خۇرشىد دەۋران: مەھمۇد كاشىغەرىي

مەھمۇد كاشىغەرىي   
      
خۇرشىد دەۋران (ئۆزبېكىستان )                 
         
     
1                                 

يىراق، يىراقلاردا ، تاڭ يورۇقىدا،               
ياشىغان ئېدىردا سۈرگەنچە خىيال.               
ئاسمانۇ ، زىمىننىڭ ئوتتۇرىسىدا،              
چال تۇرار ، ساقىلىن يەلپۈيدۇ شامال.            

        ئۇ دەپتەرنىڭ ئاپئاق ۋارىقى ئوخشاش ،      
زەڭگەرى سامانى تەكشىلەپ، قاراپ.            
قەلىمىنى يالقۇنغا پاتۇرۇپ ئېلىپ ،              
" قۇياش " دېگەن سۆزنى يازدى ئاۋايلاپ.           

شۇندا دەريالاردا سۇ بولۇپ ئاقتى ،            
قىرلارغا تامچىدى گۈللەر قۇياشتىن .         
ئۇپۇققا تەلپۈنۈپ چاپتى تار يوللار،            
مايسىلار سەكرىشىپ ئۆتۈشتى تاشتىن .        
2                              
يىراق، يىراقلاردا، يىللار قەئىرىدە ،         
سۆزلەرنى ئويغۇتار ئويچان كۆزلۈك چال .   
قۇياشنىڭ تەپتى بار يۈرەك قېتىدا،        
سۆزلەرنىڭ چېڭىدىن ئاقارغان ساقال .     

چال بىلەر ، سۆز دېمەك خەلق يۈرىكى ،     
خەلق ئۆلمەس سۆزىنى يوقىتالمىساڭ .     
سۆز بىلەن تىرىكتۇر ئەلنىڭ تىلىكى ،      
سۆزلەردە تىرىكتۇر دىلدىكى ئاھاڭ.      

خىرە كۆزىنى ئۈزمەي ئاپئاق ۋاراقتىن ،   
پۈتەركەن ئەڭ ئاددى ئۇلۇغ سۆزلەرنى .   
ئۇ سۆزلەرنى ئەمەس، بەربات بولۇشتىن ،   
ئەسلىدە قۇتقۇزۇپ قالدى بىزلەرنى ....
بۇ يازمىنى ئاخىرىدا   Erchin تەھرىرلىگەن. ۋاقتى  2014-12-25 17:58  

ئېسىل شېئىر

تارىخچى ھەققىدە داستان

تارىخچى ئەما ئىدى، ئۇنىڭ قىزى
ھەممە ياق سىياھتا بۇلغانمىسۇن دەپ،
قۇپقۇرۇق سىياھداننى ئۇنىڭ ئالدىغا
كەلتۈرۈپ قۇياتتى تاڭ سەھەر بىلەن.
تارىخچى ئەما ئىدى، سىياھدانى
قۇپقۇرۇق، ئۇ بىخەۋەر تىنماي يازاتتى،
يازاتتى ۋەتىنىنىڭ تارىخىنى ئۇ،
مەن بۈگۈن ئىزدەيمەن ئاشۇ كىتابنى
ئاپئاق ۋاراقلارنىڭ قېتىنى تىتىپ...

ئەسەرنىڭ مەنبەسىنى ئەسكەرتىپ قۇيماپسىز ، ئۆزىڭىز تەرجىمە قىلدىڭىزمۇ ؟ بولمىسا ئىسىل شېئىرلار ئىكەن.

       ئاددىي-ساددا سۆز بىلەن چوڭقۇرلۇققا قاراپ شۇڭغىغان شېئىر ئىكەن. يوللىغۇچىغا رەھمەت!

ئىسىم قۇرۇسۇن، مەندە بۇنچىلىك شېئىر تەرجىمە قىلغۇدەك سالاھىيەت يوق، ئەدەبىي تەرجىمىلەر ژورنىلىنىڭ 2014- يىللىق 12-سانىغا قارىسام ئۇچراپ قالدى، شۇنىڭ بىلەن تورداشلار بىلەن تېزرەك يۈز كۆرۈشتۈرۈشنى ئويلاپلا ئەسلى مەنبەنى .ۇنتۇپتىمەن.

ئەجرىڭىزگە مىڭلارچە تەشەككۈر!!

قورولچى  داۋامى بارمۇ تۉگدىمۇ؟ بار بولسا تەرجىماننى ئەسكەرتىپ قويۇپ يوللاپ قويعان بولسىڭىز.

ئىسىل بىر شېئىر بىلەن ئۇچراشتۇرغىنىڭىزغا رەھمەت .
بۇلۇپمۇ ئەڭ ئاخىرقى مىسرالىرى بەك ياخشى يېزىلىپتۇ .

  ئېسىل شېئىركەن، تەرجىمانغا شۇنداقلا تېما يوللىغۇچىنىڭ ئەجرىگە رەھمەت!

قۇرۇلچى ئەپەندى، مۇشۇ ئېسىل شېئىرنى مۇنبەرگە يوللىغانلىقىڭىزنىڭ ئۆزىمۇ بىر بەرنا ئەمگەك جۈملىسىدىندۇر! تەشەككۈر...

سالام قۇرۇلچى، ئاۋۇ شېئىرنى ئاتاقلىق يازغۇچى ، شائىر ماخمۇد مۇھەممەد ئۇيغۇرچىلاشتۇرغانكەن، ياخشى ئىش قىلدىڭىز، ھەممىمىز بەھرلىنىدىغان بولدۇق...

خۇرشىد دەۋران ھەققىدە تولۇق مەلۇمات بىلىدىغانلار بولسا يوللاپ قويۇڭلار، مەن بەك قىزىقاتتىم....