پەرىدە ئىسمايىل مېھرى: بىلىۋال جانان

بىلىۋال جانان

پەرىدە ئىسمايىل مېھرى

قار گۈلىدەك لەيلەپ،لەپىلدەپ،
لەۋلىرىمگە قونىۋال جانان.
شەبنەملەردەك يالتىراپ  سىرغىپ،
يۈرۈكۈمگە ئېقىۋال جانان.

تومۇرۇمدا ئايلىنىپ ئېغېپ،
ۋۇجۇدۇمغا سىڭىۋال جانان.
ئەقىدىلىك ئۇرۇقلىرىڭدىن،
سۆيگۈ بولۇپ ئۈنىۋال جانان.

يىلتىز تارتىپ  تۇيغۇلىرىمغا،
چىرماشقانچە مۆكۈۋال جانان.
بەرقىڭ بىلەن ئېچىلىپ پەۋەس،
خۇش ھېدىڭنى تۆكۈۋال جانان.

مەست قىلغانچە سەزگۇلىرىمنى،
مەيلىڭ بىلەن چېلىۋال جانان.
ئامانەتلىك جاننىڭ رامى سەن،
ئىنايەتلىك  بىلىۋال جانان.

2014-يىلى 17-دىكابىر (ئاتۇش)


بۇ يازمىنى ئاخىرىدا   -مېھرى تەھرىرلىگەن. ۋاقتى  2014-12-18 01:19  

چوڭ بازاردا كۆرۈۋالغانتىم،
كۈلۈپ تۇرغان جاملىڭىزنى.
كېتىپ قالدىم ئالدىراش بولغاچ،
سالامىڭنى ئىلىك ئالغانتىم.

چىرايىڭىز نۇرلىنىپ تۇرغان،
ئۆزىڭىزمۇ تەبەسسۇم قىلغان.
مۇسا ئەخەت تونۇشتۇرغاندا،
شېئىرىڭىزنى ئىسىمگە ئالغان...

بۇ شېئىېرىڭىزدىن ھوزۇرلاندىم. يېقىشلىق شېئىر بولۇپتۇ. شېئىر لىرىكىغا تويۇنسا، ئاندىن ئوقۇرمەننىڭ قەلب تارىنى چېكىدۇ. بەدئىي ئىستىداتمۇ ئاندىن ئۆز ئىپادىسىنى تاپىدۇ. تىرىشىڭ، پەرىدە!

تاتلىق شېىركەن

  

چوڭ بازاردا كۆرۈۋالغانتىم،
كۈلۈپ تۇرغان جاملىڭىزنى.
كېتىپ قالدىم ئالدىراش بولغاچ،
ئىلىك ئېلىپ سالامىڭىزنى.

چىرايىڭىز نۇرلىنىپ تۇرغان،
ئۆزىڭىزمۇ تەبەسسۇم قىلغان.
.......


بۇ يازمىنى ئاخىرىدا   -مېھرى تەھرىرلىگەن. ۋاقتى  2014-12-18 22:06  

يىلتىز تارتىپ  تۇيغۇلىرىمغا،
چىرماشقانچە مۆكۈۋال جانان.
بەرقىڭ بىلەن ئېچىلىپ پەۋەس،
خۇش ھېدىڭنى تۆكۈۋال جانان.

گۈزەل مىسرالىرىڭىزنى ياقتۇردۇم.

سازىڭنى ئال پەرىدە،
شوخ پەدىگ چالمامسە؟
سۆزگە سۆز قايتۇرالمىدىم.
ناخشا ئېيتىپ بەرمەمسە؟
.......
  بۇرۇن بىز  تۇنۇشمايتتۇق ،
تۇنۇشۇپ قالدۇق.
مۇشۇ توربەت باغلىدى رىشتە،
ئىنكاس يازدۇق قىزغىن ھەۋەستە.
لىرىكىنىڭىزنى بەك ياقتۇرۇپ ئوقۇدۇم ،بىراق قاملاشمىسىمۇ  يانداشقۇم كەلدى. بۇ يازمىنى ئاخىرىدا   ئايشەم1 تەھرىرلىگەن. ۋاقتى  2014-12-19 11:09  

ئۆزەمچىلا قىسقارتىپ ئوقۇپ كېتىپتىمەن دېسە.(ھەرگىزمۇ مۇنداق يازسىڭىز بولاتتىيەي دېگىنىم ئەمەس جۇمۇ.ئىللا-بىللا.)
قار گۈلىدەك لەپىلدەپ،
لەۋلىرىمگە قونىۋال.
شەبنەملەردەك يالتىراپ،
يۈرۈكۈمگە ئېقىۋال.

تومۇرۇمدا ئايلىنىپ،
ۋۇجۇدۇمغا سىڭىۋال.
ئەقىدىلىك بىخىڭدىن،
سۆيگۈ بولۇپ ئۈسىۋال.

بېرەر ژۇرنالغا باسقۇدەكلا شېئىر ئىكەندۇق ھە...

ئامانەتلىك جاننىڭ رامى سەن،
ئىنايەتلىك  بىلىۋال جانان.
ئاخىرقى ئىككى مىسرانى تازا چۈشىنەلمىدىم دېسە توۋا.‹رامى،ئىنايەتلىك› دېگەن ئىككى سۆز ماڭا ياتلا.

ۋايىغا يەتكەن  لىرىكا. ئاپىرىن!