مۇھاكىمە : مائارىپىمىزنىڭ ئۇنتۇلغان تۆتىنچى بۇرجىكى (قىسقا ئوبزۇر) [ئۇلانما كۆچۈرۈش]

مائارىپىمىزنىڭ ئۇنتۇلغان تۆتىنچى بۇرجىكى

(قىسقا ئوبزۇر)

ھېبىبۇللا ئابلا مۇھاكىمە

    ھەممەيلەنگە مەلۇم بولغىنىدەك نۆۋەتتىكى مائارىپ ئائىلە مائارىپى ، جەمئىيەت مائارىپى ۋە مەكتەپ مائارىپىدىن ئىبارەت ئۇچ بۇرجەكتىن تەشكىل تېپىپ ، ئىز باسارلارنى تەربىيلەشنى مەقسەت قىلىپ ، ئىمتىھان مائارىپى ، ساپا مائارىپى ......قاتارلىق نۇرغۇن مائارىپ شەكلىنى باشتىن كەچۈرگەن بولسىمۇ يول ئاچارلارنى يېتەرلىك يېتىشتۈرەلمەسلىكى ، ئەكسىچە مائارىپ تەربىيىسىنى ئانچە كۆرمىگەن مويەن ئەپەندىنىڭ جۇڭگو مائارىپىغا يول كۆرسىتىپ نوبېل ئەدەبىيات مۇكاپاتىغا نائىل بۇلۇشى  بىلەن خەنزۇچە تور  بېكەتلىرىدە ۋە ئويغۇرچە تور  بېكەتلىرىدە نۇرغۇن بەس- مۇنازىرىلەر يۇقىرى دولقۇنغا كۆتۇرۇلۇپ ،  ھازىرغىچە بېسىقمىدى ، بەلكىم ، مائارىپ ھەققىدە تالاش- تارتىشلار يىراق كەلگۈسىدىمۇ توختىماس .
ئەگەر پۈتۈن مەملىكەت خەلقىدىن 3+2=؟ دىن ئىبارەت بىر سۇئال سورالسا ،ئىنتايىن ئازساندىكى سېستىما ئىلىمى ياكى نىسبىيلىك نەزەرىيىسى خەۋەردارلىرىدىن  باشقا مۇتلەق كوپ ساندىكى بارلىق كىشىلەر 5 دېگەن جاۋاپنى ئاپتۇماتىك ھالدا بىرىدۇ ، 5تىن چوڭ ياكى ياكى كىچىك دېگۈچىلەر ھەتتا ئاشۇ مۇتلەق كوپ ساندىكى كىشىلەر تەرىپىدىن <<ساراڭ>> لىق بىلەن سۈپەتلىنىدۇ ، مانا بۇ پىروگىراممىلاشقان مائارىپنىڭ فورمۈلىلاشقان نەتىجىسىدىن ئىبارەت.
مائارىپىمىزنىڭ مەقسىدى توغرىسىدىكى تېخىمۇ كۈلكىلىك ۋە ئەجەپلىنەرلىگى شۇكى <<....ياراملىق ئىزباسارلارنى يىتىشتۇرۈش >> تىن ئىبارەت بولسا كېرەك ، مېنىڭچە مائارىپ يالغۇز تۈركۇملەپ ئىز باسارلارنىلا ئەمەس ،يەنە سان-ساناقسىز يول ئاچارلارنىمۇ يىتىشتۈرەلىشى كېرەك.
   خوش ، مائارىپنىڭ ئۇچ بۇرجىكى يۇقۇرىدا قەيت قىلىنغاندەك ئائىلە ، جەمئىيەت ۋە مەكتەپتىن ئىبارەت  بولسا ، تىمىدا ئوتتۇرىغا قۇيۇلغان ئۇنتۇلغان تۆتىنچى بۇرجەك قايسى؟
   ئەگەر ، مائارىپ –تەربىيىلەش ھەركىتى بولسا ، ئۇ ھالدا ئۇنتۇلغان توتىنچى بۇرجەك شەخسىنىڭ ئۇز-ئۇزىنى تەربىيلىشىدۈر.
   جۇبىسنىڭ  <<ئالمىسى>> ، ئېينىشتېيىننىڭ <<تېنزورى>> ، مايۇننىڭ <<ئالى بابا>> ، كىرنىڭ<< ئۆڭكۈرى>> ، خاۋكىڭنىڭ  <<پارلېنىشى>> ، مۇزاتنىڭ  <<كۇيى>> ، ئاماننىسانىڭ <<مۇقامى>> ، سۇرۇسنىڭ  <<كۇۋانتى >>  ، مۇيەننىڭ  <<قىزىل قونىقى >>.......تېگى –تەكتىدىن ئالغاندا ئۇز-ئۇزىنى تەربىيلېشىنىڭ نەتىجىسىدۇر.
شەخسنىڭ ئوز-ئۇزىنى تەربىيىلىشى بولمىسا ، يول ئاچارلارنىڭ  تۈركۇم-تۈركۇم يېتىشىپ چىقمىقى بەسى-مۈشكۈلدۇر.
مائارىپتىكى ئۇچ بۇرجەكنىڭ ماھىيەتلىك مەقسىدى- شەخسىنىڭ ئۇز-ئۇزىنى تەربىيلەشكە يىتەكلەش ۋە ئۇنىڭ ئۈچۈن مۇلازىمەت قىلىشقا ئايلانغاندا ، بىزنىڭ مائارىپىمىز جۇملىدىن  جۇڭگو مائارىپى نوقۇل ھالدىكى ئىز باسارلارنىلا  ئەمەس يول ئاچارلارنىمۇ كوپلەپ تەربىيلىيەلەيدۇ !.


مەزكۇر يازمىنى مەنبەنى ئەسكەرتىپ خالىغان تور بەتكە يۆتكەپ ، قانۇنلۇق ئىشلەتسىڭىز بولىدۇ.

ئۆزىنى تەربىيلەش بۈرجىكى- بارلىق مائارىپ بۈرجەكلىرىنىڭ ئۇل تېشىدۇر. ئۇ بولمىسا مائارىپنىڭ قالغان ئۈچ بۈرجىكى ئولتۇرشۇپ كېتىدۇ.

ئەمما بۇ بۈرجەككە نىسبەتەن  مائارىپىمىزدا ئەھمىيەت  بىرىش بەكلا يىتەرسىز .

        ياخشى بىر پىكىر ئوتتۇرىغا قويۇلۇپتىكەن،يەنىمۇ كىڭەيتىپ يېزىلغان بولسا،تېخىمۇ جانلىق،قايىل قىلارلىق بولاتتىكەن...

مەنمۇ كېڭەيتىپ يىزىشنى ئويلىشپ باققان ، بىر قىسىم سانلىق مەلۇماتلارنى بىرىشكە توغرا كىلىدىكەن ،  ئۇنداقتا بىر قىسىم ئاۋارىچىلىقتىن ساقلانماق تەس بۇلۇپ قالىدىغاندەك ، شۇڭا بولدى قىلدىم. رەھمەت.