ئامانگۈل تۇرسۇن ئاقىن : چۈشۈمدە

چۈشۈمدە




ئامانگۈل تۇرسۇن ئاقىن



چۈشۈمدە چاقىردى گۈزەل بىر قىز،
شۈنچە تونۇش،شۈنچە يېقىملىق.
نېمىلەرنى ئېيتماقچىدۇ ماڭا ئۇ قىز،
قالدىم ئەجەپ ئىشارەتسىز،جاۋاپسىز.

ئويغانسام چۈشۈمدىن،سوغۇق شاماللار،
ئۇرۇلار شىۋىرلاپ مىسكىن جىسمىمغا.
شۇ شامالدىن بىشارەتتۇر چۈشۈم سىماسى،
ئويغانمىسام،قايتىپ كىرسەم شۇ چۈش قوينىغا.

خىيال كەپتەرلىرىم ئىزدەيدۇ چۈشتىكى قىزنى،
ھەر نەپەستە قىز سىماسى ئۆرتەيدۇ دىلنى.
شۇ شامالدىن سوراپ كۆردۇم ئىسمى-زاتىڭنى،
جىمجىت كېچە ھېچ كىرمىدى شامالنىڭ ھېدى.

چۈش قوينىدا سۇرۇپ خىيال يۈردۈم ئارالدا،
ئەشۇ قىزنىڭ خۇش ھېدىنى كۈتۈپ،شامالدا...!


2014-يىلى 12-ئاينىڭ 4-كۈنى ئۈرۈمچى بۇ يازمىنى ئاخىرىدا   Erchin تەھرىرلىگەن. ۋاقتى  2014-12-25 17:42  

  يەنە بىر ئىشلەش لازىم ئىكەن بۇ شېئىرغا، بىر قىسىم مىسرالىرىدا «پۇراق» كەمچىل ئىكەن.
ئاپتۇرغا ئوتۇق تىلەيمەن!

مۇشۇنداق بەكلا خام يازمىنى يوللىمىساق نېمە بولار؟

ئۇستازلاردىن تەلىم ئىلىشمۇ ئاپتورنىڭ ئارزۇسى بولغاچقا،شۇ ئارزۇ بويىچە يوللاپ قويۇلغان....
ئەگەر بۇ ئەقىلغا ياكى پىرىنسىپقا ئۇيغۇن كەلمەيدۇ دېيىلسە،يوللىمىساقمۇ بولىدۇ.....!سىلەرگە ئالىي تەشەككۈر...!

بۇ يەرگە بىلىم خۇمار قىززىققۇچىلار كىرىدۇ. ئادەتتە ئۇلارمۇ تەنقىتلەردىن بىلىم ھاسىل قىلساق دىيىشى مۇمكىن.
جۇملىدىن مەنمۇ شۇ

ئاپىرىن !سالامەت بولۇڭ ئۇستاز

رەھمەت...!