زۇلپىنۇر مەمىتىمىن: كۈتۈش [ئۇلانما كۆچۈرۈش]

                               كۈتۈش
  
                       زۇلپىنۇر مەمىتىمىن  

            خىيالنىڭ  كۆز يەتمەس  ئوكيانلىرىدا ،
            ئۈزىمەن غەۋۋاستەك توختىماي،تىنماي .   
            ئاختۇرۇپ  روھىمنىڭ  ئاراچلىرىدىن ،   
            ئۆزلۈكنىڭ جىسمىنى ھېچبىر تاپالماي .

            ئىزلەيمەن  ئۆزۈمگە  تەۋە  يۈرەكنى ،
            تەخىرسىز ئىنتىلىش،كۈتۈش ئىلكىدە.
            بەخت رەڭ بىر چۈشنى قالدىم قۇچاقلاپ،
            يار  ساڭا  ئىنتىزار  بولغان   كېچىدە .  
         
            كۈتۈشلەر كۆكىدە تەنھا بىر يۇلتۇز ،
            تەلمۈرەر مېھىرلىك قاراشلىرىڭغا .
            مۇھەببەت تەختىمدە شاھىنشاھ ئۆزۈڭ ،
            ئەسىرمەن چاقنىغان قاراقلىرىڭغا .
         
            يەتمىدى كۆزلىرىم ۋىسالىغا بىر ،
            مۇيەسسەر بولالماي سېنى كۆرۈشكە .
            بىر سوغۇق تەنھالىق كېزەر دىلىمنى ،
            خاتىمە بېرەلمەي تەگسىز كۈتۈشكە ... ...
                   بۇ يازمىنى ئاخىرىدا   parhat kazim تەھرىرلىگەن. ۋاقتى  2014-12-9 16:30  

   ياخشى يېزىپسىز زۇلپىنۇر! بولۇپمۇ: «بەخت رەڭ بىر چۈشنى قالدىم قۇچاقلاپ،» دېگەن مىسرادا سۈپەتلەشتىن ياخشى پايدىلىنىپسىز.

              ئىزلەيمەن  ئۆزۈمگە  تەۋە  يۈرەكنى ،
            تەخىرسىز ئىنتىلىش،كۈتۈش ئىلكىدە.
            بەخت رەڭ بىر چۈشنى قالدىم قۇچاقلاپ،
            يار  ساڭا  ئىنتىزار  بولغان   كېچىدە .

بۇ يازمىنى ئاخىرىدا   ئۈمىدجان قادىرى تەھرىرلىگەن. ۋاقتى  2014-12-9 16:13  

شىئېرىڭىز نىڭ لىرىكىلىقى كۈچلۈك، ھېسىيات چۇڭقۇر چىقىپتۇ . كىچىكىنە تەكلىپ :
ئەڭ ئاخرىقى كۇبلىتنىڭ بىرىنجى مىسىراسنى تۆۋەندىكىدەك ئۆزگەرتىپ باقسىڭىزمىكىن .

              ۋىسالغا تەلمۈرۈپ تالدى كۆزلىرىم ،
            مۇيەسسەر بولالماي سېنى كۆرۈشكە .
            بىر سوغۇق تەنھالىق كېزەر دىلىمنى ،
            خاتىمە بېرەلمەي تەگسىز كۈتۈشكە ... ...

yakturdum

ياخشى يېزىپسىز

ياخشى يېزىپسىز! داۋاملىق تىرىشىىڭ!

يەنىمۇ تىرىشقايسىز

ياخشى يېزىپسىز، تىلى خېلى جانلىق چىقىپتۇ، داۋاملىق تىرىشىڭ، سىزگە ئۇتۇق تىلەيمەن.

ياخشى يىزىپسىز ،ھارمىغايسىز !قەلىمىڭىزگە بەركەت تىلەيمەن !

بۇمۇ بولغۇدەك ، كۆپ رەھمەت

رەھمەت

ياخشى باھا بەرگەن ۋە مېنى ئىلھاملاندۇرغان بارلىق ئۇستازلارغا كۆپ رەھمەت ، تەكلىپ پىكىرلىرىڭلارنى ئايىمىغايسىلەر  

شېئىر ياخشى يېزىلىپتۇ. مېنىڭ تەكلىۋىم شېئىرنىڭ ھېچقانداق يىرىنى ئۆزگەرتمەسلىك.

  «كۈتۈش» دەملىرىدە پۆرەك ئاچقان لېرىكىڭىزغا مۇبارەك بولسۇن!