ  دائىم  ئەشۇنداق  جىقلا  نەپ  ئالدىم،  لېكىن
       شەكلىم ئادەملىكتە قالدى، خىسلىتىپ كەتتى يىراق.

        ھۆكۈرەپ ئۆتتۈم ئەمەلنىڭ بارىدا يولۋاس بولۇپ،
        قايسى كۈن چۈشتۈم شۇئان ئۆچتى ئۈنۈم تىمتاس بولۇپ.
        يا يۈرەكتىن ئالدى دەرت دوختۇرغا سۆرەشتى، دەرىخ
        ياكى كىردىم ئېتىكاپقا ئەل ئارا چىقماس بولۇپ.

        ئاھ، ئەجەپ تارتتىم ئۇزۇن يىل بىر پىراقنىڭ دەردىنى،
        نە پىراق، راست گەپكە بولغان ئىشتىياقنىڭ دەردىنى.
       دېسە گەر «ماي» لاينى ئەرباب، دە «بۇ پاقلان قۇيرۇقى»،
       تارتمىغىن ھەرگىز مېنىڭدەك سەنمۇ «ياق» نىڭ دەردىنى.

       بولسا شاھ، چاشقان ئەگەردە ئامىتى ئوڭدىن كېلىپ،
       ئايلىنار ئەتراپىدا  شىر پۈكلىنىپ، تەزىم قىلىپ.
        «شاھسىمىزنىڭ قۇدرىتىدىن يېرىلار تاغ چاكۇ چاك»،
       دەپ چاپارمەنلىك قىلار يولۋاس جاھانغا جار سېلىپ.

       ئامىتىڭنىڭ بارىدا يانتەقنى قىسساڭ گۈل بولۇر،
        گەر ئېشەك مىندىڭ، قارايسەنكى شۇئان دۇلدۇل بولۇر.
        ئامىتىڭ قاچقاندا ئىككى چاڭگىلىڭغا ئالتۇن ئال،
        سەن يۇمۇپ-ئاچقۇنچە چاڭگالنى ئۇ ئالتۇن كۈل بولۇر.

        بەزىلەر ئازراق ئەمەل تۇتتى ئەڭگۈشتەر بىلىپ،
        سانجىدى ئەل كۆكسىگە گويا ئۇنى نەشتەر بىلىپ.
        ئاخىرى ئەل ئاھى تۇتقاچ ئول «جاپلار»نى بۈگۈن،
        تاشلىدى رەسۋايىئالەم ھەممىدىن بەتتەر قىلىپ.

        ماھىرى مەن كۆرسىتىشنىڭ تۈگمىنى تاغدەك قىلىپ،
        پاختىدەك يۇمشاق قىلىپ قولنى يەنە مايلاپ تۇرۇپ.
        كۆزىتىپ دىققەت بىلەن ھەر دەم جاھان رەپتارىنى،
        تەخسە ھەم ئەربابنى ۋاقتىدا تۇرۇش ئالماشتۇرۇپ.

        ھاياتلىقتا قالىدۇ ھەربىر قەدەمنىڭ ئىزى،
        شۇ ئىز سېنىڭ ھاياتلىق، تارىخىڭنىڭ دەل ئۆزى،
       خام ئويلىما ئۆزگىلەر بىلمەيدۇ دەپ سىرىمنى،
        بار ساڭا قارايدىغان  ھەتتا  تامنىڭمۇ   كۆزى.

       ھوقۇق دەيدۇ:«مەن كۈچلۈكڭ، بۇيرۇقۇمدىن پۇل چىقار»،
       پۇل دەيدۇكى:«مەن كۈچلۈك، ھوقۇقمۇ پۇلغا باقار.»
       ۋىجدان دەيدۇ:«بەك شەيدا بولۇپ كەتمە ئۇلارغا،
       ئۇلارغا بەك شەيدالىق تېگى يوق ھاڭغا تىقار.»
                    شائىرنىڭ «100 » رۇبائىيلار توپلىمىدىن  يادلىۋالغانىدىم، يوللاپ قويدۇم.
   

         بۇ يازمىنى ئاخىرىدا   Erchin تەھرىرلىگەن. ۋاقتى  2014-12-31 18:21  

دوستۇم، يېنە يىللىق سوۋغىڭىزغا تەشەككۈر! يەنىمۇ ئامەتلىك بولغايسىز، بىرگە بولسۇن يېڭى يىللىق قۇتلۇقلاشلار، قولىڭىزنى چىڭ سىقىپ:بوۋاقى

مۇسۇلمان ئۇيغۇر دېگەن گەپنى ئاڭلىسام ئۈچ خىل ئۇيغۇر يادىمغا كېلىدۇ.
بىرىنچىسى، ئىدىقۇت ئۇيغۇرلىرى ئەينى ۋاقتتا «ئۇيغۇر» دەپ ئاتىلىپ، مۇسۇلمان ئۇيغۇرلاردىن پەرقلىق ئاتىلاتتى. «ئۇيغۇر» دېگەن سۆز ئەينى ۋاقتتا ئادەت يۈزىسىدىن ئىدىقۇت ئۇيغۇر خانلىقى تەۋەسىدىكى بۇددىسىت ئۇيغۇرلارغىلا قارىتىلاتتى.
ئىككىنچىسى، خۇنەننىڭ تاۋيۇەن ناھىيىسىدىكى بۇددىست ئۇيغۇرلار (خۇنەن ئۇيغۇرلىرىنىڭ يېرىمى مۇسۇلمان، يېرىمى غەيرى مۇسۇلمان) ھەم گەنسۇنىڭ سۇنەن ناھىيىسىدىكى سېرىق ئۇيغۇرلار.
ئۈچىنچىسى، ... بۇ يازمىنى ئاخىرىدا   ئۇيغۇران تەھرىرلىگەن. ۋاقتى  2014-12-31 13:44  

ۋەئەلەيكۇم ئەسسالام ئۇستاز ،يېڭى يىل سوۋغىسى كۆڭۈللەردىن چوڭقۇر ئورۇن ئالدى

كۆپ ئەجرىڭىز بىلەن پۇتۇن تورداشلارنىڭ يېڭى يىلىنى تەبرىكلەپسىز ! رەخمەت،سىزنىڭمۇ ئىشلىرىڭىزغا بەركەت تىلەيمەن !ئامان بولۇڭ .

يەنىمۇ ئامەتلىك بولغايسىز

         تىل تەتقىقاتچىسى، ئەدىب غەنىزات غەيرۇرانى ئەپەندىنىڭ «100 رۇبائىي» ناملىق توپلىمىنى كۆرۈپ، رۇبائىيلارغا مەپتۇن بولۇپ قالغانىدىم. ھەتتا «شېئىرىيەتتتە رۇبائىي» ناملىق ماقالەمدە نەقىل ئېلىپمۇ ئۈلگۈرگەندىم. بۈگۈن شۇ رۇبائىيلارنىڭ بىر قىسمىنى بۇ يەردە كۆرۈپ، خۇش بولدۇم. مەرھۇمنىڭ روھى خۇش بولغاي ۋە يۈكسەكلەردە پەرۋاز قىلغاي!