ئەدىھەم ئىبراھىم-بالىلار شېئىرلىرى(3) [ئۇلانما كۆچۈرۈش]

ئۆردەك بالا
دوراپ ئوينۇدۇم،
ئۆردەكنى‹‹غاق-غاق››
يامپاشقا قولنى،
ئۇرۇپ مەن پاق-پاق.

بالىلار دىدى،
ئۆردەكنىڭ ئۆزى.
بۇ سەت لەقەمنى،
ماڭا كىم قويدى!

شۇنىڭدىن بېرى،
ئۆردەك ئاتالدىم.
بولمىسىمۇ گەر،
ئاپئاق قانىتىم...

قاپقان
كۆپىيىپ قالغاچ،
قازناقتا چاشقان.
چاشقانغا قويدۇم،
ئاۋايلاپ قاپقان.

چىرىلداپ كەتتى،
بىر يوغان چاشقان.
كىرسەم چۈشۈپتۇ،
قاپقانغا ساقام...

ئاغمىخان
چاشقان تۇتىدۇ،
تىيىندەك ئۇچۇپ،
ئوماق ئاغمىخان.
ئۆلۈپ قاپتۇ ئۇ،
دورىنى ئەجەپ،
چاشقانغا قويسام!...



توقۇدۇم يالغان
پىلە قۇرۇتى،
توقۇيدۇ يىپەك.
يىپەك بىرىدۇ،
ئەلگە گۈل-چېچەك.

دوراپ پىلىنى،
توقۇدۇم يالغان.
يالغىنىم ئەلنى،
قىلدى مالىمان.

رەگەتكە
رەگەتكە ئاتتىم،
تەگمىدى قۇشقا.
توخۇغا ئاتسام،
تەگدى ئۇكامغا.

رەگەتكە ئاتتتىم،
يىراق ئاسمانغا.
ئاتقان تاشلىرىم،
كەتتى يولتۇزغا...

رەگەتكە ئاتتىم،
كېچىدە ئايغا.
ئاي چۈشۈپ كەتتى،
كۆلدىكى سۇغا...

مۆشۈك ۋە چاشقان
پايلايدۇ مۆشۈك،
چاشقاننى ئاخشام.
تۆشۈك كۆزىدە،
مارايدۇ چاشقان.

ئۇخلىسا مۆشۈك،
چاشقانغا بايرام.
ئويغانسا بىردىن،
بوغۇزلىنار جان!...

قاتتى
ئوينايدۇ بالا،
مۇزدا پېقىرغۇچ.
مەخسىدى ئۇنىڭ،
ئۇنى ئۇيدۇرۇش.

پېقىرغۇچ ئەنە،
نۇر بولۇپ قاتتى.
يەنە بىر بالا،
مۇز بولۇپ قاتتى....

ئۈسۈش
ئوغلۇقۇمنى ئۈگەتتىم،
مۇشتۇمۇمغا ئۈسۈتۈپ.
بەك يامان ئۇ،ھەممىنى-
يىقىتىدۇ بىر ئۈسۈپ.

سۇ ئىچۈرمەك بوپ ئاپام،
بوپتۇ بېشىن سىلىماق.
بىرنى ئۈسۈپ ئاپامنى،
قېلىپ قويۇپتۇ ئاقساق...

بىر بالا
تاپانچا قىپ قولىنى،
ئاتىمەن دىدى.
بىرنى ئىنجىقلاپ،
يەل قويىۋەتتى.

تاپانچا قىپ قولىنى،
ئاتىمەن دىدى.
بىرنى ئىنجىقلاپ،
ئاھ،چىچىۋەتتى...

ئوت ئويناش
ئوت ئوينايدۇ بىر بالا،
سەرەڭگە چېقىپ.
سەرەڭگىسى ئۇچىدۇ،
لاۋۇلداپ يېنىپ.

ئوتلىرىنى ئۆچۈرمەي،
مەكتەپكە كەتتى.
ئۇچۇپ كېلىپ شامالجان،
ئوت قويىۋەتتى.

لەگلىكىم نەدە
لەگلەك ئۇچۇردۇم،
يۈگۈرەپ ئۆگۈزدە.
قارىماي ئارتقا،
شۇڭغۇدۇم پەسكە.

سۇنۇپتۇ پۇتۇم،
قالدىم ئەلەمدە.
مېنى ئۇچۇرغان،
لەگلىكىم نەدە!...

توپ تېپىش
ۋاراتاغا توپ تەپسەم،
چىقىپ كەتتى تېشىغا.
مۇئەللىم ماڭا ۋاقىراپ،
يېتىپ كەلدى قېشىمغا.

-مانا مۇنداق تەپمەمسەن،
توپنى تەپتى قاپقىغا.
قىڭغىر چىقىپ كەتسە توپ،
چالۋاقىدى ئۇ ماڭا.

ماڭا قاراپ دىدى ئۇ،
تەپكەن ئىدىڭ سەن شۇنداق.
تەپكىنىڭنى كۆرسۈتۈپ،
قويدۇم ساڭا موشۇنداق...

كاككۇك
تۇخۇم باسماستىن،
خۇش ئاۋاز كاككۇك.
تورغاي ئوۋىسىغا،
قوياركەن تۇغۇپ.

تۇخۇمدۇن چىقىپ،
قالار ئېزىقىپ.
بىراق تورغايغا،
قالماس ئايلىنىپ.

كاككۇك-كاككۇك دەپ،
كېلەر ئانىسى.
مۇڭلىنار شاختا،
كاككۇك بالىسى...


بۇ يازمىنى ئاخىرىدا   parhat kazim تەھرىرلىگەن. ۋاقتى  2014-12-9 16:18  

دەرت كەلمىسۇن قوللارغا ! بىر-بىرىدىن ياخشى چىققان شېئىرلار ئىكەنغۇ بۇ.

ھارمىغايسىز

ئوخشاش تىراگېدىيە.

غوپۇرى ئۇكام،بۇ يەردە قانداق تىراگېدىيە باركىن،ماڭا بىر كۆرسۈتۈپ بېرىڭ!... بۇ يازمىنى ئاخىرىدا   ئەدىھەم تەھرىرلىگەن. ۋاقتى  2014-12-12 10:26  

‹‹ بالىلار ئەدەبىياتى›› -بالىلارنىڭ ئۆزىنىڭ ئەدەبىياتى بولىشى كېرەكمۇ ياكى چوڭلارنىڭ بالىلار ھەققىدىكى ئەدەبىياتى بولىشى كېرەكمۇ؟

تۇخۇم باسماستىن،
خۇش ئاۋاز كاككۇك.
تورغاي ئوۋىسىغا،
قوياركەن تۇغۇپ.

تۇخۇمدۇن چىقىپ،
قالار ئېزىقىپ.
بىراق تورغايغا،
قالماس ئايلىنىپ.

مۇبارەك بولسۇن!‹‹ كاككۇك›› شېئىرىڭىزنى بەكرەك ياقتۇردۇم...

شىئىر ھەقىقەتەن ياخشى چىقىپتۇ. قولىڭىزغا دەرت بەرمىسۇن.

ئەدھەم تىلفۇن نومۇرلىرىنى ئەۋەتىپ بەرسىلە سىللىگە ئېۋەتىپ بىردىغان نەرسە بارتى، مىنىڭ نومرۇم كوت كوت نومۇرۇم بىلەن ئوخشاش

ھازىرغۇ بوغۇملىرىنى رەتلەپلا قويسا شېئىر بولىدىغان بولۇپ كەتتى .